Shendetesi

Mesazhi i 66-vjeçarit nga Fieri që fitoi betejën me COVID-19, Manastirliu: Punë fantastike e stafit mjekësor

Ministrja e Shëndetësisë dhe Mbrojtjes Sociale, Ogerta Manastirliu, publikoi sot videon e një prej pacientëve që sot lë Spitalin e Infektivit i shëruar nga COVID-19.

Në mesazhin e tij 66-vjeçari tregon se ka mbërritur në spital në gjendje të rënduar, më tej ai thotë se falë mjekëve dhe kujdesit shëndetësor arriti të fitojë betejën me COVID-19.

Gjatë 24 orëve të fundit 9 pacientë janë shëruar duke e çuar numrin e të shëruarve nga COVID-19 në 76.

“Kam rilindur për së dyti” – Dëshmia e Kastriotit, 66-vjeçarit nga Fieri që sot u kthye në shtëpi, pranë familjes, pas 21 ditësh të vështira në spitalin Infektiv. Punë fantastike e stafit mjekësor, për trajtimin me sukses të 66-vjeçarit, i cili vuante nga diabeti, hipertensioni dhe me gjendje postinfarkti të miokardit. Sot Kastrioti është i shëruar. Forca ekipit të Infektivit”, – shprehet Manastirliu.//atsh

https://www.facebook.com/Agjencia.Telegrafike.Shqiptare/videos/666472430852600/?t=0

Mesazhi i 66-vjeçarit nga Fieri që fitoi betejën me COVID-19, Manastirliu: Punë fantastike e stafit mjekësor Read More »

OBSH, këshilla për një dietë që mbështet shëndet të mirë gjatë vetëkarantinimit

Autoriteti Kombëtar i Ushqimit ka publikuar udhëzuesin e ri që ka botuar Organizata Botërore e Shëndetësisë, se si të ushqehemi shëndetshëm gjatë karantinës së COVID-19.

Ai përmban informacione të vlefshme në lidhje me ushqimin për të mbajtur të fortë sistemin imunitar. Ajo gjithashtu ka këshilla për një dietë që mbështet shëndet të mirë ndërsa shumë prej nesh këshillohen të qëndrojnë në shtëpi dhe mund të kenë më pak mundësi për të konsumuar ushqime të freskëta dhe të jenë aktiv fizikisht.

Edhe me përbërës të paktë, njeriu mund të vazhdojë të hajë një dietë të shëndetshme. Për të mbështetur individët dhe familjet në ushqim të shëndetshëm gjatë vetëkarantinës dhe izolimit, Zyra Europiane e OBSH-së për Parandalimin dhe Kontrollin e sëmundjeve të transmetueshme (QKS) ka hartuar një seri këshillash të përgjithshme, një listë të “blerjeve më të mira të ushqimit” dhe disa shembuj të recetave për frymëzim.

Sot, ndërsa qeveritë po marrin masa më të forta për të trajtuar përhapjen e pandemisë COVID-19, bizneset janë duke u mbyllur përkohësisht dhe lajmet janë plot me informacione rreth sëmundjes. Në disa vende, restorantet dhe ofertat për shpërndarje të ushqimit po kufizohen dhe disa artikuj në supermarkete po bëhen më pak të disponueshëm.

Qasja e kufizuar në ushqime të freskëta mund të çojë në një konsum të rritur të ushqimeve shumë të përpunuara, të cilat priren të jenë të larta në yndyrna, sheqerna dhe kripë. Ndryshime të tilla në sjelljen e ngrënies mund të kenë një efekt negativ në sistemin imunitar, shëndetin e përgjithshëm fizik dhe mendor dhe mirëqenien e individëve globalisht.

Udhëzimi i sapopublikuar i OBSH / Europe për ushqimin shpjegon se si të jeni strategjik gjatë blerjes dhe përdorimit të përbërësve dhe si të ndiqni praktikat e trajtimit të sigurt të ushqimit dhe të kufizoni konsumimin e kripës, sheqerit dhe yndyrës. Publikimi gjithashtu përfshin një listë të artikujve ushqimorë, duke përfshirë produktet e konservuara, me vlera të larta ushqyese të cilat janë përgjithësisht të përballueshme, të arritshme dhe kanë një jetëgjatësi të gjatë.

