Politike

Partia Socialiste do t’i përgjigjet dhëmb për dhëmb çdo sulmi dhe akuze të opozitës kundrejt mazhorancës qeverisëse. Ditën e djeshme është mbledhur grupi parlamentar socialist nën drejtimin e kryetarit të grupit, Taulant Balla, i cili u ka dhënë një sërë porosish deputetëve të PS, në emër të kryeministrit Edi Rama.

Gazeta “Sot” ka mësuar disa detaje nga mbledhja, edhe pse ajo u zhvillua në “fshehtësi” të plotë. Sipas informacioneve, kreu i grupit ka urdhëruar të gjithë ligjvënësit socialistë që të mos qëndrojnë indiferent ndaj çdo akuze të opozitës kundrejt qeverisë dhe deputetëve të PS, duke iu përgjigjur në kohë.

Po ashtu, mësohet se Balla ka porositur deputetët që të jenë vigjilentë ndaj çdo sulmi të Partisë Demokratike dhe Lëvizjes Socialiste për Integrim, ku iu ka kërkuar që të denoncojnë çdo eksponentë të këtyre partive nëse kanë shkelur ligjin.

Ndërkohë, gazeta mësoi se kreu i grupit parlamentar gjatë fjalës së tij, ka kërkuar nga deputetët që të mos mungojnë në komisionet parlamentare dhe në seancën e së enjtes në Kuvend. Madje, mësohet se ai ka kërkuar që mungesën e çdo kujt, duhet ta justifikojnë, pasi në të kundërt do merren masa disiplinore. Një tjetër porosi që Balla ka adresuar ndaj deputetëve në emër të kryeministrit Edi Rama ka të bëjë me integrimin.

Mësohet se ai ka urdhëruar të gjithë ligjvënësit që deri në dhënien e vendimit nga ana e vendeve të Bashkimit Europian, kushdo duhet të lobojë fuqishëm për Shqipërinë, në çdo takim që mund të kenë me deputetët apo zyrtarë të BE-së. Sa i takon protestës së opozitës, mësohet se Balla e ka ironizuar atë, duke thënë se populli braktisi Bashën, sepse e do gjithmonë në minorancë.

Gjykata e Apelit dha dje vetem dispozitivin e vendimit te saj pa argumentimin pse kishte vendosur te lironte Saimir Tahirin duke i shfuqizuar arrestin shtepiak dhene nga Gjykata e Shkalles se Pare.

Por sot mediat shkruajne pse e mori treshja gjykuese kete vendim. Seanca gjyqësore zgjati dy orë e gjysmë, teksa u zhvillua me dyer të mbyllura.

Përpara gjyqtarëve Fehmi Petku, Saida Dollani dhe Sokol Binaj, Tahiri foli rreth 25 minuta, duke shprehur pikëpamjet e tij për vendimin e gjyqtares Liljana Baku. Ai kundërshtoi një për një të gjitha provat e Prokurorisë së Krimeve të Rënda dhe mori në analogji argumentimin e gjyqtares Baku kur vendosi masën e sigurisë, “arrest shtëpie”.

Tahiri mësohet se ka thënë në seancë se Prokuroria e Krimeve të Rënda nuk ka prova të reja, ose prova të mjaftueshme që e implikojnë atë drejtpërdrejt në trafikun e drogës apo favorizimin e grupit të Moisi Habilajt. Kështu, Tahiri fillimisht ka kundërshtuar argumentimin se mund të largohet jashtë vendit.

Sipas tij, gjyqtarja Liljana Baku ka përdorur të njëjtin argument si në heqjen e pasaportës, ashtu edhe në atë të arrestit shtëpiak. Në rastin e parë, heqjen e pasaportës, gjyqtarja, sipas Tahirit, ka argumentuar se ekzistonte rreziku i largimit jashtë vendit pasi ishte edhe deputet, ndërsa në rastin e dytë, kur la mandatin, argumenton se ka rrezik më të lartë largimi, pikërisht ngaqë nuk është më deputet.

Tahiri kundërshtoi edhe argumentimin se ka rrezik që ai të përsërisë veprat penale për të cilat hetohet nëse lihet i lirë. Sipas tij, veprat për të cilat po hetohet nga Prokuroria e Krimeve të Rënda, supozohet që të jenë kryer për shkak të detyrës, ndërsa tani ai nuk është më ministër i Brendshëm dhe nuk ka më influencë të kryejë të njëjtat vepra penale, ndaj sipas tij ky argument nuk qëndron.

Ish-ministri i Brendshëm ka kundërshtuar edhe pretendimin e Prokurorisë se ai mund të prishë provat duke qenë i lirë. Ai është mbrojtur se ka mbi 8 muaj që është nën hetim dhe se nuk ka çfarë provash të prishë. Ai iu përgjigj edhe pretendimit të Prokurorisë se Krimeve të Rënda se ka takuar pas marrjes në pyetje shtetasin Orgest Liperi, në lidhje me skafin që kishte blerë për llogari të tij.

