Politike

Ministri për Europën dhe Punët e Jashtme Ditmir Bushati ka folur në një intervistë  në News24 pas marrjes së rekomandimit pozitiv nga Komisioni Europian për Shqipërinë. Bushati tha se e sheh këtë rekomandim si angazhim të gjitha institucioneve shqiptare. Ai theksoi se është e rëndësishme që të gjithë aktorët politikë të jenë të bashkuar.

Lidhur me çështjen “Tahiri”, Bushati deklaron se asnjë ministër i jashtëm i vendeve të BE nuk i shprehur rezerva për këtë çështje.

Çfarë fitojnë shqiptarët nga rekomandimi?
Kjo është një pyetje e drejtë. KE ka bërë një rekomandim të qartë për sa i përket fillimit të bisedimeve. Një rekomandim që i shkon vendeve anëtare dhe KE ka konfirmuar arritjet që ka Shqipëria sidomos 2 vitet e fundit. Ka evidentuar krahas arritjeve fushat ku nevojiten më shumë punë dhe më shumë reforma. Siç e tha dhe dje Mogherini krahas rekomandimit dhe gëzimit për këtë rekomandim, fjalët kyçe mbeten thellimi i mëtejshëm i reformave dhe mbajtja e ritmit të reformave. Së pari është e rëndësishme që të gjithë aktorët politikë të jenë sa më të bashkuar për të korrur fryte të mëtejshme në këtë proces.
Rekomandimi meritë e kujt është?
Është shprehje e angazhimit të qartë të institucioneve shqiptare. Është gabim t’i ndajmë etapat e vendit në integrimin europian, apo euroatlantik. Janë teza shumë të vjetra e arkaike.

Ju thoni që momentet që është zgjatur kaq shumë..vonesën ja atribuoni fajin të gjitha qeverive?
Udhëtimi i Shqipërisë drejt BE-së ka filluar në 1991. Pikënisja nuk ka qenë e njëjtë me vende të Europës Qendrore, por sot për sot Shqipëria është vendi që është transformuar më shumë…
Maqedonia ka disa vite që merr rekomandimin për nisjen e bisedimeve. Në 2-3 vitet e fundit për shkak të krizës, rekomandimi u bë i kushtëzuar. Për Shqipërinë rruga ka qenë e gjatë, krahasuar me potencialin që ka Shqipëria. Shqipëria ka aplikuar në 2009 dhe vetëm në 2018 kemi një rekomandim të qartë. Janë 9 vite ku nuk është humbur shumë kohë.

Pse mendoni se qeveria po justifikohet me zotin Basha në Berlin, i ruheni një përgjigje negative në qershor?
Nuk e di se nga buron ky opinion i juaji. Kryeministri ka qenë konsistent për këtë çështje. Duke e konsideruar si një kurorëzim i një pune të madhe në vite.

Ju ishit pjesë e delegacionit ku ishte edhe Mogherini, pati ndonjë gjë që nuk u tha për mediat nga takimi?

Ju po kërkoni gjëra qw nuk janw thwnw? Rruga është shumë e qartë për Shqipërinë dhe nuk jam optimist që klasa politike mos përsërisë gabimet e të shkuarës. Mënyra si e ka lexuar PD këtë moment historik nuk më ka lënë një shije të mirë. Vijimi i sherrit sot në kuvend është një sinjal për të tensionuar situatën. Sot për sot situata në BE nuk është një mjedis i përshtatshëm.

Deklaratat e deputetit gjerman si i komentoni?

Është normale që për sistemet e demokracive liberale deputetë të ndryshëm të kenë qasje të ndryshme.

Keni nisur konsultimet me homologët tuaj, pasi tashmë Shqipëria do ndezë motorët pwr rrugwn e integrimit?

Shqipëria ka kohë që i ka ndezur motorët. Javës tjetër ne do jemi nw Gjermnai dhe në axhende kemi takim edhe me Merkel. E njëjta gjë do bëhet edhe me Francën.

Mund të digjemi nëse Gjermania nuk fut në axhendë Shqipërinë?

Ne na takon të mbajmë ritmin e reformave. Qeveria gjermane kërkon mbështetje për një vendimmarrje nga budestagu gjerman.

Për rastin Tahiri çfarë mund të thoni mendoni se është problematikë nga vendet e BE?

Ka pasur raste kur deputetë të mazhorancës edhe këtu kanë votuar ndryshe. Nuk është fundi botës që ne në 6 muajt që vijnë do dëgjojmë deklarime të ndryshme nga deputetë të ndryshme për këtë çështje. Asnjë homolog s’më ka thënë asgjë për këtë çështje. Shqipëria ka institucionet e saj dhe deputeti Tahiri është në hetim dhe po kryhen hetimet. Është kërkuar ndihmë edhe nga vendet anëtare te BE. Tahiri prezumohet i pafajshëm deri tani përderisa gjykata nuk ka thënë fjalën përfundimtare. Disa deputetë i ikën drejtësise me raporte mjekësore.

Tahiri e shpëtoi sot mandatin duke ardhur në Kuvend pas 6 muajsh. Ishte një mburojë kjo nga Tahiri?

Unë nuk jam Maks Haxhia, pra avokati i Tahirit. Unë di që edhe prokuroria ka kërkuar mbështetje nga prokuroritë e vendeve të BE. Është në interes të kësaj mazhorance që të ketë një hetim korrekt për këtë çështje.

Nëse në qershor nuk arrihet një përgjigje pozitive nga KE për hapjen e negociatave, rrezikon vendi të shkojë në zgjedhje të parakohshme?

Ne kemi një vendimmarrje dhe program pune në të 12 qarqet dhe për çdo parti politike kjo nuk ka lidhje me këtë proces që po diskutojmë. Të gjitha energjitë tona duhet të jenë të fokusuara tek këto detyra. Zgjedhjet nuk kanë arsye pse të ndodhin sot sepse ne kemi një mazhorancë solide dhe po punojmë për reformat.

Saimir Tahiri prej gjashtë muajsh që me nisjen e hetimeve ndaj tij është përjashtuar nga lista e PS-së dhe është regjistruar në Kuvend si deputet i pavarur.

Por rikthimi i tij sot në Kuvend ka mallëngjyer deputetët dhe ministrat socialistë të cilët kanë vrapuar që ta takojnë atë, mbase dhe duke e ngushëlluar dhe inkurajuar për periudhën e vështirë që ai po kalon.

Më e përmalluara nga të gjitha duket se është ministrja e Kulturës, Mirela Kumbaro dhe ajo e Arsimit, Lindita Nikolla.

Por nuk ka munguar edhe një përqafim mes dy ish-ministrave të Edi Ramës, Saimir Tahiri dhe Mimi Kodhelit, të dy të akuzuar nga opozita për lidhje me trafikun e drogës.