Politike

Ngjela: Kjo është një nga arsyet e sigurisë që negociatat do të happen. Cili është skenari Rama –Berisha

Leave a Comment / Opinione, Politike / /

Corruption is just another form of tyranny. (Korrupsioni është sak një formë tjetër e tiranisë.)
Joe Biden

Shkruan Spartak Ngjela

A do të arrihet që shoqëria shqiptare të adoptojë përgjegjësinë personale si kulturë të saj? Ky është kushti amerikan për shoqërinë shqiptare dhe metoda amerikane antikorrupsion. Dhe prandaj, kjo, sigurisht që do të arrihet.

l.
Nëse funksionon ligji, arritja e përgjegjësisë personale do të arrihet. Reforma në Drejtësi që kanë shkruar perëndimorët për Shqipërinë dhe që tani është në forcë, pikërisht këtu e ka përmbajtjen e saj.
Korrupsioni i lartë shqiptar që e votoi me 140 vota nuk e kuptoi dot këtë, nuk mundi ta kuptonte nga niveli i lartë i strukturës, sepse korpusi ligjor ka një karakter fragmentar, por që konvergon në një pikë: te zbatimi rigoroz i ligjit.

Zbatimi rigoroz i ligjit, esencialisht është sigurimi i funksionimit të përgjegjësisë personale në një shoqëri. Përgjegjësia personale e detyruar nga ligji, sjell përgjegjësinë e qeverisjes dhe qeveritarëve.
Mu këtu, pas instalimit të plotë të saj, sigurisht që do të nisë një histori e re e shoqërisë shqiptare.

Po, kur do të fillojë realisht kjo? Fillimi i saj është kërkesë e rreptë amerikano-gjermane. Por kjo kërkesë është edhe garancia që në këtë 28 qershor hapen negociatat me Bashkimin Europian.  Kjo tani nuk ka më asnjë dyshim, se hapja e negociatave vendos përfundimisht renditjen e Shqipërisë në një shtet ligjor.

Situata ligjore, menjëherë godet antiligjorët kryesorë të aktualitetin politik shqiptar: Ramën dhe Berishën. Vetë reforma është ndërtuar në strukturën e likuidumit të këtyre të dyve në fillim, dhe pastaj në goditjen penale të qindra individëve të korruptuar.

Edhe hapja e negociatave tani që i gjithë korpusi ligjor i reformës është përfunduar, pikërisht këtë presupozon. Nëse BE nuk i hap negociatat me Shqipërinë, korrupsioni kryeministror Berisha-Rama do ta çojë Shqipërinë në destabilizim. Në fakt, edhe kjo është një nga arsyet e sigurisë që negociatat do të hapen.

Politika perëndimorë e ka si metodë racionale të progresit kalimin nga abstraktia e formulimit ligjor, te konkreteja e aplikimit racional të një reforme. Korripsioni kryeministror shqiptar nuk e kuptoi dot këtë.

Po kush po e vuan më shumë hapjen e negociatave? Ata që po e vuajnë më shumë janë: Korrupsioni i lartë shqiptar, Beogradi, Moska dhe Erdogani. Këta po e vuajnë jashtë mase, prandaj po veprojnë. Por lodhen kot së koti e fare kot, se janë të HUMBUR.

ll.
Shqiptarët nuk kanë pasur mundësi të mendojnë idividualisht për përgjegjësinë se kanë qenë të sunduar nga dhuna korruptive e qeverive të tyre, që nga pashai osman e deri te kryeministri, diktatori apo mbreti shqiptar. Kjo ka sjellë gjithmonë abtiintelektualiznin në qeverisje, dhe bllokimin e zhvillimit profesional të prodhimit në Shqipëri. Në esencë ky është sundim korruptiv.

Edhe ky i sotmi, sigurisht, madje është provuar, që është një sundim korruptiv i kryeministrit aktual që qëndron brenda karakterit antiintelektualist si frymë sunduese.
Atëherë?

Reforma në drejtsi, pikërisht këtë do të sjellë: frymën e përgjegjësisë personale dhe të intelektualizmit profesionist në Shqipëri.

Por, pikerisht për këtë, ky kryeministër nuk ka më të ardhme, jo si individ, por sepse nuk ka të ardhme si frymë. Fryma striktligjore e një shoqërie të drejtuar nga itelektualizmi profesionist sjell shkatërrimin e korrupsionit dhe të abuzimit me pushtetin. Kjo frymë nuk mund t’i pranojnë dot as Berishën me taborin e tij, dhe as Ramën me rilindjen e tij osmane.

Çelja e negociatave garanton përfundimisht reformën shqiptare. Kurse të korruptuarit e mëdhenj fillojnë rrugëtimin e tyre të shpronësimit të menjëhershëm dhe të akuzës penale.

lll.
Historia politike është frymë, por duhet të kujtohemi që vetë historia e shkruar është refleks i politikës. Kjo është fryma e historisë.

Fryma e historisë shqiptare deri tani ka qenë frymë tiranike dhe korruptive që ka ardhur nga politika shqiptare. Reforma e nisur nga politika amerikanë në Shqipëri këtë parakupton – eliminimin e korrupsionit shqiptar që në fakt është rrjedhojë e historisë njëqindvjeçare të Shqipërisë.

