Politike

Edhe pse u përpoq të ruante qetësinë kundrejt shpartallimit të forcës politike që drejton Monika Kryemadhi nuk e ka fshehur dot revoltën  në emisionin  “Debati në Chanel One”

“Secili ka gojën e vet, mendjen e vet të flasë dhe të shpjegojë qendrimin e tij. Asnjërin nuk e mban me zor në LSI as zotin Bitri, as Monikën e as njeri tjetër. Kush do të rrijë kush do, të iki. Ky grup parlamentar nuk është zgjedhja ime. Është zgjedhja e Ilir Metës. Çdo deputet që kërkon ta shikojë veten e tij në LSI si shoku i Ilir Metës le ta shikojë si shok i Ilir Metës.

Kryetar i LSI është Monika Kryemadhi dhe nuk është Ilir Meta. Kjo është e qartë për çdo gjë dhe e kam bërë të qartë edhe për grupin parlamentar. Kush do të shkarravitet me Edi Ramën le të shkarravitet. Kush do që të shkarravitet me Taulant Ballën le të shkarravitet. Kush do të shkarravitet me Gramoz Ruçin le të shkarravitet.

Lëvizja Socialiste për Integrim është një realitet politik. I pëlqen apo si pëlqen Ilir Metës, i pëlqen apo si pëlqen Edi Ramës, i pëlqen si pëlqen Lul Bashës, ajo është një forcë politike që do vazhdojë programin e saj të qartë për qytetarët dhe në funksion të interesave kombëtare e panegociueshme kjo. Nuk është kërcënim, por mendoj se LSI ka nevojë për një vendosje rregulli.

Treçereku i këshilltarëve duan të vinë prapë në LSI po ç’i dua unë ata? Unë kam qenë kundër dikur për këto kalimet nga njëra parti në tjetrën.  Mos prisni që nga Edmond Haxhinasto të marrë shishen e ujit dhe të qëllojnë dikë apo Panariti të hedhë qesen me miell. Mos prit që Haxhinasto të qëllojë me grusht ndonjë njeri”, pohon Monika.

Kryeministri Edi Rama në një konferencë me gazetarët, i është përgjigjur pyetjeve në lidhje me vizitën e tij në Berlin dhe takimin me kancelaren Angela Merkel.

Pyestjes, a e kërkoi Merkel ‘kokën’ e Tahiri, Rama u përgjigj:

‘Me kancelaren kemi folur në detaje për të gjitha aspektet e raportit të progresit, për ecurinë në 5 prioritet, në mënyrë të vecantë për ecurinë e reformës në drejtësi dhe patjetër për progresin e bërë me vetingun që siç e dini dhe ju përbën një moment shumë të rëndësishëm dhe ka një vëmendje shumë të veçantë nga të gjithë, por edhe nga Kancelaria gjermane”.

Një lajm i bujshëm po qarkullon këto orë në mjediset e gjyqësorit në vend.

Të hënën pritet një dorëzim dorëheqjesh kolektive nga ana e gjyqtarëve në Shqipëri, të cilët nuk pranojnë të hyjnë në procesin e vettingut.

Siç mësohet, të shtunën do të mblidhet Shoqata e Gjyqtarëve, ku do të merret vendimi ekstrem dhe do tu bëhet thirrje gjyqtarëve që të largohen kolektivisht nga sistemi, si protestë ndaj vettingut.

Gjyqtarët pritet të cilësojnë si proces të parregullt dhe denigrues të rivlerësimit  që po bëhet nga komisionet e vettingut por edhe Operacioni Ndërkombëtar i Monitorimit.

Sipas gjasave, nëse merret vendimi ekstrem, atëherë do të duhet të mblidhet menjëherë Këshilli i Lartë i Drejtësisë, nën drejtimin e Presidentit të Republikës, Ilir Meta.

Nëse ndodh dorëheqja kolektive atëherë gjyqësori do të paralizohej totalisht.

