Politike

E shkuara e tij e errët përfshin një skandal të trafikimit të fëmijëve nga lindja në Gjermani, një flirt të dyshimtë me Putin dhe preferenca selektive pro-serbe në Ballkan. Njeriu që shihni në foto quhet Gunter Krishbaum dhe ai është personi që do të lobojë gjatë dy muajve të ardhshëm në nivelet më të larta europiane për të bllokuar hapjen e negociatave për Shqipërinë.

Krishbaum, një deputet i CDU në Gjermani, një person me të shkuar problematike që përfshin edhe një skandal të përfshirjes në një aferë të trafikimit të fëmijëve nga vendet e lindjes në Europë (lexo më poshtë), do ta bëjë këtë jo i shtyrë nga urrejtja, por nga pagesat që përfiton prej Partisë Demokratike të Shqipërisë.

Një figurë e afërt e Bashës gjatë tre viteve të fundit, Krishbaum vizitoi vitin e shkuar edhe çadrën e protestës, nga ku mbajti një fjalim, edhe këtë herë si një këshilltar i paguar i liderit të opozitës. Por, kush është Krishbaum? Një figurë me ndikim në politikën europiane, ai njihet për preferencat e tij selektive, duke mbështetur integrimin e Serbisë në rajon, por jo atë të Shqipërisë dhe Kosovës.

Pak kohë më parë, Krishbaum u vendos në qendër të një skandali politik, kur vizitoi Kievin si pjesë e një delegacioni gjerman, por kërkoi pavarësisht pushtimit të Krimesë, një kompromis me Rusinë, pa të cilën tha ai, “nuk mund të ketë zgjidhje të problemit”.

Aq e qartë është preferenca pro-Putin e Krishbaum, sa një deklaratë të dhënë në “Deutsche Welle” në rusisht, e më pas të publikuar në mediat ruse, ai përpiqej të qetësonte Kremlinin duke thënë se “interesi i Gjermanisë në Ballkanin Perëndimor nuk synon të reduktojë influencën ruse në këtë zonë”.

Sipas burimeve të siguruar në motorë të kërkimit, burime të cilat Ekskluzive.al nuk është në gjendje t’i verifikojë në mënyrë të pavarur, kjo preferencë pro-ruse mund të jetë gjenetike në familjen Krishbaum, pasi një paraardhës i largët, Vilhelm Krishbaum, një ish-funksionar i Gestapos gjatë Luftës së Dytë Botërore, ngriti një prej rrjeteve më të sofistikuar të spiunazhit të KGB-së në Gjermani në periudhën e Luftës së Ftohtë.

Ajo që mund të verifikohet lehtësisht, është ama preference e tij për Serbinë, për të cilën ai shprehet se duhet të integrohet një orë e më parë, ndërsa në rastin e Shqipërisë, ndonëse ndodhemi në të njëjtin stad të bisedimeve, ai shprehet se “rekomandimi i Komisionit nuk është i mjaftueshëm”.

Qëndrimet kontradiktore të Krishbaum nuk janë diçka e re. “The Sun” raporton se ai konsideron komisionerin Juncker si “një prej njerëzve më të urryer në Europë”, ndërsa pak kohë më pas fitoi edhe urretjen e britanikëve, kur ndërhyri në punët e brendshme, me sugjerimin se Skocia duhet të kërkojë pavarësinë pas Brexit.

Megjithatë, lista e kontradiktave rreth 54-vjeçarit, nga politika në jetën e tij private, vetëm sa forcohet. Babai i tre fëmijëve la gruan e tij të një jete në vitin 2010, për t’u lidhur me sekretaren rumune shumë vite më të re, të quajtur Oana Paraschiva Harvalia, me të cilën u martua një vit më vonë në një ceremoni luksoze në vendin e tij të lindjes.

Megjithatë, falë gruas së tij të re me profesion juriste, Krishbaum lidhet në një skandal me përmasa të frikshme, të raportuar nga e përditshmja më e madhe në Rumani, “Coatidanul”. Oana është drejtoreshë e një fondacioni, që duke shfrytëzuar lidhjet politike të të shoqit, është profilizuar në birësimin e fëmijëve jetimë rumunë nga prindër gjermanë.

