Shendetesi

Rrudhat në pjesën e poshtme të syve mund të jenë acaruese sepse janë ndër shenjat e para të plakjes.

Ato dalin më shumë në pah kur buzëqeshni, rrudhni vetullat ose qeshni me të madhe.

Shpesh, rrudhat mund të tjetërsojnë paraqitjen tuaj dhe t’ju bëjnë të dukeni të mëdhenj në moshë.

Lëkura poshtë syve është shumë delikate dhe rrudhat mund të shfaqen edhe në një moshë shumë të re si pasojë e mungesës së lagështisë.

Humbja e kolagjenit, ekspozimi në diell dhe humbja e elasticitetit të lëkurës janë të gjithë kontribues në shfaqjen e rrudhave.

Në treg mund të gjeni shumë kura premtuese që mund t’i përgatisni në shtëpi.

Megjithatë këto kura janë ideale për zbutjen e rrudhave dhe jo zhdukjen e tyre.

Kurat e rekomanduara nga AgroWeb kanë për synim ushqimin e zonës rreth syve.

Sa më e ushqyer të jetë kjo zonë aq më të zbehta do të jenë rrudhat.
Shkaktarët E Rrudhave Të Syve
Sipas të dhënave të AgroWeb.org me humbjen e kolagjenit dhe elastinës, vijat e holla transformohen në rrudha.

Ekspozimi i lartë në diell është një nga shkaktarët më të mëdhenj të shfaqjes së rrudhave.

Një tjetër arsye është kontraktimi i muskujve të fytyrës si pasojë e të qeshurës, ose duhanpirja.
Kurat Kundër Rrudhave Në Pjesën e Poshtme Të Syve
Sipas studimeve të cilave u referohet AgroWeb.org përdorimi i rregullt i një kremi hidratues mund të zbusë paraqitjen e tyre.

Kremi ose kura e duhur mund të zbusë paraqitjen e rrudhave me 20%.
Vaji i Arrës Së Kokosit
Nëse aplikoni vaj të arrës së kokosit në pjesën poshtë syve do të vëreni një zbutje të konsiderueshme të rrudhave.

Ky vaj e ushqen ndjeshëm lëkurën delikate.

Ai nxit prodhimin e kolagjenit dhe përmban shumë antioksidantë që shkatërrojnë radikalet e lira të cilat kontribuojnë tek plakja.

Vajin e arrës së kokosit duhet ta përdorni dy deri në tre herë gjatë ditës, përfshirë në mbrëmje përpara gjumit.

Pas aplikimit bëni një masazh të lehtë duke përdorur mollëzat e gishtave.
Aloe Vera
Xheli i aloe verës është shumë i mirë për të zbehur vijat e holla dhe rrudhat e syve sepse e bën lëkurën më elastike.

Xheli i aloe verës e ushqen lëkurën shumë mirë sepse është i pasur me antioksidantë.

Sipas të dhënave të AgroWeb.org përbërësit e xhelit kanë aftësi shtrënguese për lëkurën dhe e bëjnë atë më të tendosur falë nxitjes së prodhimit të kolagjenit dhe fibrës.

Përdoreni xhelin dy ose tre herë në ditë dhe bëni një masazh të lehtë.

Aloe vera është ideale për të trajtuar paraqitjen e lodhur të syve dhe heqjen e rrathëve të zinj.
Vaji i Avokados
Vajin e avokados mund ta përzieni me vaj limoni apo qitroje dhe të krijoni një kurë shumë të mirë kundër rrudhave.

Përzieni një pikë vaj limoni me një lugë gjelle me vaj avokadoje.

Më pas me mollëzat e gishtave masazhoni zonën rreth syve duke përdorur disa pika nga kombinimi i mësipërm.

Përsëriteni kurën dy ose tre herë në ditë.
Kastraveci
Ekstraktet e kastravecit ndihmojnë në rritjen e elastinës dhe ushqimin e lëkurës me antioksidantë.

Kastraveci jo vetëm që e ushqen dhe freskon lëkurën por zbut ndjeshëm shenjat e plakjes së saj.

Mbajini fetat e kastravecit për 10-15 minuta dhe më pas fërkojeni zonën lehtë me vaj të arrës së kokosit.
Si Të Parandaloni Rrudhat
Mënyra më e mirë për të luftuar rrudhat është të mësoni se si t’i parandaloni ato.

Rregullat e arta për një lëkurë elastike në zonën e syve sipas të dhënave të AgroWeb.org janë:

Përdorni krem kundër diellit

Mbani syze dielli

Pini 8-10 gota ujë në ditë për të përmirësuar kompleksitetin e lëkurës.

