Dalëngadalë sezonit politik po i vjen fundi dhe liderët e saj po përgatiten për pushimet verore. Mbrëmjen e së dielës kryedemokrati Basha është shfaqur në një kalçeto futbolli në krah të kryebashkiakut të kamzës, Xhelal Mziu dhe deputetit Klevis Balliu.
Në një status në rrjetet sociale Lulzim Basha shkruan se ndoqi të rinjtë e FRPD-së teksa luanin.
“Mbrëmjen e djeshme duke ndjekur bashkë me djemtë dhe vajzat e Tiranës, finalen e kampionatit të futbollit të familjes më të madhe rinore, FRPD✌” nënvizon Basha.
Prej kohësh ambasada amerikane në Tiranë është vënën nën “bombardimin” e njerëzve të nxitur dhe detashmenteve të Sali Berishës dhe Monika Kryemadhit. Në mënyrë periodike, duke përdorur një plan perfid që duket i ngjashëm me strategjinë ruse që u përdor në SHBA dhe Europë, këta persona që identifikohen qartë si “mish për top” sulmojnë faqen zyrtare të ambasadës së SHBA në Tiranë.
Kjo ndodh si në komentet për çdo postim, por kryesisht e bëjnë në vlerësimet për faqen, që ndodhet në çdo fun page të Facebook. Thelbi është dikrititimi i reformës në drejtësi, pasi kjo është edhe objekti që sulmohet për ditë nga Berisha e Meta.
Në sulmet e kryera çdo ditë, përmendet “e ashtuquajtura reformë” dhe “të ashtuquajturit peq të mëdhenj”. Një person që suhen Erion Mane dhe që e cilëson veten si “Menaxher i Lëvizjes Socialiste për Integrim”, dhe që në faqen e tij ka foto pa fund të Monika Kryemadhit, ka vlerësim negative për ambasadën amerikane.
Ja ç’shkruan ai: “Kjo eshte per ju qe Mbeshtesni shkeljen e kushtetutes me preteksin e Reformes, cila reforme ate te shkarkimit te te gjithe Prokuroreve dhe Gjygjatareve per ti vendosur te vetit kjo quhet privatizim istitucioni, apo Resorma me pseudo konkursin e Hipotekes ku te gjith jane militant.
Ndersa ju mbeshtesni vetem shkelje, Apo edhe juve si Ambasade ju ka gjetur nje Cmim Kryeministri i Droges apo ishit Bashke ortak edhe ne kultivimin e Kanabisit , po peshqit ku jane se ne vend te kapen peshq po dalin peshkaqenet nga burgu apo jo ? Po Armo dhe 704 milion dollaret ku i ka reforma”.
Rinor Hasa, që reklamohet hapur si një kundërshtar i fortë i Ramës dhe përkrahës i PD-së, madje ka nxjerr si reklamim edhe foton e Edi Ramës të masakruar në vitin 1997, gjithashtu ka qëndrim të përafërt me militantin e LSI-së.
“Ambasadori Donald Luu, po sillet si institucion i shtetit shqiptar dhe kjo gje nuk është fare korrekte. Ironija, sarkazma, metaforat, epitetet, antonimet apo simbolikat që ai përdor, janë shumë fyese për shqiptarët dhe haptazi tejkalim i kompetencave të tija. Këtë shënim po e shkruaj me shpresën se do e lexojë ambasadori i ardhshëm, për të kuptuar gabimet e paraardhësit”, shkruan Hasa.
Martin Gjonaj, një tjetër përkrahës i PD-së, që sipas fotove të postuara është pjesëmarrës në protestën që shkatërroi traun e pagës së së Rrugës Durrës-Kukës, është gjithashtu në gjuhë të ngjashme me “kolegët” e tij. Por Gjonaj e ka problemin me Arbër Çekajt, bosin e kokainës së Mamurrasit.
Ja ç’shkruan Gjonaj.
