“Cari” i plakur i PD, përballë drejtësisë për mëkatet e 26 viteve: Sali Berisha e nisi me tesër të kuqe, e vazhdoi me pardesy të bardhë, po e mbyll me… faqe të zezë
Teserën e kuqe të PPSH e kërkoi dhe ia dhanë në datën 8 nëntor 1968, me rastin e 27 vjetorit të themelimit të PPSH dhe ky ishte privilegj, që u bëhej vetëm personave të devotshëm për partinë dhe atyre me biografi politike familjare e fisnore të kulluar deri në 7 breza.
Shkruan: Memo Aliaj
Për të shkruar biografinë e Sali Berishës, nuk duhen angazhuar historianë, por hetues të specializuar, mbasi veprimtaria e tij në këto 26 vite është e tejmbushur me shumë intriga, djallëzi, prapaskena, abuzime, krime njerëzore e ekonomik-financiare, me pengmarrje e zhukje personash, me anti-shqiptarizma e deri me mbështetje të hapur, për kryrje gjenocidi mbi shqiptarët e Kosovës, duke furnizuar regjimin gjakatar të Milosheviçit me karburant e municione, në thyrje të plotë e të hapur të embargos së SHBA-NATO-s.
Nuk është rastësi futja dhe mbajtja e tij në politikën shqiptare në vitin 1990. Përkundrazi ishte një përzgjedhje “ekspertësh”, mbasi ai ishte një “specie” e përkëdhelur e “faunës” së egër të ish-kupolës së regjimit komunist, i brymosur intensivisht me ligësinë e krimit, për të qenë kultivues i krimit.
Biografia e Sali Berishës, ka tre momente kryesore:
Në diktaturë, 25 vjet sekretar partie, komunist i pranuar në datën 8 nëntor Karriera e Sali Berishës, ka qenë e “mbarë” edhe në vitet e dikturës komuniste, jo thjeshtë e vetëm si mjek, por së pari si militant aktiv i partisë, si aktivist shoqëror i rinisë dhe fronit demokratik, si sy vigjilent i Degës së Punëve të Brendëshmë dhe kontribues në gjykata, kundër armikut të klasës.
Sali Berisha u pranua në parti ende student në moshën 24 vjeçare (1968), pa bërë asnjë ditë stazh partie, i cili për personat me arsim të lartë të asaj kohe, ishte 3 vite në prodhim!
Teserën e kuqe të PPSH e kërkoi dhe ia dhanë në datën 8 nëntor 1968, me rastin e 27 vjetorit të themelimit të PPSH dhe ky ishte privilegj, që u bëhej vetëm personave të devotshëm për partinë dhe atyre me biografi politike familjare e fisnore të kulluar deri në 7 breza.
Rekomandues për t’u pranuar në PPSH, Saliu kishte 3 komunistë që kishin lidhje shërbimesh mjekësore me familjen e Enver Hoxhës dhe anëtarëve të Byrosë Politike të PPSH.
Për merita të shquara në shërbim të partisë dhe sigurimit të shtetit, Saliu u zgjodh sekretar partie, detyrë të cilën e mbajti më “mjeshtëri” deri ditën kur u bë sekretar i parë i Komitetit Qëndror të PD.
Për besnikëri të lartë ndaj partisë, u ftua të kalonte pushimet verore me fëmijët e Enver Hoxhës e në mbrëmje të ulej këmbëkryq në oxhakun e vilës së dikatatorit.
U përzgjodh të shëtiste e të bënte fotografi me Hysni Kapon, Simon Stefanin e udhëheqës të tjerë të lartë të PPSH.
Në Dhjetor 1990, me pardesy e bardhë… si djalli me vello nusërie
Në vitin 1990, kur udhëheqja e PPSH i dha urdhër dhe e ngarkoi me misionin, për t’u konvertuar në anti-komunist, Sali Berishën e veshën me “lëkurë demokrati” me pardesy të bardhë dhe ai nisi plotësimin e detyrës, duke u futur si “urithi” mes studentëve grevistë e mëpastaj në komsionin nismëtar të tyre, duke arritur të bëhet edhe drejtues i grupit themelues të PD.
