Problematika

Hapja e bllokut të dytë të bizneseve, Ministria e Shëndetësisë: Akoma më i rëndësishëm zbatimi me përpikmëri i rregullave

Aktualitet, Problematika, Shendetesi / /

Distancimi fizik dhe ruajtja e higjienës personale mbeten të vetmet armë që ne kemi në dorë si komunitet për të frenuar përhapjen e COVID-19.

Ministria e Shëndetësisë dhe Mbrojtjes Sociale iu bëri apel qytetarëve dhe posaçërisht sipërmarrësve, që në kushtet e hapjes së aktivitetit ekonomik të respektojnë rigorozisht rregullat.

“Rikujtojmë të gjithë qytetarët se deri kur të kemi vaksinën, do të na duhet të gjithëve të jetojmë dhe të punojmë duke ruajtur në nivelin maksimal vigjilencën ndaj rrezikut të infektimit”, thuhet në njoftimin e Ministrisë së Shëndetësisë dhe Mbrojtjes Sociale.

Sipas MSHMS, në kushtet e lehtësimit të disa masave, bëhet akoma më e rëndësishme të zbatohen me përpikëri të gjitha udhëzimet e autoriteteve shëndetësore, të respektohet distancimi fizik dhe ruajtja e higjienës personale.

“Nëse keni shenja të sëmundjes COVID-19 telefononi numrin e urgjencës 127. Për çdo pyetje apo informacion rreth COVID-19 telefononi në linjën e gjelbër 0800 40 40”, apelon ministria./atsh

Hapja e bllokut të dytë të bizneseve, Ministria e Shëndetësisë: Akoma më i rëndësishëm zbatimi me përpikmëri i rregullave Read More »

Rakacolli: Shqipëria nuk është pjesë e asnjë studimi për vaksinën ndaj COVID-19, lajmi i pavërtetë

Lajmi i fundit, Opinione, Problematika, Shendetesi / /

Zv.ministrja e Shëndetësisë dhe Mbrojtjes Sociale, Mira Rakacolli, në një nga mediet e vendit deklaroi se lajmi që ka qarkulluar në disa medie lidhur me testimin e vaksinave të COVID-19 në vendin tonë, është i pavërtetë.

Rakacolli hodhi poshtë këto aludime, duke theksuar se nuk ekziston një studim i tillë.

“Më vjen shumë keq, kur e kam parë të shpërndarë në portale më ka ardhur keq, është e pavërtetë dhe këtë e them me përgjegjësi. Shqipëria nuk është pjesë e asnjë studimi për vaksinën ndaj COVID-19. Nëpërmjet televizionit tuaj dua të theksoj se jo vetëm që nuk ka një studim për vaksinën, po as që është diskutuar një gjë e tillë”, tha Rakacolli.

Duke folur për situatën aktuale të epidemisë në Shqipëri, Rakacolli u shpreh se në vend është rasti i një epidemie të kontrolluar.

“Është rasti tipik i një epidemie të kontrolluar. Statistikat interpretohen në bazë të disa të dhënave në interval kohor. Epidemia është kontrolluar. Piku nuk vlerësohet kurrë nga piku ditor. Analiza e kurbës, me ato intervalet, tregon se ajo ka qenë e qëndrueshme. Të shtruarit në spital janë ata që tregojnë sa e rëndë është situata. Mosshtimi i tyre tregon se epidemia ka rënie”, tha Rakacolli./atsh

Rakacolli: Shqipëria nuk është pjesë e asnjë studimi për vaksinën ndaj COVID-19, lajmi i pavërtetë Read More »

5 gabimet e rre zikshme që bëni me vendosjen e maskës

Problematika, Shendetesi / /

Maskat tani kanë marrë rëndësi në jetën e gjithësecilit. Madje duhet të mësohemi se do “jetojmë” gjatë me to të paktën derisa të gjendet një vaksinë për virusin.

Është shumë e rëndësishme që maska të vendoset në mënyrën e duhur. Në këtë mënyrë edhe shmangim përhapjen e pandemisë.