Kjo pastaj do të shrrënjosë përfundimisht karakterin totalitar të politikës shqiptare dhe papërgjegjshmërinë e qeverisjes. Në Shqipëri dhe pse në vitin 1991, ra totalitarizmi tiranik, karakteri totalitar i politikës vazhdoi dhe erdhi deri në ditët e sotme.

Kurse papërgjegjshmëria e qeverive të vendeve të korruptuar, vjen dhe jeton gjatë nga mosndëshkueshmëria e krimit shtetëror, derisa ky krim pastaj bashkohet me krimin e rrugës. Siç ka ndodhur sot në Shqipëri.

Prandaj karakteri totalitar i politikës shqiptare, ka sjellë me vete pandëshkueshmërinë e krimit dhe abuzimit me pushtetin. Duhet të theksojmë ndërkaq se, fryma totalitare e korrupsionit nuk mbështetet te forca e represionit policor, por të forca e parasë.

Rikthimi te ligji si funksion historik, në rastin antikorupsion, fillon domosdoshmërisht nga hetimi i burimit të parasë dhe pasurisë. Kjo sjell me vete mënjëherë ndëshkimin e abuzuesëve të mbrojtur nga fryma totalitare e qeverisjes.

Pikërisht këtu mbështetet arsyeja kur thekson që Reforma në Drejtësi rrafshon gjithçka abuzuese. Ajo është një smasher of everything… Si mjerë ata që kanë vjedhur shqiptarët!

Ngjela: Kjo është një nga arsyet e sigurisë që negociatat do të happen. Cili është skenari Rama –Berisha Read More »

Diversioni i Monikës: Dy ministra po përgatiten si kandidatë për bashkinë e Tiranës, njëra është zonjë

Leave a Comment / Politike / /

Kryetarja e Lëvizjes Socialiste për Integrim, Monika Kryemadhi, e ftuar në “Tonight Ilva Tare”, duke folur për zgjedhjet e ardhshme lokale, tha se në Tiranë diskutohen edhe emrat e dy ministrave si kandidatë, pa dhënë emra.

Kryemadhi: Duam apo s’duam, sot kandidat për kryetar bashkie në zgjedhjet e ardhshme nuk do të jetë figura më intelektuale dhe më gjithëpërfshirëse e qytetit. Sot kandidat për kryetar bashkie, do të jetë një figurë me pesë emra. Mundësisht një njeri me 5 emrat, që është dënuar.

Tare: Thatë pak më herët që janë në staf administror që po bëhen gati? Kush janë ato?

Kryemadhi: Janë nja dy ministra..

Tare: Që po përgatiten…për kryetar bashkie për Tiranën?

Kryemadhi: Do ta them pas emisionit..nuk po bëj diversione. Shkoni pyesni shefat e kabinetit të disa ministreve që keni në kabinete. Njëra është zonjë.

Pamfleti më herët ka shkruar se në koridoret e kryeministrisë flitet dhe për emrin e ri që pritet të kandidojë në zgjedhjet e qershorit të vitit të ardhshëm për postin e kryetarit të Bashkisë së Tiranës. Emri që do të jetë në garë në emër të PS pritet të jetë ministrja aktuale e Shëndetësisë Ogerta Manastirliu.

Pavarësisht se nuk ka ndonjë lidhje me PS, Manastirliu është një “axhami” që ka punuar në bashki dhe është “rritur” politikisht nga Edi Rama, ish kryetar bashkie.

Kështu Ogerta Manastirliu, pasi shkatërroi QSUT “Nënë Tereza”, duke e shkundur nga të gjitha anët, financiarisht dhe profesionalisht, shkatërroi dhe shëndetësinë shqiptare, tashmë pritet të marrë në dorë bashkinë e kryeqytetit, duke zhvendosur Erion Veliajn.
Edi Rama njihet si njeriu që ka fobi ndaj njerzve që rriten përmes punës dhe që i hedh në rrugë bashkëpunëtorët e tij.

Diversioni i Monikës: Dy ministra po përgatiten si kandidatë për bashkinë e Tiranës, njëra është zonjë Read More »

Stafi i Donald Lu nis largimin, kush do e marrë drejtimin e ambasadës në muajin gusht

Leave a Comment / Aktualitet, Lajmi i fundit, Politike / /

Ambasadori i Shteteve të Bashkuara të Amerikës në Tiranë, Donald Lu dhe stafi i tij kanë nisur përgatitjet për t’u larguar nga Shqipëria. I pari që pritet të largohet është shefi i Zyrës Rajonale të Sigurimit në Ambasadën Amerikane, Jan Hiemstra.

Për këtë arsye, ditën e djeshme ministri i Brendshëm, Fatmir Xhafaj organizoi një ceremoni të veçantë, ku dekoroi oficerin Jan Hiemstra. Gjatë fjalës së tij, ministri Xhafaj vlerësoi bashkëpunimin dhe asistencën e ofruar nga Shtetet e Bashkuara të Amerikës, si një partner shumë i rëndësishëm për agjencitë ligjzbatuese shqiptare.