E më pas siç dihet, sipas skemave të sigurimit të shtetit, u ngjit në postin e kryetarit të kësaj partie, ku qëndroi deri ditën kur nisi të përdorte pampersa (2013).
Si i preferuar i veçantë i vilave dhe varkave vozitëse të familjes së diktatorit Enver Hoxha, Sali Berisha nuk e themeloi por e uzurpoi PD, i desantuar brenda lëvizjes studentore nga Ramiz Alia, i instruktuar nga Sigurimi i Shtetit, për të mos e lënë PD në duart e antikomunistëve të vërtetë, por për ta mbajtur me çdo çmim në dorë të tij dhe “ushtrisë” së komunistëve, hetuesve, prokurorëve, shtetarëve, gjyqtarëve, kryepolicëve e xhelatëve të burgjeve politike të diktaturës, ashtu siç veproi realisht.
Ndaj dhe PD, u krijua para se të liroheshin të burgosurit politik, me qëllim që të mos e krijonin ata këtë parti, por ta krijonte PPSH-ja e cila ja la amanet Sali Berishës.
Dhe ai, ia doli ta mbante peng PD e djathtë, duke e kthyer në vegël shërbimi të së majtës.
Sali Berisha arriti të shkatëronte PD e të djathtën reale, duke spastruar çdo kundërshtar me intriga, presione, dhunë, spostime, përçarje krahinore e deri eleminime fizike të nismëtarëve të “Dhjetorit ’90”!
Pasi e shkatërroi dhe e ktheu PD në “paçavure”, ia dorëzoi atë plaçkaxhiut të familjes së tij, dylberit holandez Lulzim Basha.
Tashmë PD, me bekimin e intrigantit Sali është bërë çiflig i llojit Luli, “spital psikiatrik” i llojit Sali, “azil pleqsh” i llojit Spaho, xhungël e llojit Muli, pazar i llojit Pollo, qendër estetike e llojit Duma, pijetore e llojit Ristani, “motel” i llojit Salianji, teatër komik i llojit Balliu.
Saliu 75 vjeç, po e mbyll me faqe të zezë..
Saliu e nisi karrierën me tesër të kuqe, e vazhdoi me pardesy të bardhë dhe po e mbyll me faqe të zezë.
Janë “plagët” e viteve, kur Saliu qeveriste si sulltan, kur kujtonte se Shqipëria ishte çiflig i tij, ndërsa shqiptarët skllevër.
Janë të shumta krimet që ka bërë Sali Berisha gjatë 24 vite në krye të PD, gjatë 5 vite në krye të qeverisë e presidencës dhe gjatë 8 viteve në krye qeverisjes së tij, duke përdorur bandat që i asgjësonte, spostonte e rinovonte shpesh, për të vijuar dhe mbuluar krimet.
Prej 5 vitesh, Saliu po hiqet sikur ka dorëzuar PD, por në fakt vetëm e ka transferuar atë tek dora e një farë Luli-Lolo, të cilin e mban dhe e tërheq prej “kapistalli” sipas interesave që ka, me qëllim për të mbrojtur krimet nga drejtësia.
Por këto dosje krimesh, tashmë kanë nisur t’i hap drejtësia dhe ish-bashkëpunëtorët e Saliut, të cilët e akuzojnë për piramidat, 3000 vrasjet e luftës së vitit 1997, rrëmbimi dhe zhdukja e Remzi Hoxhës, djegia e gazetës “Koha Jonë”, masakrimi i gazetarëve Zamir Dule e Bardhok Lala, vrasja e Azem Hajdarit, sulmi ushtarak mbi institucionet më 14 shtator 1998, biznes-krimi që shkaktoi 26 viktimat e Gëdecit, “vetë-vrasja në gjueti” e Kosta Trebickës, 21 Janari 2011 i 4 protestuesve të vrarë nga Garda e deri tek krimet e rënda ekonomike-financiare, si shitja e CEZ, ARMO, 4-HEC-eve tek “Kurum” etj.
Këto janë dosje, hapja e kapakëve të bardhë të të cilave, do të jetë mbyllja e karrierës dhe jetës së Sali Berishës me… faqe të zezë!/Pamfleti.com