Këto janë gabimet që duhen shmangur kur vendosni maskën:

Gabimi 1. Maska ju mbulon vetëm gojën.

Nëse e keni vendosur kështu gjatë kësaj kohe, keni bërë gabim. Maska duhet të mbulojë dhe pjesën e hundës, pasi në të kundërt gjasat që të infektoheni nga vetë maska juaj përmes hundës janë të mëdha.

Gabimi 2. Maska juaj është në kontakt me pjesë të tjera të trupit apo gjëra tuaja personale

Maska s’duhet të jetë në kontakt me rrobat tuaja, pjesë të tjera të fytyrës apo të trupit. Nëse veproni kështu, funksioni i saj nuk po kryhet siç duhet. Një tjetër gabim i madh është vendosja rreth zonës së qafës kur nuk e keni në fytyrë.

Gabimi 3. Maska nuk qëndron mirë në fytyrën tuaj.

Ideja e maskës është të krijojë një barrierë që nuk lejon ajrin të futet brenda. Në të njëjtën kohë duhet të jetë e rehatshme dhe të mos ju besdisë gjatë kohës që e keni vendosur. Nuk ka rëndësi nëse e blini apo e bëni vetë, thjesht duhet të përputhet me fytyrën tuaj në mënyë që të mos jetë më e madhe seç duhet.

Gabimi 4. Maska mbulon vetëm majën e hundës tuaj.

Maska duhet të përfundojë në kurrizin e hundës suaj, as në fund dhe as tek maja e saj. Nëse mbuloni vetëm majën e hundës, po lejoni që ajri jashtë të futet në gojën tuaj, shkruan anabel.

Gabimi 5. Nuk e lani siç duhet pasi e hiqni.

Nëse do ta përdorni disa herë, sigurohuni që ajo të mos bëhet burim infektimi. Kur ta hiqni lëreni të ziejë për 10 minuta para se ta përdorni për herën e dytë.

Nëse e shihni që maska është dëmtuar pas disa larjesh, është koha ta zëvendësoni.

5 gabimet e rre zikshme që bëni me vendosjen e maskës Read More »

Rama rithekson: Harroni lokalet e natës!

Aktualitet, Problematika / /

“Jeta e re” në bashkëjetesë me koronavirusin nuk do ketë më shtrëngime duarsh e plazh me grumbuj njerëzish, e lokale nate apo bar kafe që konsiderohen në gjithë botën për momentin vatra të rrezikshme infeksioni.

E gjithë ekspertiza e këshillat janë që të ruhemi seriozisht nga hapja e bareve restoranteve se janë vatër infeksioni i jashtëzakonshëm por i shohim të gjithë opsionet por duhet dhe pak durim”, tha Rama. Rama theksoi se edhe lëvizja me mjet privat do lehtësohet në ato zonat ku “do pilotojmë një hapje më të madhe”.

“Harrojeni normalitetin që kishim para kësaj, deri kur të dalë vaksina normaliteti s’do jetë më si ai i mëparshmi, futeni në kokë mirë, normaliteti i ri do jetë ndryshe, s’ka më dhënie dore, turru në autobus, restorante e bëj radhë sa të lirohet vendi, s’ka më shko në plazh atje dhe bëj transmetim me valë avujsh djerse e alkooli nëpër pub-e dhe ato beach bar-e, s’ka më nuk ekziston nuk mundet, por s’do rrimë të gjithë brenda do dalim e të bashkëjetojmë me atë rrezik në cdo hap.

Mjaftojnë pak për t’i bërë gjëmën gjithë popullit e pastaj e shikojnë mirë ata që thonë se kjo është përrallë”, u shpreh kryeministri

Rama rithekson: Harroni lokalet e natës! Read More »

“Zonat e gjelbra”, Manastirliu: Ngremë frenat e Emergjencës nëse nuk respektohen masat e sigurisë

Aktualitet, Lajmi i fundit, Problematika / /

Ministrja e Shëndetësisë dhe Mbrojtjes Sociale, Ogerta Manastirliu ka theksuar se mosrespektimi i masave të sigurisë në “Zonat e gjelbra” do të sjellë sërish rikthimin e kufizimit, ashtu si në “Zonat e kuqe”.