“Blerjet më të mira të ushqimit”

Fruta dhe perime të freskëta që jetojnë gjatë
OBSH rekomandon të konsumoni minimumi 400 g (d.m.th. 5 porcione) frutash dhe perimesh në ditë. Agrumet si portokalli, clementines dhe grejpfrut janë opsione të mira, si dhe banane dhe mollë, të cilat gjithashtu mund të priten në copa më të vogla dhe të ngrira për konsum të mëvonshëm ose të shtohen në smoothies. Perimet me rrënjë si karrotat, rrepat dhe panxharin, si dhe perimet si lakra, brokoli dhe lulelakra janë relativisht rezistente. Hudhra, xhenxhefili dhe qepët janë gjithashtu mundësi të shkëlqyeshme për të mbajtur në shtëpi, pasi ato mund të përdoren për të shtuar aromë në një shumëllojshmëri të vakteve.

Fruta dhe perime të ngrira

Të gjitha frutat e ngrira si manaferrat, ananasi dhe mango janë opsione të shkëlqyera, pasi ato ende përmbajnë nivele të larta të fibrave dhe vitaminave dhe shpesh janë më pak të shtrenjta se versionet e freskëta. Këto fruta të ngrira mund të shtohen në lëngje, smoothie ose qull ose të hahen me kos të thjeshtë me pak yndyrë pas ngrirjes.

Perimet e ngrira janë ushqyese, të përgatitura shpejt dhe konsumimi i tyre mund të ndihmojë në arritjen e rekomandimeve, edhe kur ushqimet e freskëta janë të pakta.

Bishtajore të thata dhe të konservuara
Fasulet, qiqrat, thjerrëzat dhe bishtajoret e tjera janë burime të shkëlqyera të proteinave bimore, fibrave, vitamina dhe minerale. Këto janë gjithashtu mjaft të gjithanshme dhe mund të përdoren gjerësisht.

Drithëra integrale dhe rrënjët që kanë niseshte
Orizi dhe makaronat e integruara, tërshëra, hikërror, quinoa dhe drithëra të tjera të parafinuara janë ushqime të shkëlqyera pasi që jeta e tyre e zgjatjes është e gjatë, ato mund të përgatiten lehtë dhe kontribuojnë në marrjen e fibrave. Bukë integrale janë gjithashtu mundësi të mira. Buka mund të ngrihet lehtë për përdorim të mëvonshëm, në mënyrë ideale në feta për ngrirje më të lehtë, për të zgjatur freskinë e saj.

Rrënjët me niseshte siç janë patatet, patatet e ëmbla janë gjithashtu burime afatgjata dhe të mira të karbohidrateve. Këto duhet të pjeken në mënyrë ideale, të ziejnë ose të vihen në avull. Lërini lëkurat për fibra dhe aromë shtesë.

Fruta të thata, arra dhe fara

Veçanërisht të pakripura dhe të pambëlsuara, këto mund të shërbejnë si ushqime të shëndetshme ose të shtuara në qull, sallata dhe ushqime të tjera.

Vezë
Vezët janë një burim i shkëlqyeshëm i proteinave dhe ushqyesve dhe janë jashtëzakonisht të gjithanshëm. Zgjedh për zierje, të skuqura apo të përziera.

Perime të konservuara
Edhe pse perimet e freskëta ose të ngrira janë zakonisht opsioni i preferuar, perimet e konservuara si kërpudhat, spinaqi, bizelet, domatet dhe fasulet e gjelbra janë alternativa të mira me një jetë më të gjatë, për të siguruar një konsum të mjaftueshëm të perimeve. Mos harroni të zgjidhni, kur është e mundur, opsione me kripë të ulët ose jo të shtuar.

