Shendetesi

Këtë pranverë, kushtojini rëndësi ngjyrave të ushqimeve

Me ardhjen e pranverës shpërthejnë ngjyrat dhe dëshira për t’u ndjerë më të lehtë dhe në formë.

Dhe në këtë pjesë një rol të rëndësishëm luan ushqimi i sezonit pranveror.

Pikërisht ngjyrat e ushqimeve i dërgojnë trupit tonë një mesazh të rëndësishëm për ato ushqime për të cilat kemi nevojë dhe na ndihmojnë të përforcojmë sistemin imunitar, të mbrojmë sistemin kardiovaskular si dhe të mos shtojmë në peshë.

E kuqja, ngjyra e pasionit. Ushqimet e kuqe janë të pasura me likopen, një përbërës që i bën mirë lëkurës dhe sipas studimeve mund të parandalojë forma të ndryshme të tumoreve. Ushqimet e kuqe janë aleatë të mirë për t’u mbrojtur nga sëmundjet kardiovaskulare.

Ushqimet me ngjyrë të bardhë ndihmojnë të luftoni hipertensionin, arteriosklerozën si dhe të mbani nivelet e duhura të kolesterolit.

Ngjyra jeshile, ushqimet me këtë ngjyrë pastrojnë gjakun dhe përmirësojnë shëndetin e zemrës.

E verdha ngjyra e dritës, lidhet me stomakun. Mos ju ndani vajit të ullirit ekstra të virgjër dhe mjaltit. Ushqimet me ngjyrë të verdhë janë armët e duhura kundër plakjes.

Ngjyra blu, ushqimet me ngjyrë blu janë idealë për sëmundjet kardiovaskulare dhe mirëfunksionimin e sistemit urinar. Ushiqmet me betakaroten ndihmojnë lëkurën dhe ju ndihmojnë të keni shikim më të mirë.

Në mëngjes pini një lëng portokalli ,do t’ju japë energji. Nëse doni të luftoni lodhjen besojini ushqimeve të kuqe dhe të verdha. /atsh

Këtë pranverë, kushtojini rëndësi ngjyrave të ushqimeve Read More »

Shenjat që tregojnë se reaksioni alergjik është jashtë kontrollit

Shpesh ndodh që t’i neglizhojmë apo t’i përshkruajmë si një gjendje tjetër ndryshimet në lëkurë të cilat shfaqen si rezultat i reaksionit alergjik. Bllokimi i hundës jo gjithmonë është një simptomë e gripit, ajo mund të jetë edhe shenjë e alergjisë së patrajtuar.

Ja cilat janë shenjat të cilat tregojnë se reaksioni alergjik është jashtë kontrollit.

Rrathët e errët poshtë syve

Rrathët e errët poshtë syve dhe përlotja e syve, janë gjithashtu shenja të cilat tregojnë se keni alergji. Rrathët e errët poshtë syve shfaqen për shkak të kruajtjes së syve për një kohë të gjatë. Simptoma të tilla si kruarja, teshtima, rrufa (rrjedhja e hundës) dhe lotimi i syve, mund të kontrollohen me anë të histaminës. Në rast se merrni terapi dhe nuk ndjeni asnjë përmirësim apo zhdukje të simptomave, duhet të konsultoheni me mjekun tuaj.

Bllokimi i kronik i hundës
Bllokimi i hundës që shfaqet kur jeni të sëmurë apo me grip, zakonisht zgjat një deri në dy javë. Nëse simptomat nuk kalojnë dhe zgjasin për një kohë më të gjatë, atëherë është e mundur që të kemi të bëjmë me reaksion alergjik. Gjatë periudhës së reaksionit alergjik, mukoza e hundës trashet dhe sekreton sasi më të mëdha të sekretit. Kjo mund të shkaktojë presion mbi sinuset duke sjellë shfaqjen e dhimbjes së kokës. Ilaçet për reduktimin e bllokimit të hundës do t’i lehtësojnë simptomat për një farë kohe. Për trajtimin e duhur të simptomave duhet të konsultoheni me mjekun alergolog.

Frymëmarrja e shoqëruar me zhurmë
Zhurma gjatë frymëmarrjes (fishkëllima) zakonisht lidhet me astmën, por mund të jetë edhe shenjë e reaksionit alergjik. Zhurma apo fishkëllima karakteristike në kraharor shfaqet si pasojë e kalimit të ajrit nëpër rrugët e frymëmarrjes. Zakonisht një gjendje e tillë kërkon reagim të menjëhershëm. Nëse keni një simptomë të tillë, drejtohuni menjëherë tek mjeku juaj.

