Në të “shtatat” e protestës së 26 majit
Shkruan: Memo Aliaj
Pasi nuk gjizosi dot gjë as me video-klipin e sajuar të Babales, as me sajesën se disa kriminelë nga Kruja, i kishin ofruar Babales nga Vlora 200 mijë euro për të përgënjeshtruar video-klipin, as me arratisjen e Babales në Kosovë nëpërmjet intenerarit të arratisjes së Mulit në Serbi në vitin 1991 dhe as me protestën anti-drogë të 26 majit, ku Mona shkoi me pantallona ngjyrë banane, “në të shtatat” e protestës së 26 majit, administratori i pallatit “SHQUP” Luli, sajoji përgjimin e Lulit!
Skenarët e Lulit për të bërë Lulin kryeministër, duket se qenkan mbështetur vetëm në modelin e përgjimeve, duke menduar se nëpërmjet kartës së përgjimit të tij, Luli do të ndez protesta masive popullore, paçka se më 26 maj nuk i shkuan pas… as anëtarët e mbetur të PD.
Mirëpo Luli paska vendosur që kauzën e tij për t’u bërë kryeministër, ta arrijë nëpërmjet betejës me përgjime.
Nëse ka një motiv për t’u marrë me Lulin, ky nuk është përgjimi, por përçmimi.
Mendimi se modeli “babale” do të jetë suksesi i tij në rrugën për t’u bërë kryeministër, Lulit i është përforcuar edhe nga përvoja e tij me përgjimin në Shtëpinë e Verdhë në Mat, e për më tepër me përgjiemt në Kosovë, kur shpërblehej mijëra euro për për “dosjet e zeza” që hartonte kundër luftëtarëve të UÇK, sipas udhëzimeve të shërbimit sekret serb, ku bënë pjesë edhe “gjysh Saliu”!
Aq i fiksuar është Luli pas modelit të përgjimeve, sa ka nisur t’i besoj edhe vetë, duke dyshuar se mos e përgjon edhe vjehrra, për të zbuluar se mos pi cigare pa lejen e gruas!
Këto fakte e histori përgjimesh me referencë suksesin e përgjimit të Babales, duket se e kanë frymëzuar aq shumë Lulin, sa e përmend atë si “model pune” dhe nuk heq dorë nga përgjimet, duke u bërë personazh i shprehjes popullore: “Bëmë… Babale të të ngjajë”./Pamfleti
Ndër 25 privilegjet ligjore, janë punësimi i familjarëve dhe mallrat pa doganë
Shkruan: Memo Aliaj
Deputetllëku në Shqipëri, nuk është një vend pune i zakonshëm me pagë minimale, por është një pozicion publik me privilegje të shumta, të tilla, sa 1 ditë punë e tij është 75 mijë lekë të vjetra, ose sa pagesa e 1 muaji që ligji i tyre, jep si ndihmë ekonomike për familjet me mbi 5 anëtarë!
Deputeti ka paga, dieta, shpërblime mujore e privilegje të shumta financiare për punësim familjarësh, për import e eksport mallrash pa doganë, për shërbim telefonik, hotelerie, ushqimi e tranporti të dhënë financiarisht mbi pagën bazës mujore.
Kanë privilegje për trajtime mjekësore brenda e jashtë Shqipërisë me fondet e shtetit, për të mos u kontrolluar e ndaluar nga policia, për shpërblim fundviti dhe pagë të 13 –të e shumë privilegje të tjera.
Ndaj bëhet luftë e egër ofertash e interesash brenda partive dhe mes klaneve jashtë tyre, për t’u bërë deputet.
Lufta për t’u bërë deputet, nuk ka asnjë lidhje me shërbesat ndaj popullit, por vetëm me privilegjet dhe pasurimin e tyre në rrugë korruptive, nën ndikimin e fuqisë së mandatit.
Pasi marrin mandatin, ata nisin e flasin në emër të popullit, por punët i bëjnë për përftimet e tyre…
Ja çfarë përfitojnë deputetët në 1 muaj
Paga ditore e deputetit është 7125 lekë në ditë.
