Politike

Dosja e ish deputetit të LSI-së ka kaluar për gjykim.  Pas mbylljes së hetimeve nga  Prokuroria e Tiranës tashmë ish deputeti Shkëlqim Selami do të përballet me  akuzën e “Falsifikimin e vulave, stampave dhe formularëve”, pasi ka fshehur arrestimin e tij në Itali për “pjesëmarrje në organizatë kriminale me qëllim emigracionin klandestin”.

Në kuadër të dekriminalizimit, Selami nuk ka treguar për arrestimin në vitin 2006, pas një urdhër arresti të lëshuar nga gjykata e Brindisit në vitin 1994, duke u përgjigjur me “Jo” pyetjes se nëse ndaj tij ishte caktuar ndonjëherë ndonjë masë shtrënguese e sigurisë personale.

Selami në Itali ka rezultuar se akuzohej për “Pjesëmarrjes në organizatë kriminale me qëllim emigracionin klandestin”. Prokuroria bën me dije se në datë 06.09.2006 masa e sigurisë është hequr dhe në date 07.02.2007 Gjykata e Brindizit ka dhënë vendimin per shuarjen e veprës penale për arsye parashkrimi.

Më tej Prokuroria shton se: “Në kushtet kur kemi të bëjmë me 1) Një vendim gjykate për caktim mase sigurimi të padeklaruar që ka të bëjë me grupin e veprave të përcaktuara në sferën e nenit 2 pika 1 te ligjit “Per garantimin e integritetit te personave qe zgjidhen, emërohen, ose ushtrojnë funksione publike”, për të cilin personi nën hetim ka marrë dijeni pasi këtij personi i është dhënë një kopje në momentin që është ekzekutuar kjo masë.

2) Me një vendim që Gjykata e Brindizit nuk është shprehur per pafajësi sikurse ka deklaruar personi nen hetim per te cilin personi nen hetim ka dijeni, per arsye se dy avokatët që e kanë përfaqësuar në këtë gjykim,kane qene avokate te zgjedhur nga vete ai. Arrihet ne përfundimin se këto dy rrethana kanë qene te detyrueshme per t’u deklaruar nga i pandehuri si rrethana të cilat kanë të bëjnë me shkaqet e parashikuara nga ligji per vazhdimin ose jo të funksionit”.

Në këto kushte, Prokuroria pranë Gjykatës së Shkallës së Parë Tiranë ka dërguar për gjykim-procedimin penal ish-deputetin i akuzuar per kryerjen e veprës penale “Falsifikimi i vulave, stampave dhe formulareve” parashikuar nga neni 190 i Kodit Penal./Pamfleti

Detajet nga pakti i ri që do të ndryshojë skenën politike në Shqipëria, PD nuk do të bëjë koalicion me LSI, Meta dhe Monika në burg në fund të vitit, njerëzit e LSI do të ndahen mes PD dhe PS

Përtej teatrit të përditshëm politik dhe lojës së akuzave, Edi Rama dhe Lulzim Basha, që në dhjetor të 2014, kur George Soros zhvilloi një vizitë misterioze në Tiranë, janë në një aleancë të konsoliduar politiko-ekonomike.

Në 6 Dhjetor të 2014, George Soros zhvilloi dy takime misterioze me Edi Ramën dhe Lulzim Bashës. Që pas asaj ditë, Rama dhe Basha nisën bashkëpunimin, herë në mënyrë të nëndheshme dhe herë publike, për të ruajtur dhe projektuar pushtetin e tyre si dhe për të shkatërruar dyshen e rrezikshme Berisha-Meta.

Marrëveshja Rama-Basha e 18 majit 2017, për të mos marrë asnjëri në koalicion LSI, ishte në kuadër të zbatimit të paktit për të përcaktuar nga George Soros.

Edhe vendimi i Lulzim Bashës për të përjashtuar të gjithë njerëzit e Berishës nga lista e kandidatëve për deputetë, ishte në kuadër të këtij pakti, për të dobësuar Sali Berishën dhe për ta nxjerrë gradualisht nga skena politike.

Dhënia e 13 milionë eurove nga buxheti i shtetit vjehrrit të Lulzim Bashës, për pallatin në Vlorë, ishte një tjetër shenjë se pakti Rama-Basha përfshin edhe asketin ekonomik. Fakti që Lulzim Basha nuk pranoi që të ankimonte në Gjykatën Kushtetuese ligjin për arsimin e lartë, ishte një tjetër element që konfirmon aleancën e fuqishme mes kreu të qeverisë dhe kreut të opozitës.

Në kuadër të aleancës së pagëzuar nga George Soros, Edi Rama dhe Lulzim Basha kanë nisur zbatimin e një pakti të ri për të shkatërruar Lëvizjen Socialiste për Integrim, ndërmarrjen e Ilir Metës dhe Monika Kryemadhit, me të cilën kanë plaçkitur Shqipërinë. Pakti konsiston në shkrirjen përfundimtare të LSI deri para zgjedhjet parlamentare të 2021.

Rama-Basha kanë rënë dakord që mos të pranojnë në koalicion LSI për zgjedhjet lokale, me qëllim që partia Monikës dhe e Metës të mos marrë asnjë bashki. Dëbimi i LSI nga pushteti vendorë do të bëjë që partia Monikës të braktiset masivisht nga njerëzit.

