Politike

Vjen reagimi i pare nga Partia Demokratike pas shkarkimit te kryeprokurorit te Krimeve te Renda Besim Hajdarmataj. Deputeti demokrat Edi Paloka ne nje reagim ne rrjetet sociale thote se kjo qe po ndodh eshte ajo qe ka paralajmeruar PD.

“Vettingu nuk po perdoret per te pastruar drejtesine por si mjet presioni ndaj prokuroreve dhe gjyqtareve. Ky eshte fundi…”, thote Paloka.

Postimi i plotë:

Ceshtja “u zgjidh”; prokurori i krimeve te renda qe gjashte muaj me pare kerkoi arrestimin e Tahirit sot , sipas mediave, eshte shkarkuar .

Gjashte muaj me pare u sulmuan e kercenuan nga kazani dhe deputetet e Rames. I sulmuan si “tropojane” dhe i kercenuan publikisht me vettingun. Sot ka ardhur akti i fundit.

Gjithshka e paralajmeruar nga PD po vertetohet pike per pike. Rama kapi prokurorine pikerisht per te shpetuar Tahirin dhe koken e tij.
Vettingu nuk po perdoret per te pastruar drejtesine por si mjet presioni ndaj prokuroreve dhe gjyqtareve.
Ky eshte fundi…

Në Ditën e Evropës, kryeministri Rama ka risjellur edhe njëherë në vëmendje vështrësitë për të çuar përpara këtë process historik. Duke hequr dhe një parale ai me batutë tha se më të lehta do të ishin negociatat me SHBA-në, se me BE-në.

“Nuk jemi në sinkron, sot kur ne jemi te dera, pas derës jo të gjithë janë aq entuziastë dhe optimistë sa ishin për të ardhmen e asaj shtëpie. Na kujtojnë hijen e humnerës, ndërkohë që të shumtit janë ende në përpjekje për ta bërë realitet duke e përmbyllur projektin më vizionar dhe më të jashtëzakonshëm që njerëzit kanë mundur të cojnë para që është BE.

Nëse do të përpiqeshim të gjenim në historinë e fuqisë së njeriut për të imagjinuar dhe të fuqisë së politikës për të vepruar zor se do të gjenim një projekt më madhështor se BE. Edhe SHBA janë një tjetër projekt madhështor, por sot ne jemi duke u përpjekur që të çelim negociatat për tu anëtarësuar në BE, po të kishte negociata për në SHBA nuk e di mund të ishte më e lehtë, se nuk do duhet të bindnim 27 koka. Sot, më vjen mirë të kujtoj se presidenti i KE, këtu në Tiranë gjeti fjalët më të goditura për ne”, tha ai.

Rama theksoi më tej, se “Ia vlen durimi për të dëgjuar më të fundit fare që bëhet personazh dhe zë ekranet e para në Shqipëri, ndërkohë që në vendin e vet nuk i bie radha të dalë në lajme”.

Botuesi i gazetës “Koha Jonë” është shumë i irrituar me pafuqinë e Lulzim Bashës që të bëjë opozitë si dhe e akuzon se “flirton” me kryeministrin Edi Rama në kurriz të demokratëve.

Nikollë Lesi në një artikull në gazetën e tij nuk i lë kusur kreut të PD pa thënë, duke e cilësuar madje dhe një frikacak që është i varur nga kryeministri Edi Rama.

Botuesi i njohur nuk ia fal Bashës shpërdorimin e të gjitha mundësive për të vënë në pozitë të vështirë dhe rrëzuar Ramën nga qeverisja, pavarësisht se qeveria e mazhorancës së PS ka qënë në situata shumë të vështira ndërsa Basha ka qënë gjithnjë jashtë vendit.

Duke përmendur që nga lënia pas dore e mosbindjes civile e deri tek ngjarjet më të fundit, Lesi akuzon Bashën se ka frikë të bëjë opozitë dhe se i kujton se Rama s’rrëzohet nga facebooku.

“Nuk rrëzohet kryeministri Edi Rama me Facebook apo me konferenca shtypi, siç vepron PD. Apo ka një marrëveshje të fshehtë mes Ramës dhe Bashës, duke bërë sikur zihen e shahen, por komunikojnë me sms dhe kanale të fshehta?

Me veprimet apo mosveprimet e tij, kreu i PD-së, në vend të ishte njeriu që duhet të ngrinte peshë opozitën, është kthyer në liderin që demotivon çdo aksion.

Në pak muaj kabineti “Rama” është goditur nga jo pak skandale që do të vinin në pozitë të vështirë ekzistencën e çdo qeverie. Çështja “Tahiri” dhe taksa e Rrugës Durrës-Kukës janë ngjarjet më të fundit, ku reagimi nisi vrullshëm dhe më pas u zbeh si të ishin gjëra pa rëndësi. Ky handikap në vijimin e qëndresës opozitare nuk erdhi për shkak të qytetarëve, por si rrallë herë për shkak të mungesës së opozitës dhe konkretisht të Partisë Demokratike.