Një aktivitet fitimprurës ky për të, i cili sipas gazetës ka vazhduar në mënyrë ilegale, ndonëse Rumania nxorri një ligj që e pengonte adoptimin e fëmijëve të vegjël jashtë kufinjve të vendit, nga të frika se një pjesë e tyre mund të përdoreshin për t’u shfrytëzuar seksualisht në vendet e Bashkimit Europian./Botuar nga ekskluzive.al.

Numri një i qeverisë, Edi Rama, nga foltorja e Kuvendit ka kërcënuar hapur Ilir Metën, Adriatik Llallën dhe Shkëlzen Berishën duke thënë se do të shkojnë në burg.

Pas hapjes së negociatave, Rama duket i vnedosur që të zbatojë deri në fund Reformën në Drejtësi, si kusht i vetëm për Shqipërinë drejt Evropës.

Sipas tij ky proces jo vetëm që do të pastrojë gjyqësorin dhe prokurorinë, por do të çojë para drejtësisë edhe ata që kanë hesape për të larë me të.

Sipas tij faza e re e vetingut kërkon që jo vetëm sistemi të pastrohet nga gjyqtarët dhe prokurorët e korruptuar, por të veprojë si një sistem i pastër ndaj kujtdo që ka hesape për të larë me drejtësinë.

Edhe pse Rama nuk përmendi emir, dihet se Ilir Meta do të ketë probleme me drejtësinë për shkak të raportit të Freedom House ku tha se Meta si President ishte gabimi më i madh i Shqipërisë pasi është njëriu më i korruptuar në vend.

Adriatik Llalla, zari i Ilirit, është i pari që do të përfundojë në pranga për shkak të dosjeve që ka mbyllur duke favorizuar krimin.

Shkëlzen Berisha ka një llogari të hapur me drejtësinë që i ka kushtuar plot 400 mln euro shtetit shqiptar, skandali i CEZ-DIA.

Pasi foli ne emisionin “Opinion” ne Tv Klan, ish-ministri i Brendshëm, Saimir Tahiri u shfaq në një tjeter lidhje telefonike për “360 Gradë” në Ora News, ku u pyet nëse i trembet ndonjë arrestimi për llogari të integrimit, duke deklaruar se nuk do ta lejonte këtë, por pa dhënë sqarime të tjera.

Myftaraj: Ju jeni jurist dhe e dini që politikanët e nivelit të lartë futen në burg me teorema politike. Mos ndoshta me rekomandimin për negociatat duhet arrestime ekselente.

Tahiri: Nuk shoh asnjë rrezik. E para nuk arrij ta konceptoj si mund të ketë një zgjidhje me “koka turku” dhe as që më duket se Shqipëria shkon gjëkundi me historinë e kokave të turkut. Ky është një hesap tjetër. E sigurt është që nuk do të lejoj të më ndodhi mua një gjë e tillë dhe jam i dedikuar vetëm për të vërtetën. Nuk besoj që është e kollajtë të bëhet kush edhe unë jo e jo, kokë turku.

Zheji: Cili është instrumenti?

Tahiri: Sepse besoj tek e vërteta ime dhe pse besoj se do t’i shkoj deri në fund. Këto të tjerat me koka turku, jo llogari politike që të blihet integrimi me mua, nuk i besoj dhe jam i qetë.

Dyrnjaja: Kë keni parasysh kur thatë se nuk do të lejoni bir nëne dhe bir kurve…

Tahiri: Për t’i shkuar deri në fund të vërtetës dhe për të mos u ndalur përpara asgjëje.

Ka vendosur të flasë për të gjithë, pas një heshtjeje jo pak të shkurtër. Ish-ministri i Brendshëm Saimir Tahiri ka ndërhyrë sonte në emisionin “Studio e Hapur” në News24 për të folur për reagimet ndaj deklaratës të tij (“Se besoj se do ketë dhe bir kurve që të më ndalojë për të bërë drejtësi”) si në media ashtu edhe nga politika. Ai tha se nuk ka çuar mesazhe të koduara dhe nëse do ketë nevojë të çojë mesazhe do t’i çojë drejtpërdrejt.

Lidhur me deklaratën e Ramës se është rritur nën hijen e tij, Tahiri tha se është privilegj për të që ka punuar me Ramën.

