Shendetesi

Lëngu me farat e shalqinit konsiderohet të jetë një kurë që ndihmon në pastrimin e veshkave.

Ky lëng mund të përdoret dhe për të parandaluar dhe eliminuar krijimin e gurëve në veshka.

Është i lehtë për t’u përgatitur dhe kërkon vetëm dy përbërës që në këtë stinë mund të gjenden fare lehtë.

Më poshtë do të mësoni nga AgroWeb.org mënyrën e përgatitjes së kësaj kure si dhe përdorimin e saj.

Përgatitja e lëngut me fara shalqini

Rekomandohet që të përgatitet 2 litra nga ky lëng për t’u konsumuar përgjatë një periudhe 1-2 ditore.

Ato çfarë ju nevojitet janë 4 lugë me fara shalqini dhe tetë gota me ujë.

Farat e shalqinit mund t’i mblidhni herën tjetër që do të blini këtë frut.

E vetmja gjë që duhet të kini parasysh është që farat nuk duhet të jenë të thara.

Pasi t’i keni shpëlarë më ujë të bollshëm mund t’i bluani përmes grirëses elektrike, ose me mullirin e kafesë.

Në një tenxhere hedhim ujin dhe e lëmë që të vlojë. Më pas në një enë qelqi ku kemi vendosur farat e bluara të shalqinit, shtojmë ujin që ka vluar.

I lëmë farat e shalqinit në ujë rreth 10-15 minuta, në këtë mënyrë ato kanë lëshuar të gjithë vajin që përmbajnë.

Më pas, AgroWeb.org ju këshillon të kulloni masën duke mbajtur vetëm lëngun. Pasi ai të jetë ftohur paksa mund ta vendosim dhe në frigorifer.

Si ta konsumoni?

Dy litrat e lëngut të farave të shalqinit mund të pihet për një periudhe një deri në dy ditore.

Ditën e tretë ju duhet të bëni pushim nga kjo kurë. Zakonisht sugjerohet që të pihen katër gota për çdo ditë.

Efektet në organizëm

Ky lëng është përdorur për shekuj të tërë për të kuruar personat që kanë pasur probleme me veshkat.

Farat përmbajnë disa enzima dhe vajra të cilët ndihmojnë në eliminimin e toksinave të mbledhura në veshka.

Duke arritur këtë proces ai parandalon formimin e kristalizimeve të kripërave të cilat më pas rezultojnë në gurë që bllokojnë funksionin e tyre.

Një tjetër efekt që ky lëng ka, është dhe balancimi i presionit të gjakut.

Farat e shalqinit përmbajnë disa minerale që ndihmojnë në qarkullimin e gjakut dhe zhbllokon venat nga papastërtitë, kështu që ulin presionin e lartë të gjakut.

Pa e kuptuar dhe pa informacionin e duhur njerëzit po e vrasin trupin e tyre duke konsumuar sheqer, gjë që duhet reduktuar në mënyrë të menjëhershme, para se të jetë tepër vonë.

Ajo që ne nuk dimë është se disa nga sëmundjet kronike, sëmundje të zemrës, kanceri, diabeti etj , lidhen të gjitha me konsumimin e sheqerit.

Për të shmangur sa më shumë nga këto probleme, ja 9 këshilla shkencore se si të hiqni dorë:

1) Merrni vendimin për t’u detoksikuar

Ju mund të keni shumë informacion rreth dëmeve që shkakton një produkt apo një tjetër dhe mund të silleni sikur keni marrë masa, ama asgjë nuk ndryshon nëse nuk merrni një vendim drastik. Duhet ta dëshironi vërtet ndryshimin në jetën tuaj, të jeni të bindur në mënyrë që veprimi të japë rezultatet e duhura. Kjo padyshim do të sjellë përmirësim të shëndetit tuaj mendor e fizik.

2) Hiqni dorë plotësisht, jo “me raste”

Ashtu si me çdo lloj tjetër varësie, e vetmja mënyrë për të shpëtuar është që të ndaloni konsumin tërësisht. Jo të ulni dozat herë pas here, por duhet që sheqeri të mos jetë më pjesë e dietës suaj. Ideja është që të rigjenerohen hormonet e trupit duke shpëtuar nga ajo që i kontrollon ato.