Kur fronti opozitar ishte gati për një reagim mbarëpopullor, ai që e frenoi dhe duket se e shpëtoi edhe një herë qeverinë ishte pikërisht kreu i PD-së, Lulzim Basha. Me veprimet apo mosveprimet e tij, kreu i PD-së, në vend që të ishte njeriu që duhet të ngrinte peshë opozitën është kthyer liderin që demotivon çdo aksion.

Demokratët, pas skandaleve të fundit dhe qëndrimeve të ashpra të ndërkombëtarëve ndaj qeverisë, pyesin: Ku është PD, çfarë po pret Basha që të veprojë? Sepse ironikisht, sa herë që ndodhin ngjarje të mëdha, në vend që të jetë qeveria dhe kryeministri ata që struken nga përballja, nga skena zhduket kreu i opozitës, Lulzim Basha.

Përherë me atë buzëqeshjen shqiptaro-hollandeze ai e tkurr opozitën, duke i shkundur motivin dhe shpirtin revolucionar opozitar. Por ajo që po ndodh këto kohë me PD-në nuk është një rastësi. Është një skemë disfate që Lulzim Basha e ka përdorur që nga ardhja e tij në krye të PD-së.

Në ADN-në politike të PD-së ka qenë gjithmonë aksioni, reagimi publik deri dhe përplasja e fortë në rrugë dhe në Kuvend me qeverinë. Pavarësisht të metave që ka kjo sjellje politike, fakti është se PD-ja në të kaluarën ka arritur të ketë sukses vetëm prej shpirtit përballës me qeverinë.

Në pesë vite që drejton Partinë Demokratike Lulzim Basha nuk mbahet mend për asnjë sfidë reale ndaj qeverisë “Rama”. Nuk ka ftuar asnjë palë zgjedhje, por mbi të gjitha në vend të dëmtonte qeverinë, në çdo vit të mandatit të tij vetëm sa ka thelluar përçarjen e PD-së. I vetmi moment kur PD nisi rimëkëmbjen ishte fillimi i çadrës opozitare. Në vend që ky aksion të ishte revolucioni i opozitës, Lulzim Basha më “aftësinë” e tij e kthehu çadrën në dështimin më të madh politik të PD. Marrëveshja me Edi Ramën një vit më parë është gafa më e rëndë politike, pasojat e së cilës vazhdojnë ta ndjekin edhe sot Lulzim Bashën.

Po pse Lulzim Basha nuk i çon deri në fund aksionet e PD-së kundra qeverisë? Në muajin nëntor të vitit të kaluar nisi një gjysmë reagimi ndaj qeverisë. Doli disa ditë në protesta dhe në mes të dhjetorit u tha njerëzve që nxori në rrugë: “takohemi pas festave të Vitit të Ri”.

Për reagimin e radhës u kujtua më 27 janar. Pavarësisht se qytetarët ju përgjigjen thirrjes si asnjë herë më parë, mitingu më i madh i opozitës, u mbyll vetëm me fjalimin e Lulzim Bashës. Edhe këtë herë Basha thirri qytetarët, shau qeverinë dhe e akuzoi për krimin, por nuk dha asnjë zgjidhje sesi dilet nga situata dhe çfarë do të bëjë Partia Demokratike. Vrullin e 27 janarit ku qindra mijëra opozitarë vlonin për ta rrëzuar Edi Ramën, ai iu përgjigj: “Faleminderit, tani shkoni në shtëpi!”.

Kulmi i paradokseve të Lulzim Bashës është fushata e fundit opozitare. Në fillim të muajit prill, pas ngjarjeve që ndodhen në Rrugën e Kombit, Lulzim Basha deklaroi me pompozitet se PD shpallte mosbindjen civile.

Mosbindja civile është vendimi thuajse më ekstrem që një forcë politike mund të marrë në një shoqëri demokratike. Basha u duk i vendosur kur e hodhi këtë hap dhe thirri aleatët për të nisur reagimin. Pas disa protestash në rrugët e qyteteve, vet Basha e harroi mosbindjen dhe u paraqit një të enjte në parlament.

Nga mosbindje, fushata e PD u kthye në bindje totale ndaj qeverisë dhe Edi Ramës. Gjithë aksioni i fundit i Bashës u servir si një goditje e ashpër që do ti jepej qeverisë. Ndërkohë mosbindja u harrua dhe sot PD mjaftohet vetëm me deklarata në Facebook, njëlloj si organizatat jo qeveritare që reagojnë për të justifikuar fondet.

Nuk rrëzohet kryeministri Edi Rama me Facebook apo me konferenca shtypi, siç vepron PD. Apo ka një marrëveshje të fshehtë mes Ramës dhe Bashës, duke bërë sikur zihen e shahen, por komunikojnë me sms dhe kanale të fshehta?”, shkruan Lesi në median e tij./TemA

Gjykata e Apelit ka lënë në burg ish-administratorin e DIA, Kastriot Ismailajn. Ky i fundit u dënua nga Gjykata e Shkallës së Parë me 11 vite burg për aferën CEZ-DIA, por nuk u pajtua me vendimin dhe bëri rekurs në Apel. Por ditën e djeshme Apeli vendosi që të lërë në fuqi të njëjtin vendim, duke bërë që Ismailaj të qëndrojë në qeli.

