Shendetesi

Apeli i ISHP-së: Prindër, vaksinoni foshnjet sipas kalendarit

Instituti i Shëndetit Publik ka bërë apel këtë të martë për vaksinimin e popullatës.

ISHP u drejtohet sidomos prindërve që të vaksinojnë fëmijët e tyre sipas kalendarit kombëtar të vaksinimit, si dhe udhëzimeve të këtij institucioni për grupet më të rrezikuara.

Grupmosha më e prekur prej kësaj sëmundjeje infektive janë foshnjet nën dy vjeç, që përbëjnë rreth 45.1 për qind e rasteve të konfirmuara, pjesa më e madhe e të cilave në kryeqytet.

Por, ISHP-ja thekson se duhet të vaksinohen edhe të rriturit që nuk janë vaksinuar ndaj fruthit, apo që nuk kanë marrë dy doza të vaksinës.

“Vaksinimi ndaj fruthit, – thuhet në deklaratën e ISHP-së, – është mbrojtja më e mirë për ta parandaluar atë dhe komplikacionet që vijnë prej tij. Për shkak se kjo periudhë e vitit sjell rritje të numrit të rasteve të infeksioneve respiratore dhe gripit, vaksinimi bëhet edhe më i rëndësishëm për të parandaluar përhapjen e fruthit”. /atsh

Apeli i ISHP-së: Prindër, vaksinoni foshnjet sipas kalendarit Read More »

Duhanpirja, faktor kryesor i kancerit të mushkërive në 80% të rasteve

Rreth 80% e rasteve të diagnostikuara me kancer të mushkërive kanë si faktor kryesor duhanpirjen.

Specialistët e Drejtorisë Rajonale të Shëndetësisë në Vlorë ishin sot pranë të moshuarve për të rritur ndërgjegjësimin mbi eleminimin e faktorëve të rrezikut për kancer të mushkërive si dhe për të sensibilizuar çdo qytetar mbi rëndësinë e konsultës me mjekun e familjes nëse vëren ndonjë nga simptomat e mundshme.

Por, cilat janë disa nga simptomat alarmuese?
-Kollë që përkeqësohet me kalimin e kohës
-Kollë me gëlbazë,gjak prezent
-Dhimbje të vazhdueshme kraharori
-Vështirësi në frymëmarrje,humbje zëri
-Dhimbje koke,dhimbje kockash
-Lodhje më tepër se zakonisht
-Humbje në peshë apo humbje oreksi
-Infeksione të përsëritura pneumoni,bronkit

“Kanceri mund të prekë çdo njeri në mënyra të ndryshme,por secili ka fuqinë për të vepruar dhe për të marrë masa në reduktimin e impaktit të sëmundjes tek individët,familjet dhe komunitetet”, thuhet në apelin e drejtorisë Rajonale të Shëndetësisë në Vlorë. /atsh

Duhanpirja, faktor kryesor i kancerit të mushkërive në 80% të rasteve Read More »

Virusi në qarkullim sezonal, Bino: Qytetarët të vaksinohen

Ministria e Shëndetësisë ka hedhur në treg 100 mijë doza të vaksinës anti grip dhe ka nën kontroll situatën e gripit që është një virus sezonal.

Silva Bino, shefja e departamentit të sëmundjeve infektive në Institutin e Shëndetit Publik, u shpreh sot për mediet se gripi sezonal që po qarkullon në vend është AH1N1 dhe nuk është grip derri.

“Nuk është grip derri, dua të qetësoj njerëzit, nuk ka asgjë të pazakontë, është virusi sezonal që po qarkullon, i përfshirë në vaksinën e gripit, vaksinë që në bazë të studimeve që kanë ardhur nga jashtë rajonit, ka efektivitet. Ndërkohë që personat që kanë ndërruar jetë nuk kanë qenë të vaksinuar, janë të moshave 40 deri 60 vjeç dhe kanë qenë me sëmundje shoqëruese”, theksoi Bino.

Deri tani, u shpreh ajo, kemi një përdorim gati 80% të vaksinës duke inkurajuar qytetarët që të vaksinohen kundër gripit.

“Vaksinimi kryhet në çdo kohë gjatë sezonit të gripit. Vaksinimi ka filluar që në fund të nëntorit. Ndërkohë që janë 50 doza të prokuruara nga ministria e Shëndetësisë dhe 50 mijë doza të tjera që kanë ardhur si ndihmë nga task-forca botërore e shëndetit”, tha Bino.