Deputeti i grupit parlamentar me 10 deputetë, përfiton 15% shtesë page
Kryetari i grupit parlamentar me më pak se 10 deputetë, përfiton 5% shtesë page.
Kryetarët e komisioneve parlamentare, përfitojnë 5% shtesë page.
Për 1 mbledhje komisioni, përfiton 2 mijë lekë të reja (12 mbledhje në muaj).
Deputeti përfiton 20 shpërblime mujore, me nga 2 mijë lekë të reja.
Kryetari i komisionit paralamentar, përfiton 2500 lekë të reja për çdo mbledhje.
N/kryetari komisionit parlamentar, përfiton 2200 lekë të reja për çdo mbledhje.
Deputeti përfiton 24 mijë lekë të reja në muaj, për pjesëmarrje në sesionet normale
Deputeti përfiton 40 mijë lekë të reja në muaj, për mbledhjet në komisione të veçanta.
Për çdo mbledhje të konferencës së kryetarëve, përfiton 2500 lekë të reja pagesë.
Për dietat brenda vendit, përfiton 4% e pagës, ose 6271 lekë për çdo ditë shërbim në zonën ku është deputet.
Deputeti përfiton 6 dieta në muaj me nga 6271 lekë të reja, ose 38 mijë lekë të reja në muaj.
Deputeti që nuk është banor i Tiranës, përfiton 12 dieta mujore në muaj me 6271 lekë të reja, ose 75 mijë e 252 lekë në muaj.
Deputeti kur del nga Tirana, përfiton 3 mijë lekë të reja për çdo natë fjetje në hotel, deri në 12 netë fjetje.
Pagesë telefoni për kryetarët e komisioneve dhe grupeve parlamentare: 20 mijë lekë të reja në muaj.Pagesë telefoni për deputetin: 17 mijë lekë në muaj.
Deputeti përfiton: 35 mijë lekë në muaj, për transport publik.
Kanë pasaporta diplomatike edhe për qentë e familjes.
Kanë pagat mujore, sa 40 pensione pleqërie.
Kanë familjarët me banim e jetesë, në vila jashtë shtetit.
Kanë familjarët me vende pune në zyrat e larta të shtetit si shefa në dogana, tatime, banka, ambasada, konsullata, universitete, gjykata, prokurori, energji, polici, borde, agjenci e inspektorate të larta shtetërore, me nga 2-3 paga e shpërblime të majme!
Kanë të drejtë të importojnë makina e mallra pa kontroll dhe pa taksa në dogana e tatime.
Kanë të drejtë të mos ndalohen e të mos kontrollohen nga policia dhe prokuroria as personalisht, as në familje, as në makina, as në aeroport, as në banesa e biznese.
Kanë të drejtë për të mos shkuar 6 muaj të paguara në punë (parlament)./Pamfleti
Anëtari i Këshillit Kombëtar të PD, Edvin Kulluri ka bërë kritika të forta në drejtim të kreut aktual të Partisë Demokratike, Lulzim Basha, për të cilin tha se është shndërruar në këmbalec të Edi Ramës.
Sipas tij, opozita nuk ngjall shpresë te qytetarët, ndërsa Basha dhe Rama vijojnë teatrin e radhës.
I ftuar në emisionin “7 pa 5” në Vizion Plus, Kulluri theksoi se ndërkohë që flitet për krizë ekonomike, dhe shqiptarët po marrin rrugët, bizneset e familjarëve të Bashës po shtohen.
“Shqiptarët po marrin rrugët për bukën e gojës, ndërsa familjet e shefave të PD-së po të trashin xhepat. Kjo është kriza sot”, deklaroi Kulluri.
Gjithashtu ai theksoi se “çështja e mungesës së shpresës është nje cështje e vazhdimësisë së dështimeve ne vijim të zotit Basha në 5 vite opozitë, ku kuptohet që këputja e madhe qe ajo 25 qershorit”.