Ministrja Manastirliu, duke komunikuar me kryebashkiakët e zonave të gjelbra, ka nënvizuar se procesi i lehtësimit të masave shoqërohet gjithashtu me monitorim të rreptë dhe me frena të emergjencës të gatshme nëse do jetë e nevojshme.

“I kemi konsideruar ‘Zona të gjelbra’, pasi kemi vlerësuar disa kritere të rëndësishme, sa i takon përhapjes së pandemisë. Komiteti i Sigurisë ka vlerësuar se, transmetimi i infeksionit në këto zona është nën kontroll, duke vlerësuar të gjitha risqet, duke u bazuar te kriteret specifike të qarkullimit të infeksionit. Komiteti në këtë kuadër ka vendosur që të lehtësojë masat në disa zona, duke na dhënë mundësi pilotimi të disa masave dhe lejimin e qytetarëve të lëviznin, të përdorin transportin personal. Të përgatitemi këto dy ditë, që nga e hëna të garantojnë monitorimin e rregullave të reja që do të vendosen. Po krijohen këto lehtësi, që shoqërohen me masa, por kemi gati edhe frenat e emergjencës në çdo rast nëse ndonjë bashki do të ketë thyerje. Do të ketë skuadra monitorimi në çdo bashki, ku risku është në minimumin e tij. Me të gjitha rregullat që do të vendosen ju do të njiheni nesër, për të ndërgjegjësuar popullatën”, – tha Manastirliu.

“Nëse shohim se në ndonjë bashki do thyhet rregulli, do vendosin sërish rikthimin në gjendjen e mëparshme, sipas vlerësimit në territor. Risku i infeksionit është në minimumin e tij në këto zona, por ky risk rritet nëse nuk ruhet distancimi social, apo elemente që bashkëshoqërojnë elemente të tjera të sigurisë nga të gjithë. Nga bashkitë, kërkohet izolimi hapësirave ku mund të grumbullohen qytetarët, siç janë parqet apo ambientet rekreative. Sa më shumë të zbatojmë rregullat me protokolle strikte, me të cilat do të njiheni edhe më tej gjatë ditës së shtunë, aq më inkurajues do jetë rezultati. Në rastet kur do të kemi shpërndarje të infeksionit, do të ngremë frenat e emergjencës dhe do kthehemi në kushtet e mëparshme”, – tha Manastirliu./atsh

“Zonat e gjelbra”, Manastirliu: Ngremë frenat e Emergjencës nëse nuk respektohen masat e sigurisë Read More »

Nga sot lejedaljet për arsye shëndetësore përmes e-Albania, qytetari duhet të ketë me vete një dokument mjekësor

Problematika, Shendetesi / /

Kryeministri Edi Rama informoi sot qytetarët se nga sot në “e-Albania” do të lëshohen edhe lejedaljet për arsye shëndetësore, ndërsa paralajmëroi se “qytetari duhet të ketë me vete një dokument mjekësor për vizitën”.

Rama tha se “qytetarin mund ta shoqërojë vetëm një person tjetër”. “Autorizimi vlen vetëm për rrugën shtëpi-Qendër Shëndetësore-shtëpi, Ndiqni procedurën e thjeshtë në e-Albania”, tha Rama.

Ai shtoi se “aplikimi do të kryhet përmes shërbimit online “Leje për dalje“ për arsye shëndetësore, në e-Albania”.

Kryeministri tregoi edhe hapat që ndiqen për të marrë një leje të tillë. “Identifikohuni në portalin e-Albania përmes llogarisë tuaj; klikoni shërbimin “Leje për Dalje”; zgjidhni opsionin “Leje për arsye shëndetësore”; shkruani saktë datën, orën e lëvizjes dhe itinerarin me destinacionin përkatës”, tha Rama.