“Aq e vertete eshte kjo sa ai tallet hapur me shqiptaret…madje duke bere meme ku ne kete rast tallet edhe me gjermanet, thjesht per faktin qe mundesuan kapjen ne shtetin e tyre te Arber Cekajt- pronarit te kompanise ne kamionin e te ciles u gjeten 613 kg kokaine. Ky fakt mund te kete shqetesuar jo vetem pushtetin e Tiranes, por me sa duket edhe ate te rruges se Elbasanit, nen drejtimin e don Lu-se. Kushedi ku fshihet “lepuri”…qe detyroi Lu-ne te postoje meme te tilla sa qesharake per nje ambasador aq edhe treguese te kompromentimit te tij si individ.Donald Luu ka dëmtuar imazhin e SHBA në Shqipëri!”
Por në këtë sulm nuk bien prapa edhe njerëzit që duket se në PD janë future rishtas, dhe i përkasin atij establishment që ka formuar Lulzim Basha. Pra i grupit të njerëzve që në vitin 2014 kundërshtuan shkatërrimin e armëve kimike të Asadit në Tiranë dhe ishin një mekanizëm i pastër rus. Jo më kot në atë kohë u zhvillua protesta e parë para ambasadës së SHBA-së në Shqipëri.
Një nga këta është edhe një person i emërtuar si Rematlen Bollobani që sigurisht ka emër tjetër. Ai shkruan pasi i jep 1 yll ambasadës së SHBA-së: “Ky vleresim eshte per ambasadorin me naiv ose te korruptuar te ShBA ne Shqiperi, Donald Lu. Qendrimet publike te tij jane te aq te dyshimta e brutale sa ne nje shtet dinjitoz do shpallej person i padeshiruar. Shfrytezon mbeshtetjen e shqiptareve per SHBA per te arritur qellimet e tij te dyshimta”.
Megjithatë një numër i madh shqiptarëtsh, që të paktën nga profilet nuk rezultojnë mbështetesh partish, mbështesin fort ambasadën e SHBA-së dhe Donald Lu-në. Gjergj Harka kundërpërgjigjet ashpër ndaj kritikave dhe shkruan:
“Eshte ambasada me erespektuar ne Shqiperi. SHBA duhet meçdo kusht te ndihmojn kombin Shqiptar per tu bashkuar eforcuar ekonomikisht ushtarakisht per te qen shtylla kryesore per stabilitet ne ballkan e mesdhe Jemi populli ku kemi ngritur perandorit ne mesdhe SHBA besoj se ekamar ne vleresim per te sotmen dhe te ardhmen. .”
Kurse Lila Basha shkruan: “Jeni te mrekullueshem. Te drejtperdrejte dhe te dashur me drejtesine dhe popujt. Ju falenderoj per gjthcka qe kini bere dhe beni per popullin tim. i thelle per perfaqesuesit T’uaj!”. Pamfleti
Shpëtim Idrizi ka akuzuar sot Edi Ramën se ka hequr atë, Mesila Dodën dhe Aqif Rakipin nga Parlamenti për të qeverisur pa çamë nëpër këmbë.
Në Këshillin Kombëtar Idrizi mbajti një fjalë të gjatë ku akuzoi në radhë të parë Ramën se ka vjedhur zgjedhjet për të larguar çamët nga Kuvendi në mënyrë që t’I bëjë qejfin grekëve, por nga ana tjetër akuzoi edhe Ilir Metën edhe pse më butë, edhe opozitën për heshtje për çështjën çame.
“Një nga poetët më të mëdhenj shqiptarë, Migjeni tek “Të birtë e shekullit të ri” shkruan: “…të jem’ nji thumb i ngulun nder trutë e njerëzis”.
“Ja, kur ritakohemi sërish në Këshillin Kombëtar të PDIU-së dhe më kujtohet pikërisht ky varg, sa për t’u thënë keqdashësve, mjeshtrave të intrigës, frymëzuesve që tentuan të na zhduknin politikisht dhe jo vetëm, se ja ku na kanë si një thumb i ngulun në trurin e tyre të sëmurë.
