Problematika

Lajm i mirë për banorët e Dukatit, reagojnë me komente banorët e Tragjasit

Opinione, Problematika, Te fundit nga zona / /

Lajmi se një projekt i financuar nga Banka Gjermane, Fondi Shqiptar i Zhvillimit dhe Bashkia e Vlorës i cili ka nisur dhe brenda dy muajve garanton furnizim 24 orë me ujë të pijshëm, në gjithë Dukatin e Ri gëzon banorët e Dukati po ndodh e kundërta për banorët e fshatit tragjas të cilët të indinjuar shprehin ankesë:

‘Po ne Tragjas kur do vij uji që e kemi dhe derdhet në det?’

Ja disa nga komentet e banoreve te Tragjasit:

Xhafer Brati
Do vije dhe ne tragjas kure te hipi.gomari mbi cati

Luli Shyti
Po tragjasi ore qe uji vete ne det ?

Leonora Ferati
Ndaj u detyruan Tgjagjasi e bene puse ne shtepi qe pi ta marresh ne toral jan mijlarda lek se nuk munt te rrish tridhjet vjet pa uji gjoja prune dhe Arabet per te vjedhur fondet ka meyra te tjera qe te jete kostua simvolike se ujin na i ka dhuruar zoti ne ate fshat e uji skan.

Esmeralda Meco
Rinì s’ka më zona;shumë pak.
Edhe moshatarët po largohen pas femijeve(te shkretet),,,,të detyruar “nga kushtet/mirëqënia”(ku futen minimalja e jetesës siç janë ujë e drita).
Gjithsesi,do ngelen qentë e macet pas,,,,dita 1000 që mendoni dhe për ato të lagin buzën me ujë!(Gjallesa të pafajshme janë)!

Ilir Elmazaj
Po Tragjasi???
Qe vjen uji nje here ne dy dite nga nje ore

Lajm i mirë për banorët e Dukatit, reagojnë me komente banorët e Tragjasit Read More »

Pipero, turistëve nga Kosova: Ata që kanë shenja të mos nisen drejt Shqipërisë

Aktualitet, Problematika, Shendetesi / /

Mjeku i njohur Pëllumb Pipero ka deklaruar se duhet të kufizohen edhe lëvizjet e personave që vijnë nga Kosova për të kaluar disa ditë pushimi në bregdetin shqiptar.

Për mjekun Pipero, kufizimet nuk janë të nevojshme për sa kohë që njerëzit ndërgjegjësohen dhe zbatojnë rregullat e thjeshta të vendosjes së maskës, distancimit dhe higjienës.

Ai është shprehur se ata që kanë shenjat të virusit nuk duhet të nisen drejt Shqipërisë.

“E gjithë bota është në një varkë të madhe. Të gjithë na ka në dorë maska kudo që jemi. Të gjithë kanë të njëjtat rregulla. Nëse i respektojmë këto masa nuk duhet të kemi frikë që bashkëkombasit tanë të vijnë këtu. Por duhet t’i këshillojmë që nëse kanë shenja të mos nisen. Të tjerët mos i kufizojmë pasi përfitojnë shumë nga deti dhe dielli”, tha Pipero për A2.

Pipero, turistëve nga Kosova: Ata që kanë shenja të mos nisen drejt Shqipërisë Read More »

Mesazhi i mjekut Kalo: Nga pandemia e gripit Spanjoll në vitet 1918 e deri në 2020, vetëm tre masa kanë dhënë efekt

Opinione, Problematika, Shendetesi / /

Tritan Kalo, mjek infeksionist pranë Qendrës Spitalore Universitare “Nënë Tereza”, ka ripërsëritur apelin drejtuar qytetarëve për të respektuar tre masa të domosdoshme për të mos rrezikuar prekjen nga virusi i frikshëm.

Kalo thotë se në kohën kovidiane, ndërgjegjësimi qytetar mbetet arma më e efektshme ndaj flamës mbarëbotërore. Ai sjell në vëmendje edhe pandeminë e gripit Spanjoll në vitet 1918-1920 e deri në ditët tona, ku sipas tij vetëndërgjegjësimi ndihmon në pakësimin e dëmeve, pra në një numër sa më të vogël humbje jetësh.

