Politike

Kanë kaluar afër nëntë muaj që kur kryeministri Edi Rama i dorëzoi presidentit Ilir Meta propozimin për emërimin e Helidon Bendos në postin e kryetarit të SHISH.

Vendi i kreut të shërbimit sekret shqiptar kishte mbetur vakant pas dorëheqjes së Visho Ajazi Likës nga ky post.

Kryeministri propozoi njëherësh ish kreun e SHISH për postin e ambasadorit të Shqipërisë në NATO dhe zv.kreun e SHISH Helidon Bendo për postin e kreut të shërbimit sekret shqiptar.

Presidenti i Republikës Ilir Meta e dekretoi menjëherë Visho Ajazi Likën për ambasador të Shqipërisë në NATO, pavarësisht se në media kishin dalë lajmet se Visho kishte përgjuar Metën, Ramën dhe bashkëpunëtorët e tyre kur ishin në opozitë por dhe gjatë kohës në pushtet.

Ndonëse Visho Ajazi Lika asnjëherë nuk e mohoi as pohoi këtë akuzë, Ilir Meta e firmosi pa hezitim emërimin e tij në krye të ambasadës sonë në NATO.

Ndërkohë që, ndonëse kanë kaluar nëntë muaj nga propozimi i Ramës për kreun e ri të SHISH Bendo, Presidenti Meta ende po “mendohet” dhe po e “studion” dosjen e tij pa e vënë firmën akoma mbi dekretin e emërimit në krye të shërbimit sekret.

Ndonëse nuk ka asnjë limit ligjor për të firmosur dekretimin e kreut të ri të SHISH, zvarritja për nëntë muaj i zhbën të gjitha deklarimet dhe justifikimet zyrtare dhe publike të Ilir Metës për mosdekretimin e Helidon Bendos si kreu i ri i SHISH.

Interesimit të medias për mosdekretimin e kreut të SHISH, Meta ose i është shmangur duke folur për tema të tjera ose i është përgjigjur se po e studion dosjen e tij.

“Duhet të keni në konsideratë që një vendimmarrje e tillë është e rëndësishme. Presidenti i Republikës duhet të jete i bindur që vendim përfundimtar tregon pavarësinë dhe efikasitetin e një institucioni kaq të rëndësishëm si ai i sigurisë kombëtare”, tha Meta në dhjetor të vitit të kaluar, kur kishin kaluar vetëm dy muaj nga propozimi i kryeministrit Rama për Bendon.

Ndërkohë herë tjetër është shprehur se “fakti që zotëria mban postin e zv/drejtorit tregon që është gjykuar i përshtatshëm nga autoritetet që e kanë propozuar dhe e kanë emëruar në këtë detyrë. Dhe njëkohësisht fakti që ky shërbim ka zv/drejtor është fakt pozitiv, sepse tregon që mund të vazhdojë të funksionojë.

Sa i takon çështjes së dekretimit, sigurisht që nëse nuk mund të mbash dikë përtej vullnetit të tij asnjë minutë më shumë në një detyrë nuk ka asnjë arsye për t’u nxituar për të nënshkruar një dekret mendoj të rëndësishëm”.

Pra Meta po e shqyrton me “qetësi” por pa asnjë “dashuri” propozimin e Ramës për kreun e SHISH, ndërkohë që vonesa prej 9 muajsh deri më tani, ku gjasat janë që të mos e dekretojë dhe për shumë kohë, tregon se arsyet janë më të thella se sa “studimi”.

Në krye të herës duhet të themi se Ilir Meta nuk e firmos dekretin për emërimin e Helidon Bendos në krye të SHISH jo për shkak se ka ndonjë inat me Edi Ramën.

Presidenti e di se Kryeministri nuk e vret mendjen shumë se kush është në krye të SHISH, është dekretuar ose jo dhe për më tepër në shumë gjëra Rama është në unison me Metën, sidomos përsa i përket abuzimit me pushtetin dhe klientelizmin.

Por nga ana tjetër Ilir Meta ka një hall të tijin, që është me të vërtetë hall jete dhe burgu por dhe pasurie, të cilët e ka në Shqipëri dhe jashtë vendit.

Pavarësisht se çfarë deklarohet apo çfarë thuhet nëpër deklarata e kundërdeklarata, asnjëherë zv.kryetari i SHSH nuk është me të njejtat kompetenca si kryetari i SHISH.

Thuhet se numri dy është si numri një, por nuk është kurrë numri 1 i instucionit përsa i përket vendimmarrjes dhe aksesit mbi dokumentacionin sekret, marrëveshjet bilaterale me shërbimet partnere dhe një sërë detyrash të tjera funksionale për kreun e SHISH.