Kështu do të na kenë sa herë që ata mendojnë se fitojnë, sa herë që mendojnë se nëpërmjet kulisës do ia dalin të zhdukin këtë aspiratë kombëtare që quhet Çamëri
Këtu do të na kenë si thumb i ngulun në trurin e tyre pervers, sa herë që do të mendojnë se do të zhdukin vullnetin politik të një partie kombëtare si PDIU.
Sido që të numërojnë votat, sido që të bëjnë llogaritë e mandateve tona, nuk shbëjnë dot një fakt të thjeshtë që gati 80 mijë shqiptarë votuan PDIU-në nga veriu në jug, pa kurrfarë dallimi krahinor, toskë e gegë, kristjanë dhe myslimanë.
Këtu do të na kenë si thumb të ngulun në trurin e tyre marrok sa herë mendojnë që do të shpërbëjnë një organizim politik si PDIU apo Shoqatën “Çamëria”.
Le të çojnë emisarë, apo të shpërndajnë viruse si krimba toke, por nuk e prishin dot gjithë këtë lëvizje, sepse kjo nuk është partia e dikujt, por është Partia e një kauze që kërkon drejtësi. Ata me marrëveshje, Kod a presion mund të vjedhin mandatin e Shpëtim Idrizit, Takut, Mesilës a Nustretit, por ti nuk vjedh dot historinë tonë, misionin, arsyen përse Partia Drejtësi, Integrim dhe Unitet është në politikë.Nuk e vjedh dot Çamërinë, sado që të flasësh për të! Nuk e vjedh dot shqiptarinë, sado të përbetohesh për të!”, deklaroi Idrizi.
Kreu i PDIU-së ka akuzuar egërsisht qeverinë se e ka shitur detin, çështjen çame dhe çdo gjë siç do Athina, madje e akuzoi edhe ministrin e Jashtëm si agjent të saj, kur e quajti “Dhimitër Bushati”. “Ka qenë një strategji e qartë që mos të kishte përfaqësim të Çamërisë në këtë Kuvend, madje kërkesë e prerë e “vëllezërve” grekë të miqve të rinj të valleve, sepse vetëm kështu mund të kalonin:
– Ligjin per toponimet, ku pleqtë tanë 75-85 vjeç të ishin të detyruar të ndryshonin vendlindjet e tyre në pasaportat shqiptare, sepse grekët kërkonin të zhduknin identitetin çam, madje duke kërkuar të zhduknin dhe emrin e Çamërisë.
– Ligji për minoritetet, ku Shqipëria na doli vend multientnik me nëntë pakica kombëtare , e zonat minoritare të vendosura që në kohën e mbretit Zog në Finiq e Dropull të ishin koncept hoxhist. Varrezat e ushtarëve grekë që e kanë bërë Këlcyrën qilizëm dhe po mbledhin kockat e të parëve tanë duke na i quajtur Jani e Mihal.
– Marrëveshjen e detit që na e kanë sjellë kufirin deri tek bregu i dytë. A e dëgjuat gëzimin e Panos Kammenos që shpalli se po zgjerojmë ujërat territoriale? A e patë se si fryhen gjelat e Greqisë tani, që po përpiqen të marrin gjithë atë pasuri si mbi, ashtu dhe nën ujë. A po ndjehet kush? Nuk pipëtin asnjë, as Kryeministri, as Presidenti, as ministri i Jashtëm Dhimitër Bushati, askush. Madje, as këta të opozitës nuk hapin gojën. Askush. Po mirë, po ju pyes unë juve çfarë fituan këta nga gjithë kjo tollovi që kanë krijuar? E hoqën gjë Ligjin e Luftës? Jo! Jo! Dhe jo!