Nga ana e tij, Lulzim Basha vendosi në statutin e ri të PD, që çdo aleancë politike të votohet nga Këshilli Kombëtar i PD. Basha qëllimisht e vështirësoi miratimin e aleancës me LSI, për të justifikuar refuzimin e firmosej së marrëveshjes me Monika Kryemadhin për zgjedhjet lokale.

Në të njëjtën kohë, sipas një sondazhi, shumica e delegatëve të PD të Kuvendit Kombëtar, u shprehën kundër një koalicioni me LSI dhe pro një koalicioni me PS. Ku ishte një tjetër mesazh i Bashës ndaj Monika Kryemadhit se nuk mund ta firmosë marrëveshjen. Nga ana tjetër, Monika Kryemadhi, së bashku me zagarin e saj, Petrit Vasilin, presin që në në fund të vitit 2017, që Basha të firmosë paktin për zgjedhjet lokale. Monika

Goditjen e dytë dhe fatale LSI do ta marrë me arrestimin e Ilir Metës dhe Monika Kryemadhit. Arrestimi i tyre është i pashmangshëm dhe do të bëhet nga Byroja Kombëtare e Hetimit dhe Prokuroria e Posaçme.

Arrestimi pritet të bëhet në fund të këtij vitit sapo të ngrihet Byroja e Hetimit. Ilir Meta dhe Monika Kryemadhi kanë një pasuri prej dhjetëra milionë euro të deklaruara, me vetëm dy rroga shteti. Dyshja do të arrestohet për pastrim parash, fshehje pasurie, falsifikim dokumentesh, mashtrim me pasurinë dhe deklarime të rreme. Faktet kundër Metës dhe Monikës janë të njohura botërisht.

Goditja e Ilir Metës dhe Monika Kryemadhit nga drejtësia e re do të shënojë edhe fundit e LSI, si një mutacion i rrezikshëm politik, që ka çuar në një shkallë të paimagjinueshme vjedhjen dhe plaçkitjen në Shqipëri.

Kjo lëvizje do të sjellë shpërbërjen e bandës së hajdutëve të Monik Kryemadhit. Anëtarët e thjeshtë të LSI, sipas paktit të Rama-Basha, do të kalojnë një pjesë tek PD dhe një pjesë tek PS. Shkrirja e LSI, si një bandë e mirëorganizuar grabitëse, konsiderohet si një pavarësi e dytë për Shqipërinë./Pamfleti.com

Në emisionin “Opinion” në Tv Klan të datës 19 prill 2018, ish-ministri i Brendshëm, Saimir Tahiri pati një ndërhyrje direkte, duke u përballur me panelin e te ftuarve në studio, ku mes personave të ftuar ishte edhe Grida Duma, ish zv.ministrja e Berishës dhe sekretarja e Lulzim Bashës.

Por, ajo që ra në sy gjatë transmetimit të emisionit ishte sulmi i Tahirit, ndaj deputetes Duma. Duke folur në mënyrë diplomatike, Tahiri i dha një mesazh të qartë, por të kuptueshëm vetëm për Dumën.
Ndërsa deputetja demokrate hodhi akuza në drejtim të ish-ministrit, Tahiri i është përgjigjur “E di Grida Duma sa mirë e kam bërë punën unë”.-duke i dhënë kështu asaj një mesazh të fortë.

Ndërkohë deputetja demokrate, e cila është gjithmonë shumë aktive në debatet televizive, heshti.
Por çfarë ka dashur të thotë Saimir Tahiri me këtë mesazh?

Kujtojmë këtu një detaj të publikuar nga pas vrasjes së bankierit Artan Santo, rreth katër vite më parë.
Në atë kohë CAN shkruan se Grida Duma ishte një nga njerëzit më të pikëlluar dhe të vrarë pas ekzekutimit të bankierit Artan Santo, në qershor të vitit 2014. Në atë kohë publikuam gjithashtu dhe disa foto dhe materiale, por edhe analiza dhe komente të cilat flisnin për një miqësi të Dumës me Santon.

U publikua edhe një foto të një mbledhje të stafit të një universiteti privat, por që nuk kuptohet pjesëmarrja e Santos në krah të Grida Dumës.

Dje në një dalje televizive deputetja demokrate reagoi sërish, ndërsa tha se dorëheqja e Tahirit nga mandati i deputetit, ishte një veprim që duhet të ndodhte kohë më parë.

“Që ishte e shtrënguar kjo nuk diskutohet. Ne e dimë shumë mirë që nëse akuza të tilla vijnë nga organet e hetimit të një vendi anëtar të BE, si Italia, e cila nuk hap çështje kot, kjo duhet të ndodhte me kohë. Tahiri i foli “Shefit” me gjuhë mafiozësh. Tahiri është përdorur. Kemi parë kode mafioze në qeverisje. Dorëheqja mendoj se ishte lëvizje e vonuar,” tha Duma.

Ndërkohë pritet publikimi i fakteve apo të dhënave ekskluzive që ka ish-ministri Tahiri, në lidhje me deputeten demokrate.

Kujtojmë se në atë kohë pas vrasjes së bankierit Santo, Grida Duma u “dorëzua” për gati 3 orë tek Saimir Tahiri.