Politike

Ish-kryeministri Sali Berisha do të mbledhë në datën 11 Dhjetor Kuvendin e Partisë Demokratike me anë të firmave të mbi 4200 delegatëve.
Sipas gazetares Ambrozia Meta, pasi Basha të shkarkohet në datën 11, ditën pasardhëse drejtimin e PD-së do e marrë një Grup Kolegjial, por Berisha nuk do të jetë pjesë e tij. Ajo u shpreh se ky grup do të bëjë zgjedhjet në të gjitha strukturat e partisë, ku mendohet se zyrtarët janë zgjedhur në mënyrë jo të drejtë.

“Partinë do e marrë një grup kolegjal, Berisha nuk do të jetë pjesë e tij. Ky grup kolegjal do të bëjë zgjedhje në komplet partinë. Do të ketë zgjedhje të Kryesisë”, tha gazetarja në “Opinion”.

Ish-kryeministri Sali Berisha është pritur me një entuziazëm të jashtëzakonshëm në vendlindje, në qytetin e Bajram Currit, në Tropojë. Qytetarët dhe demokratët e kanë pritur me fishekzjarre, këngë dhe valle ish-kreun e qeverisë shqiptare.

Nga Tropoja ku po mban Foltoren e radhës, ish-kryeministri Sali Berisha u shpreh se nga kjo platformë i çon një mesazh Vuçiç që ta harrojë se do të kalojë me firmën e Ramës Ballkani i Hapur në Shqipëri.

Ai theksoi se Vuçiç duhet të mendohet mirë para se të mësyjë Tiranën si mik i Edi Ramës, sepse një popull i tërë do të jetë në rrugë kundër teje.

Berisha: Nga kjo platformë i çojmë një mesazh Sllobodanit të ri: harroje se do të kalojë me firmën e Ramës Ballkani i Hapur në Shqipëri. Mendohu mirë para se të mësysh Tiranën si mik i Edi Ramës, sepse një popull i tërë do të jetë në rrugë kundër teje.

Do të punojmë për marrëdhënie normale, por kurrë nuk do ta bëjmë në kurriz të Kosovës. Ndërsa parlamenti serb duartrokiste Zeografin Bis për fjalën që mbante puthej Vuçiç dhe Putini. Tema ishte Kosova e veriut, armët dhe tanket.

Sigurisht që tani çdo gjë është në dorë të NATO-s dhe çdo përpjekje do t’ua kthejnë ushtrinë në kocka dhe tanket në hekurishte. Ta harrojnë se mund ta prekin Kosovën, sepse jemi një komb dhe kurrë më nuk do të preket një pjesë e territorit të saj. Nëse do paqe duhet njohur gjenocidi që është bërë ndaj shqiptarëve.

Ish-kryeministri Sali Berisha ka zhvilluar një takim me kryesinë e degës së Partisë Demokratike në Has.. Takimi është zhvilluar jashtë ambienteve të një lokali në Has. Vetë Berisha tha se Hasi është vendi i demokracisë dhe i vlerave.

“Hasi është dhe mbetet gjithmonë demokrat dhe i pampo shtur, i vendosur të mbrojë vlerat e demokracisë, të mbrojë interesin kombëtar. Askush nuk ka luajtur rolin që ju, Kukësi dhe Tropoja, luajtën gjatë lu ftës çlirimtare në Kosovë. Bijtë e bijat e Kosovës janë të vendosur t’i dalin zot vendit më shumë se kurrë. Miqtë e mi, ju falënderoj me shumë mirënjohje për këtë mikpritje të zj arrtë, për këtë Foltore kaq të zj arrtë dhe frymëzuese për mbarë shqiptarët. Kur Beogradi dhe Tirana punonin për shuarjen e PD-së, demokratët në mbarë Shqipërinë, u zgjuan në një lëvizje të fuqishme, lëvizje që kërkon t’i shndërrojë ata, të shndërrojë PD-në në gardiane të interesave tuaja kombëtare dhe familjare. Ftoj demokratët e Hasit në Kuvendin e rithemelimit të PD. Të rikthejmë edhe njëherë PD-në në shtëpinë e lirisë, ashtu siç e themeluan ata që ne bashkërisht, në dhjetor të vitit 1990 i quajtëm ‘engjëjt e demokracisë’,’- mësohet të ketë thënë Berisha ndër të tjera.

Sot Berisha ka paralajmëruar foltore në Tropojë, në vendlindjen e tij. Ai ka bërë me dije se do të pr esë demokratët në pallatin e kulturës.

Bullgaria ka kërkuar zyrtarisht nga shtetet anëtare të Bashkimit Europian që Shqipëria dhe Maqedonia e Veriut të ndahen për sa i përket procesit të negociatave për integrimin në BE.

Bullgaria ka kërkuar që Shqipëria të gjykohet për meritat e saj dhe të vijojë rrugën drejt integrimit. “Maqedonia e Veriut nuk plotëson ende kriteret për mbajtjen e Konferencës së parë Ndërqeveritare”, thuhet në reagimin e qeverisë bullgare.

Këtë propozim e ka bërë edhe Komisioneri për Zgjerimin e Bashkimit Europian, Oliver Varhelyi. Vendimi për hapjen e negociatave është bllokuar për shkak të vetos që Bullgaria i ka vendosur Maqedonisë së Veriut. Por shtetet anëtare të BE-së kanë kundërshtuar ndarjen në procesin e hapjes së negociatave, duke penalizuar kështu edhe Shqipërinë.