Vetë Cipras dhe Kocias kanë deklaruar se formalisht jemi në luftë me Shqipërinë. Ne i lëmë të ngrenë varreza të ushtarëve grekë, ndërsa këta thonë që jemi në luftë me Shqipërinë. Atëherë mos nuk duhen mbyllur këto varreza, sepse meqë lufta vazhdon ka për të patur të tjerë të kufoma, të tjerë të vrarë. Po për kërkesën e Shoqatës “Çamëria” për ngritjen e Varrezave në Çamëri dhe të një përmendoreje për partizanët çam të Ellasit? Asgjë, se mirë për grekun të vdekurit tanë s’janë njësoj, por dhe për palën tonë nuk vlekan njësoj.
Po për kërkesën tonë të përsëritur që shqiptarët e Çamërisë dhe arvanitasit që jetojnë në trojet e tyre në Greqi të marin statusit e Minoritetit Etnik Shqiptar? Këtë status e kanë patur qysh në vitin 1927. Po për hapjen e shkollave shqipe? Mos më thoni se nuk e dini apo s’i mbani mend, se i takoni çdo verë, kur shkoni me pushime në Volë, Pargë, Artë, e më deklaronit sa vend i bukur është e të gjithë flisnin shqip.
Kurse për Çështjen Çame tashmë lehtësisht e me bezdi sa herë ju pyesin deklaroni që e përdorëm për të ngritur temperaturën me Greqinë. Ç’deklaratë mendjelehtë nga dikush që mendon se ka fatet e Çamërisë në dorë dhe të vendit?!
Pastaj e harruan fare, ose më saktë ju deshën pesë vjet kësaj qeverie që të thoshte që Çështja Çame është çështje e të drejtave të njeriut, por grekët nuk e e pranojnë?! Kaq!!”, tha më tej Idrizi.Por kryetari i PDIU-së ka lënë pezull se më kë do të bëjë aleancë në zgjedhjet lokale të vitit të ardhshëm, vetëm tha se do të riorganizohet kjo forcë, që sipas tij do të jetë factor kyç në një numër të madh bashkish. Pamfleti
Do rrafshoj malin për 25 vjet, do nxjerr 21 milionë m3
Një informacion nga Agjencia Kombëtare e Burimeve Natyrore (AKBN), na ka bërë të ditur, se në dosjet e lejeve minerare të dhëna prej kësaj agjencie, gjendet e “maskuar” edhe licenca e një guroreje tjetër gjigande, me adresë malet e Skraparit, ku prodhohen pllaka e blloqe mermeri.
Sipas të dhënave të përcaktuara nga eksperti Adhurim Çaushi, drejtues zyrtar i studimit për shfrytëzimin e zonës së mermerit dhe ortak biznesi me Këshilltarin e gjithë drejtorëve të AKBN, “eskpertin” privat Edmond Goskoli, konfirmohet me shkresë zyrtare, se sipërfaqja e kësaj guroreje që po rrafshon male të tjerë në Skrapar është 2.1 kilometër katrore.
Sipas studimit dhe lejes së shfrytëzimit, aktiviteti po zhvillohet me logon e firmës shqiptare “Mining Ventures Albania” Shp.k (përgjëgjësi të kufizuar), me adresë në fshatin Melovë të Skraparit.
Kjo firmë është krijuar vetëm pak ditë, para se të bënte kërkesën e pajisjes me leje për gruroren dhe deklaron, se nuk diponon kapacitetet për të zhvilluar këtë biznes, por sqaron në dosje, se “ka mbështetje financiare, teknike e materiale”, nga 2 aksionerët e saj ”Mahadev Marmo Private” dhe “Mining Resources Worldwide (FZE)”, me origjinë nga India, të cilat komandojnë me letra, biznesin e mermerit në Skrapar.
