Shendetesi

Këshillat nëse nuk ndiheni mirë gjatë një vale të nxehti

Ekspertët e Institutit të Shëndetit Publik rekomandojnë disa këshilla në rastet kur ndiheni keq nga i nxehti dhe temperaturat e larta.

Të gjithë e dinë se në ditët e nxehta problemet shëndetësore të njerëzve shtohen. Kjo ndodh për shkak të pakujdesisë së tyre dhe kënaqësisë së ditëve me diell.

Nëse nuk ndjeheni mirë gjatë një vale të nxehti, ISHP thotë:

Kërkoni ndihmë nëse ndjeheni të turbullt, të dobët, anksiozë ose keni etje të shumtë dhe dhimbje koke.

Shkoni në një ambient të freskët sa më shpejt.

Pini ujë për t’u hidratuar.

Mbani ilacet nën temperaturën 25 gradë celsius ose në frigorifer./atsh

Këshillat nëse nuk ndiheni mirë gjatë një vale të nxehti Read More »

Sëmundjet që shkaktojnë djersitjen e tepërt, ja si t’i parandaloni

Djersitja si çdo proces që kryen organizmi është gjithashtu shumë normale dhe e nevojshme për trupin. Dihet që gjatë stinës së nxehtë trupi djersit më shpejt dhe më shumë, për shkak të përballjes me temperaturat e larta.

Në shumë raste kjo është diçka normale që ndihmon nxjerrjen e toksinave jashtë trupit.

Gjithsesi edhe ky proces nëse fillon e ndodh vazhdimisht, përveçse i dëmshëm mund të kthehet në një bezdisje të madhe.

Ka disa shkaqe mjekësore, përveç vapës së tepërt se përse trupi reagon në këtë mënyrë.

Tiroidja hiperaktive

Kur tiroidja e mbiprodhon hormonin e saj, metabolizmi juaj fillon e përshpejton proceset e tij.

Në këtë mënyrë ju filloni dhe djersitni pa pushim, prandaj nëse ndjeni djersitje të mëdha pa shkak faji mund të jetë i tiroides.

Sëmundjet kronike

Sëmundjet kronike të zemrës apo mushkërive mund të bëhen shkak për djersitjen e tepërt.

Kjo sepse trupi ka vështirësi në funksionimin normal të tij, duke krijuar kështu faza djersitje të mëdha.

Hiperhidroza

Një nga diagnozat më të zakonshme kundër djersitjes së tepërt është hiperhidroza. Një çrregullim që shkakton mbiprodhim të djersës dhe aktivizon gjëndrat e djersitjes.

Në botë rreth 15 milion njerëz vuajnë nga hiperhidroza. Njerëzit e prekur nga kjo sëmundjet kanë sasi të mëdha djerse zakonisht në duar, këmbë dhe fytyrë.

Ushqimet e duhura

Një nga mënyrat më të mira për të shmangur këto probleme sipas mjekëve është stili i jetesës dhe më konkretisht, të ushqyerit.

Kjo këshillë vjen krahas trajtimeve mjekësore, ilaçeve apo kurave të ndryshme të cilat janë individuale në çdo rast.

Perimet

Mund të zgjidhni të gjitha perimet jeshile dhe të pasura me ujë pasi mbajnë trupin të hidratuar dhe bëjnë që metabolizmi të funksionojë më qetë.

Ndër to zgjidhni lakrat, spinaq, brokoli, patëllxhanët apo lulelakrat.

Kalciumi

Ushqimet me kalcium janë gjithashtu një metodë e mirë për të mbajtur djersën larg.

Të pasura me këtë proteinë janë kryesisht prodhimet e bulmetit, pra qumështi dhe djathi me nënproduktet e tyre.

Kalciumi ndihmon në rregullimin e temperaturës së brendshme të trupit dhe për rrjedhojë edhe me djersitjen e tepërt.

Vaji i ullirit

Edhe vaji i ullirit funksionon si një mënyrë e mirë për të rregulluar temperaturën e trupit dhe për të qetësuar metabolizmin. Ndaj vendoseni të parin në listën e ushqimeve dhe vajrave tuaj të preferuar.