3) Ndaloni konsumin e pijeve me sheqer

Një nga armiqtë më të mëdhenj që na çon drejt varësisë ndaj sheqerit janë pijet. Sheqeri i lëngshëm është më i dëmshëm se ai i ngurtë. Për këtë duhet menjëherë të hiqni dorë nga pijet e gazuara, pijet energjike, konsumimi i tepërt i lëngjeve të frutave, çajeve të ëmbël etj.

4) Niseni ditën duke konsumuar proteina

Hani proteina në çdo vakt, mbi të gjitha mos rrini pa ngrënë mëngjesin! Kjo është mënyra e duhur për balancimin e sheqerit në gjak dhe për rregullimin e nivelit të insulinës. Niseni ditën me vezë të freskëta, konsumoni arra, brokoli, peshk dhe mish pule.

5) Merrni sa më shumë karbohidrate

Po, karbohidratet mund të jenë shumë të vlefshme, nëse merrni ato të duhurat. Konsumoni perimet jeshile, brokoli, hani kërpudha, qepë, domate, speca, patëllxhanë etj. Të gjitha këto ju ndihmojnë të detoksikoni trupin. Shmangni përdorimin e patateve të ëmbla, kungullin dhe panxharin, që përmbajnë sheqer.

6) Luftojeni sheqerin me yndyra (të mira)

Armiku juaj i vërtetë nuk është yndyra, por sheqeri. Në kundërshtim me atë që keni mësuar, nuk janë yndyrat që ju shëndoshin, por sheqeri. Kombinimi i yndyrave të duhura me proteinat në çdo vakt do të forcojë metabolizmin tuaj. Ç’duhet të konsumoni për këtë? Vaj ulliri ekstra i virgjër, vaj kokosi, gjalpë kokosi, arra dhe fara, mish peshku të pasur me Omega 3.

7) Mbani gjithmonë gati recetat e “emergjencës”

Kur ndjeni se niveli i sheqerit në gjak është rritur duhet të gjeni patjetër një zgjidhje për ta kthyer në gjendjen normale. Një gjendje e tillë mund t’ju prekë në raste apo momente ku e keni vështirë të reagoni. Kjo gjë do t’ju bëjë të ndiheni të frustruar. Por gjithmonë ka një zgjidhje. Mbani përherë me vete një pako me ushqime të shëndetshme: arra, bajame, fara kungulli, patate të skuqura ose lakër jeshile.

8) Mos u stresoni dhe merrni frymë thellë

Kur stresoheni, hormonet e trupit çoroditen. Sipas disa studimeve të fundit, duke marrë frymë thellë ju qetësoheni. Duke bërë këtë gjë, bëhet e mundur djegia e dhjamit dhe njëkohësisht reduktimi i stresit. E vetmja gjë që duhet të bëni është të merrni frymë lehtësisht. 5 herë para çdo vakti merrni frymë ngadalë dhe nxirreni atë jashtë.

9) Bëni shumë pushim

Jepini trupit tuaj gjithçka tjetër i nevojitet. Kur i mohoni trupit një gjumë të rehatshëm gjatë natës, ndikoni drejtpërdrejt në nivelet e hormoneve. Kur nuk flini mjaftueshëm, mënyra natyrale për t’i dhënë energji trupit sa më shpejt është sheqeri. Gjumi është mënyra e duhur për t’iu kundërvënë kërkesave për sheqer që në mëngjes. /atsh

“Programi kombëtar i Kontrollit Mjekësor Bazë për grupmoshën 35-70 vjeç po jep frytet e veta jo vetëm sa i takon krijimit për herë të parë të një database mjekësore për sëmundshmërinë por edhe për identifikimin, diagnostikimin dhe parandalimin e sëmundjeve invalidizuese me kosto të lartë sociale dhe financiare”

Kështu thuhet në njoftimin zyrtar nga Fondi Sigurimit të Detyrueshëm i Kujdesit Shëndetësor, që ka ndarë shifra lidhur me numrin e check-up të kryera.

Sipas FSDKSH, ajo që vihet re referuar të dhënave zyrtare është rritje e ndërgjegjësimit të popullatës për vetë rëndësinë që mbart kontrolli mjekësor bazë për identifikimin e çdo problematike shëndetësore që ky kontroll mjekësor vlerëson, nëpërmjet setit të analizave që çdo qytetar i moshës 35-70 vjeç ka mundësi të kryejë falas, çdo vit.

