Politike

Ambasadori lëshoi dje një mesazh të qartë për botën e krimit, politikën dhe të korruptuarit. Ai tha se FBI dhe DEA janë duke bashkëpunuar me njësinë task forcë, për më shumë rezultate. Madje Lu drejtoi dhe një mesazh ndaj politikës, duke thënë se nuk do arrijnë të ndikojë në operacionet e “Forcës së Ligjit”. Madje ai tha se ka politikanë të lidhur me krimin, por kjo gjë shumë shpejt do të ndryshojë.

Lu dje paralajmëroi katarsis në vend, pasi sipas tij, përmes operacioneve që do të ndërmerren me ndihmën dhe të ndërkombëtarëve do ndryshojë përfundimisht e ardhme e vendit, duke lënë të nënkuptohet se do të ketë goditje në nivele VIP.

“Jam i impresionuar nga veprimtaria juaj dhe nga fakti se nuk po i tundoheni lidhjeve të elementëve kriminalë me politikën. Keni mbështetjen tonë të plotë, të misionit ICITAP dhe Agjencive të tilla si FBI dhe DEA. Shpejt, Ju do të ndiheni krenarë sesi Task Forca Speciale do të ndryshojë të ardhmen e vendit”, theksoi ambasadori.

Kush rrezikohet

Fokusi i njësisë “Forca e Ligjit” janë krimi i organizuar, lidhjet e politikës me krimin dhe korrupsioni në nivele deputetësh, ministrash dhe gjyqtarësh apo prokurorësh. Por kush rrezikohet nga paralajmërimi i ambasadorit?

Ndërkombëtarët gjithmonë kanë thënë se e ardhmja do të ndryshojë nëse luftohet korrupsioni në nivele të larta dhe ndërpriten lidhjet e politikës me krimin. Kjo do të thotë se FBI dhe DEA janë duke u përgatitur për goditje në nivele shumë të larta.

Një burim i tha gazettes “Sot” se të dyja këto njësi kanë sjellë ekspertë në Tiranë dhe ata janë duke gjurmuar paratë e pista. Mësohet se po bashkëpunohet me Drejtorinë e Pastrimit të Parave dhe përmes transfertave bankare po tentohet të shihen lidhjet mes disa politikanëve dhe botës së krimit. Ndërkohë po ashtu po nxirren emrat e korruptuar në radhët e Parlamentit.

Kjo do të thotë se “Forca e Ligjit” nuk do godasë vetëm nivelet e fundit të bandave, por pritet që të bien në rrjetë dhe disa politikanë që kanë lidhje me ta. Lu e bëri të qartë dje se ka lidhje të forta mes krimit dhe politikës dhe falë kësaj njësie ato do priten.

Ambasadori amerikan Donald Lu është sulmuar sërish nga qarqe pranë Berishës, pikërisht pas kthimit nga SHBA.

Lu-ja ka qenë në Uashington i thirrur nga Sekretari i ri i Shtetit Mike Pompeo, ku është folur mbi rolin e shtuar amerikan në Ballkan dhe Tiranë.

Pas kthimit, ambasadori i SHBA-së, ka takuar Fatmir Xhafajn dhe ka kërkuar që të kapen “peshqit e Medhenj” që sipas tij janë harruar nga policia.

“Kjo nuk mund të jetë arsye për të ndërprerë punën e policisë dhe prokurorëve për të arrestuar drejtues të rrezikshëm të krimit të organizuar. Koha që Shqipëria të përfundojë punën që ka nisur është tani”,theksoi Lu në postimin e publikuar në faqen zyrtare të ambasadës amerikane në Facebook.
Pikërisht pas këtij postimi, sot qarqe fare pranë familjes “Berisha” kanë intensifikuar luftën ndaj ambasadorit amerikan.

Duke përdorur lojën e mbështetjes së Trump, por duke sulmuar Lu-në, shkrimi që duket është shkruar nga vetë ish-kryeministri, vijon diversionin bajat që po zgjat prej 3 vitesh.

“A do të heshtë përsëri apo do të reagojë ambasadori Lu në një situatë të ngjashme me atë kur Rama e cilësoi presidentin e vendit të tij Donald Trump si “turpin e njerëzimit”?

