Kryeministri Rama ka replikuar me një gazetare e cila e pyeti nëse do pezullonte kontratat e dhëna për inceneratorët.
Pyetje: A ka ardhur koha të pezullohen kontratat e dhëna për inceneratorët?
Rama: Është një fjalë që ma ka mësuar gjyshja, të gabosh është njerëzore, të instistosh është djallëzore. Kjo pyetje përsëritet por përgjigjja është shumë e thjeshtë. Unë mendoj si ju, ligjërisht kjo nuk bëhet dot.
Kemi të bëjmë me një proces që vazhdon nuk kemi të bëjmë me një dënim të formës së prerë. Nëse ne bëjmë këtë shkelim ligjin. Deri kur gazetarët do të vazhdojë që gazetarët të bëjë prokurorin kur merr mikrofonin.
Kjo është pyetje retorike e imja. E vërteta është e imja. Jemi në të njëjtën anë bashkarisht. Ne jemi në anën e duhur, ju në të gabuarën. Nuk ndërpresim kontrata kur procesi nuk ka përfunduar. Është shumë e thjeshtë. Nuk ka lidhje as më kërkimet, as me arrestimet, kontrata është kontratë.
Sali Berisha e ka quajtur gabimin më të madh të jetës së tij mos kthimin fuqishëm në politikë në vitin 2017.
Ai thotë se vendimin që mori në 2022 duhet ta kishte marrë 5 vite më parë
“Gabimi im më i madh i jetës është ai që mora në vitin 2022, duhet ta kisha marrë që në vitin 2017, këtë e quaj gabimin më të madh
Kam pasur shtytje të shumta, nga miq të thjeshtë dhe sigurisht që ata nuk e bënin për interesat e tyre për karrierën e Berishës, por për interesat e vetë Partisë Demokratike,” tha Sali Berisha në A2CNN.
Ish kryeministri, Sali Berisha ka treguar për herë të parë historinë sesi para zgjedhjeve të vitit 2001, një grup zyrtarësh me në krye edhe kryeministrin e Greqisë asokohe, Jorgo Papandreu, i kishin kërkuar të jepte dorëheqjen.
Pavarësisht se Berisha në atë kohë ishte 50 vjeç, iu kërkua që të jepte dorëheqjen nga posti i kreut të partisë dhe që t’u hapte rrugën të rinjve.
Më tej ish kryeministri tregoi sesi nuk e bëri diçka të tillë dhe sërish arriti të fitonte.
Ish kryeministri Sali Berisha: E gjithë bota dërgoi një trojkë në Tiranë ku kërkonte që Berisha të jepte dorëheqjen nga politika. Më thërrasin në zyra të OSBE-së. Më ky Xhorxh, ose Jorgo Papandreu se ishte koha t’ua liroja vendin të rinjve. Unë isha 50 e ca vjeç.
I them burrë më të mençur se babai yt nuk ka pasur në Ballkan. Pse tha? Se u ka thënë grekëve Zoti mos e lëntë Greqinë në dorë të Jorgosit. Ai më thoshte ik se je në moshë. Unë isha 50 vjeç. Beteja vazhdoi dhe fituam në 2001. Për herë të parë u vendosën sanksione u rikthyem në 2005-2013 që ishte transformim i infrastrukturës në Shqipëri. Ishte projekti i TAP. Po të kishte qenë Edi Rama kurrë nuk do të ndërtohet se blinin rusët me lecka.
Partia Socialiste do të mbledhë Asamblenë Kombëtare më 6 prill, ku në rend të ditës do të jenë katër pika.
Në njoftimin e sekretarit të përgjithshëm të PS-së Damian Gjiknuri thuhet se mbledhja e Asamblesë do të jetë online.
Në rendin e ditës do të miratohet dhe vendimi për thirrjen e Kongresit më 9 prill në Pallatin e Kongreseve.
Ditën e mërkurë, datë 06.04.2022, ora 17:00, do të zhvillohet mbledhja online e Asamblesë Kombëtare të Partisë Socialiste.