“Dëshiroj të vlerësoj bashkëpunimin shumë të mirë që ne kemi në fushën e sigurisë ndërmjet vendit tonë dhe Shteteve të Bashkuara të Amerikës, veçanërisht asistencën mjaft të vyer që SHBA japin ndaj agjencive të sigurisë në vend dhe veçanërisht Policisë së Shtetit, në shumë fusha. Ju sot po e përmbyllni këtë detyrë, duke lënë pas një kontribut të spikatur në mbështetje të Policisë së Shtetit në luftën kundër terrorizmit, krimit të organizuar dhe trafiqeve të paligjshme”, nënvizoi ministri Xhafaj.

Ja disa nga emrat e tjerë që do largohen

Paralelisht me shefin e Zyrës Rajonale të Sigurimit në Ambasadën Amerikane, Jan Hiemstra, i cili pritet që të largohet nga Shqipëri janë edhe gati 15 zyrtarë të tjerë të ambasadës që pritet të mbyllin misionin në Tiranë brenda kësaj vere. Kështu, zëvendës ambasadori, David Muniz e mbaron mandatin dhe do të largohet nga Shqipëria në fund të gushtit. Ndërsa shefi i Zyrës së Marrëdhënieve me Publikun, Ryan Roberts do të largohet në fund të muajit korrik.

Po ashtu, shefi i Zyrës së OPDAT, Jon Smibert do të largohet në fund të korrikut, ndërsa shefja e misionit të USAID-it, Catherine Johnson do të largohet gjithashtu brenda verës. Ndërkohë që në fund të muajit korrik largohet edhe ambasadori i SHBA-ve në Tiranë, Donald Lu.

Mirëpo, Shtëpia e Bardhë nuk e ka vendosur ende emrin e pasuesit të zotit Lu, pasi me shumë gjasa emri i ri do të zyrtarizohet në shtator. Kjo do të thotë që gjatë muajit gusht, drejtimin e ambasadës do ta marrë zv/ambasadori i ri, i cili është zgjedhur pak ditë më parë, shkruan “Sot”.

Ambasada nxjerr në ankand disa sende e makina

Interesant është fakti se me largimin e stafit, dje ambasada e SHBA-së në Tiranë ka publikuar një njoftim në faqen zyrtare në Facebook, ku bën me dije se ka hapur një ankand për disa sende dhe makina. Në njoftim ambasada thotë se ka nxjerrë në shitje dy kamionë dhe disa pajisje elektronike në gjendje shumë të mirë pune.

“Ambasada e Shteteve të Bashkuara në Tiranë shet dy kamionë, dy kontenierë transporti, dy strehëza për duhanpirësit, pajisje kompjuterike, mobilje zyrash, mobilje dhe pajisje shtëpiake dhe shumë artikuj të tjerë nëpërmjet ankandit “online” në këtë adresë: https://goo.gl/bVRzHI Menjëherë pas këtij ankandi do të ketë edhe një tjetër që do të përqendrohet kryesisht në shitjen e gjeneratorëve elektrikë dhe disa automjeteve. Lexoni rregullat dhe kushtet e ankandit duke klikuar këtu: https://goo.gl/fk3ReE”, thuhet në njoftimin e ambasadës së SHBA-vë në Tiranë.

Stafi i Donald Lu nis largimin, kush do e marrë drejtimin e ambasadës në muajin gusht Read More »

Partia e 8 Dhjetorit, “çiflik” i bijëve të partisë së 8 Nëntorit

Leave a Comment / Politike / /

Nga PD e ‘90-ës ka mbetur vetëm Saliu me Tritanin, nga KOP i 2005-ës ka mbetur vetëm Luli me 3 “ushtarë”
Janë bërë shumë komente e analiza të shumta në media, po debatohet përditë në mjediset publike e politike, se përse PD e drejtuar zyrtarisht nga Lulzim Basha në këto 5 vite, është katandisur në atë farë derexheje, sa specialistët, inteligjenca dhe qytetarët e thjeshtë, deklarojnë se e kanë për turp të anëtarësohen në këtë parti “çiflik privat”, të uzurpuar dhe përdorur nga një “çetë” indivdësh me lidhje zullumesh në këto 26 vite, me trashëgimi familjare postesh deputeti e partiake, ku të puthin vetëm për vota e protesta, por nuk të përfill askush as kur i përshëndet!

PD-ja është tashmë një parti e 240 mijë anëtarëve dhe mbështtësve që e kanë braktisur në zgjedhjet lokale 2015 dhe zgjedhjet parlamentare 2017, duke firuar çdo ditë e më tepër ky numër, “hemoragji” që e tregoi edhe protesta e 26 majit 2018. PD është parti, që sa merr pushtetin, krijon rrjetën nepotike në administratën publike, duke bushur zyrat me ata që dinë zhavtin e t’u çojnë lekë shefave!

PD është parti, që prej 15 vitesh nuk mbledh dot asnjë qindarkë kuotë anëtarësie, madje as vetë Saliu, Luli, Muli, Salinaji, Balliu e Mziu nuk e paguajnë këtë detyrim statutor. PD është parti, që gazeta e saj “RD” shitet vetëm 70 copë në ditë në gjtihë Shqipërinë, ndërkohë që PD-ja e Lulit ka 25 anëtarë kryesie, 220 anëtarë të Këshillit Kombëtar, 43 deputetë, 24 koordinatorë, 13 shefa departamentesh, 14 kryetar e punonjës bashkie, me qindra këshilltarë në pushtetin lokal dhe 1275 drejtues e të zgjedhur të PD në rrethe, të cilët nuk lexoj as gazetën e partisë së tyre!

