Politike

Kryeministri Edi Rama gjatë asamblesë së PS ka dalë jashtë parashikimeve ku pas kritikave për opozitën ka ngritur zërin dhe ka kërcënuar socialistët e tij. Me tone të larta, Rama ka kritikuar sjelljen e socialistëve në bashkinë e Çorovodës duke i akuzuar se po pengojnë shpërndarjen e ndihmës ekonomike.

“Kush e ka përgjegjësinë që në Çorovodë nuk jepet ndihma ekonomike sepse grupi i këshilltarëve të Partisë Socialiste nuk shkon në votim? Kush e ka?

Kush e ka përgjegjësinë? Për të nxjerrë kunjën me kryetarin e bashkisë.  Kush e mban përgjegjësinë për këtë?”,- bërtiti Rama.

Në këtë qark deputet i PS është Adnor Shameti, dhe sigurisht është përgjegjësia e tij për tensionin e Ramës sot në Asamblenë e PS-sëshkruan Albeu.

Një firmë fantazmë në Qipro, një avokat grek dhe një pyetje: Nga i mori paratë Ilir Meta për të lobuar në SHBA për partinë e tij?

Revista amerikane «Mother Jones» hedh dyshime mbi burimin e parave të përdorura nga LSI për lobim në SHBA. LSI dyshohet se paguante deri në 50 mijë dollarë në muaj për lobim. Një nga ëndrrat e Ilir Metës ishte t’i sigurohej qasje te presidenti Trump në formën e një takimi ose fotografie me të, përpjekje që nuk u realizua.

Revista amerikane «Mother Jones» ka botuar një shkrim tjetër hulumtues, mbi përpjekjet për lobim të partive shqiptare në Washington. Shkrimi, sipas Zërit të Amerikës, hedh dyshime mbi burimin e parave të përdorura për këtë qëllim nga Lëvizja Socialiste për Integrim, LSI. Autorë të artikullit janë Dan Friedman dhe Hannah Levintova.

Vitin e kaluar, thuhet në këtë shkrim, ish-kongresmeni republikan Howard «Buck» McKeon u kontraktua nga LSI-ja për t’i dhënë asaj qasje tek administrata e Donald Trumpit dhe republikanët e Kongresit amerikan. Por pjesa më e madhe e punës së firmës së tij u financua nga një kompani fantazmë qipriote me emrin Dorelita. Sipas artikullit, burimi i parave që rrodhën nga Dorelita për tek firma lobuese e zotit McKeon mbetet i errët.

Artikulli i «Mother Jones» shtron pyetjen se kush pagoi për LSI-në, që ajo të lobonte pranë zyrtarëve amerikanë në prag të zgjedhjeve të vitit 2017 në Shqipëri. Shkrimi e vë gishtin gjithashtu te ligjet amerikane të lobimit, që sipas autorëve, ua bëjnë të lehtë interesave të huaja të përdorin kompani fantazmë për të realizuar agjendat e tyre në Washington pa zbuluar identitetet apo qëllimet e tyre.

Në janar 2017, shkruan «Mother Jones», në prag të zgjedhjeve presidenciale dhe parlamentare të Shqipërisë, Grupi McKeon nënshkroi me LSI-në një kontratë lobimi prej 15 mijë dollarësh në muaj. Kontrata nuk u nënshkrua nga zyrtarët e LSI-së, por nga një avokat grek me emrin Iraklis Fidetzis, me të cilin kishte njohje njëri prej njerëzve të LSI-së, Vangjel Tavo. Në shkurt 2017, Grupi McKeon njoftoi se po i jepte fund kontratës me LSI-në. Por një muaj më vonë, më 24 mars, ky grup nënshkroi një tjetër kontratë, të firmosur po nga avokati Fidetzis, kësaj here për të lobuar për kompaninë Dorelita.

Sipas «Mother Jones», një burim që kishte dijeni për kontratën, tha se Fidetzis kishte sugjeruar ta paguante Grupin McKeon që ky të vazhdonte lobimin për LSI-në përmes firmës Dorelita. Me kontratën e re të lobimit, që mbulonte një vit punë, shkruajnë autorët, pagesa për Grupin McKeon do të ishte 50 mijë dollarë në muaj, plus shpenzimet, pra më se tri herë më e lartë sesa kontrata e mëparshme me LSI-në.

Sipas burimit, që autorët nuk e citojnë me emër, synimi kryesor i kontratës me firmën Dorelita ishte që kryetarit të atëhershëm të LSI-së, Ilir Meta, t’i sigurohej qasje te presidenti Trump në formën e një takimi ose fotografie me të, përpjekje që nuk u realizua. Kontrata e 24 marsit dhe dokumentet e Grupit McKeon nuk e përmendin me emër LSI-në, shkruajnë autorët, të cilët thonë se Dorelita, si kompani fantazmë, kishte një qëllim të vetëm: të realizonte pagesat për Grupin McKeon në emër të LSI-së.