“Kohë kovidian, vetëndërgjegjësimi, arma më e efektshme përballë kësaj “flame mbarëbotërore”. Nga pandemija e Gripit Spanjoll 1918-1920 e deri në Pandeminë e Sars-Cov2/Covid-19 më 2020 e në vijim, vetëm tre masa të vetëndërgjegjësimit janë treguar dhe po tregohen më të efektshme, për parandalimin e përhapjes së frikshme të tyre dhe uljen e “dëmeve në jetët njerëzore”, që ato shkaktojnë’.

“Higjena personale dhe ajo kolektive, si dhe e mjediseve ku jetojmë dhe punojmë, distancimi fizik mes nesh, aty kur dhe ku është e mundshme, dhe mbajtja e maskave kudo por më së paku në mjediset e mbyllura dhe ato të mbipopulluara.
Për asnjërën prej këtyre pandemive nuk ka pasur mjekim apo mjet parandalues specifik, por përmes këtyre masave janë shpëtuar dhe me siguri do të shpëtohen jetë të paçmimta njerëzish e do të ulen dëmet e këtyre “flamave mbarëbotërore”.

Mjeku infeksionist thotë se bluzat e bardha pp kujdesen me përkushtim ndaj çdo pacienti por janë qytetarët që duhet të duan më shumë jetët e tyre. ”Ju duam, ju respektojmë, përkujdesemi për ju në çdo moment. Duajeni edhe më shumë jetën tuaj dhe të atyre që gjallojnë pranë jush. Sars-Cov2/Covid-19 nuk njeh moshë prekjeje, dhe virusi dëmton deri në rrënim të plotë jo vetëm mushkëritë tuaja. Together forerver’. /atsh

Mesazhi i mjekut Kalo: Nga pandemia e gripit Spanjoll në vitet 1918 e deri në 2020, vetëm tre masa kanë dhënë efekt Read More »

Shuhen vatrat e zj arrit në qarqet Lezhë, Fier, Elbasan e Vlorë

Lajmi i fundit, Problematika / /

Disa prej vatrave aktive të zjarreve në vend janë shuar. Vatrat e zjarrit ishin raportuar në qarqet Lezhë, Fier, Elbasan e Vlorë.

Qendra Kombëtare e Emergjencave Civile njofton se zjarri i rënë në vendin e quajtur Godull, masivi pyjor Seman, në bashkinë Fier është shuar.

Por ende në terren janë forcat zjarrfikëse, të cilat po inspektojnë terrenin për të eliminuar çdo lloj mbetjeje zjarri që mund të shkaktojë rindezje të tij.

Kryesisht verifikimet po kryhen në ato vende ku ka patur mbetje të drurëve të pishave, të rënë nën ndikimin e kushteve atmosferike në vite, të cilat mund të kenë brenda tyre element zjarri.

Nga ana tjetër po kryhen edhe verifikimet lidhur me shkallën e dëmit nga zjarri. Paraprakisht mendohet se ai ka përfshirë rreth 140 hektarë shkurre dhe pjesë nën kurorë të pishave, duke mos prekur dhe dëmtuar kurorën e tyre. /noa.al/

Shuhen vatrat e zj arrit në qarqet Lezhë, Fier, Elbasan e Vlorë Read More »

Plazhet e Dhërmiut zhyten në errësirë

Aktualitet, Problematika / /

Zona turistike të jugut të Shqipërisë janë zhytur në errësirë pasi prej orësh mungon energjia elektrike.

Situata në Dhërmi raportohet e nderë. Plazhe dhe rrugë të boshatisura, njerëz të strukur në dhoma, pa energji dhe një pjesë e mirë edhe pa ujë. Për më tepër shtrënguara shiu që përfshinë jugun në mëngjes, kanë bërë që moti të jetë i zymtë dhe i ftohtë me temperatura nën 20 gradë celsius

Pushues që njoftuan tek noa.al, thanë se po përballen me situatë mbijetese në plazh, duke theksuar se këto janë pushimet më të zymta në vite, duke e ilustruar me ndalimin e beach bareve, boshatisjen e lokaleve dhe shezlonëve, si dhe mungesën e turistëve.