A do të vazhdojë në të ardhmen ambasadori Lu të mbështesë politikat e majta, dhe politikanë të ish-partive komuniste të ngjashëm me Fatmir Xhafajn e Gramoz Rucin, gjë për të cilën u stigmatizua nga Judicial Watch dhe 6 senatorët republikanë?”, shkruan komenti i qarqeve pranë Berishës ndaj Donald Lu-në.

Kishte mbi dy muaj që po zbatohej një “armëpushim” nga klanet e Berishës dhe Metës ndaj Donald Lu-së, sidomos pas lajmit që ambasadori amerikan në Tiranë është emëruar në një vend kyç, Kirgistan, pikërisht në portat e Rusisë së Putinit.

Por kthimi i Lu-së nga Uashingtoni dhe përforcimi i “kapjes së peshqve të mëdhenj” ka trazuar ujrat sërish, pasi tashmë duket se nuk ka më alibi nga një tërheqje e administratës Trump.
Madje, disa ditë më parë, në ambasadën e SHBA-së në Tiranë Xhafaj dekoroi Jan Hiemstra, një oficer amerikan që është këshilltar i policisë shqiptare në luftën ndaj korrupsionit.

Ceremonia, ku mori pjesë numri dy i ambasadës, Rajan Roberts, u bë jo pa qëllim me mungesën e Lu-së, i cili ndodhej në Uashington, ishte një demonstrim i qartë që SHBA nuk është tërhur asnjë centimetër, madje po përparon edhe më shumë…\Pamfleti/

Kështu ndodh kur…”hidhesh hu më hu”
Deri para një viti kur “uli veshët” dhe u detyrua të shkonte në Komisionin hetimor parlamentar për skandalin e CEZ, Sali Berisha nuk kishte përfillur drejtësi, parlament e qeveri, duke vepruar me psiko-delirizmin e tij, se nuk do të vitne kurrë ajo ditë e balalfaqimit me zullumet që ka bërë.

Kjo ditë erdhi. Është ish-bodigardi Izet Haxhia, ai që ka kërkuar të “takohet” ballë-përballë në sallën e gjyqit, me ish-shefin e tij, për të ballafaquar akuzat e njeri-tjetrit për të vërtetën e urdhëruesve dhe skenaristëve të vrasjes së deputetit Hajdari.

Nëse gjykata do t’i bjerë “gongut” për të çuar Sali Berishën në tavolinën e të thirrurit si dëshmitar dhe i akuzuar për këtë vrasje e zullume të tjera që ka deklaruar Haxhia, kjo do të jetë dita e respektimit të ligjit edhe prej tij.

Kërkesa e Izet Haxhiajt për t’ia nxjerr përballë, ka krijuar traum psikike tek Saliu, mbasi përballë do të ketë njeriun që i di çdo zullum të kryer nga janari 1991 e deri në 14 shtator 1998, kur Izeti kreu për ish-shefin e tij Berisha, shërbimin e fundit “ushtarak”, duke rrëmbyer e mbajtur në gatishmëri luftarake kundër qeverisë “Nano”, tankun e vendosur në vendin ku u vra deputeti Hajdari!

Pas lajmit, se kërohet për ballafaqim gjyqësor me Izetin, Saliu ka kaluar në depresion. Burime nga persona që i kanë mbetur ende pranë, thonë se gjatë pasdites është bërë shumë nervoz dhe po trajtohet me qetësues. Por “goditjes” që i ka shkaktuar kërkesa e Izetit, nuk i bëjnë derman as qetësuesit më të fortë.

Nëse gjykata do ta thërras Sali Berishën në ballafaqim, atëherë që nuk e ka përfillur drejtësiën për 26 vite, do të shkojë atje ku tregohen me zë të alrtë mosha, emri nënës e babait, vendlindja dhe vjeçët, për t’u dhënë përgjigje pyetjeve që do t’i bëjë ish-bodigradi, lidhur me vrasjen e Azemit…/Pamfleti

Duke kompozuar këngë për bamirësitë e Samir Manes, pronarit të kromit
Kreu i Konfederatës Sindikale të Shqipërisë Kol Nikollaj, thotë se i dhimbsen shumë punëtorët e sidomos minatorët, të cilëve nuk po jepet statusi, pensioni i parakohshëm dhe mosha e ulët e daljes në pension.