PD e Lulit u “vyshk” shumë shpejt si frymë politike, degradoi si program, degjeneroi si lëvizje partiake, u bë komike si opiztë. Shak është uzuprimi dhe monpolizimi i kësaj partie 23 vjet prej familjes “Berisha” dhe prej 5 vitesh falur familjes së Lulit, si trashëgimi vetëm me letra! PD e Saliut dhe e Lulit, degradoi mbasi ajo u krhye në “çiflik” privat të tyre dhe çetave të tyre të bindura, që veprojnë vetëm me urdhëra, kundrejt shpërbilmeve me poste e mandate deputeti!

Në momentin e dorëheqjes së Saliut në qershor 2013, u mendua se PD do të shpëtonte nga “kthetrat” e familjeve komuniste, por nuk ndodhi, mbasi familja komuniste “Berisha”, ia trashëgoi partinë familjes komuniste “Basha”. Për të përligjur aktin e trashëgimisë së PD, Sali shpiku “KOP”-in, duke e futur e bërë Lulin 3 herë ministër, deputetë dhe kryetar bashkie të Tiranës, siç shpiku Ramizi në ’90-ën skemën e “angazhimit të intelektualëve të pavarur nëpër parti”, për të deaantuar Saliun në krye të PD!

Ata që e themeluan PD në dhjetor 1990, u përzunë nga partia me skenar eleminimesh nëpër kongrese, me intriga, presione e dhunë fizike nga “çeta” e Saliut, siç u veprua me Edi Ramën të cilin e masakruan pse shkruante “refleksione” kundër Saliut! Edhe ata që themeluan KOP-in e PD në vitin 2005, u përzunë nga partia me skenarët e kartonit të votave nëpër forume, me kërcënime, intriga, shpërfillje, me emërtime departamntesh e lista deputetësh.

Sot pas 28 vitesh, nga PD e viteve 1990-1991, nga 312 themeluesit ka mbetur vetëm Saliu me Tritanin e prasit të Lushnjës, ndërsa nga 45 themeluesit e “KOP”-it të vitit 2005 ka mbetur vetëm Luli me Florjon Mimën, Albana Vokshin e Fatbardh Kadillin! Sipas ditarit historik, PD quhet partia e idealistëve të 8 Dhjetorit, por u kthye në “bunker” i bijëve të partisë së 8 Nëntorit!/Pamfleti

Partia e 8 Dhjetorit, “çiflik” i bijëve të partisë së 8 Nëntorit Read More »

Kur bëhen bashkë “Babalet” dhe “Baftjarët”!

Leave a Comment / Aktualitet, Opinione, Politike / /

Ata, deri më sot nuk kanë dhënë as më të voglin kontribut në interes të vendit përveç shpifjeve, baltosjes dhe mashtrimit… Kultura osmane e “Babaleve” dhe “Baftjarëve” vazhdon. Jo më kot shkruante Faik Konica: “Kultura osmane kufizohej vetëm në përdorim pomadash dhe shpërdredhje çupëlinash”!
Shkruan Pandeli Bardhi

Që bëhen bashkë është një gjë e mirë dhe ku ta gjesh sikur të gjitha partitë të bëhen bashkë. Do të ishte një shembull i shkëlqyer sikur “Babalet” dhe “Baftjarët” të bëheshin bashkë dhe të lobonin që Shqipëria të hapte negociatat me BE-në?

Por, a e dini përse janë bërë bashkë “Babalet dhe “Baftjarët”? Janë bërë bashkë, që Shqipërisë të mos i hapen negociata me BE-në. “Babalet” dhe “Baftjarët, bëhen tok që të lobojnë edhe me “djallin” në botë që Shqipërisë, të mos i hapen negociatat sepse ka një qeveri të “krimit dhe të drogës”. Ata bëhen bashkë, sikur duan të thonë që edhe bashkimi midis tyre të fillojë nga “pika zero” si edhe për hajdutët e tyre të mëdhenj! Kjo është e para që i bashkon.

E dyta që i bashkon, si hajdutë që janë, “Baftjarët” kanë bërë një propozim. Tërë hajdutët LSI-stë, kanë vjedhur ç’kanë vjedhur këtej e tutje, të quhen sikur nuk kanë asnjë qindarkë në xhep dhe të fillojnë mbushjen e tyre nga e para, pra të fillojnë nga “pika zero”! Kjo “shpikje” mund të quhet edhe shpikja e shekullit! O tempora o Mores.

Ky propozim i ka entuziazmuar shumë edhe “Babalet” edhe Keidat e Kërpacët. Tërë deputetët dhe ish ministrat e LSI-së mbasi u majmën mirë e mirë me djersën e këtyre qytetarëve, tani edhe tallen dhe duan të vijnë në pushtet për të mos vjedhur! Këtej e tutje do t’i harrojnë zakonet. Këta krerë LSI-sta, të ngjyrës jeshile, të hurit e të litarit, janë bërë bashkë me “Babalet” blu dhe puthen me ta si për të bërë karshillëk para qytetarëve se “nuk po i zë gjumi” për hallet e popullit!

