Politike

Sa trafikohen votat në zgjedhje parlamentare dhe më pas edhe në partitë politike? A ka të inkriminuar dhe të korruptuar në partitë politike dhe a duhet të përjashtohen ata? A do të ketë veting në politikë?

Cili është identiteti dhe lidhja me të djathtën? Cila do të jetë e ardhmja e koalicionit politik PD-LSI?

A mund të ketë politikë kur në një pesë delegatë politikë është me status papunësie dhe mbi 40% janë familjarisht mbështetës të vendosur të një force politike?

Cilat janë pikëpamjet e delegatëve të Kuvendit të Partisë Demokratike mbi sistemin zgjedhor dhe problematikat kryesore politike në vend?

Më 29 prill 2018 ekipi kërkimor i Institutit të Studimeve Politike (ISP) zhvilloi testim të një numri të madh delegatësh të Kuvendit Kombëtar të Partisë Demokratike. E njëjta praktikë është ndjekur më 2016 edhe në Kongresin e PS dhe më pas edhe në Konventën Kombëtare të LSI.

Anketimi nxori në pah problematika të rëndësishme ku ndodhen partitë politike, politika dhe demokracia e brendshme brenda tyre. Shumica e të dhënave lidhen me PD, por një pjesë e tyre janë reflektim edhe i gjendjes jashtë saj, në spektrin e gjerë politik.

Të dhëna të tilla si vullneti i qartë i delegatëve për të larguar nga partia personat e inkriminuar dhe të korruptuar, mbështetja masive për veting në politikë, bindja se reformimi tërësor i sistemit përfaqësues dhe politik është zgjidhja më e mirë për të ardhmen, apo mbështetje e fortë për depolitizimin e administratës zgjedhore, – janë risi pozitive dhe tregojnë nivel të lartë ndërgjegjësimi politik të delegatëve, – në disa raste edhe në kontrast me lidershipin politik të vetë forcës politike.

Delegatët e një Kuvendi Kombëtar supozohet se janë qytetarë të përzgjedhur, që kanë një përgjegjësi në parti, në publik dhe në politikë.

Fakti se mbi 40% e tyre lidhen me forcën politike për shkak të traditës familjare ose se pjesa dominuese në parti i përket kategorisë së vjetër historike, tregon nevojën e madhe që kanë partitë për tu reformuar, hapur, krijuar hapësira të reja dhe nxitur anëtarët e saj të kenë identitet politik, të kenë formim politik dhe të kenë vizion personal për politikën dhe të ardhmen e vendit.

Gjithashtu, fakti se një në pesë delegatë deklaron se është pa marrëdhënie pune në shtet apo në privat, është tregues i natyrës së ashpër të zhvillimeve politike në vend, ku partitë fituese largojnë nga puna mbështetësit e palës tjetër, një cikël i mbyllur që përsëritet pas çdo rotacioni politik.

Nga ana tjetër kjo tregon se një pjesë e madhe e politikanëve tanë sidomos në nivel lokal, nuk kanë profesion tjetër veç marrjes me politikë, duke e parë politikën si mbijetesë, status social, burim financiar dhe jo si profesion të ideve, part time dhe aktivitet vullnetar.

Të dhënat e nxjerra janë një listë këshillash mjaft të vlefshme për politikanët në PD dhe të tjerët në partitë politike, sesi duhen të merren vendime për më shumë demokraci dhe më shumë përfaqësim.

Mbështetja masive për ndryshimin e sistemit zgjedhor, për zgjedhjen e Presidentit nga populli, për krijimin e senatit, për votën e emigrantëve, për depolizitimin e administratës zgjedhore, etj, janë tregues maturie dhe proteste të bazës partiake ndaj vendimmarrësve politikë.

Këto sugjerime kanë vlerë sidomos në stadin ku ndodhet komisioni bipartiak parlamentar, i cili duhet të bëjë ndryshime në kuadër të reformës zgjedhore.

Studimi i plotë me të dhënat krahasuese për secilën nga rastet e cituara më lart, përfshirë analizën e detajuar mbi pyetësorin e zhvilluar në Kuvendin e PD 2018, do të publikohet në muajin e ardhshëm nga stafi kërkimor i Institutit të Studimeve Politike./TemA

Lumë komentesh në postimet e kryeministrit Edi Rama nga ana e ndjekësve të tij në rrjetin social facebook.

Pas reagimit që kryeministri bëri, teksa e quajti të pakuptimtë reagimin pikë e vrer të opozitës pas dorëzimit të mandatit të Tahirit dhe arrestimit të kokave të trafikut të kokainës, kanë vërshuar komentet nga ana e qytetarëve. Rama nuk ua ka kursyer përgjigjet, lexoni më poshtë disa nga replikat.