Ekspertja e shëndetit publik, Silva Bino shpjegoi se si gripi dhe fruthi janë dy sëmundje që transmetohen nga rrugët respiratore, prandaj duhet pasur kujdes. Apeli i saj shkon për qytetarët që dyshojnë se kanë siptoma të fruthit të mos shkojnë në QSUT, por në qendrat shëndetësore për të minimizuar rrezikun e përhapjes së virusit.

Sipas saj, analizat e ISHP-së kanë konfirmuar se dy persona kanë ndërruar jetë nga komplikacione të gripit, ndërsa pritet përgjigja zyrtare për rastin e tretë.

“Personi i tretë ndërroi jetë paraditen e sotme në spitalin universitar “Shefqet Ndroqi”, i njohur nga të gjithë si “Sanatoriumi” pasi kishte probleme në rrugët e frymëmarrjes”- tha Bino.

Bino theksoi se format e rënda të gripit prevalojnë tek personat që kanë edhe sëmundje të tjera kardiake, respiratore tej./atsh

Virusi në qarkullim sezonal, Bino: Qytetarët të vaksinohen Read More »

“Infermierë për Shqipërinë”, shpallen datat e testimit me shkrim

Ministria e Shëndetësisë dhe Mbrojtjes Sociale publikoi sot listat e kandidatëve që janë kualifikuar për të marrë pjesë në testimin që do zhvillohet për profesione të shkencave mjekësore, sipas profileve dhe qarqeve.

Po ashtu, Ministria shpalli edhe datat dhe vendin e konkurrimit për infermierët dhe profesionistët e shkencave mjekësore.

Testimi do të bëhet në Godinën e Lëndëve Paraklinike (pas spitalit infektiv) Qendra Spitalore Universitare “Nënë Tereza” Tiranë, për të gjithë kandidatët, për të gjitha qarqet.

Ndërkohë datat dhe orari sipas qarqeve dhe profileve do të jenë si më poshtë:

– Qarku Shkodër, Qarku Kukës, Qarku Lezhë, Qarku Tiranë, Qarku Durrës dhe Qarku Dibër profili Infermieri datë 9 shkurt 2019, ora 12.00.
– Qarku Elbasan, Qarku Korçë, Qarku Berat, Qarku Fier, Qarku Vlorë dhe Qarku Gjirokastër profili Infermieri datë 10 shkurt 2019, ora 12.00.
– Qarku Shkodër, Qarku Kukës, Qarku Lezhë, Qarku Tiranë, Qarku Durrës dhe Qarku Dibër profilet Mami, Teknik laboratori, Teknik imazherie, Fizioterapist datë 16 shkurt, ora 12.00.
– Qarku Elbasan, Qarku Korçë, Qarku Berat, Qarku Fier, Qarku Vlorë dhe Qarku Gjirokastër profilet Mami, Teknik laboratori, Teknik imazherie, Fizioterapist datë 17 shkurt, ora 12.00./atsh

“Infermierë për Shqipërinë”, shpallen datat e testimit me shkrim Read More »

Një gotë me kos, shumë përfitime për organizmin

Një tas kos a mund të zhbëjë efektet e dëmshme të ushqimeve të larta në yndyra? Me këtë perspektivë, një studim i ri nga shkencëtarët amerikanë zbulon se gratë të cilat konsumojnë kos para një vakti të lartë në yndyra dhe karbohidrate kanë nivele më të ulëta të inflamacionit në gjak krahasuar me ato që nuk konsumojnë fare kos, raporton “Daily Mail”.

Kosi mund të parandalojë futjen e toksinave në enët e gjakut dhe forcon veshjen e brendshme të zorrës.

Konsumimi i kosit para një vakti mund të ndihmojë gjithashtu në përshpejtimin e metabolizmit dhe uljen e rrezikut për zhvillimin e sëmundjeve metabolike dhe kardiovaskuale, thonë shkencëtarët nga Universiteti Wisconsin-Madison.