E keqja e këtij bashkimi të “Babaleve” me “Baftjarët” është ajo që, pavarësisht ngjyrave që kanë dhe bindjeve partiake, i bashkon vetëm zelli kundër interesave të Shqipërisë. Është e vërtetë që ata shohin njëri nga “krushka” e tjetri nga “mushka”, por ama e dinë se ku ka “zjarr” e ku del “tym” ku është sofra shtruar e ku ka “raki Skrapari”! “Babalet” dhe “Baftjarët” janë simboli i shpifjeve dhe mashtrimeve dhe i bashkon vetëm e keqja kundër Shqipërisë.

Ata, deri më sot nuk kanë dhënë as më të voglin kontribut në interes të vendit përveç shpifjeve, baltosjes dhe mashtrimit… Kultura osmane e “Babaleve” dhe “Baftjarëve” vazhdon. Jo më kot shkruante Faik Konica: “Kultura osmane kufizohej vetëm në përdorim pomadash dhe shpërdredhje çupëlinash”!

Vetëm aroma e pomadës të “Baftjarëve” u “gërvisht hundën “Babaleve”. Këta japin edhe shfaqje para shqiptarëve dhe puthen për të treguar se sa në “unitet” janë ata, pavarësisht ngjyrave blu dhe jeshile. “Baftjarët” e LSI-së, deri para pak muajve ishin në koalicion me “vulëhumburit” e Rilindjes, ku e shijuan mirë rakinë e Skraparit dhe ishin “djem për së mbari” dhe shpresuan që në të ardhmen “t’u shkonte jeta për së mbari” e “të ndizej zjarr vallja e Baftjarit”.

Fill mbas shkëputjes nga koalicioni, vendi u mbush me drogë e krim dhe ata që nuk u “prekën” nga kjo e keqe, ishin “Babalet” dhe “Baftjarët”! Përveç sa kanë vjedhur LSI-stët dhe “Babalet” janë shijuar edhe me amnistinë, që Rilindja u bëri debitorëve biznesmenë dhe institucioneve të shtetit për energjinë elektrike prandaj kërkojnë amnisti edhe për hajdutët me “çizme” të politikës. Nuk u bë kjo amnisti për të mjerët pensionistë që shkojnë e zënë rradhë të parët për të paguar detyrimet, për të mos mbetur debitorë.

Atyre nuk ua lejon sedra që kanë për të mbetur debitorë ndaj shtetit, kurse atyre “fakirëve” politikanë që nuk u bën përshtypje babëzia që bëjnë, u falen detyrimet! Kush janë në burg? Ata që janë debitorë një apo pesë mijë lekë në shtet. Këta janë “e keqja” e këtij vendi! “Babalet” blu janë bërë edhe prokurorë, janë bërë edhe gjykatës, janë bërë edhe informatorë që qëmtojnë në detaj çdo gjë, bile edhe një “qime” që lëviz qeveria.

“Trarët”, Babalet dhe “Baftjarët që pengojnë rrugën për në Europë, jo vetëm nuk i shohin, por i vendosin vetë dhe bile sa më shumë që mazhoranca të mos i kapërcejë dot. “Hollanda është skeptike dhe nuk do që qeveria e inkriminuar e Ramës të hapi negociata” thërret një “shpellar”, “Me qeverinë e narko trafikut dhe të krimit që ka Edi Rama ta harojë se do të hapen negociatat” e pason Basha.

Më kot bën përpjekje Edi Rama! Këtë e kanë vendosur “Babalet” dhe “Baftjarët”, që Shqipërisë nuk do t’i hapen negociatat! Raporti gjerman e përcakton qartë: “Për Shqipërinë, problem është bojkoti i Parlamentit dhe protestat e opozitës”. Pikërisht këtyre u mëshojnë “Babalet” dhe “Baftjarët”. Vjen dita e enjte dhe “gladiatorët” “Babale” rrethojnë foltoren, sa për t’i dhënë fuqi Bashës dhe largohen. Më pas fillojnë protestat për largimin e Xhafës. “Korbat” Babale dhe Baftjarë, sa më shumë afron njëzet e tetë Qershori, aq më shumë vrer nxjerrin aq më shumë shpifin e shpifin.

“Shashkat” i hedhin sa andej këtej që bota t’i dëgjojë. E sheh Presidentin tek bëhet çakërrqejf nën tingujt e këngës së Baftjarit dhe mendon se këtu çdo gjë shkon si në vaj! Bashkë me të “argaliset” edhe z. Lu. Ky, në fakt është Iliri, i cili siç shprehet, “beson në çeljen e negociatave”! Po Meta nga mbrapa, çfarë thotë? Meta, nga mbrapa i ngul thikën mbas shpine edhe Amerikës së z. Lu, edhe Europës së znj. Vlahutin, kur me gojën e këshilltarit të tij Dritanit, i mallkon këta që “thefshin këmbët dhe kokën” sepse na “hapën” telashe dhe po na presin riskun për të vjedhur!

