Politike

Nëse bëhet një “Vetting” për zbardhjen e historisë së Shqiprisë së këtyre 27 viteve tranzicion, të gjithë drejtuesit që kanë pasur në dorë “çelësin” e këtij vendi, dalin me damkën e pazarxhinjve që kanë shitur e kanë falur pasuritë kombëtare, për të sigurara pasuritë e tyre familjare.

Këtë e thonë faktet që ka skeduar “PAMFLETI”, lidhur me pazaret që janë bërë prej ish-pushtetarëve të lartë të cilët nuk janë prekur asnjë fije floku as nga populli e as nga drejtësia, duke vazhduar të mbajën të zaptuara postet të larta në shtet e politikë.

RAMIZ ALIA fali tokat bujqësor me një ligjin 7501, sipas parimit të reformës afrore të vitit 1946 “Toka i takon atij që e punon”, mbi bazën e të cilit ish-zyrtarë dhe bujqër të ish-kooperativave e fermave bujqësore përftuan tokë falas sipas numrit të pjestarëve në familje.

Këto toka, që ishin pronë e pronarëve legjitim të sekuestruar me dhunë nga ish-pushteti komunist pas vitit 1944 u dhanë me dekret të posaçëm të ish-presdentit komunist Ramiz Aliaj, sikur ato të ishin pronë e tij, Dekret që deri sot ka “groposur” mbi 8000 shqiptarë dhe ka bërë invalidë mbi 20 mijë të tjerë, prej konflikteve fizike për to!

SALI BERISHA, me një ligj tipik sekuestues komunist si ligji “vrasës” 7501, fali (shiti e zaptoi) pronat, duke ua njohur ato atyre që i kishin marrë falas nga ish regjimi komunist dhe atyre që pas vitit 1991 (si puna e Mulit dhe Mziut), zaptuan toka e troje pronarësh legjitimë në perferitë e Tiranës, Durrësit, Lezhës, Shkodrës, Elbasanit, Fierit, Lushnjës, Korçës etj., duke ua falur këto troje e toka, me marifetin e legalizimit të objekteve të ndërtuara pa leje.

SALI BERISHA shiti për “1 copë bukë”, sektorin e shitjes së energjisë (CEZ) dhe 4 HEC-et “BISTRICA-1” e “BISTRICA-2” dhe ULËZ e SHKOPET tek firma turke “Kurum”, ndërsa në datën 19 janar 2007, shiti (fali) “TELEKOMIN” shqiptar për “5 kacidhe”, tek firma turke “Çailik Energi”.

SALI BERISHA shiti (fali) për “5 kacidhe” Metalurgjikun, Uzinën e Përpunimit të Naftës në Ballsh, tek miku (sekseri) i familjes së tij, i cili derdhte 50 milionë në muaj tek familja “Berisha”, si gjoja sponsorizim për fondacionin e Liri Berishës “Fëmijët Shqiptarë”.

SALI BERISHA, në pushtetin e dytë fali (shiti) gjtihë lumenjtë e Shqipërisë nga veriu në jug me 340 koncesione për ndërtim HEC-esh privatë, duke ua dhënë këto licenca koncesionesh ministrave, deputetëve, politikanëve majtas e djathtas dhe familajrëve të tyre. Madje edhe Anastas Janullatosit, Saliu i fali 3 koncesione për ndërtim HEC-esh në lumin e Rrapunit në Librazhd me emrat “Rrapun-1”, “Rrapun-2”, “Rrapun-3”. FATOS NANO, fali (shiti) fali sektorët e nxjerrje përpunimit të naftës në Patos, duke i dhënë ato me koncesion për 30 vite pa asnjë detyrim taksash e fitimesh aksionare ndaj shtetit, madje as pagimin e energjisë elektrike.

PANDELI MAJKO, fali (shiti) për skrap 300 tanket e ushtrisë shqiptare, duke ia dhënë një fitme shqiptaro-serbo-greke për skrap, që në arkën e shtetit derdhi aq lekë, sa dukej sikur kishte shitur 300 biçikleta.

ILIR META fali (shiti) Rafinerinë e Cërrikut, minierat e kromit dhe të bakrit me koncesion për 30 vjet, duke pasuruar bosët e mafies rajonale e turko-ruso-serbe, në të cilat po vriten përditë minatorë. ILIR META, rrëmbeu për vehte malet në Skrapar dhe pjesë malesh në Dajt të Tiranës për biznesin e guroreve pa asnjë detyrim ndaj shtetit, të cilët i shfrtyëzon akoma edhe sot.

ILIR META vodhi floririn e Thesarit të Shtetit në malin e Kërrabës në Tiranë, duke përdorur disa qyqarë ngaa fshati Kërrabë, të cilët të kërcënuar pranuan se gjoja e kishin bërë vjedhjen. ILIR META, kur ishte kryeministër miratoi qëllimisht VKM Nr. 10, datë 19.10.2001 për kthimin e Gjirit të Lalzit në qendër urbane-turistike, nëpërmjet të cilit zaptoi shumë sipërfaqe trualli, në mbi të cilin ka ndërtuar vilën e tij luksoze, më të madhe se territori i Presidencës.