Sipas burimit nga AKBN, thuhet se edhe ky biznes mermeri, me sipërfaqe 2.1 kilometër katrore në malet e Melovës së Skraparit, i kodifikuar “Zona Minerare 136/8”, zotërohet nga Presidenti Ilir Meta, paçka se”maskat” e licensimit janë nga India, të përdorura edhe në këtë rast, për të fshehur pronarët e vërtetë, që po bluajnë” miliarda lekë nga pasuritë kombëtare!
Kjo zonë prodhimi mermeri ka leje shfrytëzimi për 25 vjet, dmth., sa të rrafshohet krejt mali, ose deri kur Ilir Meta të bëhet 75 vjeç!
Sipas shkresës zyrtare, miratimi si zonë e planifikuar për shfrytëzim, studimi teknik, gjeologjik e mjedisor i kësaj gruroreje, janë bërë brenda 1 muaji, miratuar me Urdhrin Nr 107, datë 10. 03. 2014 të ministrit të Ekonomi-Tregëti-Energjetikës.
Me shumë “emergjencë” e ka pajisur me leje aktiviteti gruroren edhe AKBN-ja, që në atë kohë drejtohej nga Dael Dervishi, djali i dajës së Ilir Metës, duke autorizuar indianët, të ngjiten në lartësinë 1800-2045 metër mbi nivelin e detit në Skrapar, për të rrafshuar 2,1 Km2 sipërfaqe mal, ku do të marrin 21 milionë metër kub (m3) pllaka e blloqe mermeri!/Pamfleti
Kryeministri Edi Rama ka hedhur poshtë që të gjitha zërat që po qarkullojnë këto ditë nga opozita dhe disa media që Shqipëria do të strehojë ish luftëtarët e kapur rob të ISIS-it, në një kamp të financuar nga vendet e BE.
Teksa i kthen përgjigje një qytetari në Facebook i cili e pyet në lidhje më këtë çështje Rama thotë se kjo është e pa vërtetë, zero, por sipas shefit të qeverisë kjo histori tregon se në çfarë katandie është opozita inekzistente e këtij vendi.
“Z.Kryeministër…reagoni më shpejtë dhe prerë për gjërat sensitive si kjo që po lakohet ditët e fundit për qendrat e ISIS, mos lejoni te përpunohet opinioni”– i shkruan qytetari kryeministrit Rama.
Ndërkaq Rama i përgjigjet: “E kemi sqaruar që është një fantazi e kthyer ne akuza dhe s’ka asgjë të vërtetë, zero, por tregon se ne çfarë katandie është opozita inekzistente e këtij vendi”.
Por edhe më herët Rama e ka sqaruar këtë çështje përmes një deklarate për mediat nga Këshilltari i Sigurisë në Kryeministri Sander Lleshi, i cili bëri me dije se nuk ekziston asnjë lloj ideje apo kërkese për të krijuar një kamp për ish luftëtarët e ISIS në Shqipëri, shkruan java.
“Këto opinione qe i referohen një fraze të përdorur nga kryeministri Borisov, janë krejt pa lidhje me subjektin të cilit shefi i qeverise bullgare iu referua në prononcimin e tij”, shkruan ndër të tjera Lleshi.
Sipas tij Shqipërisë as nuk i është kërkuar, as nuk i është propozuar një gjë e tillë.
“Behet thjeshte fjale për Qendrën e Koordinimit kundër Ekstremizmit te Dhunshëm, që ishte edhe organizatorja e konferencës ndërkombëtare te para pak ditëve, ku mori pjesë edhe kryeministri i Bullgarisë.
Shqiperia ka propozuar kthimin e kësaj qendre në një qendër rajonale, për të kryer analiza, vlerësime, studime, shkëmbim informacioni si edhe programe të përbashkëta kundër ekstremizmit të dhunshëm.
Por kjo qendër as nuk është, as nuk mund të jetë dhe as nuk i ka shkuar kurrëkujt në mendje që të kthehet në një repart grumbullimi te ish-militanteve te ISIS-it” thuhej në deklaratën e Lleshit.