Nga provat e administruara gjatë gjykimit të këtij procesi penal, sipas prokurorisë rezulton se i pandehuri Kastriot Ismailaj, nëpërmjet gënjeshtrës dhe paraqitjes së dokumenteve fiktive, në bashkëpunim me të bashkë të pandehurit e tjerë ka krijuar një mekanizëm të tërë fiktiv, nëpërmjet të cilit ka bërë të mundur vjedhjen e shumës 649, 803, 520 lekë, nga shoqëria “CEZ Shpërndarje”, në vitet 2010-2011.

Reagon Romeo Kara

Mbi vendimin e djeshëm të Apelit ka reaguar për gazetën “SOT” juristi i OSHEE Romeo Kara. Ai është një ndër personat që e njeh Ismailajn dhe ka bërë një padi në prokurori pikërisht për aferën CEZ-DIA.

“Shpreh kënaqësinë që për herë të parë finalizuam me sukses deri në vendimin e formës së prerë, të Gjykatës së Apelit Tirane, luftën dhe përpjekjet për të dënuar një nga mashtruesit më të rrezikshëm që ka njohur Shqipëria. Ky mashtrues ndërkombëtar, në shpirt antishqiptar, krijoi pasoja të rënda në Kongo, por këtu u ndalua në momentin e duhur. Tashmë fitorja jonë pothuaj u plotësua, pas asaj që u fitua në Arbitrazhin e Vjenës, ku u parandalua një humbje prej 170 mln eurove dhe shpalljes debitor të këtij keqbërësi me 9.5 mln euro nga Gjykata Civile e Tiranës. Fitorja do të quhet e plotë, kur në zbatim të vendimit të Gjykatës Civile Tiranë, strukturat shtetërore dhe ato përmbaruese të realizojnë kthimin e kësaj shume në arkën e shtetit, si pronar i vetëm i OSHEE. Të gjithë shqiptarët e ndershëm duhet t’i gëzohen kësaj fitoreje të parë mbi të keqen. I siguroj se nuk do të jetë fitorja e fundit”, tha Romeo Kara.

Akuza Metës dhe Berishës

Juristi Kara deklaroi dje se pas Ismailajt tani është radha e ish-kryeministrit Berisha dhe e presidentit Meta. Sipas tij, edhe ata janë të përfshirë në këtë skandal.

“Nën shembullin e Ismailajt duhet të shkojnë në burg të gjithë mashtruesit, sidomos ata publik, që përdorin politikën dhe pushtetin për të rrjepur pa mëshirë këtë vend e këtë popull. Ismailaj nuk ka qenë i vetëm në aferën e tij, përkundrazi ka pasur bekimin e Ilir Metës dhe Sali Berishës si dhe atë të drejtuesve të “CEZ-Group” dhe “CEZ-Shpërndarje”.

Të shpresojmë, që kjo ngjarje të ndikojë sadopak në afrimin e ditës kur këta bajlozë të korrupsionit do të marrin dënimin e merituar, shoqërinë e Ismailajt në burg si dhe konfiskimin e të gjithë pasurisë së tyre. Shpresoj që fatin e tij të kenë sa më shpejt të gjithë ata që janë të ngjashëm me të, pavarësisht se kujt gajde partiake i bien. Shpresoj gjithashtu që të gjithë të babëziturit, që administrojnë asetet publike, ta kuptojnë më në fund se, ky është fati i parashkruar i vjedhësve”, tha ai. Romeo Kara pak kohë më parë ngriti një padi penale ndaj Berishës dhe Metës po për aferën CEZ-DIA, por deri më tani nuk ka pasur asnjë zhvillim nga prokuroria

Posta sekrete e Prokurorisë së Durrësit, në të cilën dyshohet se kishte dokumente të klasifikuara, është grabitur paraditen e djeshme në mes të qytetit.

Dy persona ende të paidentifikuar sulmuan korrierin e Prokurorisë para se të dorëzonte pranë këtij institucioni materialet që kishte tërhequr nga posta.

Ai po lëvizte në këmbë nga posta qendrore, që ndodhet në qendër të qytetit drejt Prokurorisë së Durrësit në kohën kur është sulmuar.

Sipas dëshmisë së tij, sapo ka dalë nga posta është përballur me dy djem të rinj që mbanin kapele dhe syze, të cilët i kanë marrë me forcë çantën ku ndodheshin materialet.

Më pas ata janë larguar me shpejtësi në këmbë, duke humbur gjurmë rrugicave. Nuk dihet se çfarë konkretisht kishte në çantën e postierit, pasi edhe vetë Prokuroria ishte hermetike në dhënien e detajeve duke qenë se ishte i përfshirë vetë institucionalisht në këtë ngjarje.