Ky është studimi më i fundit që tregon se si një tas me kos mund të përmirësojë shëndetin në disa mënyra, duke filluar nga ulja e temperaturës së turpit deri tek forcimi i kockave dhe ulja e rrezikut për zhvillimin e sëmundjeve të zemrës. Madje mund të ndihmojë edhe në rënien në peshë dhe parandalimin e infeksioneve./atsh

Një gotë me kos, shumë përfitime për organizmin Read More »

Shpiket miniroboti që transporton medikamentet në trup

Zhvillohet një mini-robot që mund të udhëtojë në trupin e njeriut për të transportuar ilaç direkt në indet e sëmura, dhe që është ndërtuar në mënyrë të tillë që i përshtatet formës dhe lëvizjeve të baktereve.

Ky mini-robot u zhvillua nga Selman Sakar si dhe nga shkenctarët e universitetit Ecole Polytechnique Federale de Lausanne (EPFL) dhe Bradley Nelson nga ETH të Zyrihut.

Sipas raportimeve online në Reuters Health, roboti është disa milimetra i gjatë, dhe ndryshon formë e cila përshtatet në rrugën e tij (p.sh. enët e gjakut) dhe përbëhet nga nanokomposite të hidrogelit, të cilat mund të komandohen drejt destinacionit të synuar me anë të tërheqjes magnetike.

Pajisje të tilla mund të përdoren në të ardhmen për lëshimin e barnave në zemër të indeve të sëmura, për shembull në një sëmundje tumori. /atsh

Shpiket miniroboti që transporton medikamentet në trup Read More »

Rritja e çmimeve nga stomatologët, Konkurrenca nis vlerësimin e aktit normativ

Autoriteti i Konkurrencës ka nisur procedurat për vlerësimin e bërë nga Asambleja Kombëtare e Urdhrit të Stomatologut për përcaktimin e listës së çmimeve dysheme për shërbimet në klinikat dentare miratuar nga Asambleja Kombëtare dhe Këshilli Kombëtar.

Në një njoftim për shtyp, Komisioni i Konkurrencës bën të ditur se, do të shprehet me vendimmarrje në mbledhjen e javës së ardhshme nëse ky akt bie në kundërshtim me ligjin nr. 9121/2003.

Sipas listës së publikuar, Urdhri i Stomatologut ka vendosur çmime dysheme për një kategori të caktuar shërbimesh dentare për: Terapinë, Ortopedinë, Kirurgjinë dhe Ortodoncinë.

Autoriteti i Konkurrencës, ka mision mbrojtjen e konkurrencës së lirë dhe efektive në treg, në bazë të ligjit “Për mbrojtjen e Konkurrencës”, i cili vlerëson shkallën e kufizimit ose të pengimit të konkurrencës të çdo projekt-akti normativ që, në mënyrë të veçantë, ka të bëjë me: a) kufizimet sasiore për hyrjen në treg dhe tregtimin; b) vendosjen e të drejtave ekskluzive ose të të drejtave të veçanta, në zona të caktuara, për ndërmarrje ose për produkte të caktuara; c) imponimin e praktikave të njëjta në çmime dhe kushtet e shitjes. atsh

Rritja e çmimeve nga stomatologët, Konkurrenca nis vlerësimin e aktit normativ Read More »

Vlorë – Aktivitet ndërgjegjësues për parandalimi e kancerit të qafës së mitrës

Çdo grua mund të jetë në rrezik për kancerin e qafës së mitrës, por ka raste kur disa prej tyre janë më të rrezikuara se të tjerat.

Drejtoria Rajonale e Shëndetësisë në Vlorë ka shpjeguar se kush janë më të rrezikuara nga kjo sëmundje. Kështu, ndër to renditen ato që kanë filluar herët marrëdhënien e parë seksuale, ato që kanë partnerë seksual të shumtë, ato që kanë partnerë të cilët kanë apo kanë pasur shumë partnere seksuale, ato që kanë patur infeksione seksualisht të transmetueshme, ato që kanë imunitet të ulët, si dhe ato që përdorin në mënyrë abuzive duhanin.
Përfaqësues të Drejtorisë Rajonale e Shëndetësisë ishin sot pranë konviktit të vajzave të Qytezës Studenti për ndërgjegjësimin e çdo studenteje për rëndësinë e depistimit të kancerit të qafës së mitrës në fazë të hershme.

Bërja rregullisht e PAP-Test-it dhe e HPV testit janë mënyrat e parandalimit. /atsh

Vlorë – Aktivitet ndërgjegjësues për parandalimi e kancerit të qafës së mitrës Read More »