Që nga fëmijëria, pjesëmarrja në politikë, arrestimi, qëndrimi në burg, pafajësia, divorci, martesa e dytë me Xhoanën e deri te pesë tentativat për vrasje.
Nano ka qenë për 13 vite kryetar i PS-së, ka dhënë plot 5 herë dorëheqjen, tri herë si kryeministër dhe dy herë si kryetar i PS-së. Fatos Nano di pesë të gjuhë të huaja.
Në vitin e dytë të gjimnazit, ai formoi një grup rroku (ishte solisti) që luante muzikën Bitëllsave. Gjatë burgimit atij i janë qethur flokët si ndëshkim për deklaratat që bënte në media. Dashuria për futbollin dhe cigaret.
Njihuni me jetën e Fatos Nanos nëpërmjet një profili me 50 fakte.
1- Fatos Nano ka lindur më 19 shtator 1952 në Tiranë. Pas 6 ditësh ai feston 64-vjetorin. Është djali i vetëm i katër fëmijëve të Thanas dhe Marie Nanos. Motrat e tij janë Sashenka, Vjollca, që janë dhe më të mëdha në moshë, ndërsa Mimoza është motra e vogël.
2- Fatos Nano ka lindur në një familje që ishte pjesë e elitës së regjimit komunist të vendit. Babai i tij, Thanas Nano, ishte drejtor i Radio Televizionit Shqiptar për shumë vjet.
3- Nano ka studiuar në shkollën e mesme “Sami Frashëri” në Tiranë, e rezervuar për fëmijët e nomenklaturës. Aty mësoi gjuhët e huaja si dhe të luante me kitarë. Në vitin e dytë të gjimnazit, ai formoi një grup rroku (ishte solisti) që luante muzikën Bitëllsave, rreptësisht e ndaluar për publikun gjatë asaj periudhe.
4- Pasi përfundoi gjimnazin në shkollën “Sami Frashëri”, Nano studio në Universitetin e Tiranës në degën Ekonomi Politike. Në nivel të arsimit është vlerësuar si nxënës i shkëlqyer dhe një nga studentët më të mirë të universitetit. Fatos Nano di pesë gjuhë të huaja, anglisht, frëngjisht, italisht, rusisht dhe serbo-kroatisht. Cilësohej si një nga pedagogët më të kualifikuar.
5- Fatos Nano ka qenë katër herë kryeministër i vendit. Më konkretisht: në qeverinë që përgatiti zgjedhjet pluraliste të vitit 1991, në qeverinë e fituar nga Partia e Punës për tre muaj më 1992, në qeverinë e vitit 1997 dhe në qeverinë e vitit 2002 deri në 2005-ën. Nano ka qenë kryetar i PS-së për 13 vjet. Ka dhënë dorëheqjen tri herë si kryeministër dhe dy herë si kryetar i Partisë Socialiste, duke themeluar “institucionin” e dorëheqjes në Shqipëri, por edhe duke vënë një rekord në këtë fushë.
6- Koha më e shkurtër e qëndrimit kryeministër ka qenë në vitin 1991, kur drejtoi kabinetin vetëm për tre muaj. Ndërsa koha më e gjatë e qëndrimit ka qenë mandati i tij i fundit. Si kryetar i Këshillit të Ministrave drejtoi qeverinë socialiste për 36 muaj. Nga gushti i vitit 2002 deri në shtator 2005, kur dha dorëheqjen.
7- Fatos Nano është zgjedhur deputet i Parlamentit pesë herë. Deputet i Tiranës në vitin 1991. Deputet i Kuçovës në vitin 1992. Deputet i Tepelenës në vitin 1991 dhe në vitin 2001 dhe deputet i Sarandës në vitin 2005 deri në vitin 2009.