Rendi i ditës së mbledhjes do të jetë:
1. Miratimi i vendimit për thirrjen e Kongresit të Partisë, ditën e Shtunë, datë 09.04.2022, ora 11:00, në Pallatin e Kongreseve në Tiranë.
2. Diskutimi dhe miratimi i Agjendës së punimeve të Kongresit.
3. Miratimi i rendit të ditës së punimeve të Kongresit.
4. Prezantimi i Statutit të ri të partisë që do ti paraqitet Kongresit për votim e miratim.
Ditën e hënë, datë 04.04.2022, do ju dërgohen materialet përkatëse të mbledhjes, ndërsa ditën e mërkurë në mëngjes do ju dërgohet linku përkatës për lidhjen online.
Të nderuar anëtarë të AK!
Ju njoftojmë se ditën e mërkurë (06.04.2022), ora 17:00 do të zhvillohet mbledhja online e AK.
Bashkëngjitur do të gjeni edhe Rendin e Ditës”, thuhet në njoftimin e Gjiknurit.
“Unë flas për të gjallët, ju flisni për të vd ekurit”. Kështu u shpreh kryeministri Edi Rama, kur u pyet sot pasdite nga gazetarët nëse do të bashkëpunojë me Sali Berishën për zgjedhjen e presidentit të ri që merr postin 5 vjeçar në korrik 2022.
Në një prononcim për mediat pas mbledhjes së Kryesisë së Partisë Socialiste, kreu i qeverisë refuzoi të japë përgjigje të detajuar nëse do të bashkëpunojë me Sali Berishën për kreun e ri të shtetit, ndërkohë që gjykata ka certifikuar “Rithemelimin” në PD.
Ndërsa për çështjen e deputetit Alqi Bllako, kryeministri Rama tha se deri në momentin që të vërtetohet nga drejtësia, deputeti socialist është i pafajshëm.
Ndër të tjera, kryeministri u shpreh se ky ka qenë edhe qëllimi i Reformës në Drejtësi, ku nuk ka më mburoja politike, siç tha ai.
“Nuk ka përgjegjësi kolektive. Unë qëndrova këtu për respekt dhe besoj se bëhen pyetjet e jepen përgjigjet dhe nuk ndërpritet tjetri. Po jepja përgjigjen e një pyetjeje dhe u ndalova.
Nuk ka përgjegjësi kolektive dhe zgjedhjet e njerëzve në jetë, zgjedhjet me të cilën vendos të lidhësh jetën, zgjedhjet e njerëzve me të cilën bashkëpunon, bazohen mbi një sërë arsyesh, të cilat nuk prezumojnë për askënd se kush zgjedh është përgjegjës nëse i zgjedhur shkel ligjin. Për këtë arsye gjërat janë të ndara.
Sot që flasim përgjigjja ime është si gjithmonë në parim. Në rastin konkret këtë nuk e caktoni ju, as unë, por drejtësia. Deri kur ajo të thotë fjalën e fundit, këta njerëz janë të pafajshëm.
Ndryshimi është që këtu sot për shkak të reformës në drejtësi, kemi arritur në pikën ku nuk ka mburoja politike. Por në pikën që njerëzit të shpallen të fajshëm nëpër mikrofonë, mund të shkojë kush dëshiron, por jo unë”, deklaroi kreu i qeverisë.
Deputetja socialiste Luljeta Bozo ka deklaruar se kriza ekonomike që ka kapur vendin kalohet me solidaritet dhe jo me ulje taksash. E ftuar në emisionin “Top Talk” në Top Channel, Bozo tha se qytetarët duhet të solidarizohen me situatën.
“Duhet të sensibilizohen njerëzit, se sytë në ballë i kanë… ata shkojnë përditë që blejnë dhe menjëherë sinjalizojnë, të vijnë grupet, të kontrollojnë dhe të marrin masa. Kjo është situatë e jashtëzakonshme”, tha ajo.