E ç’mund të thuhet më shumë që “babalet” dhe “baftjarët” nuk kanë qenë dakord e nuk janë as me vetingun e as me reformën në drejtësi “Baftjarët” janë aq të “besueshëm” sa ishte edhe veterineri Panariti, i cili veshi bluzën e bardhë dhe na “mbushi mendjen” që kastravecët në Myzeqe, ishin “bio” dhe “pa pesticide”! Kështu tha veterineri edhe për miellin serb që “është i garantuar për prodhimin e bukës’ dhe tani na e nxjerr skarco, si miell për mëmëlike!

A janë të besueshëm këta? Kjo u shkon për shtat vetëm Babaleve! “Prokurori” dhe “gjykatësi” Lulzim deklaroi para pak ditëve se “Babales” i janë afruar 200.000 euro që të mbylli gojën për atë që në fakt Babalja ka mashtruar. U bënë bashkë me një palo gazetar si i dalë nga ferrat e Tufinës dhe bënë “shoun e radhës.

“Babalet” dhe “Baftjarët” hedhin ngado shashka dhe turren si egërsirat pas kërmës politikanë analistë gazetarë. Kalon vala dhe më pas bëjnë të njëjtën gjë. Ja, kështu siç turren egërsirat pas kockave. Nuk është faji as i “babalogazetarëve”, as i “babaloanalistëve”, por i oborrit të SHQUP-it që Basha dhe Berisha mbledhin vetëm mbeturina. Brumbujt “ankohen” vetëm atje ku ka pastërti dhe janë të “kënaqur” kur kanë me çfarë të merren për të bërë punën e tyre me “topat” që i rrokullisin. Atyre u pëlqen vetëm atje ku gjejnë ndyrësira. Këtë mundësi, atyre ja krijon vetëm oborri i SHQUP-it.

Vëllai i Fatmir Xhafës ka folur me trafikantët! Që vëllai i Fatmir Xhafës ka qenë trafikant lëndësh narkotike dhe për këtë është dënuar, këtë e di edhe Kejda, por problemi është se çfarë zbulimi është bërë në këtë rast? Trafikantët nuk do të bisedojnë për të bërë dashuri, por do të bisedojnë për të trafikuar lëndët narkotike. Po pse pikërisht tani babalet dhe Baftjarët i mëshojnë këtij problemi? Pse atyre u ka mbetur ora në vitin 2002?

Po marrim rastin sikur kjo të jetë e vërtetë. Po sikur kjo, të jetë një mashtrim siç e kanë zakon “babalet” blu, si do të bëhet? Pse Babalja trembet nga e vërteta dhe shkon në Kosovë? Pse Babalja shkon nga Kulla e Viçidolit të Saliut dhe jo në pikën e kalimit kufitar? Ku është qytetari Dixhital i Saliut? E vërteta është që babalet janë mësuar që të bëjnë vetëm shpifje dhe mashtrime ashtu si i pëlqen Bashës. Hodhi Basha një shashkë në erë për 200.000 eurot që i ofruan Babales dhe kaq. Kush ja dha, kush i mori? Pse nuk merret i pandehur Basha si shpifës ordiner?

Ky shpifës, të gjithë oborrin e tij e ka kthyer në shpifës. Pse nuk e ngre zërin Basha dhe Saliu për ish Kryeprokurorin që ka ikur në drejtim të paditur si dikur Gazidedja? Babalet dhe Baftjarët nuk i mban vendi. Ata rrëmbejnë shkopinj, hekurishte dhe lloj lloj hedhurinash për t’ja vënë në “rrota” Shqipërisë me në krye Sali Lulzimin si njëfarë gazetari Bledi Kasmi, që shkul rrjetën e hekurave për t’ua hedhur policëve dhe më pas akuzon policinë. Ç’deshi ky gazetar me hekurat e gardhit? Cila është detyra e tij? A nuk i mjafton Bledit ajo që vetëm nxin me një fletushkë “paçavure”, me anën e të cilës kërkon të “nxijë” gjithë Shqipërinë.

Pse Bledi nuk qëndron si Parruca në ekranin e televizorit dhe të nxisi që andej protestat, por shkon atje ku kolegët e tij godasin policët me hekurat e gardhit? Nëqoftëse shkoi në protestë si protestues, pse kërkon të mbrohet me statusin e gazetarit? “Është dhunuar fjala e lirë, thotë Albana Vokshi dhe kjo është bërë direkt me urdhër të Ramës”! Sikur të mos i mjaftojnë Ramës kusuret e shumta që i rëndojnë mbi kurriz, jep edhe urdhra për plagosjen e Bledit, “urdhëron” edhe policët që të godasin protestuesit “paqësorë” të Bashës e ç’nuk bën Edi Rama!

“Babalet” po na tregojnë që Edi Rama, aq shumë i ka ushqyer “Babalet” sa që ata, janë në gjendje që të shkulin edhe gardhet prej hekuri dhe t’ua vërvitin policëve si Tarzanë të vërtetë! Çfarë humori shkaktojnë “Baftjarët” e Monikës kur u bën thirrje socialistëve që të “largohen nga Rama” në një kohë që LSI-stët, po ja mbathin një nga një për t’u larguar nga “sofra” e Baftjarit” e cila po boshatiset. “Baftjarë Baftjarë/ Jeni super të paparë? Por, a do t’u shkojë jeta mbarë?