Hidratimi është i rëndësishëm.

Në mos kundër rrudhave, hidratohuni për të mirën e shëndetit./AgroWeb.org

Gjatë stinës së verës konsumimi I ushqimeve duhet të jenë sa më të shëndetshme.

Ja disa nga ushqimet:
1.Misri
Dy antioksidantët që ndodhen tek misri, lutein dhe zeaksantinë – na ndihmojnë kundër rrezeve dëmtuese të diellit. Për sytë, ato janë si syze dielli natyrale.
2. Kafe me akull
Një kafe e shoqëruar me akull është një mënyrë e mirë për të nisur mëngjeset e verës. Një filxhan në ditë ul rrezikun e zhvillimit të kancerit të lëkurës
3. Qershitë
Ato sjellin një sërë përfitimesh shëndetësore. Lëngu i qershisë na ndihmon të bëjmë një gjumë më të mirë gjatë netëve të nxehta të verës. Antioksidanti antocianin i ndodhur tek qershitë redukton yndyrnat.
4. Domatet
Padyshim që kremi për trupin do të jetë në radhë të parë për t’u mbrojtur nga rrezet e diellit në verë. Por duke konsumuar domate, i bëni një tjetër të mirë vetes duke e mbrojtur lëkurën nga djegia. Kjo falë antioksidantit likopene që domatja e kuqe përmban
5. Shalqiri
Duke qëndruar të hidratuar mbani në formë kujtesën tuaj dhe humorin. Mbani trupin tuaj të freskët gjatë muajve të nxehtë të verës
6. Manaferrat
Manaferrat janë një burim i mirë fibrash që ndihmojnë në uljen e nivelit të kolesteroli. Gjithashtu ndihmojnë në parandalimin e rritjes së peshës.
7. Çaji i ftohtë
Sigurisht një gotë me çaj të ftohtë në një ditë të nxehtë do t’ju freskojë. Përveç kësaj ndihmon në parandalimin e sëmundjes së diabetit dhe sëmundjes Alzheimer.
8. Boronica
Boronica e freskët janë një trajtim special. Antioksidantët që boronica përmban ndihmojnë në shmangien e lodhjes së muskujve.

Tani që jemi në mes të verës, çfarë mund të jetë më mirë se të hahet diçka e freskët? Kjo është arsyeja pse të gjithë e duan shalqinin, shkruan ShkodraNews. Është frut i mirë për këtë sezon, gjithkush e pëlqen ta hajë atë si një meze e lehtë, megjithatë, besoj se të gjithë bëjmë të njëjtin gabim!

Tani dihet se ndërsa hahet shalqi, të gjithë i lëmë mënjanë farat e brendshme. Megjithatë, askush nuk e di se ata kanë përfitime shumë të rëndësishme shëndetësore.

Pas leximit të gjithë kësaj, do të shihni se idetë tuaja do të ndryshojnë përgjithmonë.

Dashamirët e këtij fruti duhet ta lexojnë këtë artikull dhe ta kuptojnë rëndësinë e gjithë kësaj. Përveç se mban trupin tonë të hidratuar dhe ruan një ekuilibër të mirë të lëngjeve, shalqini gjithashtu ka përfitime të tjera shëndetësore, por në fara. Ato përmbajnë vitamina A, B dhe C dhe minerale si, magnezi dhe hekuri, shkruan ShkodraNews. Këto janë shumë të rëndësishme për mbajtjen e trupit tonë të balancuar, duke shmangur kështu sëmundjet.

Farat janë gjithashtu shumë të pasura me proteina, të cilat përbëhen nga aminoacidet, tryptofan, acid glutamik, lizin dhe arginin. Këto rregullojnë presionin dhe trajtimin e sëmundjeve koronare të zemrës. Përveç të gjitha këtyre, fibrat e farave të shalqinit gjithashtu ndihmojnë tretjen.

Stomaku është një pjesë thelbësore në trupin tonë, siç e dimë të gjithë, dhe gjithashtu në kontakt të drejtpërdrejtë me trurin, atëherë ai reagon për çdo gjë që bëjmë, edhe ngrënien.

Ata gjithashtu mund të ndihmojnë në zvogëlimin e kolesterolit të gjakut dhe hipertensionit …

Farat mund t’i shtypni, e sapo të bëhen pluhur mund t’i vendosni ato në çaj, ose në pijen tuaj të preferuar.