Ndërsa në lidhje me protestën e javës së shkuar, Kulluri tha se ajo ishte një ndër seritë e zhgënjimit që vijnë radhë
Arta Marku do të jetë në krye të Prokurorisë së Përgjithshme deri në vitin 2020.
Jo vetëm burimet nga organi i akuzës e paralajmërojnë, por dhe strategjia zyrtare dy vjeçare e punës së Prokurorisë së Përgjithshme e cila konsiston dhe në kapjen dhe dërgimin në burg të “peshqve të mëdhenj” e konfirmon qartë këtë fakt.
“Pamfleti” ka qënë i pari që ka paralajmëruar qëndrimin më shumë se dy vjet të Arta Markut në krye të Prokurorisë së Përgjithshme shqiptare, referuar burimeve të sigurta brenda organit të akuzës.
Njëherësh “Pamfleti” paralajmëroi se zgjatja e ngritjes së SPAK dhe të Byrosë Kombëtare të Hetimit, bashkë dhe me zbatimin e Vettingut të drejtësisë shqiptare në rastin më të mirë do të zgjasin mbi dy vjet.
Kjo vjen dhe për shkak të zvarritjeve të ngritjes së institucioneve të kapjes së “Peshqve të mëdhenj” përmes zbatimit të reformës në drejtësi nga ana e opozitës, por dhe involvimin në këtë bllokim dhe të Presidentit të Republikës Ilir Meta dhe kryeministrit Edi Rama.
Pikërisht për këtë arësye është parë e udhës që të dalin dhe disa ligje apo dispozita kalimtare, që i japin Arta Markut plofuqishmërinë për hapjen e dosjeve të mëdha dhe dërgimit para drejëtsisë dhe në burg të abuzuesve, kriminelëve e trafikantëve apo dhe “peshqit e mëdhenj”.
Dhe pavarësisht premtimit se Arta Marku do qëndronte për pak kohë në krye të akuzës si Prokurore e Përgjithshme e Përkohshme, ajo ka hyrë në muajin e 6 të mbajtjes së detyrës që iu besua me 69 vota mes tensionit dhe tymit të Parlamentit.
Pikërisht ditën kur Adriatik Llallës i përfundoi mandati 5-vjeçar, Komisioni i Ligjeve çeli në datën 7 dhjetor procedurat për kandidatët për prokurorët të përgjithshëm.
Në këtë mbledhje u tha se Prokurori i Përkohshëm do të ishte fare pak në detyrë, madje Vasilika Hysi parashikoi afatin e qëndrimit jo më shumë se një muaj.
Por, me gjithë këto deklarata dhe jo vetëm, Marku ka ndërmend që ta mbajë gjatë drejtimin e akuzës përsa kohë ngritja e Këshillit të Lartë të Prokurorisë nuk duket në horizont.
Por, tashmë kanë kaluar disa muaj dhe kandidatët që synojnë Këshillin e Lartë të Prokurorisë janë ende nën vetting, çka do të thotë se shtyhet edhe koha e drejtimit të akuzës nga Arta Marku si kryeprokurore e përkohshme.
TCH i kërkoi Prokurores së Përgjithshme të Përkohshme, Arta Marku strategjinë që ajo ka për të luftuar korrupsionin dhe krimin e organizuar.
Në përgjigjjen zyrtare, ndoshta për të treguar vullnetin për transparencë, Prokuroria e Përgjithshme na referoi tek faqja e internetit ku është publikuar strategjia e Arta Markut.
Por, pavarësisht përkohshmërisë që u deklarua me muaj, e vërteta është se kjo strategji ka afatin nga 2018 deri në 2020, ndërkohë që askush nuk ka deklaruar se kaq do të jetë edhe mandati i saj në këtë detyrë të përkohshme.
Duke vertetuar më së miri lajmërimin e “Pamfletit” kohë më parë që Arta Marku do të jetë kryeprokurore të paktën dy vjet./Pamfleti
Që kur Ilir Meta u zgjodh president i vendit, u kuptua se diçka nuk shkonte. Ceremonia në kohën që Meta u bë president ishte e vakët, ambasadorët po kurorëzonin një person që ka jetë të gjatë politike, por se e dinin tashmë se ishte stacioni i fundit e tij në pushtet, si një mollë që kalbet e në fund do rrëzohet në tokë.