Bananet

Bananet e pasura me kalium kanë elektrolite që ndihmojnë organizmin të vetëhidratohet. Gjithashtu edhe sasitë e mëdha të magnezit që përmban ndihmon në qetësimin e trupit dhe tretjes. /atsh

Sëmundjet që shkaktojnë djersitjen e tepërt, ja si t’i parandaloni Read More »

Djathi, ilaç i disa sëmundjeve

Djathi është një ndër ushqimet të cilin sipas ekspertëve të shëndetësisë nuk duhet ta ndajmë nga vaktet tona ushqimore. Ky ushqim është i pasur me proteina, yndyrë, kalcium, vitamina dhe minerale të cilat i bëjnë kockat dhe muskujt më të fortë.

Te djathi janë të përqendruar përbërësit më të mëdhenj të qumështit: vitaminat A, D, E dhe vitaminat e grupit B. Vitamina C nuk ka në djathë, sepse kjo vitaminë është e tretshme në ujë dhe mbetet në hirrë. Djathi përmban edhe proteina të çmuara, të cilat organizmi i njeriut nuk i prodhon vetë dhe të cilat janë të domosdoshme në jetën e përditshme.

Minerale të tilla si kalciumi dhe fosfori gjenden dhjetë herë më shumë te djathi, sesa te qumështi (më së shumti ka në djathërat e forta), ndërsa te djathërat e tjerë kjo sasi ndryshon deri në katër a pesë herë. Përbërja e kaliumit është pothuajse e njëjtë si te djathi, ashtu edhe te qumështi, ndërsa përqindja e natriumit varet nga kripa e shtuar.

Parandalon kancerin – Vitamina B që ndodhet në përbërjen e djathit forcon imunitetin e organizmit dhe ju mbron kundër sëmundjeve të ndryshme, përfshirë edhe kancerin.

Djathi ju ndihmon të humbisni, por edhe të fitoni masë muskulore. Nëse dëshironi të humbni peshë është e rëndësishme të zgjidhni djathë me yndyrë të ulët. Gjithashtu djathi mbron dhëmbët nga dëmtimi. Shkencëtarët besojnë se djathi përmban acide yndyrore të ngopura të cilat parandalojnë bllokimin e arterieve. /atsh

Djathi, ilaç i disa sëmundjeve Read More »

Shalqiri, fruti simbol i verës me vlera hidratuese dhe antioksidante

Shalqiri është fruti hidratues më i dashur në stinën e verës, i pasur me vitamina dhe minerale, është ideal për të rimarrë substancat e humbura me djersitjen.

Shalqiri ka efektin të na bëjë të ndihemi të ngopur ndërkohë që kemi marrë minimumin e kalorive. Është fantastik për dietë.

Shalqiri është i shijshëm, i freskët, ka cilësi pa fund, por në fakt, është edhe më i çmuar se ç’mendojmë.

Burim i kripërave minerale të rëndësishme si potasiumi, fosfori dhe magneziumi, përveç vitaminave, sidomos vitaminës C, shalqiri është i pasur me antioksidantë si beta karoteni dhe likopeni.

Le të zbulojmë më shumë:

Lamtumirë lodhje: Shalqiri përfshin sasi të mëdha mineralesh e vitaminash, të cilat nevojiten sidomos në verë kur, për shkak të nxehtësisë, djersitja shtohet. Një fetë shalqi, përveç se na freskon, është edhe ilaç kundër lodhjes.

Jo më hipertension: Shalqiri është një aleat i shkëlqyer për aparatin kardiovaksular, pasi ndihmon në uljen e presionit të gjakut. I varfër në sodium, falë pranisë së potasiumit dhe citrulinës, një aminoacid që ndihmon zgjerimin e venave të gjakut, ky frut është i shkëlqyer në balancimin e presionit.

Lamtumirë celulit: Shumë i pasur me ujë dhe tej mase diuretic, shalqiri është aleati ynë numër një në luftën kundër celulitit. Frut i shkëlqyer në shkarkimin e ujërave të tepërta.

Antioksidat natyral: Shalqiri është një antioksidant shumë i fuqishëm, falë vitaminës C, që lufton veprimin e radikaleve të lira, duke parandaluar plakjen dhe formimin e qelizave kancerogjene. Ndërkohë, stimulon sistemin imunitar, duke parandaluar edhe ftohjet gjatë verës.

Aleat i bukurisë: Ky frut na garanton mirëqenie të lëkurës sonë, falë përmbajtjes së beta karotenit, një pigment me veprim antioksidant, i cili u jep fruta perimeve, ngjyrën e verdhë në portokalli.