Kjo duket se bëhet me një qëllim të caktuar politik, sidomos tani që është bllokuar edhe situata në Gjykatën e Lartë dhe atë Kushtetuese.

Synimi duket është i qartë: të mundohet ta kthejë betejën e vettingut jo si një luftë ndaj korrupsionit, por si një betejë politike mes dy palëve.

Nga ana tjetër mosfutja kolektive në vetting, bën që të mos bëhet ajo që kërkojnë qytetarët dhe që është e detyrueshme me Kushtetutë: skanimi i pasurisë një më një i të gjithë gjyqtarëve dhe prokurorëve në vend.

Po tentohet që të bllokohet totalisht gjyqësori, duke e kthyer vettingun si një instrument të pavlefshëm, pasi nuk do të ketë lëndë për të kryer rivlerësimin e situatës.

Me një manovër politike, Ilir Meta, i cili drejton KLD-në, një organ kushtetueshmërisht i vdekur, ta përdorë si një tribunë e luftës politike kundër Reformës në Drejtësi, duke përdorur një institucion të pavarur.,

Këshilli i Lartë i Drejtësisë, po vepron në inerci deri në ngritjen e Këshillit të Lartë të Gjyqësorit, i cili pritet të ngrihet menjëherë pas vettingut të gjyqtarëve dhe prokurorëve të rangut të lartë.

Ata që e votuan reformën në drejtësi me pahir dhe që nuk mundën ta ndalonin, po synojnë ta bllokojnë dhe ta delegjitimojnë.

Edhe si kohë kanë gjetur një moment të çuditshëm, vizitën në Tiranë të kreut të Kishës Ortodokse Ruse, Kirili, që është në fakt dinjitari më i rëndësishëm i Moskës që viziton një vend anëtar të NATO-s kohët e fundit.

Dhe kjo manovër po tentohet pikërisht në kulmin akuzave që vijnë nga SHBA për LSI-në si një instrument i politiës ruse në Tiranë./Pamfleti.com

Kryeministri Edi Rama në një konferencë me gazetarët, i është përgjigjur pyetjeve në lidhje me vizitën e tij në Berlin dhe takimin me kancelaren Angela Merkel.

Pyestjes, a e kërkoi Merkel ‘kokën’ e Tahiri, Rama u përgjigj:

‘Me kancelaren kemi folur në detaje për të gjitha aspektet e raportit të progresit, për ecurinë në 5 prioritet, në mënyrë të vecantë për ecurinë e refirmës në drejtësi dhe patjetër për progresin e bërë me vetingun që sic e dini dhe ju përbën një moment shumë të rëndësishëm dhe ka një vëmendje shumë të vecantë nga të gjithë por edhe nga Kancelaria gjermane”.

Më jep, të të jap. Mbështetja e hapur e Belgjikës ndaj Shqipërisë sa i përket hapjes apo jo të negociatave për në Bashkimin Europian duket se ka dhe anën tjetër të medaljes.

“Ne vlerësojmë përpjekjet që janë marrë nga qeveria Rama në fushën e së drejtës, në reformën në drejtësi. Nuk janë të lehta për t’u zhvilluar. Rekomandimi hap mundësinë pa kushte drejt anëtarësimit, por në javën e ardhshme do të ketë bisedime shumë të rëndësishme në gjirin e BE. Në Sofje do të diskutohet për të ardhmen e BE dhe të rajonit.

Ramë dakord të ruajmë një dialog të ngushtë për të nxitur zhvillimet mbi vendimin që do të merret në qershor. Ne do të shprehemi në qershor, por tani dëshirojmë që të vazhdojmë përpjekjet e afrimit të Shqipërisë me BE”, tha Kryeministri belg gjatë vizitës në Tiranë.

Por në fakt udhëtimi i kryeministrit belg në Ballkan kishte dhe një tjetër qëllim. Ai ka marrë OK nga Tirana se në votimin e 8 Qershorit vendi ynë do të votojë pro Belgjikës që të jetë pjesë e Këshillit të Sigurimit në OKB.