Me bekimin e votave të maxhorancës, Meta si një dragua pushtoi presidencën e vendit. Aty hyri njeriu i krimit, familja më kriminale në Ballkan që ka zaptuar çdo tokë të këtij vendi në kurriz të popullit dhe kishte vënë nën thembra drejtësinë vendore.
Në krye të presidencës së Shqipërisë hyri njeriu që shqiptarët e kanë parë me zë e figurë teksa kryente korrupsion galopant në zyrat e shtetit dhe se përdorte postin zyrtar për të kryer punësime nepotike, me njerëzit e tij të afërm, shumica prej të cilëve kanë përfunduar në burgje ose e kanë braktisur atë, për shkak se e kanë parë se udha e presidentit aktual është në fund burgu.
Prandaj Meta ka mbetur vetëm sot. Në presidencë ka vetmi. Ilir Meta ka qenë i fuqishëm në fillime të politikës, madje edhe pasi ka krijuar Lëvizjen Socialiste për Integrim. Në atë kohë ai kishte miq dhe të besuar, por se pak nga pak ata kanë “firuar”, LSI ka humbur fuqinë politike e shumë drejtorë të saj janë arrestuar, për shkak se mendja e tyre punon vetëm për të vjedhur.
Miqve më të afërm të Metës iu ka ikur “koka” madje kanë arritur deri në rrethin e tij më të afërt, ku përfshihet Kastriot Ismailaj me aferat e tij korruptive, që janë një lemeri e vërtetë.
Tashmë në presidencë ka heshtje. ‘Gjarpri’ ka kapur institucionin më të rëndësishëm politik në vend, por s’ka nga t’ja mbajë më, se nuk ka ndihmën e dikurshme. Korrupsioni që mbart mbi shpinë është i madh dhe e mban postin gjithnjë nën frikën e madhe të prangave.
Drejtësia po mbërrin. Shtetet e Bashkuara të Amerikës dhe aleatët më të besuar të Shqipërisë kanë sjellë drejtësinë ndërkombëtare, duke hedhur tutje drejtësinë që ishte kapur nga mafia e Metës dhe e Berishës e këta të dy ndjejnë frikën në palcë, duke u dridhur për vdekje për ato që kanë kryer në 27 vite demokraci, me afera të korrupsionit që tejkalojnë çdo imagjinatë.
“Peshqit e mëdhenj” do të përfundojnë në pranga. Ata kanë nisur të dridhen e prangosja është më afër se kurrë./Pamfleti.com
Edi Rama është përballur në Elbasan me shumë pyetje dhe ankesa të banorëve të Cërrikut. Ai ka kërkuar që fjalën në fillim të marrin gratë, por kjo gjë nuk ka qenë e lehtë për Kryeministrin, pasi mezor është mbajtur radha e fjalës.
“Ule ore dorën, të shikoj që nuk je burrë, po ky kështu”- u është drejtuar Rama të pranishmëve që kërkonte fjalën.
Ndërkohë një grua ka insistuar të marrë fjalën, duke mos lejuar një burrë të fliste.
“E mbyte burrin, e shkatërrove fare”,- i tha Rama, duke shtuar, “vërtetë themi gratë, gratë, por edhe kështu”.
Një nënë i ankohet Ramës për dy vajzat ekselente të papuna:
Kam një problem të madh, dy vajzat ekselente pa punë. ‘E madhja inxhiniere topografe, ekselente, ka marrë burrë italian dhe skam hall për atë, e dyta për eksperte e Krimeve të Rënda, është ekselencë, gabova që nuk solla dipolomën, më vjen keq që truri i Shqipërisë po rri jashtë”.