Përdorimi i këtyre farave në një përzierje është një shërim i lashtë për spastrimin e veshkave, gjë që mund të ndihmojë në parandalimin e gurëve të veshkave.

Shpërndaje këtë artikull me miqtë tuaj! /Përshtati: ShkodraNews

Që në lashtësi farat e pjeprit janë përdorur si një nga kurat më të mira për shëndetin e veshkave dhe trajtimin e sëmundjeve të tyre.

Vitamina E tek farat e pjeprit mbron veshkat nga radikalet e lira. Këto fara rekomandohen të aplikohen për të mbrojtur shëndetin e veshkave ndaj dhe në mjekësinë popullore kanë një përdorim të gjerë.

AgroWeb.org sjell më poshtë një kurë të thjeshtë por shumë mirëbërëse që promovon shëndetin e mirë të veshkave dhe lufton problemet shëndetësore të tyre.

Kura me Fara Pjepri, Përgatitja dhe Përdorimi

Në përgatitjen e kësaj kur ju nevojiten 1 kg fara pjepri dhe 5 litra ujë.

Farat e pjeprit hidhen në një tenxhere të madhe, shtohet uji dhe lihen që të zjejnë derisa lëngu të arrijë në 3 litra, ose pak më shumë se gjysma e sasisë së ujit të hedhur në fillim.

Pasi lëngu është gati hiqet nga zjarri dhe lihet e mbuluar derisa të vaket, më pas kullohet dhe hidhet në shishe qelqi.

Lëngu pihet nga një filxhan tre herë në ditë për 1 deri në 3 muaj rresht.

Vlerat e Tjera Shëndetësore Të Farave Të Pjeprit

Sipas të dhënave të AgroWeb.org, farat e pjeprit janë të pasur me acide yndyrore, fibër, minerale, vitaminë E dhe proteina.

Këto fara konsiderohen të pasura me antioksidantë që pastrojnë organizmin nga radikalet e lira.

Përmbajtja e lartë e proteinës tek farat i bën ato të rekomandueshme për flokë dhe thonj të shëndetshëm.

Burim Vitaminash Dhe Mineralesh

Farat e pjeprit përmbajnë sasi të konsiderueshme të vitaminës A dhe E.

Këto vitamina që treten në yndyrë shërbejnë si antioksidantë dhe mbrojnë sytë e parandalojnë kancerin.

Sipas të dhënave të AgroWeb.org farat e pjeprit janë gjithashtu një burim i mirë i kaliumit, magnezit dhe fosforit.

Shëndeti I Sistemit Tretës

Farat e pjeprit ndihmojnë në largimin e parazitëve nga zorrët.

Me përmbajtjen e lartë të fibrës, këto fara besohet të përmirësojnë tretjen e ushqimeve.

Farat E Pjeprit Për Zemrën

Sipas të dhënave të AgroWeb.org, farat e pjeprit përmbajnë sasi të konsiderueshme të acideve yndyrore omega-3 të cilat janë të dobishme për shëndetin e zemrës.

Studimet kanë konfirmuar se antioksidantët dhe acidet yndyrore tek farat e pjeprit e mbrojnë zemrën nga stresi oksidues dhe çrregullime të tjera.

Mineralet ndihmojnë në uljen e tensionit të gjakut.

Mbipesha

Farat e thata të pjeprit mund të shërbejnë si një ushqim i shëndetshëm për ata që duan të bien në peshë.

Këto fara ndihmojnë në eliminimin e lëngjeve të akumuluara në trup dhe rregullimin e tensionit të gjakut.

Farat E Pjeprit Kundër Stresit

Nëse farat i grini në një mikser dhe formoni me to një pastë të mirëfilltë të cilën më pas e aplikoni në pjesën e ballit, do të vëreni se do të jeni më pak të stresuar dhe do të keni më pak dhembje koke./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Dhimbja e kurrizit është një nga problemet shëndetësore që prek shumë njerëz. Ekspertët kanë zbuluar disa simptoma serioze ndaj të cilave duhet kushtuar kujdes. Simptomat e dhimbjes së kurrizit, për shkak të të cilave duhet të vizitoni mjekun:

– Dhimbja e shpinës mund të shkaktojë ethe dhe djersitje që ju zgjon nga gjumi

– Vështirësi gjatë urinimit ose ndjesinë e mungesës së ujit që nuk është aty

– Humbja e kontrollit të fshikëzës ose zorrëve

– Humbja e fuqisë në këmbët

Dhimbja e shpinës mund të jetë një shenjë e një problemi serioz si një kockë e thyer në shpinë, një infeksion, sindromën cauda equina, ku nervat në pjesën e poshtme të shpinës bëhen të kompresuara rëndë.