Gjithsesi, nuk përjashtohet dyshimi se personat që vepruan në mes të ditës dhe në mes të qytetit, kanë qenë të interesuar për zhdukjen e ndonjë dokumenti a dosje.

Një ndër dosjet që pak muaj më parë i ka kaluar për kompetencë Prokurorisë së Durrësit dhe mbetet ende në hetim por që është transferuar në Tiranë te Krimet e Rënda është ajo në ngarkim të ish kryeprokurorit Adriatik Llalla.

Mësohet se është kërkuar informacion përmes organeve ligjzbatuese nga Gjermania për paratë e investuara atje dhe për vilën luksoze të blerë në Këln të Gjermanisë.

Nga ana tjetër mësohet se informacion është kërkuar dhe nga organet ligjzbatuese amerikane që për t’i dhënë seriozitet dhe ligjmëri hetimit të Llallës, informacioni i detajuar për korrupsionin e ish kryeprokurorit është kaluar përmes postës.

Pikërisht këto materiale në ngarkim të Llallës dyshohet se janë rrëmbyer nga dy personat e paidentifikuar ditën e djeshme.

Sipas burimeve zyrtare mësohet se autorët janë të mirëtrajnuar dhe për më tepër kanë pasur informacion të detajuar për lëvizjen e këtyre materialeve sekrete.

Kjo për faktin se, pavarësisht se çështja tashmë ka kaluar te krimet e Rënda në Tiranë, të gjitha informacionet e kërkuara për Adriatik Llallën vijojnë të vijnë në adresën e “vjetër” në Durrës.

Burimet të besueshme flasin se materalet e tjera sekrete të grabitura nga dy personat e paidentifikuar kanë qënë për 613 kilogramë kokainën i kapur në Portin e Durrësit.

Mësohet se informacionet  dhe materialet-prova që janë grabitur nga dy personat e paidentifikuar kishin të bënin me Arber Kuliçin-Çekajn pronarin e kontenierëve ku u kap droga në Portin e Durrësit dhe që tashmë është arrestuar në Dyseldorf të Gjermanisë.

Por dhe për bashkëpunëtorët e tij.

Njëherësh mësohet se ka pasur materiale që kishin të bënin dhe me kapjen e 1 tonë drogë në Spanjë, duke kërkuar ndonjë lidhje mes dy sasive të drogës kolumbiane të sekuestruar si dhe personave të trafikut në Shqipëri dhe Spanjë.

Dyshohet që autorët e grabitjes së materiaaleve sekrete të postës së Prokurorisë së Durrësit kanë pasur informacion për ndonjë dokument të rëndësishëm, që po transportohej drejt Prokurorisë dhe për arsye e rrethana ende të paqarta ata nuk kanë lejuar që të përfundojnë në Prokurorinë e Durrësit.

Dyshimet janë që ish zv.drejtori i Policisë së Shteti dhe ish badigardi i Berishës, kushuriri i trafikantit të kokainës, Agron Kuliçi ka qënë “dora” që ka organizuar tërë këtë operacion rrëmbimi të materialeve kompromentuese në adresë të Arbër Kuliçit.

Njëherësh kompromentuese dhe në adresë në Sali Berishës, Ilir Metës të involvuar në këtë trafik drogë dhe të dyshuar se janë kupola e trafikut të Kokainës në Tiranë. Por dhe për zhdukjen e materialeve kompromentuese për ish kryeprokurorin Adriatik Llalla, mikut të Metës dhe Berishës që ka mbyllur gjithë dosjet e krimit të dy ish kryeministrave.

Organi i Akuzës e konfirmoi dje grabitjen. Por sipas saj, nga përmbajtja e akteve të marra nuk cenohet hetimi për ndonjë nga çështjet dhe nuk ka pasur materiale të cilat klasifikohen si “sekret shtetëror”.

Ndërkohë që vijon hetimin për këtë grabitje të paprecedentë që hedh poshtë inforemacionin e prokurorisë se s’janë materiale sekrete.

Ndaj Berisha, Meta dhe Llalla janë të tronditur dhe në alarm./Pamfleti.com

Teksa edhe nga nderkombetaret po kerkohet me ngulm dhe po bejne cmos qe te shtyhet perpara reforma ne drejtesi ne Shqiperi, mes debateve të shumta për këtë reformë gjatë ditës së marte ka mbërritur në Tiranë ish badigardi i Sali Berishës, Izet Haxhia, i ekstraduar nga Turqia, me kërkesë të autoriteteve shqiptare.

Haxhia ka edhe një luftë të hapur akuzash me ish kryeministrin Sali Berisha, të cilin e akuzuar për përfshirje në krime që kanë mbetur të pazbardhura në vendn tonë.

Vetë Sali Berisha u kundërpërgjigj sot dhe tha se Haxhia është një kriminel i vendosur në krah të Ramës dhe që punon për interesa të tij, gjë që kryeministri e mohoi plotësisht.