Për këto halle të tyre, Ing. Kola kacafytet edhe me politikanë e ministra nëpër restorante, me gota vere e tepsi mishi!

Mirëpo, sikur thuhen ca gjëra andej nga Bulqiza, Munella, Puka, Lak Rroshi, Tropoja, Burreli, Metalurgjiku, Bankersi OSHEE etj, sikur gjoja shef Kola ka “ngjyer gishtin” me sponsorizime nga pronarët e kromit, bakrit, naftës dhe elektrikut të shtetit, duke bërë letra sikur i ka marrë në emër të aktivitetit sindikal.

Për këto, dalin e shpifin sikur Kola nuk qëndroka mbi kullën e Konfederatës, për bamirsi ndaj punëtorëve, taman si partneri i tij “baba Zamiri” i kromit të Bulqizës.

Kryetar Kola, që duhet thënë se është rropatur nëpër bizneset ku ka përfaqësim sindikal, për të mbledhur ndonjë dorë lekë me urdhër të shtetarëve e plitkanëve që kanë “tepsinë e që kanë apsur skrapin dhe floririn.

Besojeni Kolën kur thotë që nuk për të blerë mobilje, për të garantuar pagën e sekretares nënë me fëmijë të vogël, kostume, goma makine, naftë e bileta avioni, por vetëm për të financiuar parullat e protestave kundër pronarëve që e financojnë!

Si “lis” i fortë që është qysh prej rinisë së tij studentore, përveçse Konfederatën e ka kthyer në “kone” të politikës majtas e djathtas e më tepër në qendër, Ing. Kola ka ditur ta përdorë logon e sindikatës edhe “për do punë të vetat”, që me e fol mirditorçe, i ka shku e po i shkon boll ujë në shtrat të vet.

Diku me makina luksoze të blera me pagën që nuk merr nga sindikata (siç u thotë punëtorëve).

Diku me udhëtimet jashtë shtetit, dietat e të cilave ia paguajnë homologët jashtë shtetit (siç u thotë punëtorëve).

Diku me pronat e mbetura të sindikatës, për të cilat punëtorëve u përgjërohet me “Kanun” se nuk merr asnjë qindarkë “qira”, paçka se letrat e kontratave thonë, që u ka rifreskuar qiratë e reja, madje edhe kafenesë, hotelit e gjelltorës poshtë zyrës së tij!

Për t’u gjendur në punë, Kola vepron kështu: ditën është në krye të lëvizjes sindikale për të mbrojtur punëtorët që përleshen me shtetarët, ndërsa natën shkon “pajton gjaqet” me ta, duke ngrënë edhe një kafshatë bukë me atë sipas zakonit!

Në vijim “Pamfleti”, do publikojë fakte nga lufta sindikale që bën Kola në mbrojtje të interesave të punëtorëve e minatorëve.

Sot po publikojmë këtë foto artistike, që tregon Kolën ulur tepër i frymëzuar në piano në hollin e një rezidence luksoze, duke kompozuar një këngë për për bamirësitë e pronarit të minierës së kromit ku zhfrytëzohen si skllevër, gjymtohen e vriten minatorë./Pamfleti

Ish kryeministri Fatos Nano, shpeshherë tërheq vëmendjen me postimet që bën në rrjetet sociale. Këtë herë ish kryeministri ka ndarë me ndjekësit një kujtim nga e shkuara, me mikun e tij Ylli Bufi, kur ishte akoma student. Në mesazhin që shkruan krahas fotos, Nano kërkon të motivojë të gjithë përkrahësit ndër vite, duke përfshirë këtu edhe brezin e ri.

“Dikur ishim student të thjeshtë, por punuam dhe pasi nuk rreshtëm kurrë së punuari, i arritëm qellimet tona.Mos u dorëzoni kurrë, Foto e vjetër me mikun tim #Yllibufi. Me respekt #fatosnano”, shkruan Nano.