Në këtë kontekst, Helidon Bendo si nënkryetar i SHISH ka të drejtën e firmës për shumë procese bazike të funksionimit të institucionit, por asnjëherë me kapacitet të plotë.

Duke qënë se SHISH ka për detyrë që të gjurmojë bashkë me shërbimet partnere jo vetëm krimin brenda dhe jashtë vendit por dhe në kuadër të një vendi anëtar të NATO-s në vendet jomike dhe armike të kësaj organizate dhe krimin dhe terrorizmin apo rreziqet që i kanosen Aleancës, deri më tani pa kreun e SHISH ky kontribut ka qënë i mangët.

Në kuadër të reformës në drejtësi dhe Vettingut, SHISH ka për detyrë që bashkë me shërbimet partnere të gjurmojë të gjitha pasuritë e paligjshme brenda dhe jashtë vendit, përfshirë këtu dhe llogaritë bankare të zyrtarëve të lartë që kanë abuzuar me pushtetin, një gjë e tillë nuk mund të bëhet pa firmën e kreut të SHISH, ndërkohë që zv.kryetari nuk firmos me kompetencë të plotë.

Pasi kreu i asnjë shërbimi partner me shërbimin sekret shqiptar, nuk mund të firmosë me numrin dy të institucionit të SHISH.

Vlen të theksohet se dhe ambasada amerikane, një nga arësyet që nuk i ka dhënë ende numrat e llogarisë së deputetëve dhe zyrtarëve që kanë pasuri në bankat e huaja, ka qënë me Visho Ajazi Likën në krye të SHISH mungesa e besimit, ndërsa me Helidon Bendon, posti i padekretuar ende i kryetarit të SHISH.

Këtu me sa duket e ka arsyen dhe Ilir Meta që nuk firmos emrin e Helidon Bendos si propozim i kryeministrit Edi Rama për kryetar të SHISH.

Meta nuk ka besim te Bendo se do të veprojë sipas udhëzimeve të tij për të shpëtuar pasurinë e tij dhe miqve të tij që të mos dekonspirohen dhe sekuestrohen.

Kjo sepse Bendo me sa duket nuk bën pjesë në rrethin e njerëzve të besuar të Ilir Metës dhe Monika Kryemadhit, dhe emërimi i tij në këtë detyrë nuk ngjall shumë besim tek ata se do të veprojë sipas rregullave të ish kreut të LSI dhe Monikës.

Ndaj e ka refuzuar firmën për nëntë muaj me radhë mbi dekretin e emërimit të Bendos në krye të SHISH dhe pritet ta refuzojë pa limit, pavarësisht se Rama as që kujtohet më të propozojë ndonjë tjetër, përderisa Presidenti nuk e ka refuzuar zyrtarisht kandidaturën./Pamfleti

Familjarët e ish-liderit dhjetorist Azem Hajdari, duke përfshirë këtu motrën dhe vëllain e tij së bashku me familjet e tyre, kanë kërkuar azil politik në Francë.

Krejt e pazakontë dhe e çuditshme kur bashkëshortja e të ndjerit Azem Hajdari, Fatmira Hajdari, është gjyqtare në sistemin e drejtësisë shqiptare.

Por vetëm një muaj më parë, djali i xhaxhait të Azem Hajdarit, Arben Hajdari, ka përfituar nga qeveria franceze statusin e azilantit politik dhe pas këtij procesi, e gjithë familja Hajdari ka filluar procedurat për azil.

Në shtetin francez, ata kanë pajtuar një avokat që po merret me procedurat e tyre, raporton newsbomb.al. “Eshtë përpiluar në mënyrë juridike dosja e azilit. Fatmirësisht qeveria e Republikës së Francës ka pranuar mbrojtjen fizike të Familjes për t’ju dhënë statusin politik” thonë burimet. Ndërkohë, ditën e djeshme, në 2 qershor, motra e Azem Hajdari ka kërkuar mbrojtje nga shteti francez.

Pretendimi i saj është se në Shqipëri është tentuar likuidimi i familjes së saj. Të njëjtën gjë ka kërkuar edhe vëllai i liderit  Azemit.

Procedura e azilit politik të familjes Hajdari në Francë pranohet nga Leon Molla, President i “Royaume dy Soleil” në Francë, që ka bërë gati edhe dosjen e tyre të azilit për qeverinë franceze, duke preteduar se familjes i rrezikohet seriozisht jeta në Shqipëri.