8- Fatos Nano mban titullin “Doktor Profesor i Shkencave Ekonomike”. Titullin e parë e ka marrë në vitin 1980 dhe titullin profesor kur ishte kryeministër në vitin 2003 nga Fakulteti i Ekonomisë së Tiranës. Mban tituj nderi nga dy universitete italiane. Në vitin 2000 Universiteti i Ndërkombëtar i Milanos, e dekoroi me titullin “Doktor Honoris Causa” në fushën e Ekonomisë dhe po në këtë vit merr titullin e nderit “Doktor Honoris Causa” në fushën e Shkencave Ekonomike nga Universiteti i Barit. Ka marrë titullin “Honoris Causa”, edhe nga Universiteti Europian i Tiranës.
9- Pas mbarimit të universitetit, për katër vite, Fatos Nano zhvendoset në Elbasan, ku punon si ekonomist në Kombinatin Metalurgjik. Më pas transferohet në Tiranë, ku punon fillimisht si ekonomist në kooperativën e Priskës.
10- Ngjitja e karrierës profesionale të Nanos nisi pas rikthimit në Tiranë në vitin 1980. Ai emërohet të punojë në Institutin e Studimeve Marksiste-Leniniste. Një post që i dha mundësinë të kishte kontakte më të shpeshta me botën perëndimore për shkak të udhëtimeve.
11- Gjatë viteve 1984-1990, Fatos Nano do të ishte një nga ekonomistët e parë që paraqiti projekte për reformat social-ekonomike dhe reformën e Ekonomistë në Europën Juglindore. Në të njëjtën kohë do të punonte edhe si pedagog i jashtëm në Fakultetin Ekonomik të Tiranës.
12- Në vitet 1989-1990 ishte një ndër intelektualët që kërkon ndryshime në ekonominë e vendit. Së bashku me kolegët pedagogë, Gramoz Pashko, Leontiev Çuçi dhe Anastas Angjeli përbënin bërthamën e një grupi profesorësh liberalë në Universitetin e Tiranës.
13- Gjatë kohës që ishte i burgosur në burgun e sigurisë së lartë në Bënçë të Tepelenës u shpall “Qytetar Nderi” nga dy qytete. Në mars të vitit 1996 u bë “Qytetar Nderi” i Kuçovës dhe në prill të po atij viti, qyteti ku ishte burgosur, Tepelena i dha titullin “Qytetar Nderi”.
14- U martua në moshën 24-vjeçare me Rexhina Fatollin, vajza simpatike, qe e njohu në vitet e para të gjimnazit “Sami Frashëri” në kryeqytet. Pas 27 vitesh martese, çifti u divorcua në vitin 2001.
15- Fatos Nano, në vitin 2001, atëherë 50 vjeç, u martua sërish, me një ceremoni në Kishën Ortodokse të Tiranës me Xhoanën. Ceremonia u drejtua nga kryepeshkopi Janullatos. 29-vjeçarja Nano jetonte në Athinë ku dhe ishte divorcuar në vitin 1998 nga martesa e parë.
16- Martesa e parë e Fatos Nanos u bë në një ambient familjar, në shtëpinë e të atit të tij në Tiranë. Ndërsa martesa e dytë u bë me një ceremoni gjigante në Kishën Ortodokse në Tiranë dhe më pas në qytetin e Durrësit.
17- Martesa e Fatos dhe Xhoana Nanos, dhe divorci i ish-kryeministrit ishin një ngjarje që lanë shenjë në sjelljen politike të vendit. Duke sfiduar mentalitetin e kohës, ish-kryeministri Nano deklaroi publikisht lidhjen e tij me gruan shumë vite më të re në moshë, divorcin dhe nisjen e një jete të re. Në një intervistë televizive, pak kohë para ceremonisë së martesës, Xhoana Nano, asokohe 10 vite më e re kishte deklaruar me Fatos Nanon do të bënte më shumë se një fëmijë dhe se mosha nuk përbënte asnjë problem mes tyre.
18- Fatos Nano ka dy fëmijë, Sokolin 36 vjeç dhe Edenë, 33 vjeç, nga martesa e parë me Rexhina Nanon. Ndërkohë që ka dhe një djalë të birësuar nga martesa e tij me Xhoana Nanon, Klajdin, 23 vjeç.