Rama: Për vajzën topografe do ishim të lumtur, e ka marrë italiani atë, ka dalë më i squt se ne ca të bëjmë tani, e dyta të shkojë e të konkurrojë sipas rregullave se kështu veprohet.
Edi Rama i ka kërkuar qytetares që t’i marrë gjërat me rrashë për problematikat
“Ulu, jo nuk e merr fjalën duke u ngritur në këmbë. Rregulli i parë është që të flasin gratë në fillim. Të mbarojnë gratë pastaj burrat. Mos ma ngri dorën se e shoh që je burrë nuk je grua. Të respektojmë radhën. Ooo çfarë… të flasin gratë njëherë se të shoh që nuk je grua”- tha kryeministri.
Ndërkohë një qytetare ka nisur të flasë për disa problematika njëkohësisht, por Rama i kërkoi t’i marrë me radhë.
Rama: Sa fëmijë ke ti?
Gruaja: Tre.
Rama: Nuk i ke bërë përnjëherë besoj, prandaj me radhë.
Korrupsioni i babait, ka vrarë 4 “kokë-palarë” dhe ka shkaktuar 10 jetimë më 21 janar 2011
Shkruan: Memo Aliaj
Edhe këtë 1 qershor, “Baba Likja” tashmë presdent i Republikës, mblodhi disa fëmijë të përzgjedhur nga OJF-ja e paguar nga presidenca, për këtë “qokë” të porositur prej Ilir Metës, në shërbim të pastrimit të imazhit të ndotur e antinjerëzor të Ilir Metës!
OJF-ja që gëlltiti disa mijëra lekë nga kjo “qokë”, nuk çoi tek presidenti fëmijë jetimë, fëmijë minatorësh të Bulqizës, fëmijë naftëtarësh, suvaxhinjsh, invalidësh, barinjsh, romësh. egjiptianësh e pastruesish të rrugëve dhe pusetave, që fëmijërinë e tyre po e kalojnë duke punuar e lypur, por çoi fëmijë të pispillosur pasanikësh e poiitikanësh, që “Baba Likja” t’i paraqiste si “fëmijë të lumtur të popullit”.
Ndërsa shikonim sjelljet, buzëqeshjet, përqafimet dhe përkëdhelitë false që Ilir Meta bënte si kloun para fëmijëve, ndërsa dëgjonim që fliste për dashuriën e madhe dhe kontrbutin e tij për jetën e lumtur të fëmijëve të popullit, na u kujtua një kronikë e 17 viteve më parë, kur Ilir Meta kryeministër, aktronte po të njëjtën hipokrizi me fëmijët në 1 Qershorin e vitit 2001, në festën e organizuar në këndin e lojërave “7 xhuxhat” tek rruga e Elbasanit në Tiranë.
Edhe në 1 Qershorin e para 17 viteve, Ilir Meta duke vozitur në pishinë së bashku me vajzën e tij Bora, u premtonte fëmijëve të popullit “jetë të lumtur”. Por sot në 1 Qershorin e vitit 2018, rezulton se me pushtetin e tij absolut në disa poste të larta shtetërore, ka krijuar vetëm lumturinë, luksin dhe pasuritë e fëmijëve të tij.
Vogëlushja që duket në këto foto të 1 Qershorit 2001m duke u relaksuar me Ilir Metën është vajza e tij Bora, sot Zonjë e Parë e Shqipërisë me 1100 euro pagë mujore (pagë ministri) dhe studente universitare në Angli, me pagesë private 160 mijë paund, financiar nga kursimet prej rrogës së prindërve.
Ndërsa bashkë-moshatarët e Borës të para 17 viteve, sot janë emigrantë në kërkim të bukës së gojës, janë të paarsimuar për shkak se prindërit e tyre janë me paga lëmoshë, pa biznese, pa “dhuarata” e pa pushtet. Bashkë-mnosharatrët e Borës, sot janë të papunë në Shqipëri, të zhytur në stres prej varfërisë ekstreme, që shpesh I çon në depresion e vetëvrasje. Sot fëmijët e popullit edhe pas 17 vitesh premtime të bëra prej babit të Borës, fëmijët e popullit lypin dhe detyrohen të punojnë si skllevër, për të siguruara atë copë bukë që pushteti dhe shteti i krminalizuar i babit të saj, nuk u ka dhënë dhe nuk ua jep.