Kryen një sërë funksionesh në organizmin tonë, siç është rritja e qelizave, mbron sytë dhe është shumë i dobishëm për rritjen e kockave. Konsumimi i shalqirit vonon plakjen e lëkurës dhe e mban elastike: një eliksir i vërtetë bukurie.

Lufton inflamacionet: Shalqiri është antiinflamatori perfekt, falë likopenës, një antioksidant që ndihmon në parandalimin e patologjive, madje edhe atyre të rënda. Likopeni, bashkë me betakarotenin, stimulon në mënyrë të natyrshme prodhimin e melaninës. Kujtojmë se frutat dhe perimet me lëkurë dhe tul ngjyrë të kuqe, të verdhë dhe portokalli, duke nisur nga karotat, specat dhe domatet, janë aleatët më të mirë për ngjyrën e bukur të trupit. /atsh

Shalqiri, fruti simbol i verës me vlera hidratuese dhe antioksidante Read More »

Kujdesi për fëmijët gjatë stinës së nxehtë të verës

Ministria e Shëndetësisë dhe Mbrojtjes Sociale ka ndarë këshilla për kujdesin që duhet treguar ndaj fëmijëve gjatë temperaturave të larta të verës.

Ekspertët rekomandojnë që të mos ekspozoni fëmijët në diell deri në moshën gjashtë muajsh ndërsa për fëmijët e të gjitha moshave duhet përdorur gjithmonë kapele me strehë të gjerë.

“Kujdes!Mos ekspozoni fëmijët në diell deri në moshën gjashtë muaj. Përdorni kapelë me strehë të gjerë për të gjitha moshat. U lagni flokët shpesh, u vini syze dielli me filtra të veçantë mbrojtjeje, të certifikuar me markën CE.

Përdorni produkte për fëmijë me faktor mbrojtës jo më pak se 20 dhe në javën e parë të ekspozimit në diell përdorni produkte rezistente ndaj ujit dhe djersës me faktor mbrojtës jo më pak se 50.

U vishni rroba të gjera prej pambuku ose liri”, -rekomandojnë ekspertët. /atsh

Kujdesi për fëmijët gjatë stinës së nxehtë të verës Read More »

Nga një ngrehinë e vjetër, në një qendër moderne mjekësore, transformohet Poliklinika e Vlorës

Poliklinika e re e Vlorës, e pozicionuar në qendër të qytetit, është transformuar nga themelet.

Investimi i buxhetit të shtetit me vlerë prej 111 milionë lekësh ka shndërruar ngrehinën e vjetër në një qendër moderne mjekësore, e cila ofron për qytetarët vlonjatë dhe jo vetëm shërbime të specializuara të standardeve europiane, si dhe kushte moderne pune për 70 mjekë dhe infermierë.

Kryeministri Edi Rama ishte sot në Poliklinikën e re, e cila u shërben mbi 150 mijë qytetarëve vlonjatë, por edhe pushuesve të shumtë gjatë sezonit turistik.

Ministrja e Shëndetësisë dhe Mbrojtjes Sociale, Ogerta Manastirliu tha se një investim i rëndësishëm është dhe ai i bërë në pajisjet e Poliklinikës, të cilat janë të teknologjisë bashkëkohore.

“Poliklinika është simbol i shëndetësisë në Vlorë dhe ishte një nga investimet që planifikuam ta konceptonim, jo vetëm si infrastrukturë, por edhe si pajisje, për të gjitha shërbimet që do të ofronim për qytetarët. Poliklinika i ofron shërbime 150 mijë banorëve, por edhe pushuesve që vijnë në Vlorë. Janë një staf prej rreth 70 mjekë dhe infermierë që ofrojnë shërbimet këtu, me kushte tërësisht të ndryshuara, me standarde, ku prej dekadash nuk ishte investuar në këtë poliklinikë. Tani quhet xhevahiri i bulevardit”.atsh

https://www.facebook.com/edirama.al/videos/435248207059514/?t=0

Nga një ngrehinë e vjetër, në një qendër moderne mjekësore, transformohet Poliklinika e Vlorës Read More »

Rregulla të arta për ditët e nxehta

Të gjithë e dinë se në ditët e nxehta problemet shëndetësore të njerëzve shtohen. Kjo ndodh për shkak të pakujdesisë së tyre dhe kënaqësisë së ditëve me diell në plazh.