Duke folur për pensionet, inxhinierja thotë se shtesa prej 3.000 lekësh e llogaritur si subvencion për përballimin e rritjes së çmimeve për produktet e shportës, është llogaritur dhe në bazë të inflacionit. Sipas saj, tani që për pagat nën 40.000 lekë janë hequr tatimet, në vitet në vijim do të rriten sigurimet dhe për pasojë dhe pensionet.
“3.000 është shtesa që merr një pensionist që merr sa gjysma e rrigës minimale, (32000 lekë nga 1 prilli). Është llogaritur sa është rritur inflacioni, aq do të kompensohen të gjitha pensionet. Do të indeksohen, dhe kjo është ndihmë. Duhet të jemi shumë objektiv që të gjithë që të sinjalizojmë atje ku duhet kur shikojmë që nuk ecën një gjë. Duhet të dini që pensionet nuk dalin nga puna që kanë bërë njerëzit. Njerëzit që kanë punuar para 30-40 vitesh kanë paguar sigurime, janë prishur raportet. Tani do të fillojë pak nga pak, vit pas viti, meqë u hoqën tatimet për rrogën nën 40.000 lekë, do të kenë mundësi të grumbullohen më shumë sigurime, më shumë para dhe gradualisht do të ngrihet dhe pensioni se s’ka si të rritet ndryshe”, tha ajo.
E pyetur nëse heqja e TVSH-së është e nevojshme për të sjellë uljen e çmimeve për produktet e shportës dhe të hidrokarbureve, Bozo thotë se nuk do të ndikonte.
“Ulja e TVSH-së për konsumatorin nuk ka asnjë rezultat. Shteti subvencionon 80% të energjisë, të asaj që ne paguajmë në shtëpi, po nga t’i nxjerrë këto lekë shteti”, tha Bozo.
Bozo gjithashtu ka thënë se shërbimet për qeveritarët janë reduktuar, megjithatë duhen shqyrtuar shërbime të tilla luksi në një kohë krize.
“Janë ulur në maksimumin e mundshëm. Shpenzimet për shërbimet ndaj qeveritarëve janë ulur në minimumin e mundshëm. Këto gjëra nuk zënë kaq shumë peshë, edhe pse nuk e diskutoj që duhen pasur në konsideratë”,’ tha ajo.
Aktivistja shqiptaro-amerikane, Evi Kokalari nuk i ndahet Lulzim Bashës edhe pse ai dha dorëheqjen nga drejtimi i PD-së.
E rreshtuar në krah të Berishës, Kokalari ka ironizuar veprimin më të fundit të Bashës.
Ajo ka publikuar pamje nga zyrat e reja të Bashës.
“Çdo mëngjes zgjohem me këtë pamje – zyrat e Bashës. #TorreDrin”, shkruan Kokalari.
D ebate të ashpra janë zhvilluar sot në Komisionin e Ligjeve teksa ishte e pranishme ministrja e Financave dhe Ekonomisë Delina Ibrahimaj, për ndryshimet në buxhetin e 2022, që do të reflektojnë paketën sociale të miratuar nga qeveria për stabilizimin e rritjes së çmimeve.
Deputeti i opozitës Dashamir Sula aludoi se ministrja fle në vilën e një oliogarku, ndërkohë që kryetarja e Komisionit Klotilda Bushka, kërkoi që të ruhej etika në komunikim.
Unë nuk fle në shtëpitë e oligarkëve, unë e di më mirë sa është çmimi i ushqimeve, sepse unë fle te shtëpia ime. Nuk po fyej asnjë njeri, ministrja më tha a i di unë çmimet, i them që di edhe ministra që flenë në shtëpitë e oligarkëve. Ma thuaj pra sa është çmimi i vajit, meqë unë nuk e di”, tha mes të tjerave Sula
“Ju lutem lërini këto sha ntazhe”, ndërhyri Bushka, ndërkohë që ministrja pa mikrofon i tha deputetit, se vetë ai nuk ishte në dijeni të çmimeve në treg.