Kur bëhen bashkë “Babalet” dhe “Baftjarët”! Read More »

Kur do të ketë llogaridhënie në PD?

Leave a Comment / Politike / /

Duke u marrë me “llogaridhënien e Ramës”, dhe duke “harruar” llogaridhënien e tij, duke nxjerrë 10-15 veta me parrulla në çdo rreth si protestues, PD thjesht po humbet terren, dhe po tkurret më shumë politikisht në sytë e shqiptarëve
Shkruan Artur Ajazi

Llogaridhënia në konceptin modern të fjalës, është padyshim termi më i përdorur sot në politikën europiane. Duke përjashtuar partitë dhe pushtetet diktatoriale, çdo parti politike demokratike, që ka një program të detajuar zhvillimi, padyshim transparencën e gjithçkaje e ka në plan të parë.

Në vendet postkomuniste,të cilat për afro gjysëm shekulli ishin mësuar me komandën e Njëshit, dhe bindjen ndaj një partie, koncepti llogaridhënies ishte ndryshe, ku mbizotëronte “llogaridhënia e komunistit para partisë”. Në Shqipëri pas vitit 1992 me ndryshimin e sistemit, vetëm përgjatë këtij mandati qeverisës, koncepti teorik dhe praktik i llogaridhënies është futur dhe zbatuar nga Edi Rama.

Mirë apo keq, kryeministri ka nisur në turin e tij në rrethe, fushatën e llogaridhënies së ministrave, zv/ministrave, drejtorëve, dhe deri tek rrangjet e ulëta.

Natyrisht nuk kishte se si të mos kundërshtohej nga opozita aktuale edhe nisma e zotit Rama, pasi është në të drejtën e saj të jetë kundër gjithçkaje që propozon kreu i qeverisë. Me fakte ose pa fakte, opozita aktuale e cila përfaqësohet historikisht në Shqipëri akoma nga PD, ka dalë hapur dhe me veprime konkrete si grumbullime dhe pankarta në duar, duke kundërshtuar llogaridhënien e Ramës dhe stafit të tij qeveritar.

Por habia më e madhe e kësaj kundërshtie të kësaj opozite qëndron në faktin se, veprimet e saj bien ndesh me situatën në të cilën gjendet sot partia e tyre, pra PD. Brënda asaj partie ka kohë që ndodhin çudira, ndodhin përmbysje, ndodhin ngjarje dhe krijohen situata të rënda që kanë penguar dhe dëmtuar seriozisht funksionimin normal të asaj force politike.

Më e pakta që kryesia, kuvendi, forumet, anëtarësia e asaj partie, duhej të kishin kërkuar nga lidershipi Partisë Demokratike arsyet e mungesës së llogaridhënies, për katastrofën ku gjendet sot kjo forcë politike. Kur një qeveri nis fushatën e llogaridhënies në popull, mes të djathtëve dhe të majtëve, mbi gjithçka ka bërë, mbi gjithçka nuk ka bërë, mbi problemet dhe hallet e qytetarëve, përse një parti politike demokratike, heziton të japë llogari para anëtarësisë saj ? Përse kryetari PD, prej 1 viti e gjysëm premton “llogaridhënien para bazës mbi gjithçka lidhet me humbjet, dhe shkatërrimin struktural të partisë” nuk e bën një gjë të tillë?

Kush e pengon, përse e pengon, çfarë e mundon, dhe nga kush trembet ? Baza e partisë, të larguarit dhe të palarguarit e Partisë Demokratike, nuk ka ditë të mos kërkojnë nga kupola drejtuese e kësaj partie , nisjen e fushatës së llogaridhënies në çdo qytet dhe fshat të vendit, për të njohur jo vetëm situatën ku janë katandisur degët në rrethe, por edhe për ti njohur militantët e zhgënjyer të fushatave elektorale me shkeljet dhe gabimet e liderit. Historikisht nuk mbahet mend që në PD, të ketë patur ndonjëherë “fushatë të llogaridhënies së kupolës drejtuese”, edhe atëhere ( në 1997) kur shteti u shpartallua dhe kjo parti u shpërbë pothuajse fare.

Duke ecur mbi të njëjtën rrugë, mbi të njëjtën gjurmë, duket se edhe kryetari Basha, as ka ndërmend të nisë ndonjë fushatë “llogaridhënie në bazë”, aq më tepër kur ajo nuk është bërë kurrë as dje dhe as sot. Mendoj se mosnjohja e gabimeve, mosnjohja e mosbërja e autokritikës serioze para bazës së partisë, kurhumb zgjedhjet në fushatë elektorale, kur ti fitoren tënde si kryetar partie e ke të kontestuar, kur nuk ke një program të qartë dhe serioz për aksionet opozitare, dhe kur nuk mban asnjë premtim që lidhet me të ardhmen ekzistenciale të partisë, e kanë bërë PD një parti të pabesueshme, që nuk ngjall shpresë tek qytetarët.