Kruarja e lëkurës
Kruarja e lëkurës zakonisht shfaqet nëse keni një lëkurë të thatë. Por, në rast se kruarja zgjat për një kohë më të gjatë dhe në rast se është e shoqëruar me skuqje/ekzemë, atëherë është e mundur që edhe kjo të jetë një shenjë tjetër e reaksionit alergjik. Shkaktar për shfaqjen e këtij reaksioni shpesh mund të jetë sapuni, detergjenti, kontakti me kafshët, etj.

Problemet me përqendrimin
Kruarja, bllokimi i hundës dhe irritimi i lëkurës mund të ndikojnë në reduktimin e përqendrimit. Nëse vëreni se nuk mund të përqendroheni ndaj ndonjë detyre apo angazhimi të veçantë, konsultohuni te mjekun në lidhje me ndryshimin e terapisë.

Lodhja
Alergjia mund të ndikojë në reduktimin e energjisë. Për një kohë shumë të shpejtë, simptomat mund të shkaktojnë çrregullim të cilësisë së gjumit, gjithashtu ndikojnë në sistemin imunitar, gjë e cila shkakton lodhje. Shkaktar për ndjenjën e lodhjes mund të jetë edhe përdorimi i antihistaminës. Konsultohuni me mjekun tuaj në rast se lodhja zgjat për një kohë të gjatë. /atsh

Shenjat që tregojnë se reaksioni alergjik është jashtë kontrollit Read More »

Rreziku i obezitetit mund të parashikohet që në lindje

Një test gjenetik është në gjendje të parashikojë rrezikun e obezitetit që në lindje.

Ai funksionon në sajë të algoritmeve që përpunojnë informacion nga më shumë se dy milionë variante gjenetike që ndikojnë në Indeksin e Masës së Trupit, sipas një kërkimi shkencor të udhëhequr nga Instituti i Teknologjisë në Masaçusets dhe Universiteti i Harvardit, i botuar në revistën ”Cell”.

Testi llogariti saktësisht rezultatet e rrezikshmërisë së obezitetit për më shumë se 300 000 individë dhe qëllimi është të ndihmojë në parandalimin e problemeve me terapitë më efektive.

Bazuar në të dhënat e studimit mbi obezitetin, botuar në revistën ”Nature” në vitin 2015, analiza tregoi se disa njerëz janë më shumë në rrezik ndaj obezitetit sesa të tjerët.

“Rezultati është i lidhur me diferencat minimale të peshës në lindje, por efektet fillojnë të duken qartë që në fëmijërinë e hershme dhe bëhen gjithnjë e më të theksuara me kalimin e viteve’’, shpjegon Sekar Kathiresan, një nga autorët e studimit.

“Në rastin e obezitetit, një dietë e ekuilibruar dhe aktivitet fizik mund të kundërveprojë ndaj predispozicionit gjenetik”, shton ai./atsh

Rreziku i obezitetit mund të parashikohet që në lindje Read More »

Vitaminat e domosdoshme për lëkurë dhe flokë të shëndetshme

Vitaminat janë esenciale për të gjithë trupin, ato ndihmojnë për të mbajtur lëkurën dhe flokët e shëndetshëm.

Me ndryshimin e sezonit, është mirë të fillosh me vitamina, për mirëqenien e organizmit dhe të trupit.

A, B, D, E: këto janë disa nga vitaminat e rëndësishme për lëkurën dhe flokët. Nëse C është thelbësore për produktet e ndriçimit të bukurisë, vitaminat e tjerë gjithashtu kryejnë funksione themelore. Duke pasur parasysh ndryshimin e sezonit dhe ardhjen e motit të mirë tani është mirë të njihni vitaminat se cilat duhet ti përdorim dhe funksionin e tyre.

Vitamina A

Nëse doni të keni një lëkurë të bukur duhet vitamina A. Ajo kryen një veprim themelor antioksidues dhe mbrojtës qelizor kundër dëmtimit të plakjes, zbut rrudhat dhe lufton pikat e errëta në lëkurë. Vitamina A riparon lëkurën kur ajo irritohet, kontrollon ekuilibrin e duhur të prodhimit të sebumit dhe ndihmon në rindërtimin e qelizave të dëmtuara, prandaj është thelbësore për të gjitha produktet detoksifikuese dhe hidratuese në mbrëmje.