Kreu i Grupit Parlamentar të Lëvizjes Socialiste për Integrim u ka bërë thirrje të gjithë qytetarëve që të mos paguajnë taksën që do të vendoset së shpejti në Rrugën e Kombit. Nëpërmjet një statusi në rrjetet sociale ai i fton qytetarët për mosbindje duke e cilësuar vendimin e Ramës një maskarallëk .

Statusi i Petrit Vasilit në Facebook

“Prap do vene takse ne rrugen e Kombit keta? Refuzojeni taksën e rrugës së Kombit.

Kryeministri u vetedeklarua fajtor per revolten shume te drejte,qe ndodhi,kur ai vuri taksen ne rrugen e Kombit.

Dhjetra kukesiane u arrestuan dhe disa jane akoma ne burg.

Kryeministri peng i interesave dhe perfitimeve te erreta perseri po pergatit taksen,qe do te vere serish ne rrugen e Kombit.

Paguajne shqiptaret cmimin me te larte te karburantit ne gjithe Ballkanin dhe Europen bashke sepse brenda tij jane qindra milion euro per mirembajtjen e rrugeve.

Keto qindra milion euro, qe u merr kryeministri ne çdo liter karburant,nuk i perdor per rruget,por i grabit per te mbjelle palma te thara buze rruge, per zyra,tualete zyrash,ekspozita pikturash idiote, sokake qytetesh, qe i shtron dhe i shqep dhjetra here,per koncesione etj etj.Menuja e grabitjes dhe e shperdorimit eshte pa fund.

Ti jape fund ketij maskaralleku kryeministri me parate e mirembajtjes se rrugeve dhe tjua ktheje ato perseri rrugeve.

Deri atehere ka vetem nje qendrim: Refuzojeni taksën e rrugës së Kombit.

Që kur Ilir Meta u zgjodh president i vendit, u kuptua se diçka nuk shkonte. Ceremonia në kohën që Meta u bë president ishte e vakët, ambasadorët po kurorëzonin një person që ka jetë të gjatë politike, por se e dinin tashmë se ishte stacioni i fundit e tij në pushtet, si një mollë që  kalbet e në fund do rrëzohet në tokë.

Me bekimin e votave të maxhorancës, Meta si një dragua pushtoi presidencën e vendit. Aty hyri njeriu i krimit, familja më kriminale në Ballkan që ka zaptuar çdo tokë të këtij vendi në kurriz të popullit dhe kishte vënë nën thembra drejtësinë vendore.

Në krye të presidencës së Shqipërisë hyri njeriu që shqiptarët e kanë parë me zë e figurë teksa kryente korrupsion galopant në zyrat e shtetit dhe se përdorte postin zyrtar për të kryer punësime nepotike, me njerëzit e tij të afërm, shumica prej të cilëve kanë përfunduar në burgje ose e kanë braktisur atë, për shkak se e kanë parë se udha e presidentit aktual është në fund burgu.

Prandaj Meta ka mbetur vetëm sot. Në presidencë ka vetmi. Ilir Meta ka qenë i fuqishëm në fillime të politikës, madje edhe pasi ka krijuar Lëvizjen Socialiste për Integrim. Në atë kohë ai kishte miq dhe të besuar, por se pak nga pak ata kanë “firuar”, LSI ka humbur fuqinë politike  e shumë drejtorë të saj janë arrestuar, për shkak se mendja e tyre punon vetëm për të vjedhur.

Miqve më të afërm të Metës iu ka ikur “koka” madje kanë arritur deri në rrethin e tij më të afërt,  ku përfshihet Kastriot Ismailaj me aferat e tij korruptive, që janë një lemeri e vërtetë.

Tashmë në presidencë ka heshtje. ‘Gjarpri’ ka kapur institucionin më të rëndësishëm politik në vend, por s’ka nga t’ja mbajë më, se nuk ka  ndihmën e dikurshme. Korrupsioni që mbart mbi shpinë është i madh dhe e mban postin gjithnjë nën frikën e madhe të prangave.

Drejtësia po mbërrin. Shtetet e Bashkuara të Amerikës dhe aleatët më të besuar të Shqipërisë kanë sjellë drejtësinë ndërkombëtare, duke hedhur tutje drejtësinë që ishte kapur nga mafia e Metës dhe e Berishës e këta të dy ndjejnë frikën në palcë, duke u dridhur për vdekje për ato që kanë kryer në 27 vite demokraci, me afera të korrupsionit që tejkalojnë çdo imagjinatë.

“Peshqit e mëdhenj” do të përfundojnë në pranga. Ata kanë nisur të dridhen e prangosja është më afër se kurrë. /Dionis Xhafa – Pamfleti.com