Ndërsa prindërve të fëmijëve të popullit, nuk u falet asnjë qindarkë taksa, gjoba, ujë dhe energji elektrike, babai dhe mami i Borës po këkrojnë t’u falen vjehdjet që kanë bërë në këto 27 vite nëpërmjet krimit e korrupsionit!
Ndërsa Bora jeton në luks dhe ka trashëgimi shumë pasuri e llogari bankare sheikësh edhe prej miliardave të siguruara nga korrupsioni me bllok në dorë të babait të saj, i cili ka shkaktuar 10 jetimë më 21 janar 2011…
Ish-ministri i Mbrojtjes, Sabit Brokaj ka komentuar dje zhvillimet më të fundit politike në vend. Gjatë një interviste për gazetën “SOT”, Brokaj ka dhënë detaje se përse ish-kryeprokurori Adriatik Llalla ka zgjedhur Turqinë për t’u arratisur. Sipas tij, lëvizja e Llallës drejt Turqisë është e paramenduar, pasi ai synon që përmes azilit t’u shpëtojë hetimeve dhe akuzave të ngritura për të.
Sa i takon pretendimeve të Partisë Demokratike se kryeministri Edi Rama përmes Ministrisë së Brendshme po survejon kreun e opozitës Lulzim Basha, ish-ministri i ka quajtur ato si shpifje mjerane. Sipas tij, PD-ja ka nisur këtë fushatë shpifjesh me audio-përgjime, Babale dhe survejime, sepse është një parti pa vizon dhe pa ide. Duke komentuar thirrjet e Berishës për dhunë, Brokaj akuzoi ish-kryeministrin Berisha se dhunën dhe vrasjet i ka bashkudhëtarë në karrierën e tij si politikan. Dhe për këtë, ai vuri në dukje masakrën e “2 Prillit” 1991 dhe “21 Janarin”, dy ngjarje që sipas tij janë shkaktuar nga Berisha.
-Zoti Brokaj, të enjten u mbajt seanca e radhës në Kolegjin e Apelimit ndaj ish-kryeprokurorit Adriatik Llalla, por ky i fundit nuk ishte i pranishëm dhe u njoftua se ndodhet në Stamboll. Në gjykimin tuaj, pse mund të ketë shkuar në shtetin turk?
Në gjykimin tim, ikjen e ish-Prokurorit të Përgjithshëm, Adriatik Llalla drejt Turqisë, e shoh si një mundësi për t’u strehuar dhe larguar nga hetimi dhe gjykimi. Turqia është bërë një vend i zakonshëm për njerëzit e sërës së Sali Berishës për t’u strehuar dhe qëndruar atje. Atje ka qënë dikur dhe ish-kreu i SHISH, Bashkim Gazidede, si dhe Agim Shehu, etj, etj. Kështu që Llalla ka ikur në gjurmët e atyre meqenëse veprimtaria e tij, është thuajse e njëjta si e Gazidedes dhe Shehut, apo edhe të tjerë beniaminëve të Saliut.
-Pra, sipas jush ish-kryeprokurori Llalla po tenton të përfitojë azil politik nga frika e hetimeve që po bëhen në Tiranë?
Adriatik Llalla ka vajtur në Turqi për azil politik. Për mendimin tim ai prandaj ka udhëtuar drejt Turqisë, pavarësisht se është tjetër gjë se sa do të ia arrijë ta realizojë që të përfitojë azil. Pra gjithë synimi i Llallës është që t’i shmanget hetimeve dhe të qëndrojë atje. Fakti që ish-kryeprokurori e largoi me kohë familjen e tij nga Shqipëria, tregon qartë që çdo gjë ai e ka bërë me paramendim. Pra çdo njeri normal duhet të gjykojë që Llalla e largoi familjen qëllimisht, pasi më pas do bënte dhe lëvizjen tjetër duke ikur vetë. Kështu që është në atë linjë të menduar dhe këshilluar prej kohësh, madje veprimi i tij është edhe i diktuar edhe nga bashkëpunëtorët e tij.