Gjendja mjekësore që mund të shkaktohet nga dhimbja e kurrizit përfshin një disk të rrëshqitshëm, që mund të shkaktojë dhimbje prapa dhe mpirje, ndjesi shpimi në pjesën e prapme të kraharorit.

Ekspertët thonë se njerëzit me dhimbje në shpinë duhet të qëndrojnë në punë dhe të bëjnë aktivitete normale dhe të shmangin qëndrimin shtrirë në shtrat.

Studimet shkencore tani tregojnë se zgjatja e pushimit dhe shmangia e aktivitetit për njerëzit me dhimbje në shpinë çon në nivele më të larta dhimbjeje, paaftësi më të madhe, shërim më të dobët dhe mungesë më të gjatë nga puna.

Në trupin e njeriut ka më pak se një majë (0.00004%) lugë jod. Ky element kimik është i domosdoshëm në prodhimin e hormoneve të tiroides, që kanë një rol kyç në proceset metabolike qelizore dhe funksionet jetësore, si në rritjen dhe zhvillimin e disa organeve; në veçanti të trurit dhe SNQ-së (Sistemit Nervor Qendror). Ndaj furnizimi me jod në sasinë e duhur është shumë i rëndësishëm për organizmin e njeriut, duke nisur nga fëmijët e deri tek moshat e treta.

Sasia e jodit që rekomandohet për fëmijët është 90-120 mcg/ditë, ndërsa për të rriturit është 150 mcg në ditë. Duhet bërë kujdes që jodi të merret në sasinë e duhur, veçanërisht në periudhën e shtatëzanisë (200 mcg/ditë), si dhe gjatë ushqyerjes me gji të foshnjëve, për t’iu mundësuar një zhvillim normal.

Mungesa apo tepria e jodit në organizëm mund të bëhet shkak për komplikacione shëndetësore. Dy janë hormonet kryesore me bazë jodi që prodhon tiroidja, të cilat njihen si T4 dhe T3.

Mungesa e hormoneve të tiroides në organizëm shoqërohet me:

Lodhje

Përgjumje

Apati

Gjendje emocionale e rënduar

Shtim në peshë

Rrahje të ngadalta të zemrës

Lëkurë dhe flokë të thatë

Kapsllëk etj.

Pamjaftueshmëria e hormonit të tiroides te fëmijët shkakton vonesë në zhvillimin fizik dhe mendor, defekte në të folur dhe në dëgjim, ulje të përqëndrimit, vështirësi në të mësuar, paralizë etj.

Ndërsa te gratë shtatzëna, mosmarrja e jodit në sasinë e duhur mund të sjellë si pasojë dështimin, lindje të parakohshme, lindje nën peshë etj.

E ndryshme situata kur kemi tepricë të hormoneve të tiroides. Personat që kanë vlera të shtuara të këtij hormoni janë hiperaktivë, mendojnë dhe flasin shpejt, bëjnë veprime tepër të nxituara, janë intolerantë ndaj të nxehtit, kanë rrahje të shpeshta të zemrës, djersitje të lartë, rënie në peshë, etj.

Shqipëria është një vend i varfër me jod dhe ky është një problem për të gjithë vendin. Studimet e fundit të Institutit të Shëndetit Publik kanë treguar se më tepër se gjysma e popullsisë kanë mungesë të jodit në organizëm. Ndaj përveç ushqimeve që përmbajnë jod (prodhimet e detit, patatja, hurma, speci, domatja, etj), rekomandohet të përdoret gjithmonë kripa e jodizuar.

Çrregullimet e tiroides mund të prekin të gjitha moshat, por më së shumti janë të rrezikuara ato madhore dhe kryesisht të seksit femër. Moskurimi në kohën e duhur shoqërohet me pasoja të rënda në organizëm, deri edhe të rrezikshme për jetën. Ndaj nëse keni disa nga simptomat e lartpërmendura duhet patjetër të konsultoheni me mjekun endokrinolog për të diagnostikuar dhe mjekuar patologjitë që lidhen me tiroiden.

Prej vitesh, Spitali Amerikan i ka dhënë zgjidhje edhe rasteve më komplekse. Departamenti i endokrinologjisë ofron një gamë të gjerë dhe të plotë ekzaminimesh për të trajtuar të gjitha patologjitë e gjendrës tiroide.