Shendetesi

Organizata Botërore e Shëndetësisë: Nuk ka prova që virusi transmetohet nga uji

Sipas Organizatës Botërore të Shëndetësisë, nuk ka prova që virusi COVID-19 transmetohet nga uji i pijshëm, e po ashtu nuk ka prova që ai transmetohet përmes sistemeve të ujërave të ndotura.

Programi gjerman GIZ Albania, njofton se, kur shpërthimi i kësaj sëmundjeje infektive po rrezikon shëndetin e njerëzve, shërbimet e ujësjellës-kanalizimeve luajnë një rol jetik për t’u siguruar qytetarëve funksionimin e sistemeve të furnizimit me ujë dhe kanalizime, duke marrë masat e duhura për parandalimin e transmetimit të virusit COVID-19 nga njeriu tek njeriu.

Organizata Gjermane për Bashkëpunim Ndërkombëtar (GIZ) ka zbaton në venin tonë një program të rëndësishëm për “Orientimin e Shërbimeve të Furnizimit me Ujë dhe Kanalizime drejt Performancës dhe Konsumatorit”.

Programi synon që në bashkëpunim me qeverisë dhe njësitë venore të përmirësojë sistemin e ujësjellës kanalizime, menaxhimin e qëndrueshëm të shërbimeve të ujit dhe zhvillimin e kapaciteteve të subjekteve të saj.

Objektivi i programit është që, aktorët kombëtarë dhe lokalë në furnizimin me ujë të pijshëm dhe kanalizime zbatojnë parimet udhëzuese të reformës së sektorit, veçanërisht orientimin dhe përgjegjësinë e performancës, në një mënyrë të koordinuar./atsh

Organizata Botërore e Shëndetësisë: Nuk ka prova që virusi transmetohet nga uji Read More »

Instituti i Shëndetësisë Publike apel qytetarëve: Zbatoni rekomandimet, po rrezikoni veten dhe familjen

Instituti Kombëtar i Shëndetësisë Publike të Kosovës vazhdon të bëjë thirrje qytetarëve që t’i përmbahen rekomandimeve të këtij instituti dhe mos të dalin në grumbuj gjatë orëve të lira të lëvizjes sepse janë duke rrezikuar veten dhe familjet e tyre.

“Në Prishtinë po vërehen dalje masive në orët e lira të lëvizjes. Grumbuj të njerëzve që po rrezikojnë veten dhe të gjithëve! Ju lutem kini kujdes se mund të shkaktoni shpërthim epidemik në kryeqytet”, thuhet në njoftim.

“Ju lutemi ti përmbaheni rekomandimeve të Institutit Kombëtar dhe mos dilni në grumbuj gjatë orëve të lira të lëvizjes sepse jeni duke rrezikuar veten dhe familjet e Juaja!

Në Prishtinë po vërehen dalje masive në orët e lira të lëvizjes. Grumbuj të njerëzve që po rrezikojnë veten dhe të gjithëve! Ju lutem kini kujdes se mund të shkaktoni shpërthim epidemik në kryeqytet!.

Shikoni ju lutem valën epidemike në shtetet e Europës, veni gishtin në kokë dhe mendoni. Mos pengoni ekipet e Institutit me pyetje të cilat i keni mësuar tashmë nga rekomandimet e Instituti Kombëtar dhe Ministrisë së Shëndetësisë. Na ndihmoni ta kryejmë punën sublime por mundohuni të zbatoni secili detyrën e juaj duke ruajtur shëndetin tuaj. Ju kemi lënë të pushoni dhe jo secili të marr detyrën e epidemiologut duke pyetur detaje, duke u munduar të rikonstruktojnë çdo vatër infeksioni, duke u zhytur në kureshtjen e njohjes së çdo procedure të hulumtimit. Pushoni dhe vetëm pushoni që të na lini të punojmë!Ju gjendeni në shtëpitë e juaja me familiar. Ne akoma gjendemi në punë pa orar nga 15-20 orë! Për ju! E ju për ne: JU LUTEMI QËNDRONI NË SHTËPI!/KosovaPress/

Instituti i Shëndetësisë Publike apel qytetarëve: Zbatoni rekomandimet, po rrezikoni veten dhe familjen Read More »

Artistët, dedikim për sakrificën e bluzave të bardha përballë betejës me COVID-19

Këngëtarë, instrumentistë, futbollistë, artistë dhe gazetarë sollën sot ndryshe “Kënga e mjekut”, të kompozuar nga Agim Prodani në 1963 dhe të kënduar nga artistja e madhe Anita Take.

Kjo këngë tingëllon sot më bukur se kurrë në këto ditë të vështira jo vetëm për mjekët shqiptarë, por edhe ata në botë që po përballen me koronavirusin “COVID-19”.

E realizuar me mbështetjen e Agim Prodanit kjo video është një shenjë mirënjohje të pakufijshme ndaj bluzave të bardha që me humanizmin e tyre profesional e shpirtëror janë në ballë të frontit në këtë betejë të pamëshirshme ndaj njerëzimit që ka pushtuar sot botën, vendin tonë dhe njerëzit tanë të mrekullueshëm.