ILIR META shiti (fali) BKT me 1 lekë dhe ligjëroi futjen në Shqipëri të 20 bankave të huaja, duke bllokuar licensimin e bankave private shqiptare! FATMIR MEDIU, shiti nëpërmjet trafikimit me etiketa false, armët dhe municionin e ushtrisë shqiptare, duke përdorur një fabrikë demontimi e paketimi biznes i familjes “Berisha”, në të cilën u vranë 26 punëtorë e fëmijë, u plagosën e u bënë invalidë 320 të tjerë dhe u shkatërruan 3000 biznes e banesa.

LULZIM BASHA zhvati 240 milionë euro, nga fondi shtetëror i investimit të “Rrugës së Kombit”, për të cilat iu hap dosja por që shpëtoi me procedurë kohore, duke paraqitur raporte mjekësore false. LULZIM BASHA i fali Greqisë, sipërfaqen detare shqiptare në zonën më të pasur naftë-mbajtëse në Europë, duke i lënë Shqipërisë vetëm zonën… kripë-mbajtëse!

EDI RAMA u fali klinetëve të tij fali shëndetësinë shqiptare, me koncesione dhe shërbime në vlerë totale 470 milionë euro, si shërbimin “Check-up” 120 milionë euro, “Hemodializën” 80 milionë euro, “Laboratorët” 105 milionë euro, “Protezat Ortopedike” 25 milionë euro dhe disa koncesione të tjerë./Pamfleti

Fronti i kundër reformës në drejtësi nuk pranon votimin e ligjit për zëvendësimin e prokurorëve dhe gjyqtarëve që largohen nga Vetingut, kërkon që drejtësia e re të mbetet bosh dhe “kokën” e Arta Markut
Fronti i kundër reformës në drejtësi, i përbërë nga Sali Berisha, Ilir Meta, Lulzim Basha, Monika Kryemadhi dhe një grup gjyqtarësh e prokurorësh të korruptuar, kanë ndërmarrë lëvizjen e fundit për të sabotuar drejtësinë e re, të cilën e shohin si fundin e tyre në politikë. Pasi luftoi tre vjet me SHBA-BE për rrëzimin e reformës, ky front po përdor gurin e fundit kundër drejtësisë së re. Katërshja anti-reformë nuk pranon votimin e një ligjit, për të zëvendësuar prokurorët dhe gjyqtarët që po largohen nga sistemi i drejtësisë.

Komisionet e Vetingut po boshatisin gjykatat dhe prokuroritë nga gjyqtarët dhe prokurorët e korruptuar. Pas boshatisjes së Gjykatës Kushtetuese, radhën e kanë Gjykata e Lartë dhe Këshilli i Lartë i Drejtësisë. Më pas radha do t’u vijë gjykatave të apelit, Prokurorisë së Përgjithshme, Prokurorisë së Krimeve të Rënda dhe gjykatave të shkallës së parë. Në pallatin e drejtësisë pritet t’i mbijetojnë Vetingut vetëm 20 % të prokurorëve dhe gjyqtarëve aktualë.

Në këtë situatë, SHBA-BE kanë nxitur Partinë Socialiste për të propozuar një ndryshim në ligjin për statusin e gjyqtarëve dhe prokurorëve. Propozimi urdhëron Shkollën e Magjistraturës që të hapë dyert për të pranuar një numër të madh kandidatësh të rinj, për t’u bërë gjyqtarë dhe prokurorë. Këta të fundit do të zënë vendet që do të lënë bosh gjyqtarët dhe prokurorët e korruptuar.

Që ky propozim të miratohet duhet edhe votat e Partisë Demokratike dhe Lëvizjes Socialiste për Integrim. Petrit Vasili, si zëdhënënës i frontit anti-reformë, ka deklaruar se opozita nuk do ta votojë këtë propozim. Vasili ka deklaruar se amerikanët ta harrojnë një kompromis të dytë si ai i 22 korrikut 2016, ku pas kërcënimit se do të futeshin në listën e zezë, të gjitha deputetët e Ilir Metës dhe Sali Berishës votuan ndryshimet kushtetuese.

Në këmbim të votës për propozimin, fronti anti-reformë kërkon kokën e kryeprokurores së përkohshme, Arta Marku dhe një siguri që nuk do të preket nga Byroja Kombëtare e Hetimit. Gjithashtu, Sali Berisha, Ilir Meta, Lulzim Basha, Monika Kryemadhi kërkon që të shpëtojnë disa nga gjyqtarët dhe prokurorët e tyre në sistemin e drejtësisë nga laku i Vetingut. Ata kërkojnë edhe vitin zero, pra amnistimin e të gjitha krimeve politike dhe ekonomike që kanë ndodhur gjatë 28 viteve të pluralizmit.