Kjo nuk është hera e parë që Edi Rama ”kapet” me komentuesit në Facebook, pasi kjo gjë është kthyer në një rutinë të përditshme mes tij dhe qytetarëve që e ngacmojnë atë për temat aktuale të ditës.

Kryetari i Grupit Parlamentar të Partisë Socialiste, Taulant Balla me rastin e 5 Majit, Ditës së Dëshmorëve të Atdheut zhvilloi homazhe në varrezat e qytetit të Elbasanit.

Pas ceremonisë së homazheve, Balla i është përgjigjur interesit të mediave lidhur me vendimin e Saimir Tahirit për lënien e mandatit të deputetit.

Sipas Ballës, kjo është një çështje personale e Saimir Tahirit, e cila duhet hetuar vetëm nga drejtësia, askush tjetër nuk duhet të flasë më për këtë hetim.

“Të gjithë gojëprishurit e opozitës, nga maçoku Sali te dhelpra Monikë, por edhe te gënjeshtari Lulzim duhet të heshtin e të lënë të flasë drejtësia deri në çuarjen në fund të kësaj çështje”, deklaroi Balla.

Pronomcimi i plotë i Ballës:

E gjithë kjo zhurmë e madhe në gjithë këto gjashtë muaj se gjoja imuniteti i Saimir Tahirit po pengonte hetimin e plotë të kësaj çështje.

Sot Tahiri nuk është më as me imunitet dhe as me mandat dhe sigurisht drejtësia do të bëjë punën e saj.

Ndërkohë që të gjithë gojëprishurit e opozitës, nga maçoku Sali tek dhelpra Monikë, por edhe tek gënjeshtari Lulzim duhet të heshtin e të lënë të flasë drejtësia deri në çuarjen në fund të kësaj çështje.

Kjo është një çështje personale e Tahirit, e cila duhet hetuar vetëm nga drejtësia, askush tjetër nuk duhet të flasë më për këtë hetim të momentit sa kohë që ajo që u tha, që paska qenë vendimi i Kuvendit i cili ka penguar hetimin e plotë të kësaj çështje, dhe kjo çështje është sqaruar prej ditës së parë sepse edhe ai ka qenë një vendim për të standartizuar një proceduarë kuvendore, tani jemi në një fazë krejtësisht të re që politika nuk do të flasë më, por do të flasi drejtësia./Pamfleti .com

Pas ironisë së kryeministrit Edi Rama me opozitën për dorëheqjen e Saimir Tahirit nga mandati i deputetit si dhe arrestimi i Arbër Çekajt në Gjermani, deputeti i PD-së, Tritan Shehu ka reaguar me një status në Facebook.

Ju e dini gjithashtu Z.Kryeministër se deri më sot nuk është dëenuar asnjë nga përgjegjësit e administratorët e kanabizimit të vendit, perveç disa fshatarëve gjynahqarë, shkruan deputeti demokrat në rrjetet sociale.

I keni akoma në zyrat e tyre ata Kryetare Bashkish, shefa komisariatesh, drejtues policie, ofiqarë, nxitës e përfitues direkt të asaj vepre kriminale, më e rënda, më masivja e më e rrezikeshmja, që vendi ynë ka pësuar ndonjëherë.

Postimi i plotë i Tritan Shehut në Facebook

Kryeminister, refrenin e “arrestimeve” po e ktheni ne nje “iso” shume monotone, te merziteshme dhe pa fund, qe po i ngjan asaj fabules me ujkun…!

Se pari besoj se e dini, qe nuk eshte Kryeministri ai qe arreston a burgos, pra mos kerkoni te “vishni togen” e prokurorit e gjykatesit, sic po perpiqeni te beni, per te kontrolluar drejtesine.

Ju mund te beni dicka, te mos pengoni drejtesine, t’i hapni rruge asaj, te pastroni institucionet qe varen nga ju, nga krimi e korrupsioni.

Ndersa ju dje duke abuzuar me termin “arrestim”, i “kercelluat” dhembet opozites; ju hakerryet asaj se do te kete te tjera!!!

Aferim, nqs ju do ndihmoni qe sa me shume fajtore te ndeshkohen, kushdo qofshin keta, por fatkeqesisht nuk po shoh dicka te tille, perkundrazi.

Deri me tashti nuk ka ndodhur asgje per tu shenuar; permendet nje transportues qe u ndalua ne Gjermani, vertet kujtoni se dikush mund ta besoje se 180 M Euro kokaine erdhen ketu vecse “ai u be garant”!

Per me shume nuk duhet harruar dekonspirimi e shkaterrimi i atij operacioni ne vendin tone….