Cili është imprsioni që keni nga reagimi i mediave sot dhe interpretimin e tyre për praninë tuaj në Kuvend?
Ju deformoni. S’bëj mesazhe të koduara, i çoj drejtpërdrejtë.

E keni fjalën që ne po deformojmë, nuk ishte mesazh i koduar?
Jo aspak, unë kur kam për të çuar mesazhe e çoj në mënyrë të drejtpërdrejt skam nevojë për kode.

Unë nuk besoj që autorësinë e fjalorit të gjuhës shqipe mund ta mbajë një nga ne. Është një shprehje dhe vetëm kaq. Përpjekja jo vetëm e juaj për t’i dhënë nuanca mistike është e tepruar.

Po thoni që nuk keni mesazh për askënd?
Kur ta kem di si ta bëj. S’kam nevojë për mesazhe të koduara.

Pra edhe mund ta keni?
Unë tu përgjigja. Ky nuk ishte rasti,.

Rama tha që më vjen për të qeshur, thotë që jeni rritur nën hijen e tij. Keni një koment?
Jo, s’kam asnjë koment.

E pranoni që jeni rritur nën hijen e Edi Ramës?
Sigurisht që kam punuar me të dhe s’kam arsye ta mohoj. Nëse kjo quhet se jam rritur nën hijen e tij apo në rrezen e diellit… Për mua është privilegj që kam punuar me të.

Keni frikë nga arrestimi?
Kam frikë vetëm nga gënjeshtra dhe jo e vërteta.

Kurban i negociatave?
Nuk më shqetëson kjo. Nuk besoj që kjo është edhe e mundur të ndodhë.
Unë di të vërtetën time dhe jam i përkushtuar për të vërtetën time. Rrethanat e tjera janë të parëndësishme.

Do ktheheni në politikë?
Nuk kam ikur.

Kryeministri Edi Rama ka komentuar sot deklaratat e opozitës së kancelari të huaja i kanë kërkuar kreut të qeverisë arrestimin e Saimir Tahirit.

Rama u shpreh se “presion mua në shqip apo anglisht nuk më bën dot njeri”, duke lënë të kuptohet se nuk ka pasur një kërkesë të tillë.

Ai shtoi se në takime i kanë kërkuar sqarime për atë që ka ndodhur, por nuk ka pasur asnjë kërkesë. “Ka të huaj që janë interesuar për të kuptuar si qëndron çështja, por jo kërkesë”,- tha Kryeministri Edi Rama.

Kryeministri Edi Rama ka folur në sot emisionin “Real Story” për votimin e qeverive të BE në qershor për hapjen e negociatave me Shqipërisë.

Kryeministri tha se deri sa të gjitha vendet të thonë “Po” duhet marrë në konsideratë dhe mundësia që të mos çelen negociatat.

Ai hodhi poshtë zërat se Franca është kundër integrimit të Shqipërisë. “Franca do të jetë në krahun tonë. Gjermania, forca e gravitetit. Nuk duhet te ngatërrojmë qeveritë me individët”,- tha Kryeministri.

Në hyrje të intervistës, Balla u kujtoi Edi Ramës, se 20 vite më parë kur ai hynte në politikë ishte Fatos Nano që premtoi se do ta çonte vendin në BE.

“Ky rekomandim është kërkuar në vite dhe mund të kishte qenë shumë më i shpejtë. Shqipëria mund të kishte përparuar shumë më tepër se të tjerët.  Me që e përmende Fatos Nanon duhet thënë se dhe ai ka kontribut për këtë proces”,- tha Edi Rama.

Pas zhurmës që shkaktoi me prezencën në kuvend, pas 6 muaj mungesë sërisht ish-ministri i Brendshëm, Saimir Tahiri ka folur edhe një herë nëse ka materiale kompromentuese për Ramën.

Në një lidhje telefonike në emisionin ”Opinion”, Tahiri tha se: “Nuk e kuptoj pse hidhni fall për arsyet pse shkova në kuvend dhe arsyet pse kam kërcënuar Ramën.

Nuk e kam në kulturë të kërcënoj njeri, nuk jap mesazhe përveçse drejtpërdrejtë. Kam të drejtën time të flas në kuvend dhe jashtë tij për të gjitha që kam dëgjuar.

Siç kam dëgjuar në kuvend Saliun e Lulin. Unë këtë nuk e pranoj”, u shpreh ai.