Kjo këngë jehon sot si një nderim për mjekët dhe infermierët që ndodhen në spitale për të kuruar pacientët e sëmurë nga ky virus që ka pushtuar shumicën e vendeve në botë./atsh

https://www.facebook.com/Agjencia.Telegrafike.Shqiptare/videos/306363627000982/?t=0

Artistët, dedikim për sakrificën e bluzave të bardha përballë betejës me COVID-19 Read More »

Punë e palodhur e ekipit të anestezi-reanimacionit në përballje me COVID-19

Ministrja e Shëndetësisë dhe Mbrojtjes Sociale, Ogerta Manastirliu shprehu vlerësimin dhe mirënjohjen ndaj mjekëvë dhe infermierëve që janë në frontin e parë të luftës me COVID-19.

Doktor Krenar Lilaj është në krye të organizimit të punës së shërbimit anestezi- reanimacion në të gjithë stukturat spitalore shëndetësore, që do të trajtojnë personat me infeksionin e shkaktuar nga COVID-19

“Mirënjohëse për punën e palodhur të ekipit të anestezi-reanimacionit në këto ditë të vështira në përballje me COVID-19. Dr. Krenar Lilaj është në krye të organizimit të punës së shërbimit anestezi- reanimacion në të gjithë stukturat spitalore shëndetësore, që do të trajtojnë personat me infeksionin e shkaktuar nga COVID-19. I gjithë ekipi po bën një punë heroike”-u shpreh Manastirliu./atsh

Punë e palodhur e ekipit të anestezi-reanimacionit në përballje me COVID-19 Read More »

E dalë në pension prej vitesh, mjekja Burbuqe Ajazi vazhdon të shërbejë me profesionalizëm në Peqin

Mjekja gjinekologe, në Peqin Burbuqe Ajazi, megjithëse ka dalë në pension, vazhdon të shërbejë me shumë profesionalizëm, përkushtim dhe pasion në spitalin e Peqinit.

Presidenti i Republikës, Ilir Meta ka falënderuar mjeken Ajazi, e cila mbrëmë së bashku me stafin e mrekullueshëm të mjekëve të Peqinit, ka asistuar për lindjen e shëndetshme të një foshnjeje.

“Mjekja gjinekologe, Burbuqe Ajazi, ndonëse prej vitesh e ka mbushur moshën e pensionit, vazhdon të shërbejë me shumë profesionalizëm, përkushtim dhe pasion në spitalin e Peqinit, duke u kthyer në shembull të jashtëzakonshëm frymëzimi për brezat e rinj të mjekëve dhe infermierëve”, është shprehur Presidenti Meta.

“Edhe pse në një periudhë të vështirë për të gjithë shëndetësinë shqiptare për shkak të situatës së pandemisë COVID-19, mjekja e nderuar dje në mbrëmje ka dalë në punë, dhe së bashku me stafin e mrekullueshëm të mjekëve të Peqinit, ka asistuar për lindjen e shëndetshme të një bebi shumë të bukur!”, ka theksuar Meta

“Duke i uruar jetë të gjatë dhe shëndet foshnjës së sapolindur, ndaj me prindërit gëzimin për lindjen e djalit të tyre në këto momente shumë të lumtura e të veçanta për ta. Në këtë situatë të vështirë të gjithë kemi nevojë për lajme kaq të mira! Mirënjohje dhe falenderim të thellë për mjeken e nderuar Burbuqe Ajazi!”, ka përfunduar Presidenti Meta./atsh

E dalë në pension prej vitesh, mjekja Burbuqe Ajazi vazhdon të shërbejë me profesionalizëm në Peqin Read More »

Ministria e Shëndetësisë: Këshilla për menaxhimin e stresit kundrejt COVID-19

Ministria e Shëndetësisë dhe Mbrojtjes Sociale ka ndarë disa këshilla për menaxhimin e stresit kundër COVID-19.

“Është normale të ndjeheni të shqetësuar, të hutuar, të frikësuar nga kjo situatë. Bisedoni me njerëzit që ju besoni. Kontaktoni miqtë e familjarët. Nëse duhet të qëndroni në shtëpi, mbani një stil jetese të shëndetshëm. Mos përdorni duhan, alkool apo substanca të tjera për të përballuar emocionet. Nëse ndjeni që shqetësimi ju mbizotëron, bisedoni me një punonjës shëndetësor. Përgatisni një plan ku mund të shkoni e të kërkoni për shëndetin mendor nëse paraqitet e nevojshme. Mblidhni fakte në lidhje me rrezikun tek ju dhe si të merrni masa. Përdorni burime të besueshme për të marrë informacione të tilla si agjenci shëndetësore/lokale/shtetërore. Mundohuni të reduktoni kohën që ju dhe familja juaj shpenzon me informacione shqetësuese në media. Mundohuni të gjeni aftësi tek vetja që kemi përdorur në të kaluarën në situata të vështira, për të menaxhuar emocionet”, -rekomandon Ministria.