“Çfarë mund të them unë për këtë rast. Na del që unë jam e gjithë e keqja e këtij vendi edhe në rastin e Izet Haxhisë, ndërsa Sali Berisha, një njeri që populli e largoi nga puna me një milionë shuplaka, rezulton të jetë një njeri i pastër qelibar”, deklaroi Rama.

Kryeministri mohoi të ketë ndikuar te Erdogan për ekstradimin e Izet Haxhisë në Shqipëri, ndërsa shtoi se është tërësisht jashtë kësaj çështjeje, që tashmë i takon drejtësisë.

“është tërësisht qesharake për t’u menduar që unë mund të investohem për të sjellë në Shqipëri nëj person, që nuk e shoh që prej vitit 1992. Për fat të mirë që nuk ka qenë badigardi im. Unë jam tërësisht jashtë kësaj çështjeje, pasi i përket drejtësisë. Ai person, nëse ka diçka për të vërtetuar, le ta bëjë, ndërsa nëse i ka pasur vetëm fjalë, të heshtë”, u shpreh Rama.

Është milioner.Dhjetëra çështje i ka pasur në Gjykata. Gjatë gjithë kohës së Lulit si Kryetar Bashkie mbahet si njeriu me gjobvënes. Tre vite ka mbajtur paralelisht detyrën e drejtorit të policisë Bashkiake dhe ndertimore.

Ështe marrë me tregetinë e armeve dhe ka qenë iniciues i armatosjes së Grupit të kosovarëve që shkuan në Kumanove më 9 maj 2015. Konkretisht rezulton në të gjitha përgjimet me Mirsad Ndrecën dhe të tjeret qe u vrane në Kumanove.

Thuhet në rrethet të ndryshme në Kosove se Florenc Hoxha i ka spiunuar tek një oficer i zbulimit maqedon Shenasi Mehmeti. Ështe i lidhur me vjehrrin e Lulzim Bashes, Xhafer Isufi.
Është njeri imoral dhe pqr imoralitet është therur me thike nga një ish punonjës i tij./Pamfleti

Sali Berisha gjendet në situatën më të vështirë në tërë karrierën e tij politike, pasi ai dhe familja politike dhe biologjike ndjehen të kërcënuar.

Jo të kërcënuar nga ndonjë atentat apo eleminim fizik, por nga dëshmitë për krimet monstruoze që ka kryer pas viteve ’90-të.

Rikthimi këto ditë nga Turqia në Shqipëri i Izet Haxhisë, ish badigardit të Sali Berishës pritet që të trondisë familjen e ish kryeministrit.

Ish-truproja e tij, njeriu që ka qënë më afër dhe di në detaje gjithçka ka lëvizur në shtëpi, punë dhe kudo ku ka ecur Sali Berisha, ka denoncuar skandale të pashembullta, që nga vrasja e Azem Hajdarit, tek tentativa për të hedhur në erë ambasadën amerikane dhe vrarë ish kryeministrin e tij apo rivalët politikë e deri tek hamendësitë për vrasjen e kreut aktual të PD Lulzim Basha.

Izet Haxhia e ka akuzuar familjen e ish-kryeministrit Berisha si të përfshirë në shumë afera korruptive dhe vrasje me pagesë.

Izet Haxhia ka shprehur vullnetin për të rrëfyer për të gjitha ngjarjet e rënda, në një sallë gjyqi, ku përballë të ketë ish-kryeministrin.

Duke iu referuar këtyre deklaratave të tij, po rendisim disa prej ngjarjeve më të rënda, për të cilat Haxhia mund të dëshmojë para drejtësisë së re shqiptare. Ku është deklaruar dhe sot nga ministrja e Drejtësisë së dosja e vrasjes së Azem Hajdarit do të jetë e para që do të hapet.

Pas saj dosjet e tjera, që do të “groposin” përfundimisht Berishën dhe që pritet t’i garantojnë qëndrim për jetë në burg.

Grushti i dështuar i shtetit më 14 Shtator 1998

Izet Haxhia pretendon se ka qenë zbatues i skenarit të grushtit të shtetit në 14 Shtator të ’98, me urdhër të Sali Berishës. “Unë që kam qenë një nga zbatuesit e këtij skenari, për grusht shteti, me direktivë të marshallit.

I them Marshallit se ka ikur koha e budallenjve si puna ime, që sulmonin institucionet e shtetit për interesat karrieriste e antishqiptare të tij”, ka deklaruar Haxhia.

Po ashtu, Haxhia ka folur edhe për direktivat e Berishës.

“Ditën e këtij grushti shteti udhëzimet që vinin nga Berisha ishin të mos sulmohej e të mos merrej Presidenca, por vetëm Kryeministria e braktisur nga Nano që i fiksuar pas plumbit që i la në tavolinën e tij, ndihmësi i tij, por shërbëtori i treshes Kastriot Islami, në 13 shtator, kishte marrë arratinë për Maqedoni”, ka pohuar ai.