-A duhet të mbajë përgjegjësi ish-kryeprokurori për dështimin gjatë 5 viteve në krye të organit të akuzës? Kjo pasi premtoi disa herë se do arrestonte pushtetarë të korruptuar dhe sot të gjithë ish-ministrat me dosje janë të lirë.
E kam thënë kaq herë dhe vijoj ta përsëris që kryeministri Edi Rama duhet ta kishte hequr Adriatik Llallën nga kryeprokuror, qysh në fillim të mandatit të tij të parë. Madje, për mendimin tim Rama duhet ta çonte në Kuvend Llallën që të jepte llogari për dështimet e tij dhe më pas ta shkarkonte publikisht Parlamenti. Në 5 vite detyrë, Adriatik Llalla nuk ka bërë asgjë dhe do të mbahet mënd dhe do hyjë në gjenezën e historisë si kryeprokurori më i dështuar që ka pasur Shqipëria, për shumë arsye. Llalla gjatë kohës që ushtronte postin e kryeprokurorit ka qenë vetëm në shërbim të Saliut dhe Partisë Demokratike dhe nuk ka bërë asgjë të mirë për këtë vend. Kështu që është e tepërt të thellosh më tej analizën, sa i takon gjykimit të punës së tij.
-PD të premten hodhi akuza ndaj policisë se është duke survejuar dhe përgjuar kreun e saj, Lulzim Basha. Si i shihni këto pretendime dhe pse do i interesonte policisë të survejonte liderin demokrat?
Lëvizja e fundit e Partisë Demokratike me të ashtuquajturat audio-përgjime, video-përgjime dhe survejimi, siç është pretendimi më i fundit i PD që gjasme policia po survejon Lulzim Bashën, është e vetmja mençuri e kësaj partie në konotacionin negativ, që të bëjë dhe shpikë sa më shumë budallallëqe. Pra të gjitha këto janë jashtë PD-së në njëfarë mënyre, pasi në qoftë se vërtet Partia Demokratike kërkon të vijë në pushtet duhet të organizohet, duhet t’i ofrojë qyetarëve program, duhet tju mbushë mendjen se është një parti demokratike, me vizion dhe me vlera, madje edhe një parti me perspektivë që ofron potencial qeverisës.
Por meqenëse Partia Demokratike nuk ka asgjë nga këto që sipërpërmenda, venë tek zakoni i vjetër i filluar qysh në vitin 1990 dhe 1991, shpif, shpif dhe vetëm shpif. Kështu që kësaj partie i kanë mbetur reflekset negative të krijimit të kësaj force politike. PD di vetëm të shpifë dhe trillojë se nuk ka asnjë mënyrë tjetër. Vetëm se në gjykimin tim këto shpifjet e fundit si gjasme survejimi i Bashës apo rasti i “Babales” janë nga më idiotet.
Për arsye se shteti nuk ka nevojë të survejojë apo të përgjojë kryetarin e opozitës, në një kohë kur lideri i minorancës mbrohet me ligj nga Ministria e Rendit, me njerëz me të gjitha. E çfarë do t’i gjesh Bashës që ta përgjosh. Kanë ndërmend ata të bëjnë ndonjë grusht shteti dhe po përgjohen!!!??? Kështu që pretendimet e demokratëve janë vërtet si përgjimi i Babales. Është mjerane teksa shikon që opozita e një vendi është katandisur në këtë farë derexheje. Prandaj si përfundim unë ndjej keqardhje për opozitën dhe sjelljen e saj. Madje, edhe neveri për mënyrën se si po bën opozitë.
-Ditët e fundit kemi parë dy qëndrime brenda opozitës: Nga njëra anë është kreu demokrat, Lulzim Basha, i cili është kundër dhunës. Dhe nga ana tjetër kemi ish-kryeministrin që nxit revoltë. Pse Berisha është gjithmonë për dhunë?