“Duke u mbështetur në të dhënat per 6 mujorin e parë 2018, rezulton se në total janë kryer 225,643 kontrolle mjekësore bazë në rang vendi, duke treguar një interes të lartë të popullatës për ta kryer Kontrollin Mjekësor Bazë. Në te gjitha rajonet ka një rritje të konsiderueshme të numrit të kontrolleve në vlerë absolute.  Analizimi i treguesve statistikor te kontrollit mjekësor baze gjatë këtij viti vlerësojnë se nga kontrolli i kryer kanë rezultuar 19% me risk të lartë, 34% me risk te moderuar dhe 47% me risk të ulët”,-thuhet zyrtarisht.

Më tej, FSDKSH sqaron se “rritja e numrit të kontrolleve mjekësore bazë, ka sjell diagnostikim të hershëm të sëmundjeve, ku përqindja e rasteve te referuara nga kontrolli mjekësor baze për periudhën janar -qershor 2018 rezultojnë: rreth 84,754 raste janë referuar tek mjeku specialist. Ndër këto: 49.61 % të rasteve janë referuar tek mjeku kardiolog, për sëmundje kardiovaskulare, 20.14 % janë referuar me Diabet Mellitus tek mjeku endokrinolog, 10 % janë referuar për tek mjekët Hematolog”.

Në deklaratën zyrtare theksohet se diagnostikimi i hershëm jo vetëm përmirëson cilësinë e shëndetit të popullatës por lehtëson koston e trajtimit të pacienteve si dhe drejton në mënyrë të drejtë politikat shëndetësore./atsh

Sistemi i patronazhimit po mundëson dhënien e shërbimit të specializuar afër vendbanimeve të qytetarëve.

Falë mjekëve të maternitetit “Mbretëresha Geraldinë”  që po ofrojnë shërbimin e tyre në maternitetin e Burrelit, grave po u mundësohet edhe lindja e fëmijëve pranë vendbanimeve të tyre. Kështu, ministrja e Shëndetësisë dhe Mbrojtjes Sociale, Ogerta Manastirliu i ka uruar mirëseardhjen në jetë të Eljonit.

“Mirëseerdhe Eljon
Për të gjitha gratë matjane që duan të sjellin në jetë fëmijët pranë vendbanimit të tyre, garantojmë shërbim të pandërprerë me Programin e Patronazhit. Mjekët e spitaleve universitare të Tiranës po ofrojnë shërbim të specializuar në spitalet rajonale”, thotë ministrja në faqen e saj zyrtare, në rrjetin social “Facebook”.

Sipas saj, po punohet çdo ditë për të ofruar shërbim me cilësi afër vendbanimit të qytetarëve, duke i bërë këto të fundit objektiv për ministrinë e saj./atsh

Rreth 15% e popullsisë vuan nga pagjumësia. Njerëzit kanë nevojë për rreth 8 orë gjumë të mirë çdo natë për të patur një gjendje normale të shëndetit fiziologjik dhe psikologjik.

Më poshtë po ju rendisim disa arsye përse nuk ju zë gjumi natën:

Stresi.
Skleroza.
Konsumimi i pijeve energjike.
Astma.
Menopauza.
Konsumimi i alkoolit.
Sistemi i dobët imunitar.
Ndjekja e serialeve në orët e vona të natës.

Yoga.
Barishtet mjekësore të tilla si kamomili.
Lëngu i qershisë.
Meditimi.
Pozicioni i duhur i të fjeturit.

Gjithkush ka pozicionet e tij të preferuara të gjumit, por siç rezulton, disa pozicione janë më të mira se të tjerët.

Fjetja në anën e majtë është më e dobishme për shëndetin tuaj. Një pozicion i tillë lehtëson kullimin limfatik nga truri juaj, inkurajon tretjen e duhur dhe mbështet funksionimin e shëndetshëm të shpretkës.

Pra, provoni të flini në anën tuaj të majtë dhe shikoni se si do të ndiheni!/lajmejavore

ISHP e ka mendjen tek fondet e qeverisë dhe jo tek jeta e qytetarëve.

Instituti i Shëndetit Publik ka shpërndarë një poster online sensibilizues për qytetarët në të cilin bëhet fjalë për ruajtjen e organizimit nga përdorimi i kripës.
Sipas ISHP reduktimi i kripës mbron shëndetin, por ul edhe kostot e qeverisë.
Pra në këshillën e tyre më e rëndësishme është të kursesh qeverinë se sa të ruash shëndetin.

Posteri e tregon më qartë qendrimin e tyre, “Kurseni kripën të na kurseni ne”./gazetaora