Në rastet kur lëvizja për arsye shëndetësore do të bëhet me automjet, Kryeministri tha se “nëse mjeti është në pronësinë e aplikuesit, do t’ju shfaqet direkt në listë”. “Nëse jo, ju mund të shtoni manualisht të dhënat e mjetit: targën dhe numrin e shasisë së tij dhe shtypni “Dërgo” për të përfunduar aplikimin”, tha Rama.

Ai shtoi se “miratimi do të dërgohet në adresën e-mail dhe në numrin e telefonit të regjistruar në portal”.

“Kërkesa për leje për arsye shëndetësore bëhet vetëm në e-Albania. Ata, që lëvizin pa lejen nga e-Albania dhe nuk zotërojnë dokument mjekësor për të justifikuar lejedaljen për arsye shëndetësore, kryejnë një shkelje që ndëshkohet në bazë të Aktit Normativ dhe masave të reja në Kodin Penal”, tha Rama./atsh

blob:https://www.facebook.com/931eb312-9607-441b-b8d7-cddc191856d6

Nga sot lejedaljet për arsye shëndetësore përmes e-Albania, qytetari duhet të ketë me vete një dokument mjekësor Read More »

Nga hapja e kufijve e deri tek lejet për lëvizjen e studentëve

Aktualitet, Arsim, Problematika / /

Në përgjigje të pyetjeve të qytetarëve, Kryeministri Edi Rama u shpreh sot se hapja e kufijve mund të ndodhë para muajit gusht, pavarësisht se ende nuk dihet sesa do të vazhdohet me këtë situatë.

“Uroj shumë më përpara nga gushti, por uroj shumë sepse askush nuk e di vazhdimin deri në fund të kësaj situate sepse armiku i padukshëm është këtu”, tha ai.

Lidhur me lejet e lëvizjeve për studentët, Rama tha se ministrja e Arsimit po diskuton me Rektoratin për një vendim të mundshëm.

“Ministrja e Arsimit po diskuton me rektoratet dhe shumë shpejt do të ketë një vendim se çfarë do të bëhet lidhur me këtë”, deklaroi Rama.

Për zanatçinjtë që punojnë në të zezë dhe të duan të pajisën me leje për të lëvizur, Rama u bëri thirrje të regjistrohen. “Sigurohuni, regjistrohuni, nxirreni më të fund këtë mësim nga kjo sekëlldia e madhe dhe ky taksirat i madh që juve ju ra si të tjerët, por që ju godet më shumë se të tjerët. Akoma nuk e nxorët këtë mësim?! Siguroni si të vetëpunësuar, person fizik dhe vazhdoni punën përndryshe nuk ka sesi. Mund të dalin shumë të tjerë që të thonë: unë jam pllakaxhi, unë jam elektricist, unë jam usta e të kërkojë leje”.

Pyetjes se kur mund të hapen rrugët për të lëvizur me makinë personale për personat që kanë vizitë në klinika mjekësore, Rama u shpreh se duhet të presin edhe për pak kohë./atsh

Nga hapja e kufijve e deri tek lejet për lëvizjen e studentëve Read More »

Tre qytetet “vatra” të nxehta në Shqipëri

Aktualitet, Lajmi i fundit, Problematika, Shendetesi / /

Tirana, Shkodra dhe Fieri janë rrethet me numrin më të lartë të vatrave me Covid-19.

Në një intervistë për Televizionin Klan, shefja e Epidemiologjisë në Institutin e Shëndetin Publik, Eugena Tomini tha se vatrat janë kryesisht familjare.

Përhapjen e Covid-19 nëpër fasoneri, Tomini e sheh të lidhur me mungesën e distancimit fizik.

Kjo ka çuar edhe në mbylljen e tyre.

Lidhur me lehtësimin e masave nga qeveria, Tomini tha se janë ndërmarrë pas vlerësimit të kritereve epidemiologjike.Ndërkohë po vijon gjurmimi dhe testimi i kontakteve për personat e rezultuar pozitive me Covid-19.

Tre qytetet “vatra” të nxehta në Shqipëri Read More »