Për këtë arsye, ekspertët e Institutit të Shëndetit Publik japin disa këshilla dhe rekomandime që të gjithë njerëzit duhet t’i ndjekin me rigorozitet, sidomos kategori të caktuara.

Mos dilni gjatë orëve më të nxehta
Nuk duhet të dilni gjatë orëve të nxehta, që është nga ora 11 deri në 18. Ky orar nuk është i rekomanduar veçanërisht për fëmijët shumë të vegjël dhe të moshuarit. Nuk duhet të frekuentohen qendrat e mëdha urbane, ku përqendrimi i ozonit rritet për shkak të makinave dhe industrisë. Gjatë valëve të nxehta, vlerat e këtij gazi ndotës shpesh tejkalohen dhe shkaktojnë dëme në shëndetin e popullatës, sidomos për njerëzit me sëmundje respiratore ose astmë.

Mos bëni sport gjatë orëve të nxehta
Ne duhet të shmangim aktivitetin fizik në ajër gjatë orëve më të nxehta të ditës, jo vetëm nga atletët amatorë, por edhe nga atletët profesionistë.

Kujdes ndaj veshjeve
Është e domosdoshme të vishen veshje të lehta dhe të rehatshme, si në shtëpi ashtu edhe jashtë: veshje prej pambuku ose prej liri.

Jashtë shtëpisë është gjithashtu e nevojshme të mbroni kokën nga rrezet e diellit duke mbajtur kapele syze dielli.

Mos harroni kremin mbrojtës
Është e rëndësishme të mbroni lëkurën nga djegia e diellit duke përdorur krem me një faktor të lartë mbrojtës.

Kurrë mos lini dikë në makinë, madje edhe për një kohë të shkurtër

Kurrë mos i lini fëmijët apo kafshët në makinë, qoftë edhe për një kohë të shkurtër, nëse makina është e parkuar në diell. Në qoftë se merrni një makinë që ka qenë e parkuar në diell, së pari, hapni dyert në mënyrë që të freskohet vendi, dhe pastaj filloni udhëtimin me dritare të hapura ose përdorni sistemin e kondicionimit të makinës për të ulur temperaturën e brendshme.

Pini 2 litra ujë në ditë dhe hani sa më shumë fruta

Në rrethana normale, sasia e ujit në trup kontrollohet nga etja dhe produkti urinar. Jeni të etur, pini ujë, shkoni në tualet, dhe cikli i ujit përsëritet sërish. Ekspertët e Institutit të Shëndetit Publik rekomandojnë të konsumoni më shumë ujë se zakonisht dhe mos prisni deri kur të keni etje. Sipas tyre, pini 2 litra ujë në ditë dhe hani sa më shumë fruta.

Ekspertët rekomandojmë që të pini ujë nga pak dhe shpesh, sepse kjo është mënyra më e mirë për të qëndruar të hidratuar

Freskoni shtëpinë
Tregoni kujdes ndaj ushqimit, mundohuni të hani ushqime të freskëta, të bëra në shtëpi dhe shmangni ushqimet e blera jashtë. Pini sa më shumë ujë dhe lëngje të freskëta, shmangni pijet alkoolike. Mos hani shumë, hani disa herë dhe në sasi të vogla./atsh

Rregulla të arta për ditët e nxehta Read More »

Pushimet ndikojnë pozitivisht në shëndetin e zemrës

Padyshim që pushimet janë gjithnjë relaksuese dhe gjithnjë të bëjnë të ndihesh mjaft mirë, po duket se të mirat e tyre janë shumë më tepër se kaq.

Sipas një studimi të publikuar nga “Psychology and Health” pushimet e shpeshta ndikojnë nga çlirimin nga stresi dhe reduktojnë riskun e prekjes nga sëmundjet kardiovaskulare.

“Ne zbuluam se njerëzit që pushojnë më shpesh në 12 muajt e vitit kanë më pak mundësi të preken nga sindroma e metabolizmit. Kjo sindromë është një përmbledhje e faktorëve rriskues për sëmundjet kardiovaskulare. Nëse ju keni disa prej tyre keni më shumë mundësi të prekeni nga këto sëmundje”, thuhet në studim.

Gjithashtu studiuesit kanë sugjeruar që njerëzit ta shfrytëzojnë sa më shumë kohën e pushimeve, qoftë ky edhe një pushim 1-ditor. /atsh

Pushimet ndikojnë pozitivisht në shëndetin e zemrës Read More »