Llogaridhënia e Bashës para bazës, (dhe jo deklarata para kuvendit të partisë se “I njoh gabimet e mia”) do të ishte aksioni më i mirë politik i kryetarit të asaj që quhet sot opozita në Shqipëri. Duke u marrë me “llogaridhënien e Ramës”, dhe duke “harruar” llogaridhënien e tij, duke nxjerrë 10-15 veta me parrulla në çdo rreth si protestues, PD thjesht po humbet terren, dhe po tkurret më shumë politikisht në sytë e shqiptarëve.

Kur do të ketë llogaridhënie në PD? Read More »

Konferenca me Ramën, kryeministri bullgar zbulon çfarë thotë Merkel për integrimin

Leave a Comment / Politike / /

Kryeministri bullgar ka treguar në konferencën me Ramën çfarë thotë Merkel për integruimin e Ballkanit Perëndimor.

“Merkel thotë se Ballkani Perëndimor është tema më e vështirë që mund të zgjidhet, por me rëndësi që të zgjidhet. Sa më mirë të jetë rajoni, aq më të mëdha janë mundësitë për bashkëpunim. Shqipërisë duhet t’i jepet një datë dhe rrugë për fillimin e negociatave. Tregojmë përpjekje që duhet t’i bindim shtetet skeptike deri në fund të qershorit”, tha Borissov.

Në konferencën e përbashkët me homologun e tij bullgar Boyko Borissov, Kryeministri Rama e vlerësoi homologun e tij se ka bërë avokatin e Shqipërisë në rrugën e saj të integrimit.

“Marrëdhënia me Bullgarinë është jashtëzakonisht pozitive. Borisov ka bërë avokatin e Shqipërisë në BE”, tha Rama.

Rama tha se Bullgaria sot jep shembull të shkëlqyer në bashkëpunimin me BE. “Miqtë tanë bullgarë na ofrojnë ndihmën me eksperiencën e tyre”, tha Rama.

Ndërkohë, Boyko Borissov u shpreh se Shqipërisë duhet t’i jept një datë dhe rrugë për fillimin e negociatave.

Konferenca me Ramën, kryeministri bullgar zbulon çfarë thotë Merkel për integrimin Read More »

LSI, partia e hajdutëve dhe makutërisë, drejtorët e Rrugëve i ka në burg për korrupsion e bën sikur i dhimbsen kuksianët

Leave a Comment / Aktualitet, Politike / /

Lëvizja Socialiste për Integrim, LSI kishte emëruar drejtorë të cilët kishin kryer korrupsion galopant në rrugën e Elbasanit dhe sot janë në burg. Po LSI ka bashkëpunuar me PD-në e Sali Berishës duke vjedhur e plaçkitur Rrugën e Kombit, atë rrugë për të cilën sot bëjnë sikur iu dhimbset.

Ishte nënkryetari i LSI Petrit Vasili ai i cili ka shkruar se duhet të hiqet taksa për Rrugën e Kombit. Çfarë hipokrizie. Të tillë thirrje e bën Lëvizja Socialiste për Integrim, shkatërruesja më e madhe e pasurisë kombëtare të vendit, ku ka punësuar njerëz e ka punuar vetëm për rrënim dhe maskarallëk. Është LSI që sot bën sikur është me kuksianët. Kjo parti ka shkretuar veriorë e jugorë me klanet e veta mafioze kudo në naftë, në gurore, në mal e det, kudo ku shkel këmba e shqiptarit.

Kuksianët janë në burg. Disa prej tyre janë përdorur ndoshta, disa kanë qenë idealistë dhe kanë rrezikuar që vendi ynë te jetë më i mirë. Kuksianë idealistë ka, por te LSI mund të jetë vetëm djalli i punëve të pista dhe intrigave që gatuan në kuzhinën e vet politike Ilir Meta dhe Monika Kryemadhi. Këta të dy, së bashku me grupin e vet kriminal që ka lemerisur Shqipërinë janë të gatshëm që të citojnë Biblën vetëm që të shpëtojnë vetë. Ata keqpërdorin çdo kauzë idealiste për të shpëtuar, madje janë të gatshëm të shkatërrojnë atdheun tonë vetëm që të shpëtojnë vetë gjallë.

Soji i tyre është mënxyra që gatuhet nga klanet e errëta dhe mafia e nëntokës. Vjedhja dhe plaçkitja nuk do të kalojnë lehtë pa dhënë llogari përpara shqiptarëve. Bashkëpunëtorët me duar të përgjakura, të Berishës dhe të Metës kanë përfunduar në pranga, kurse vetë kokat e krimit, ata që kanë dhënë urdhra për vrasje e tmerre në dëm të vendit harrojnë lirinë e thërrasin kauzat idealiste, duke vepruar si i mbyturi që kapet pas fijes së kashtës. Por fundi i tyre është pranë. Drejtësia ndërkombëtare ka zbritur në Tiranë dhe prangat janë merita e shqiptarëve të thjeshtë mbi kryekriminelët e kombit.\Dionis Xhafa – Pamfleti/

LSI, partia e hajdutëve dhe makutërisë, drejtorët e Rrugëve i ka në burg për korrupsion e bën sikur i dhimbsen kuksianët Read More »