Qëllimi i kësaj lëvizjeje është bllokimi dhe zvarritja e organeve të reja të drejtësisë edhe për disa vite, me shpresë se mund të ndodhë ndonjë amnisti e madhe apo destabilizim  që do t’i shpëtojë nga laku i Byrosë Kombëtare të Hetimit, Prokurorisë së Posaçme dhe Gjykatave Speciale./Pamfleti

Në përfundim të seancës parlamentare, kreu i Partisë Demokratike Lulzim Basha në një konferencë për mediat tha se ministri i Brendshëm, Fatmir Xhafaj ka përcaktuar rezultatin final të hetimit në lidhje me audio- përgjimin e dëshmitarit ‘’X’’. Ndër të tjera Basah shtoi se ky përgjim do të vlerësohet si jo autentik.

Kreu i PD-së shtoi se pa u larguar Fatmir Xhafaj si ministër i Brendshëm, nuk mund të ketë hetim të paanshëm për villain e tij si trafikant droge dhe se Prokuroria e nisi çështjen vetëm pasi Agron Xhafaj u largua nga Shqipëria.

Fjala e plotë e Lulzim Bashës:

“Prokuroria Rama-Xhafaj-Marku vuri në dispozicion të Agron Xhafës në mes të natës prokurorët. Organi i prokurorisë veproi pa asnjë ndryshim sipas skenarit kriminal të hartuar nga Edi Rama dhe Fatmir Xhafaj.

Prokuroria Rama-Xhafaj-Marku lejoi largimin nga Shqipëria të Agron Xhafajt pa guxuar ta marrë atë në pyetje si trafikant droge, pa e nxjerr me zë e figurë përpara shqiptarëve, dhe pa e ballafaquar me dëshmitarët e çështjes.

Pranoi në fshehtësi të plotë “mostrat” e zërit të regjistruara privatisht në mes të natës, edhe pse për t’u realizuar ekspertiza kërkohet që regjistrimi të kryhet në të njëjtat kushte dhe me të njëjtat pajisje siç është bërë edhe përgjimi fillestar.

Vuri në dispozicion të trafikantit në mes të natës prokurorët e Prokurorisë së Tiranës, të cilët nuk guxuan të kërkonin asnjë provë që zëri i regjistruar si kampion eksperimental është apo jo i Agron Xhafajt.

Brenda natës (15 Maj 2018) Prokuroria e Tiranës me urdhër të treshes Rama-Xhafa-Marku regjistroi kallëzimin penal të Agron Xhafajt për “kallëzim të rremë”; hodhi shortin për caktimin e prokurorit; prokurori i caktuar mori në dorëzim dosjen dhe shqyrtoi materialet fillestare; prokurori vendosi të regjistrojë procedim penal;

prokurori vendosi të kryejë veprime hetimore siç ishte administrimi i dëshmisë së Agron Xhafajt; prokurori vendosi të marrë në pyetje dëshmitarin Albert Veliu, ende pa u bërë publik identiteti i tij; prokurori vendosi të kryejë një tjetër veprim hetimor siç ishte vendimi për ekspertim; prokurori vendosi të caktojë ekspertin;

prokurori vendosi të pranojë mostrat e zërit; prokurori vendosi transferimin e çështjes pas kësaj për në Prokurorinë e Krimeve të Rënda.

Dërgoi për ekspertim materialet që i caktoi Edi Rama dhe ia dorëzoi të gatshme nëpërmjet Agron Xhafajt.

Dërgoi për ekspertizë materialet e çështjes atje ku urdhëroi Edi Rama, duke mos guxuar që të zgjidhte ajo vetë laboratorin se ku duhet të kryhet ekspertiza, dhe duke mos përdorur edhe precedentët e mëparshëm të bashkëpunimit me partnerët ndërkombëtar (FBI).

Nuk guxoi kurrë të verifikonte tabulatet telefonike të Agron Xhafajt apo qelizat telefonike të tij për të përcaktuar nëse Albert Veliu (dëshmitari X) dhe Agron Xhafaj, kanë komunikuar apo jo së bashku, dhe nëse kanë qenë apo jo në të njëjtën vendndodhje ditën dhe orën e realizimit të përgjimit ambiental.

Do të mjaftonte kjo për të qartësuar se audio-përgjimi ka dy protagonistë, Albert Veliun që e pranon me zë e figurë, dhe Agron Xhafajn të fshehur me urgjencë me urdhër qeveritar.

Të dhënat tona të besueshme, të konfirmuara edhe nga disa burime, përfshirë partnerët ndërkombëtarë, konfirmojnë se Fatmir Xhafaj ka paracaktuar rezultatin final të hetimit.

Ashtu siç ka urdhëruar dhe paralajmëruar edhe Edi Rama, audio-përgjimi do të vlerësohet jo autentik, kësaj here edhe me vulë të prokurorisë Rama-Xhafa-Marku; zëri i Agron Xhafajt do të dal zëri i Arta Markut; trafiku i drogës do të konsiderohet eksport bananesh; trafikanti Agron Xhafaj do të shpallet aktor e më pas qytetar nderi; Fatmir Xhafaj do të kurorëzohet Ministër kampion në luftën ndaj trafikut të drogës”, deklaroi Basha.