Peshk i konservuar
Ton i konservuar, sardelet dhe peshqit e tjerë janë burim i mirë i proteinave dhe yndyrnave të shëndetshme. Këto mund të bëjnë një shtesë të shëndetshme të sallatave, pastave ose bukës me drithëra. Nëse është e mundur, zgjidhni peshk të konservuar në ujë sesa vaj ose shëllirë.
Qumësht i qëndrueshëm me yndyrë
Produktet e qumështit ofrojnë një burim të lirë të proteinave dhe lëndëve ushqyese të tjera. Zgjedhja e qumështit me pak yndyrë është një mënyrë për të zvogëluar konsumin e yndyrave të ngopura, duke marrë gjithashtu të gjitha përfitimet e qumështit. Qumështi UHT në një kuti ose kuti kartoni do të jetë relativisht i qëndrueshëm për jetëgjatësi. Qumështi pluhur është një tjetër mundësi e qëndrueshme./atsh

OBSH, këshilla për një dietë që mbështet shëndet të mirë gjatë vetëkarantinimit Read More »

“coronavirus.al”/ 259 të prekur, 76 të shëruar, 15 viktima dhe 1823 teste të kryera

Në vendin tonë deri tani janë evidentuar 259 raste gjithsej me COVID-19, 178 raste aktive, 76 të shëruar, 15 të vdekur, ndërsa janë kryer 1823 teste gjithsej.

Shifrat bëhen të ditura nga platforma “coronavirus.al”, e krijuar me qëllim informimin e qytetarëve për shifrat zyrtare lidhur me situatën e të prekurve me COVID-19 në Shqipëri.

Përmes kësaj platforme qytetarët kanë mundësi të ndjekin në kohë reale të rejat nga fronti i luftës kundër COVID-19.

Në shërbimin infektiv aktualisht janë 79 të shtruar. 7 prej tyre janë në terapi intensive ndërsa 4 nga këta janë të intubuar. Pjesa tjetër e të shtruarve në pavion janë në gjendje të stabilizuar deri në këto momente. Ndërkohë në spitalin COVID 2 “Shefqet Ndroqi” kemi 1 pacient të shtruar. /atsh

“coronavirus.al”/ 259 të prekur, 76 të shëruar, 15 viktima dhe 1823 teste të kryera Read More »

Vendimi/ Ndalohen operacionet e planifikuara deri në përfundim të situatës së epidemisë

Ministrja e Shëndetësisë dhe Mbrojtjes Sociale, Ogerta Manastirliu ka firmosur sot urdhrin për shtyrjen e ndalimit të ndërhyrjeve kirurgjikale të planifikuara deri në përfundim të situatës së epidemisë të shkaktuar prej COVID-19.

Kështu, në pikën 1 të urdhrit nr. 147 datë 09.03.2020 “Për ndërprerjen e ndërhyrjeve kirurgjikale të planfikuara në Qendrën Spitalore Universitare “Nënë Tereza” dhe spitalin universitar “Shefqet Ndroqi” tofjalëshi “deri në datën 3 prill 2020″ zëvendësohet me togfjalëshin “deri në përfundim të gjendjes së epidemisë së shkaktuar nga infeksioni COVID-19./atsh

Vendimi/ Ndalohen operacionet e planifikuara deri në përfundim të situatës së epidemisë Read More »

“coronavirus.al”/ 243 të prekur, 52 të shëruar, 13 viktima dhe 1671 teste të kryera

Në vendin tonë deri tani janë evidentuar 243 raste gjithsej me COVID-19, 178 raste aktive, 52 të shëruar, 13 të vdekur, ndërsa janë kryer 1671 teste gjithsej.

Shifrat bëhen të ditura nga platforma “coronavirus.al”, e krijuar me qëllim informimin e qytetarëve për shifrat zyrtare lidhur me situatën e të prekurve me COVID-19 në Shqipëri.

Përmes kësaj platforme qytetarët kanë mundësi të ndjekin në kohë reale të rejat nga fronti i luftës kundër COVID-19. /atsh

“coronavirus.al”/ 243 të prekur, 52 të shëruar, 13 viktima dhe 1671 teste të kryera Read More »

8 pacientë të tjerë rezultojnë negativë, deri tani 52 të shëruar nga COVID-19

Kryeministri Edi Rama bëri të ditur se 8 persona të infektuar me COVID-19 janë shëruar.

Personat kanë rezultuar negativ pas testeve të bëra, duke e fituar betejën me koronavirusin.