Vitamina B

Thonjtë që thyhen, flokë të errët e pa jetë që këputen, kjo arsye mund të jetë mungesa e vitaminës B. Kjo vitaminë e veçantë është paraardhësi i një familje të madhe, grupi i B me saktësi, secila me funksionin e vet të veçantë. E pranishme në disa ushqime, kjo vitaminë është e rëndësishme kur doni të riktheni shëndetin dhe vitalitetin në flokë dhe thonj. Në veçanti, B6 dhe B8 zvogëlojnë stresin oksidativ që gjithashtu shënohet në kulm, sepse stimulojnë sintezën e proteinave, në këtë rast keratin. Prandaj është një grup i vitaminave esenciale sidomos gjatë ndryshimit të sezonit, një periudhë në të cilën në veçanti flokët janë nën stres.

Mos harroni B3: ajo përforcon barrierën e lëkurës në mënyrë të tillë që lëkura të mbajë hidratimin duke larguar papastërtitë dhe ndotësit. Gjithashtu zvogëlon praninë e hiperpigmentimit inflamator, të tilla si puçrra fytyre, duke siguruar kështu një fytyrë të freskët e të pastër.

Vitamina D

Vitamina D = dielli. Mungesa e vitaminës D mund të shkaktojë disa sëmundje, prandaj prania e saj në trup është e rëndësishme. Dhe, kur nuk është e mjaftueshme, një nga zgjidhjet është që të ekspozoni veten në diell. Studimet e kohëve të fundit në fakt kanë treguar se rreth 80-90% e vitaminës së akumuluar sintetizohet falë diellit, pastaj, pas sintezës, kjo shpërndahet në tërë organizmin.

Kjo është arsyeja pse skandinavët kanë një mangësi të vitaminës D për shkak të shumë orëve të errësirës. Bazë mbi të gjitha në nivel mjekësor, niveli i tij në fakt parandalon osteoporozën dhe disa forma të kancerit. Vitamina D stimulon gjithashtu zhvillimin e seratoninës, hormon i lumturisë, kështu që kur jemi në diell ndjejmë një ndjenjë të mirëqënies.

Vitamina E

E quajtur “vitamina e rinisë”, është një aleat shumë i rëndësishëm në luftën kundër rrudhave dhe shenjave të mimikës, në mënyrë që të jetë një përbërës i rëndësishëm i kremrave dhe serumeve antiplakje. Ajo gjithashtu forcon barrierën e lëkurës, kjo është dhe arsyeja pse ajo është e përfshirë edhe në kremrat pas diellit pasi ndihmon në largimin e formimit të strijave dhe të djegurave të lëkurës nga dielli. /atsh

Vitaminat e domosdoshme për lëkurë dhe flokë të shëndetshme Read More »

Trumza, “fabrikë” e fuqishme terapeutike për shëndetin

Trumza është një “fabrikë” e fuqishme terapeutike, e cila mund të përmirësojë shëndetin tonë të përgjithshëm dhe të sigurojë përfitime të shumta për shkak të përmbajtjes së lartë të mineraleve, të tilla si kalcium, hekur dhe kalium, dhe në sajë të veprimit të saj antioksidant.

Trumza rregullon presionin e gjakut, heq kolitet dhe bronkitet, nxit prodhimin e qelizave të kuqe të gjakut, heq lodhjen kronike, lufton astmën, pezmatimin e fytit, marramendje dhe simptomat e lupus, dhimbjet muskulare, artritin reumatik dhe probleme të lidhura me tiroidet.

Ajo mund të shtohet në ushqimin tonë, ose ju mund të përgatisni një çaj sipas një recete të thjeshtë, ju keni nevojë për një pjesë të vogël të trumzës (të freskëta apo të thata), 250 ml ujë dhe një lugë çaji mjaltë. /atsh

Trumza, “fabrikë” e fuqishme terapeutike për shëndetin Read More »

Ushqimet që konsumojmë gabim çdo mëngjes

Mëngjesi është një nga vaktet më të rëndësishme në organizmin e një individi.

Nga dietologët rekomandohet që të marrim sa më shumë energji, duke përdorur ushqimet e duhura.

Por ”Healthline” ka publikuar se cilat janë disa nga ushqimet, të cilat nuk rekomandohen të konsumohen sapo keni nisur ditën.

Drithërat: Të gjithë priremi drejt konsumimit të sa më shumë drithërave në mëngjes. Por kur ato shoqërohen me mjaltë, çokollatë dhe çokokrem, niveli i sheqerit rritet.

Kjo bën që të mos rekomandohen për përdorim në mëngjes.
Buka: Të gjithë kemi tendencën që të ushqehemi sa më shumë në mëngjes, duke i shtuar vaktit tonë sa më shumë kalori.