Sipas Tahirit, takimi me Liperin është bërë pasi është marrë në pyetje nga Prokuroria dhe se nuk mund të ndërhynte në dëshminë e tij. Ai tha se Liperit i ka kërkuar vetëm ndjesë për shqetësimet e tij. Më pas, ishministri kundërshtoi disa nga provat e Prokurorisë, duke i cilësuar edhe si keqdashëse.

Përmendim këtu letërporosinë dërguar në Itali për një kostum “Hugo Boss” të blerë në Milano nga Moisi Habilaj me porosi të Tahirit. Sipas mbrojtjes, përgjegjësit e dyqanit kanë kthyer përgjigje se nuk kanë shitur asnjë kostum për datat që pretendon Prokuroria e Krimeve të Rënda. Pasi dëgjoi edhe pretendimet e Prokurorisë së Krimeve të Rënda, Gjykata e Apelit vendosi që të pranojë kërkesën e palës mbrojtëse, duke shfuqizuar vendimin e gjyqtares Baku, që e la në “arrest shtëpie” ish-ministrin Tahiri.

Sipas Gjykatës, Tahiri nuk rrezikon të largohet, nuk mund të prishë provat e Prokurorisë dhe nuk mund të përsërisë të njëjtat vepra penale. Ndërkohë, Prokuroria me këtë vendim merr një goditje të rëndë, pasi kishte kërkuar në Apel vendosjen e masës së burgut pa afat për Tahirin. Tashmë pritet që Prokuroria e Krimeve të Rënda të sigurojë prova të reja nga Italia dhe Greqia për lëvizjet e Tahirit.

Kreu i PD-se, Lulzim Basha sot ne mbedhjen e grupit parlamentar demokrat, pasi ka degjuar kerkesat e disa deputeteve per bojkot te Kuvendit, ka argumentuar se perse ne kushtet aktuale, levizja drejt bojkotit do te ishte e gabuar dhe me rrezik.

Burime brenda grupit bejne me dije per “Panorama” se Basha ka thene prere se “Bojkoti i parlamentit deri ne shkarkimin e Xhafes qe u propozua nga shumica e deputeteve është plotesisht legjitim dhe më i natyrshmi në këto rrethana politike”.

Çfarë tha Basha ne mbledhjen e grupit te PD?

Në fakt e vetmja mënyrë sesi mund të hapen negociatat është që, kur Europa sheh se edhe kur Rama Xhafaj me krimin i organizuar kanë kapur shtetin, qytetarët nuk e pranojnë, e refuzojnë, nuk mbyllin sytë. Kjo i tregon partnerëve se edhe pse Rama nuk i ka plotesuar kushtet, shqiptaret me reagimin e tyre si europiane qe refuzojne dhe nuk e pranojne te keqen.

Levizja drejt bojkotit parlamentar ne kushtet kur jemi investuar fort per hapjen e negociatave, rrezikon te devijoje vemendjen nga ceshtja kryesore: qe kemi nje qeveri te lidhur me krimin e organizuar dhe trafikun e droges.

Kemi nje minister te Brendshem, vellai i te cilit është një trafikant ndërkombetar droge, i denuar ne Itali nga drejtesia Italiane, por qe me mbrojtjen dhe ndihmen e vellait minister te Brendshem vazhdon aktivitetin kriminal.

Kemi nje kryeminister qe eshte kaq i lidhur me krimin sa kalon nga nje minister i Brendshme pjese e nje organizate kriminale te trafikut te drogës, te nje minister qe ka vene Ministrine, policine dhe prokurorine ne funksion te mbrojtjes se vetes dhe vellait të tij trafikant droge.

Ne keto kushte, jam i mendimit të perdorim te gjitha format dhe menyrat demokratike si opozite me grupin parlamentar, strukturat, qytetaret per te bere te qarte qendrimin tone te prere se largimi i Fatmir Xhafes eshte kusht i panegociueshem i opozites, veprim i domosdoshem per hapjen e negociatave. As shqiptaret, as Europa nuk mund te pranojne qe vendi te kaloje nga policia Tahiri-Habilaj te policia Xhafaj dhe prokuroria Rama-Xhafaj.

Fatmir Xhafaj duhet të largohet nga Ministër i Brendshëm dhe të hapë rrugën për një hetim të pavarur dhe të pandikuar nga pushteti që ai mban sot.

Policia e Shtetit duhet të çlirohet nga kapja prej klanit Xhafaj, i cili zëvendësoi klanin Tahiri-Habilaj, duke vazhduar të mbrojë krimin dhe trafikun ndërkombëtar të drogës. Lufta kundër krimit dhe drogës është një kusht kryesor i hapjes së negociatave me Bashkimin Europian, plotësimi i të cilit po vazhdon t’i kërkohet me forcë qeverisë shqiptare nga qeveritë europiane.