Hapja e depove të armëve

Izet Haxhia ka deklaruar se Sali Berisha ka urdhëruar hapjen e depove të armëve në ’97, për të armatosur militantët e Partisë Demokratike, për të luftuar kundër Jugut.

“Një herë pati thënë që depot e armëve i hapën rebelët e kuq, herën tjetër që erdhën nga deti ata që i hapën depot dhe tani, në fund, që ai paska lejuar hapjen e tyre për të armatosur popullin, që të mbrojë veten nga bandat e kuqe.

E vërteta e hapjes së depove të armëve është ajo që ato depot i hapi populli i rebeluar i Jugut, për të rrezuar Berishën. Dhe Berisha, i fiksuar nga revolta me armë e nisur në Jug, urdhëroi hapjen e depove në Veri dhe shpërndarjen e armëve për militantët e PD në Tiranë, me qëllim që, konfliktin në mes tij e popullit të revoltuar kundër politikave të PD e Berishës, ta shndërronte në një konflikt Jug-Veri”, ka deklaruar Haxhia.

Vrasja e Azem Hajdarit

Ish-truproja e Sali Berishës, Izet Haxhia, ka implikuar Berishën në vrasjen e Azem Hajdarit.

Haxhia ka deklaruar se Sali Berisha e nxori Azem Hajdarin në pritën e vrasësve, ndërsa ngriti me shpejtësi një alibi.

“Berisha ishte i informuar për ardhjen e Fatmirit në Tiranë që me 11 shtator dhe me stacionimin e tyre pranë PD që në momentin e parë.

Ai, i alarmuar thërret në zyrën e tij Hajdarin, i cili po hezitonte të dilte të takonte Fatmirin në atë vend që do komprometonte Hajdarin, ashtu të kompromentuar para syve të Berishës.

Biseda e nervozuar që ka bërë Berisha me Hajdarin në ato momente (bisedë e dëgjuar vetëm nga Linda Ihsani më vonë e vdekur në mënyrë të “papritur” si shumë të tjerë afër Berishës) tregon se Hajdari është urdhëruar që të dalë e të largojë ata që kishte sjellë vetë aty, pra Haklajt.

Vetë nxitimi i Hajdarit gjatë daljes se tij e tregon këtë kërcenim. Po përse Berisha nuk njoftoi organet shtetërore se PD ishte rrethuar nga kriminelët tuaj, por përdori Hajdarin për t’i larguar ata?”, ka rrëfyer Haxhia.

Për torturimin dhe zhdukjen e Remzi Hoxhës

Haxhia implikon Gazideden dhe Berishën në torturimin dhe zhdukjen e Remzi Hoxhës.

“Arrestimi i Remzi Hoxhës është bërë me urdhër të Gazidedes, kjo është e sigurt. Atëherë mes nesh flitej se Remzi Hoxha kishte filmuar një takim të Berishës, Gligorovit e Millosheviçit në vilën Viljana në Ohër.

Që ka pasë një takim Berisha-Gligorov në atë vilë, kjo është e vërtetë. Nuk di për Millosheviçin, por ajo që më ka bërë përshtypje në atë takim është se asnjë nga shoqëruesit e Berishës nuk është lejuar të futet në brendësi të kësaj vile.

Gjë që nuk na ka ndodhur kurrë në asnjë takim tjetër ndërkombëtar, madje as në Shtëpinë e Bardhë…

Remziu ka vdekur nga torturat në qelitë e SHIK-ut. Atë kohë qarkulluan nën zë dy variante për trupin: njëri, që u transportua në det afër Lezhës me lundër dhe u hodh atje dhe, i dyti, që kufoma u dogj dhe u varros diku në anën e pasme të Dajtit”, ka rrëfyer Haxhia.

Plani për të vrarë Aleksandër Meksin

Ish-truproja i Sali Berishës, Izet Haxhia, akuzon ish kryeministrin demokrat, se ka urdhëruar një vrasje të mbetur në tentativë, të ish-kryeministrit Aleksandër Meksi.

“Lajmi i shumëpritur për rrëzimin e avionit që mbante Meksin nuk kishte ardhur, sepse falë pilotit italian me mjaft përvojë në fluturimet e tij në vendet afrikane si Somali, Libi, kishte bërë një ulje të pamundur në pistën e errët të Rinasit duke shpëtuar jetën e Meksit dhe pjesëtarëve të tjerë të delegacionit shqiptarë, dhe duke shuar ëndrrat e Koplikut për t’u bërë kryeministër dhe ato të Marshallit për të hequr qafe një kundërshtar potencial të tij Aleksandër Meksin…”, ka pohuar Haxhia

Plani për të vrarë Sabit Brokajn

Haxhia ka deklaruar se ka pasur edhe një kërkesë për të vrarë Sabit Brokajn.

“Sa për rastin e Dr. Sabit Brokaj është një kërkesë që i ka bërë Hajdari vëllait tim, e jo mua, për ta vrarë Dr. Sabitin.