Permendet arrestimet ne Turqi e Spanje, perseri nga policite e atyshme, mos u mburrni me cfare nuk ju perket, por kerkoni policise sone te zbuloje se kush jane “perfituesit” e tyre ne Shqiperi….dhe ketu jane.

Ju e dini gjithashtu Z.Kryeminister se deri me sot nuk eshte denuar asnje nga pergjegjegjesit e administratoret e kanabizimit te vendit, pervec disa fshatareve gjynahqare!

I keni akoma ne zyrat e tyre ata Kryetare Bashkish, shefa komisariatesh, drejtues policie, ofiqare, nxites e perfitues direkt te asaj vepre kriminale, me e renda, me masivja e me e rrezikeshmja, qe vendi yne ka pesuar ndonjehere.

Disa nga ata jua kam permendur edhe une, me emra e mbiemra, asnje reagim.

Kam qene nder te paret qe ngrita zerin kunder kanabizimit te vendit e pasojave shkatrimtare afat gjate, qe do te sillte ky krim monstruoz, ashtu ndodhi.

Atehere ju heshtet dhe vazhdoni…

Ndersa sot ju kercenoni opoziten, por nuk mund ta trembni dot; me mire rikolaudoni shenjestren tuaj e kthejeni aty ku duhet, brenda intitucioneve tuaja.

Dhe kjo nuk vlen vetem per kanabisin, per kriminalizimin e tyre, por dhe per permbytjen tragjike me korrupsionin me te gjere e me te thelle, qe ky vend ka njohur ndonjere, duke brejtur trupin e tij si nje kancer.

Kryeministri Edi Rama ka paralajmëruar se pas dorëzimit të mandatit të Saimir Tahirit, të tjera zhvillime të bujshme pritet të ndodhin në vendin tonë javët që vijnë. Ky kërcënim i është adresuar hapur opozitës, teksa shkruan, “Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani&Spanjë falë bashkëpunimit tonë ndërkombëtar?”

Postimi i plotë i Ramës:

Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani&Spanjë falë bashkëpunimit tonë ndërkombëtar?🤔Sa gjynah më vjen për ata që ende u besojnë këtyre vulëhumburve pa atdhe😨Po duan s’duan këta Shqipërinë do ta bëjmë🇦🇱🇪🇺

Dhe nuk ka mbaruar jo, të tjera do pasojnë në javët që vijnë e jo se e kërkon Gjermania a bota,po se ne themi atë që bëjmë e bëjmë atë që themi!E jemi ne e askush tjetër që mund ta kalojë detin që ndan të thënat nga të bërat,sado baltë të na hedhin dhe zjarre marazi të ndezin✌

Ish- ministri Ylli Manjani është zëri rradhës që del kundër aleancës Basha-Kryemadhi. Ai ia ka thënë në sy Monikës se nuk mund të ketë jetë shpresëplotë një aleancë me PD-në, duke i propozuar aleancë me Idrizin dhe AK-në.

“Për mënyrën e të bërit opozitë: Është me vend të diskutojmë që të përgatitemi sot për sot një vit, që të hyjmë në zgjedhje. Se ç’kam një nuhatje që mund të kemi dhe zgjedhje të tjera.

Por le të marrim kalendarin. Është e pafalshme pa opozitën që ka gjithë kohën e nevojshme që të mos kemi kandidatët përballë në bashki.

Për specifikën e zgjedhjeve lokale të gjejmë njerëz jashtë strukturave tona. Vetëm nuk ia dalim dot. Kërkohen shokë shumë. Njëri nga shokët është e përjashtuar. Partia e Edi Ramës nuk mund të ketë shansin të përfitojë nga djersa e ballit e çdo anëtari dhe votuesi e LSI.

Nuk ka të jemi të majtë apo çfarë..e bëjmë këtë debat me miq e shokë. Kol Dervishi më akuzon më shumë…Sepse është kjo ideja që jemi të majtë…

Në ka burrë nëne që e dimë se ça jemi ne. Nevoja për koalicion është e dukshme. Të krijojmë një grup përfaqësues të drejtuar nga zv.kryetari që të ishte grupi i negociatave për një koalicion serioz, që nuk është e thënë të jetë detyrimisht edhe me PD.

Jam i bindur që më PDIU bëhet koalicion shumë i mirë me PAA, me Aleancën Kuq e Zi, pra ka parti që mund të na nxjerrë në një pol të tretë me PD, me gjithë problemet që ka, ka potencialin e vet elektoral. Por ne nuk mund të presim që të mbarojë debat i brendshëm në PD, që ska për të mbaruar asnjëherë që të presim të mbyllin gropat ata brenda vetes”, ka thënë Manjani.