Protesta e opozitës ishte e koordinuar. Por mos harrojmë që protestuesit mësymën para Ministrisë së Brendshme. Nuk vajtën atje me dëshirën e Lulit, pasi mënyra pse u thirr protesta të forconte bindjen se ata do të shkonin atje. Por realiteti është më i thellë, kështu që nuk ka asnjë dyshim që organizatori dhe regjisori është Berisha. Berisha dominon PD-në sot. Më lejoni tju sjell në vëmendjen tuaj rastet kur Saliu ka qeverisur këtë vend.
Sali Berisha gjithmonë në karrierën e tij politike është udhëhequr nga dy parime: “Dhuna dhe Vrasjet”, binom i cili i ka dhënë luksin që të mbajë pushtetin. Kini parasysh “2 Prillin” e vitit 1991, që është ingaurimi i marrjes së pushtetit me dhunë nga ana e Berishës, në kuptimin që sabotuan zgjedhjet normale dhe realizuan të parakohshmet duke ia faturuar krimin e tyre, i cili u urdhërua nga Berisha në adresë të partisë tjetër që ishte në pushtet.
Më pas Berisha të njëjtën gjë ka bërë gjithmonë, duke ardhur tek viti 1998, kohë kur Saliu bëri grusht shteti për të marrë pushtetin. Kështu që në kodin e Saliut dhuna dhe vrasjet për të marrë apo mbajtur pushtetin janë. Është tjetër gjë pastaj momentet kur arrin t’i realizojë ai. Kini parasysh edhe një tjetër fakt, “21 Janari”.
Dhe ajo vrasje për pushtetin ishte. Asokohe Berisha kishte synim të asgjësonte opozitën, madje ta implikonte si të përfshirë në nxitjen e trazirave, vetëm e vetëm për të mbajtur pushtetin. Kështu që nuk ka asgjë të jashtëzakonshme dhe jashtë strategjisë së Berishës. Berisha sa të jetë në politikë, gjithmonë do të synojë të shkaktojë dhunë në këtë vend.
-Si e shihni faktin që PD-LSI kanë filluar të sulmojnë shumë fortë reformën në drejtësi?
Është absurde të sulmosh reformën në drejtësi. Reforma në drejtësi është një nga reformat më të mëdha të ndërrmara nga ana e qeverisë. Kështu që sa i takon vetingut, kam bindjen se ky proces do të skualifikojë shumë gjyqtarët e prokurorë, madje nuk kam asnjë dyshim për këtë. Çdo gjyqtar dhe prokuror i korruptuar duhet të përjashtohet nga sistemi dhe të ndiqet penalisht nëse ka abuzuar me detyrën. Ka ardhur koha që në Shqipëri të ndërtohet një sistem drejtësie profesional dhe i pavarur.
– Kryeministri Edi Rama dhe ministri Bushati kanë folur për prezencë të ndikimit rus. Sa të rrezikuar jeni ne?
Ne jemi vend anëtar i NATO-s kështu që Rusia e ka të vështirë të penetrojë. Por duke parë që ka elementë të kësaj natyre, ku Rusia ka shtrirë tentakulat në shumë vende, për rrjedhoje frika ekziston, dhe pa diskutim mund të gjesh.
-A mendoi se dhe Shqipëria duhet të ndjekë shembujt e rajonit për të nisur arrestimet në nivele të larta?
-Mendoj që me ngritjen e reja të organeve të drejtësisë duhet të nisin arrestimet e zyrtarëve të lartë që i kanë bërë gjëmën këtij vendi duke e vjedhur dhe plaçkitur. Arrestime e ashtuquajtura “VIP” do të shëndoshin imazhin e Shqipërisë tek sytë e ndërkombëtarëve, duke treguar më në fund që ne jemi të denjë të luftojmë korrupsionin dhe krimin e organizuar deri në embrion. Megjithatë, na duhet të presim që ta shikojmë këtë realitet.