Sakaq, për mungesën e energjisë elektrike nuk ka asnjë informacion se kur do të bëhet rikthimi i saj. Noa.al kërkoi të dhëna për arsyet e mungesës së energjisë dhe mësoi se shkarkesat elektrike kanë shkaktuar dëmtim të një shtylle ku po punohet nga ekipet e OSHEE.

Siç shihni në foto, si pasojë e shkarkimeve elektrike nga moti i keq me shi dhe stuhi ere është dëmtuar një prej shtyllave elektrike në zonen e ish-kampit të Dhërmiut. Grupet e avarise së OSSH Vlorë po punojnë për eliminimin e defektit dhe rikthimin e energjisë në zonën e plazhit të Dhërmiut, tha OSHEE./noa

Plazhet e Dhërmiut zhyten në errësirë Read More »

Stuhia që pushtoi Shqipërinë ka shkaktuar dëme në bregdet, në Qeparo, çadrat e pushimit kanë përfunduar në det

Aktualitet, Problematika / /

Stuhia që pushtoi gjatë natës Shqipërinë duket se ka shkaktuar dëme pranë bregdetit.

Në Qeparo, çadrat e pushimit kanë përfunduar në det për shkak të erës së fortë, duke detyruar pronarët që të zhyten për t’i rimarrë mbrapsht.

Siç duket edhe nga pamjet e Joq, një djalë futet në det për të marrë një çadër, e cila kishte përfunduar larg vendit të saj për shkak të erës.

Stuhia e furishme përfshiu gjithë bregdetin e jugut, duke shkaktuar dëme të shumta.

Stuhia që pushtoi Shqipërinë ka shkaktuar dëme në bregdet, në Qeparo, çadrat e pushimit kanë përfunduar në det Read More »

Bllokohet rruga drejt Kakavijës/Ja çfarë ka ndodh…

Lajmi i fundit, Problematika, Transport / /

Shirat e rrëmbyer të rëna gjatë natës dhe era e fortë, kanë sjellë rrëzimin e një peme të madhe në Gjirokastër.

Pema u rrëzua në aksin kombëtar Gjirokastër-Kakavijë, pranë Lazaratit.

Për pasojë u bë bllokimi i rrugës në të dyja anët, duke krijuar radhë mjetesh.

U desh ndërhyrja e forcave zjarrfikëse për të bërë zhbllokimin e rrugës, e cila shkaktoi bllokim të qarkullimit gjatë gjithë mëngjesit. /noa.al

Bllokohet rruga drejt Kakavijës/Ja çfarë ka ndodh… Read More »

Lajm i fundit/ Përplasen tre makina, humb jetën një person

Lajmi i fundit, Problematika / /

Një aksident me pasojë vdekjen është shënuar mëngjesin e sotëm, në aksin rrugor Elbasan-Peqin, ku janë përfshirë tre automjete.
Në fshatin Murrash mjeti tip “Skoda”, me drejtues shtetasin A.I., rreth 45 vjeç, banues në Kuçovë, Berat është përplasur me mjetin tip “Skoda” me drejtues shtetasin N.H., si dhe me mjetin tip “Benz” me drejtues shtetasin R.B., banues në Maqedoninë e Veriut.

Si pasojë e aksidentit ka ndërruar jetë 43-vjeçarja Gentiana Isaraj,43 vjeçe, banuese në Kuçovë, Berat e cila ishte pasagjere në mjetin tip “Skoda”.

Gjithashtu janë plagosur të tre drejtuesit e mjeteve, të cilët ndodhen jashtë rrezikut për jetën.

Grupi hetimor ndodhet në vendngjarje dhe po punon për zbardhjen e shkakut të aksidentit. /noa.al

Lajm i fundit/ Përplasen tre makina, humb jetën një person Read More »