Por si mund të parandalohet COVID-19?

Së pari, sipas Ministrisë së Shëndetësisë, duhet të respektojmë oraret e daljes. Të mund të dalin nga shtëpia vetëm për nevoja jetike. Të mbajmë distancë me njëri-tjetrin, së paku një metër.

Të mbajmë distancë me njëri-tjetrin në dyqanet ushqimore, fruta-perimet, furrat e bukës dhe farmacitë. Të zbatojmë rregullat e higjienës dhe në rast problemesh shëndetësore të këshillohemi me mjekun e familjes, në rast problemesh shëndetësore.

Për informacione dhe pyetje mbi COVID-19 , është vënë në dispozicion numri 08004040, për raste të dyshuara me COVID-19./atsh

Ministria e Shëndetësisë: Këshilla për menaxhimin e stresit kundrejt COVID-19 Read More »

Qelizat e moshuara të njeriut mund të ripërtërihen

Qelizat e moshuara të njeriut mund të ripërtërihen me vite në laborator falë një kokteji proteinash tipike për zhvillimin embrional.

Teknika, e cila hap skenarë të rinj në luftën kundër sëmundjeve të lidhura me moshën, është botuar në revistën ”Nature Communications” nga laboratori i Universitetit Stanford i udhëhequr nga biologu italian Vittorio Sebastiano.

Grupi i tij ka punuar për vite me radhë për të riprogramuar qelizat e rritura (për shembull ato të lëkurës) për t’i bërë ato të kthehen ‘fëmijë’, duke i shndërruar ato në qeliza burimore të induktuara dhe të shumta.

Për ta kthyer orën mbrapa, qelizat trajtohen për dy javë me një koktej proteinash rinovuese, të cilat zakonisht shprehen gjatë zhvillimit të embrionit. Bazuar në këtë përvojë, “ne kemi pyetur veten nëse ishte e mundur të kthejmë orën e plakjes pa nxitur pluripotencë”, theksoi biologu Sebastiano.

“Tani kemi zbuluar se duke kontrolluar me rreptësi kohëzgjatjen e ekspozimit të proteinave, ne mund të shkaktojmë përtëritje në shumë lloje të qelizave njerëzore.” Pas katër ditësh trajtimi, qelizat rinovohen gjenetikisht mesatarisht nga 1.5 në 3.5 vjet, dhe madje 7.5 vjet për qelizat që mbështjellin enët e gjakut/atsh

Qelizat e moshuara të njeriut mund të ripërtërihen Read More »

Kalo apel qytetarëve: Ndërgjegjësohuni, në të kundërt do bëhemi si Italia e Spanja

Mjeku i njohur pranë shërbimit infektiv të qendrës spitalore universitare “Nënë Tereza”, Tritan Kalo ka ripërsëritur thirrjen ndaj qytetarëve për të qëndruar pranë banesave të tyre, me qëllim që të mos rrezikohen prej infektimit të COVID-19.

Kalo thotë se në njësinë nr.2 dhe nr.3 në Tiranë, ka parë njerëz të grumbulluar të cilët janë në rrezik sipas tij, për shkak të mos ruajtjes së distancës sociale, element kyç ky për të mos u prekur nga infeksioni.

“Njësia Administrative nr. 2 e nr. 3, Tiranë….25 mars 2020, ora 12:45….Në vijë ajrore vetëm 70-80 metra e ndajnë këtë grumbullim njerëzish, nga dhjetëra vëllezër e motra të tyre të hospitalizuar në Shërbimin e Sëmundjeve Infektive të QSUT “Nënë Tereza”, për COVID-19….Ju lutem, MË shumë RESPEKT, më shumë DASHURI e më shumë VLERËSIM për jetët tuaja…..Me këtë mënyrë të papërgjegjshme sjelljeje, do t’i shtoni rrezikun vetes suaj që të sëmureni nga Sars-Cov2/Covid-19….KAPACITETET në burime njerëzore dhe në infrastrukturën e shtrimeve spitalore kanë një kufi, ato NUK janë të pakufijëshme kudo në Botë, përfshirë edhe Shqipërinë….NDËRGJEGJËSOHUNI sa ende jemi larg kësaj sprove….Në të kundërt do të mbërrijmë në një ditë, që askush nuk do mundet t’ju vijë në ndihmë….Së paku dëgjoni e shihni se çfarë po ndodh aktualisht në Itali, në Spanjë e gjetkë….A ka Polici Bashkiake të pranishme në këto Njësi vendore???….JEMI të GATSHËM t’ju ndihmojmë në çdo moment, POR mos i shtyni kufijtë e mundësive të ndihmesës ndaj jush në honet e pamundësisë……..Ju LUTEM!!!!’, -thotë Kalo.z .tosku. /atsh

Kalo apel qytetarëve: Ndërgjegjësohuni, në të kundërt do bëhemi si Italia e Spanja Read More »