“Lajm i mirë: 8 të shëruar sot”, deklaron Rama.

Edhe ministrja e Shëndetësisë, Ogerta Manastirliu e ka cilësuar lajm të mirë shërimin e 8 personave.

“Lajm i mirë… Edhe 8 të shëruar sot. Deri tani 52 të shëruar nga COVID-19”, deklaron ministrja.

Deri tani në vendin tonë janë 223 persona të infektuar nga koronavirus, ndërsa 11 raste të reja u shënuan gjatë 24 orëve të fundit./atsh

8 pacientë të tjerë rezultojnë negativë, deri tani 52 të shëruar nga COVID-19 Read More »

Mjeku Kalo: Antibiotikët nuk janë karamele, distancimi social e higjiena masat e duhura

Mjeku i njohur dhe infeksionisti Tritan Kalo, këshillon për mospërdorim pa kriter të antibiotikëve, pasi siç thotë ai nuk janë karamele.

Mjeku Kalo thekson në një shkrim të publikuar prej tij, lidhur me trajtimin e COVID 19, se, vetëizolimi, distancimi social, higjena, janë thelbi për mospërhapjen e COVID 19.

“Kohë Covidiane-19….Më shumë hapësirë profesionistëve dhe më pak politikbërësve… Vetëm 1 në 6 persona të prekur nga Sars-Cov2, shkaktari i Covid-19 kanë shenja të evidentueshme klinike, çka e bën të nevojshme një konsultë mjekësore…”,- thekson Kalo.

“Vetëizolimi, distancimi social, higjena vetjake dhe kolektive, ajrimi i mjedisit ku jetojmë, Ushqimi sa më i variueshëm e rehidrimi i mjaftë, janë treguar mëse të efektshme në raste të tilla, si në ndërprerjen e transmetimit po ashtu edhe në vetëshërimin e rasteve jo simptomatike ose me siptoma minimale…”,-sqaron Kalo.

“Vetëm një pjesë e tyre mundet të marrin mjekim ose të adresohen për asistencë spitalore…skema e këtij mjekimi nuk është standarte, në mungesë të një mjekimi specifik anti-Covid19… Në ndihmë ne na vinë eksperiencat praktike të mjekëve në Kinë, Kore, Iran, Itali, Spanjë, Gjermani, SHBA, Angli e gjetkë, Por edhe ato të gjykuara e të modifikuara rast pas rasti…”,- thekson Kalo

Antibiotikët/Antibakterialët nuk janë karamele që po përdoren në shumicë ambulatorisht si dhe të kombinuara jo si duhet…Janë antibakterialë dhe jo antiviralë…Të mos harrojmë se ANTI-BIOS = Kundër Jetës…”,- vijon ai.

“Nga bisedat me kolegë e të sëmurë kam mbërritur këto ditë në përfundimin se, tashmë janë shpalosur plotësisht shumica e efekteve anësore të këtyre produkteve farmaceutike…. Nëse nuk janë të domosdoshmë përse po përshkruhen ato???…Me durim dhe besim reciprok ne së bashku do t’ia dalim mbanë!!!!”,- nënvizon Kalo. /atsh

Mjeku Kalo: Antibiotikët nuk janë karamele, distancimi social e higjiena masat e duhura Read More »

Fico: 4 fëmijët e prekur me koronavirus janë në gjendje të mirë shëndetësore

Katër fëmijët e prekur me koronavirus janë në gjendje të mirë shëndetësore.

Lajmi u bë i ditur nga drejtoresha e Institutit të Shëndetit Publik, Albana Fico.

“Unë do të thosha që fëmijët siç thotë edhe referenca botërore, janë ata më pak të prekurit ose me format më të lehta. Jam e gëzuar t’ju them që deri tani që flasim, gjendja e tyre është e mirë”, – tha Fico.

Lidhur me strukturat e vëna në dispozicion në rast të shtimit të numrit të të prekurve me COVID-19, pra të fëmijëve, është në dispozicion shërbimi Infektiv i Pediatrisë në Qendrën Spitalore Universitare “Nënë Tereza”./atsh

Fico: 4 fëmijët e prekur me koronavirus janë në gjendje të mirë shëndetësore Read More »