Vëllai im e ka hedhur poshtë këtë kërkesë të Hajdarit. Në atë kohë unë nuk flisja me Hajdarin pas ngjarjes te Stadiumi Dinamo. Por Azemi merrte çdo ditë në telefon në Presidencë dhe kërkonte të bashkohej me ne që ishim në Presidencë për mbrojtjen e Berishës. Dhe ka qenë kërkesa ime për Berishën në atë kohë, që pas këtyre lutjeve të Azemit, ai u përfshi përsëri në strukturat e PD në atë pranverë të ’97, pasi ai ishte i larguar nga këto struktura”, ka pohuar Haxhia.

Atentati ndaj Ambasadës Amerikane

Izet Haxhia ka pohuar se në vjeshtën e vitit 1998, është gjendur në kamionin me eksploziv, i cili do të hidhte në erë ambasadën amerikane në Tiranë. “Është e vërtetë që ka patur një skenar për hedhjen në erë të ambasadës amerikane në vjeshtën e ’98, në prag të sulmeve të NATO ndaj Serbisë, duke përdorur celulat e Bin Laden në Shqipëri. Në këtë skenar, pa dijeninë time, do gjendesha në kamionin me eksploziv që do hidhe në erë ambasadën amerikane, por vrasja e Hajdarit e pengoi këtë skenar, vrasje në të cilën u gjenda i përzier pa dijeninë time”, thotë Haxhia.

Vrasja e ambasadores amerikane Mariza Lino

“Më thërret Berisha në zyrë e më thotë që “ajo lavirja (e kishte fjalën për Mariza Linon, ambasadoren amerikane në atë kohë në Tiranë) duhet t’i japim një mësim të mirë për të gjitha ato që ka bërë kundër nesh, sepse ajo po punon kundër Shqipërisë, ngaqë është e lidhur me lobet greke antishqiptare në Amerikë. Ti mund ta godasësh atë”, më tha.

Të mendohem, i thashë e të bëj planin për këtë. Në atë kohë, vërtet edhe unë isha i mendimit se Lino po punonte në mënyrë të tillë. Por kur bëhej fjalë për një vend si Amerika, thashë të pyesja dikë që njifte mirë politikën e jashtme dhe Amerikën.

Sulmi ndaj trupave evakuese gjermane në Rinas

Ka prova paralele se ish-Presidenti Berisha ka shkuar larg në synimin për të qëndruar me çdo kusht në pushtet. Një operacion i fshehtë i SHIK-ut ka tentuar të shkaktojë viktima të huaja në Tiranë dhe t’i shpallte ato si sulme të “rebelëve të kuq” për të vendosur ndërkombëtarët kundër grupeve të armatosura që kërkonin dorëheqjen e Berishës. Ka një dëshmi se makinat e blinduara të Bankës së Shqipërisë u përdorën për operacione të SHIK-ut gjatë trazirave të 97-s.

Një burim diplomatik tërhoqi ndërkohë vëmendjen mbi një video të arkivës së CNN dhe një raport të ushtrisë gjermane për një ngjarje të 14 marsit të atij viti në Rinas të Tiranës.

Videoja tregon dy makinat e blinduara të Bankës, që hapin zjarr mbi trupat gjermane që po evakuonin shtetasit e huaj nga Tirana. Ato janë përgjigjur me zjarr dhe furgonat e bardhë të blinduar janë larguar. Në studion e CNN ndërkohë që transmetoheshin këto pamje, ish-ambasadori shqiptar Qesku deklaronte: “Ja cfarë po bejnë rebelët, perëndimi duhet të reagojë ndaj tyre”.

Organizimi i atentatit ndaj Ibrahim Rugovës

Grupi i cili e kishte vrarë Azem Hajdarit, Ahmet Krasniqin dhe Ilir Konushevcin, po i njëjti grup kishte organizuar edhe atentat ndaj ish-presidentit Ibrahim Rugova. Kështu ka thënë Izet Haxhia, ish-truproja e Sali Berishës, në kohën kur ky i fundit ishte President i Shqipërisë. Ai ishte dënuar në mungesë me 25 vjet burg për përfshirjen në vrasjen e Azem Hajdarit në vitin 1998

“Është një lidhje që e bënë mes vrasjes së Azem Hajdarit e kolonel Ahmet Krasniqi. Është e njëjta dorë jo vetëm e këtyre, por edhe në vrasjen e gjeneral Ilir Konushevcit në të gjithë këto vrasje.

Dua të them edhe diçka që ka qenë i përgatitur edhe një atentat ndaj presidentit të ndjerë, Ibrahim Rugova nga viti 1999, po nga ky grup dhe për arsye si duket i njoftuar nga shërbimet huaja, Rugova nuk zbriti fare nga avioni në Rinas, për të ardhur në Tiranë. Por, ato bomba të telekomanduara që do të përdoreshin për të eliminuar Rugovën, i janë dhënë grupit të komandës që ka eliminuar Haklajn”, ka thënë Haxhia për Magazina në Radio Dukagjini.