Gara e fortë është mes tre vendeve, Gjermanisë, Belgjikës dhe Izraelit dhe bëhet fjalë për një vend jo të përhershëm në Këshillin e Sigurimit të OKB-së, për vitet 2019 dhe 2020.

Në organizmin më të rëndësishëm të Kombeve të Bashkuara marrin pjesë gjithsej 15 vende. Pesë fuqitë që kanë të drejtë vetoje janë SHBA, Rusia, Kina, Franca dhe Britania e Madhe dhe kanë vend të përhershëm në Këshill. Dhjetë vendet e tjera të Këshillit jepen për dy vjet.

Ministri i Jashtëm belg, Didier Reynders ka thënë se ishte optimist, ndërsa dhe çifti mbretëror ka nisur takimet.

“Unë jam optimist nga natyra dhe besoj se kemi bërë një fushatë të shkëlqyer,” u tha ministri Reynders gazetarëve.

Të hënën, homologu i tij iranian Mohammad Jaraf Zarif e siguroi atë për mbështetjen e Republikës Islamike.

“Shqipëria gjithashtu konfirmoi se do të votonte në favorin tonë. E vetmja pengesë është se votimi është sekret,” ka thënë me shaka kreun e diplomacisë belge./Gazeta Shqiptare

Nga të katër anët, media bombardohet me lajme koridoresh “të pakonfirmuara zyrtarisht” por nga burime të sigurta, lidhur me porositë e Kryeministrit dhënë drejtuesve të institucioneve, si për pastrimin e administratës nga elementet e padenjë për qeverisjen, po ashtu edhe neutralizimin e personave të spinuar a mbështetur nga PD e LSI.

E nuk do mend as kalem të tepërt, është pikërisht puna e dobët e këtyre të fundit në administratën e kaluar që ndihmoi në ndëshkimin me 1 milion shuplaka në 2013, si dhe në neutralizimin e “timonit të dytë” në 2017.

Madje thuhet se Kryeministri shumë shpejt do të nisë një tur takimesh në drejtoritë kryesore rajonale për të përforcuar “in personam” porosinë e dhënë prej tij.

Mirëpo, më duket se jo të gjithë e kanë kuptuar drejt urdhëresën e Kryeministrit, pasi ose PS ka mangësi të theksuar drejtuesish e për rrjedhojë duhet të merren ish-drejtues (hera herës të dyshuar për përfshirje në afera), ose Kryeministri nuk e ka patur seriozisht e ndërsa po afron 18 Maji, duhet festuar me shtrëngime duarsh e jo vetëm.

Nuk shpjegohet ndryshe që:

Xhevahir Toçilla (kusheriri i parë i Flamur Nokës, djali i tezes), i cili ka mbajtur postin e Drejtorit të Kontrollit tek Drejtoria Rajonale për Tatimpaguesit e Mëdhenj (apo Vipat), në periudhën kur drejtues institucionit ka qenë Gazmend Spahia, aktualisht, me firmën e Drejtoreshës së Përgjithshme, Vasilika Vjero delegohet përgjegjës Sektori i Kontrollit Tatimor në Drejtorinë Rajonale Tatimore Tiranë.

Apo që:

Enkeleda Troka, krahu i djathtë i Aurel Cenollit, anëtar në kryesinë e LSI, e hetuar për Rimbursimet Fiktive të dhëna në kohën e PD (ku disa ‘hëngrën’ edhe burgun), delegohet përgjegjëse sektori në Drejtorinë e Kontrollit Tatimor Tiranë.

Si shumë të tjerë, thonë burimet, edhe drejtuesit më sipër kanë zevendësuar përgjegjës të emëruar nga PS, të transferuar në drejtori të tjera më modeste, jo rrallë herë si shpagim për ankesat e shprehura pikërisht për këto lloj rrokadash!

Qartësisht, pavarësisht se kush leh, Marrëveshja e 18 Majit ecën përpara … e padyshim LSI mbledh kockat që i përkasin./Newsbomb