Autorët përmendin gjithashtu se në prill 2017, Grupi McKeon kontaktoi një numër republikanësh për të organizuar takime për llogari të firmës Dorelita, siç ka deklaruar vetë Grupi në dokumentet e paraqitura Departamentit të Drejtësisë. Por sipas «Mother Jones», burime të shumta i kanë thënë revistës se disa nga këto takime lidhen me LSI-në.

Autorët hedhin gjithashtu dyshime se një vizitë e Vangjel Tavo në Washington në fund të prillit 2017 lidhet me takimet që Grupi McKeon po organizonte me republikanë të Kongresit për llogari të firmës Dorelita. Autorët e shkrimit venë në dukje se ligji amerikan kërkon që firmat lobuese të deklarojnë qeveritë e huaja ose partitë politike për të cilat lobojnë, por Grupi McKeon nuk e identifikoi LSI-në apo Shqipërinë si përfitues të punës së tij për kompaninë Dorelita.

Autorët shkruajnë se nuk ka gjasa që Fidetzis ta ketë financuar vetë fushatën e shtrenjtë të lobimit të firmës Dorelita, por ka vepruar në emër të një pale tjetër. Pyetja që mbetet pa përgjigje, shkruajnë ata, është se kush e financoi lobimin e LSI-së dhe cili ishte objektivi prapa kësaj fushate ndikimi.

Lëvizja Socialiste për Integrim hodhi poshtë të gjitha pretendimet e ngritura në shkrimin e revistës «Mother Jones», duke e quajtur artikullin e botuar prej saj një manipulim, mashtrim, pa fakte dhe të shtrembëruar. LSI-ja publikoi të plotë këmbimin e emaileve me gazetarët e «Mother Jones», dhe përgjigjet e dhëna prej saj, ku ajo thekson në mënyrë të përsëritur se nuk ka asnjë njohje apo lidhje me shoqërinë Dorelita Limited, për të cilën revista ngre dyshime se është përdorur si mbulesë për lobimin në favor të LSI-së.

Zëri Amerikës u përpoq të kontaktonte deputetin e LSI-së Vangjel Tavo, për t’u interesuar për lidhjet e tij me avokatin grek Iraklis Fidetzis, i cili firmosi në emër të LSI-së kontratën e lobimit mes kësaj partie dhe grupit McKeon, apo dhe për faktin që sipas revistës «Mother Jones», ai dyshohet se kishte realizuar një vizitë në Washington në muajin prill, si pjesë e lobimit përmes shoqërisë «Dorelita Limited». Tavo nuk ju përgjigj telefonatave dhe as mesazheve të korrespondentit të Zërit të Amerikës në Tiranë./Tema

Është bërë e udhës tashmë që kryeministri Rama të replikojë në mënyrë arrogante me qytetarët që i komentojnë në Facebook.

Pasi foli për taksën ndaj biznesit të vogël në kanalin e tij të preferuar që me gjasë paguhet nga taksat tona, ERTV, Rama ka nisur një debat me komentuesit në komentet e videos.

Ndërkohë që njëri nga qytetarët i ankohet se ka pllakosur varfëria në Shqipëri, Rama guxon ta quajë luks posedimin e një celulari nga çdo banor edhe pse jemi në 2018 dhe jo në vitet e racionit.

Edi Rama komenton:

Zonje, une e njoh bazen me mire se ti sepse ma do detyra dhe kete kulmin e fukarallekut mos e thuaj me, se nje vend ne kulmin e fukarallekut nuk rrit konsumin sic ndodh ketu dhe nuk ka celular per cdo fryme te gjalle! Patjeter qe duhet shume me shume, po ktheje pak koken mbrapa ku ishe para kater vjetesh.”

Ndërsa, për “kthimin e kokës mbrapa”, një tjetër qytetar i komenton kryeministrit:

Të them të drejtën ka qenë më mirë biznesi, çdo vit që kalon eshtë më keq, pa mohuar përparimet tjera”.

Megjithatë replikat e kryeministrit duket se vijnë nga nje tjetër realitet sipas qytetarëve të cilët i shkruajnë:

Fol tamam, mos fol nga maja e kalit zotrote, po pse bashkia komandohet nga një shtet tjetër apo nga ju? Ç’janë këto mashtrime?!”

Replika e Ramës:

Unë flas tamam që c’ke me atë punë Berto dhe tarifat e bashkive nuk i rrit e nuk i ul qeveria, kështu që ket llafin e modh “mashtrim” mbaje për vete mos e thuaj këtu, sepse padituria nuk është argument 😉