Bomba te kioska e Lush Përpalit

Haxhia ka pohuar se Ylli Rakipi dhe Berisha urdhëruan vendosjen e bombës tek kioska e Lush Përpalit. “Rasti i parë është vendosja e bombës tek kioska e Lush Përpalit. Ka qenë dita kur ti Ylli do ikje në Turqi për të marrë ndihma për gazetën tënde të partisë tek miqtë e Berishës.

Para se të niseshe kemi folur për vendosjen e kësaj bombe, kuptohet me porosi të ‘marshallit’ dhe të kam thënë që sa do zbresësh në Turqi kjo punë është e mbaruar. Dhe e vërteta është se pa zbritur ti akoma në aeroportin e Stambollit, bomba është vendosur dhe i pari që ke marrë lajmin në tel. ke qenë Ti apo ke harruar? Mos më thuaj që kur zbrite në Stamboll nuk të pritën aty Miri i Xhikes me Ylli Kelmendin me porosinë time kuptohet”, thotë ai.

Bomba te zyrat e Sorosit

Ish-truproja i Sali Berishës ka folur edhe për një bombë të vendosur tek zyrat e Sorosit. “Prindërit e mi të thjeshtë e të ndershëm më kanë edukuar të mos gënjej kurrë, të mos shpif, të mos vjedh, te jem i ndershëm e besnik. Ndërsa ti, kuptohet që ke marrë shumë nga zanati i babait tënd prej sigurimsi. Nuk e njof as Sorosin as soroistat. Por dua të kujtoj ty dhe Salehut se me porosi të tij kemi vendosur bombën në ndërtesën e këtij fondacioni në mars të ’97-s, sepse ky, sipas Salehut, po financonte rebelimin e kuq dhe gazetën e këtij rebelimi, “Koha jonë”, pohon ai.

Për Shkëlzen Berishën dhe “dashurinë” për lekët

Sipas Haxhisë, Shkëlzen Berisha ka marrë 30 mijë lireta nga Miri i Xhikes. “Kam qenë dëshmitar vetë në distancë kur Zeni ka marrë 30 milionë lireta nga Miri i Xhikes tek stadiumi “Qemal Stafa””, ka deklaruar Haxhia.

Kërcëniin për vrasjen e Lulzim Bashës

Haxhia thotë se Sali Berisha ëndërron një skenar si ai i 14 Shtatorit 1998, por sipas tij ngjarje të tillë nuk mund të përsëriten më. Për ndërtimin e këtij skenari, janë kujdesur disa institucione, referuar këtu Shërbimit Informativ Shtetëror dhe Presidencës, konstaton Izet Haxhia. “Për sa i përket lajmit në lidhje me një atentat të mundshëm ndaj Bashës, unë mendoj se është kryekëput një skenar i ndërtuar keq nga brenda çadrës. Nuk e di se kujt nga “fuqitë e huaja” i intereson një eliminim i Bashës, por mund të them me garanci se, njeriu më i interesuar për eliminimin e tij, është Berisha. Por, për fatin e keq të Berishës dhe fatin e mirë të Bashës, skenari i 12 e 14 shtatorit 1998 nuk mund të përsëritet më, sado që ëndërrohet nga Berisha. Shqiptarët nuk mund të përtypin më skenarë vrasjesh e pritash të skicuara e zbatuara nga e njëjta dorë kriminale, ajo e Berishës”, sqaron Haxhia.

Kërcënimi me jetë në Turqi nga Berisha

“Ka rreth kater vjet qekur kam filluar te rrefej te vertetat e mia ,qe kam marre nepermjet rrjeteve sociale me qindra mesazhe kercenuese ,fyese me nje gjuhe bastardesh perkrahes te berishes, te denje vetem per ata dhe shefin e tyre ..As me kane impresıonuar ,as prishur terezine lere pastaj te me trembin .Une jetoj i detyruar ne nje vend qe e dine te gjithe me adres te sakte.

İ kam ftuar shpehere ,bujrum le te vijne .Nuk me trembin as killerat e Berishes apo kujdoqofte tjeter ..Por ka me teper se dy jave qe keta ‘trima me kanun ‘kane filluar te kercenojne e bejne shantazh ndaj nje femre ,qe nuk ka te beje aspak me politiken apo rrefimet e mia.

Aq shume jane trazuar e verbuar nga keto te verteta dhe nga frika e ballafaqimit perpara drejtesise me liderin monster te tyre ,sa kercenojne e shantazhojne nje femer qe une te mbyll gojen e te mos kthehem ne atdhe .. Doja tu thoja ketyre pederasteve te bershes apo grupit te ‘ROGNERİT ‘qe asnje kercenim apo shantazh i ndyre i ketyre ‘trimave te kanunit te shpellave ‘nuk me tremb as mua as ate qe kercenoni e shantazhoni ..Ora e ballafaqimit me liderin tuaj frikacak po vjen”, akuzon Izet Haxhia Berishën./Pamfleti.com