Prandaj gjithçka çfarë hamë e shoqërojmë me bukë. Por përdorimi i saj çon drejt shtimit të kilogramëve. Për këtë dietologët nuk e rekomandojnë konsumimin e saj.

Kos me fruta: Ndoshta frutat mund të jenë bio, por ato kanë sheqer në përbërjen e tyre. Prandaj nuk rekomandohet që kosi të konsumohet i përzier me fruta.

Qumështi: Shpesh priremi të pimë një gotë qumësht çdo mëngjes dhe ky është një ndër ritualet më të zakonshme të shumëkujt. Por ky është një gabim shumë i madh, sipas ekspertëve qumështi do shumë të tretet. /atsh

Ushqimet që konsumojmë gabim çdo mëngjes Read More »

Gratë plaken 3,8 vite më vonë se burrat

Truri i grave plaket më ngadalë dhe, për të njëjtën moshë, është të paktën tre vjet më i ri se truri i burrave, sipas një studimi në Universitetin e Uashingtonit dhe i botuar në revistën e Akademisë Kombëtare të Shkencave të Shteteve të Bashkuara, PNAS.

Rezultati është bazuar në vrojtimin e trurit të 205 personave dhe mund të shpjegojë pse gratë kanë tendencë të jenë më pak të prekshme sesa meshkujt ndaj sëmundjeve neurodegjenerative që lidhen me moshën.

Karburantet kryesore të trurit janë sheqernat dhe dihet mënyra se si kjo ndryshon me kalimin e viteve, ndërsa shumë pak dihet për dallimet metabolike midis meshkujve dhe femrave.

“Po fillojmë të kuptojmë se faktorë të ndryshëm që kanë të bëjnë me seksin ndikojnë në plakjen e trurit dhe në cenueshmërinë ndaj sëmundjeve neurodegjenerative”, theksoi koordinatori i studimit, Manu Goyal.

“Duke analizuar metabolizmin e trurit mund të kuptojmë disa nga dallimet që shfaqen midis burrave dhe grave, teksa bëhemi më të vjetër”, theksoi Goyal.

Dallimi u gjet në të gjitha moshat, duke filluar nga mosha 20 vjeç.

“Nuk është truri i njerëzve që rritet më shpejt. Në fakt, burrat arrijnë moshën madhore rreth tre vjet pas grave dhe kjo diferencë vazhdon gjatë gjithë jetës”, shpjegon Goyal.

“Ne ende nuk e dimë kuptimin e këtij zbulimi, por mendoj se kjo mund të jetë arsyeja pse gratë janë më pak të ndjeshme ndaj plakjes, sepse truri i tyre është në të vërtetë më i ri”, përfundoi Goyal./atsh

Gratë plaken 3,8 vite më vonë se burrat Read More »

Mungesa e baktereve te zorrët shkak për depresion

Mungesa e disa baktereve specifike te zorrët mund të jetë shkak për çrregullime depresive tek individët, sipas studimit të botuar në revistën ”Nature Microbiology” që përfshinte dy mostra prej mbi 1 000 individë të ekzaminuar.

Udhëhequr nga Jeroen Raes e VIB-KU Leuven, në Belgjikë, studimi gjeti se dy lloje të baktereve, Coprococcus dhe Dialister, janë vazhdimisht në nivel të ulët në zorrët e njerëzve që vuajnë nga depresioni, dhe për këtë arsye një grup i ekspertëve kanë lidhur veprimtarinë e disa baktereve të zorrëve me shëndetin mendor, në veçanti aftësinë e baktereve për të prodhuar një substancë të ngjashme me ‘dopaminën’ (edhe një neurotransmitter lidhur me ndjenjën e kënaqësisë).

Ekspertët kanë studiuar më parë gjenomën e baktereve të zorrëve të 1 054 personave të përfshirë në projektin ‘’Flemish Gut Flora Projekt’’ dhe më pas e përsërisnin analizën në një mostër të dytë prej 1 062 individësh që i përkisnin projektit hollandez ‘’LifeLinesDEEP”.

Në mostrat e ekzaminuara ka pasur edhe pacientë të prekur nga çrregullime depresive. Në të dyja rastet studimet zbuluan dallimet në përbërjen e gjenomit të zorrëve të individëve të diagnostikuar me depresion në krahasim me subjektet e kontrollit të shëndetshëm.

Gjatë zbulimit shumëllojshmëria e llojeve të baktereve në zorrë të personave që vuajnë nga çrregullime depresive ishte më e pakët sesa e atyre pa çregullime./atsh

Mungesa e baktereve te zorrët shkak për depresion Read More »