19- Sipas të dhënave mediatike, ndaj Fatos Nanos janë bërë pesë tentativa për vrasje. Një ndër atentatet ka ndodhur në Berat, një në Shkodër, një në vilën kryeministrore, një kërcënim në zyrë dhe ngjarjet e 14 shtatorit të vitit 1998.
20- Fatos Nano ka bërë 1 353 ditë burg. Ai u dënua me 12 vjet burg me akuzën për shpërdorim detyre në favor të të tretëve dhe vuajti dënimin në burgun e Tiranës deri në vitin 1994 dhe në burgun e sigurisë së lartë në Bënçë te Tepelenës deri në vitin 1997.
21- Fatos Nano u arrestua në 30 korrik 1993 në Tiranë dhe u lirua më 13 mars 1997, pas revoltave të armatosura në jug të vendit. Lirimi i tij ishte një kërkesë e opozitës së majtë, por edhe e ndërkombëtarëve si një lëvizje për të qetësuar trazirat në vend.
22- Kristina Çupi, ish-sekretarja personale e Nanos, në një nga kapitujt e librit të Ylli Polovinës, ”Të jesh apo të mos jesh” se çfarë Nano para se ta arrestonin.
“Ditën kur do të ikte, më 30 korrik, më është thyer filxhani. Ishte mëngjes. Njoftimi me shkrim, një pusullë thirrëse, erdhi nga Prokuroria e Tiranës. Ishte ora tetë. Mirëpo Fatosi duhej të shkonte patjetër në mbledhjen e socialistëve të kryeqytetit, që mbahej në Teatrin e Operës dhe i thashë se kishte për të shkuar edhe … Më dridhet zëri kur e them. Ai tha: “Do vete njëherë në mbledhjen e Tiranës”. Shkoi. Kur erdhi këtu, ishte me një grup njerëzish. Një mik i tij, një afarist, i tha se duhet të blinin “Fanta”. I blemë ato dhe Fatosi tha: “Tani duam edhe një kafe”. Ia bëra kafet te një nga zyrat. Kur ia solla të tijën, më pa në sy (se si po më shihte) dhe tha: “Mund të mos kthehem”. E dëgjuan edhe të tjerët. Mbetëm. Sepse shtoi: “Ata do të bëjnë shpejt atë që kanë ndër mend ta bëjnë”. Aty m’u thye filxhani. Mos u mërzit i thashë, mos u mërzit se kam shenjë të mirë. Pastaj iku. E pritëm, e pritëm. Dikush vajti. Vajtën të tjerë. Prisnim para Prokurorisë. Disa druheshin të pyetnin (siç e kemi ne që ndonjëherë kemi frikë). E kishin arrestuar”, ka treguar Kristina.
23- Gjatë kohës që ishte i burgosur mori vetëm 24 orë leje. Në dhjetor të vitit 1995 i vdes e ëma dhe shteti i dha vetëm një ditë leje për ta varrosur. Ndërkohë që trajtimi i tij në burg, sipas dëshmive, nuk ndryshonte nga ai të dënuarve të zakonshëm.
24- Sipas dëshmisë së ish-bashkëshortes së tij, Rexhina, gjatë qëndrimit në burg, Fatos Nanos i janë qethur flokët si ndëshkim për deklaratat që bënte në media. Ndërkohë që në të gjitha seancat gjyqësore ai sillej nga policia në pranga. Dosja e Fatos Nanos për shpërdorimin e ndihmave italiane ishte 3200 faqe. Në të përfshiheshin dhe vendime të dhëna nga qeveria e Adil Çarçanit. Kryetari i Gjykatës së Kasacionit, Zef Brozi, nuk pranoi të ishte ai njeriu që do të gjykonte Nanon.
25- Avokat Idajet Beqiri ka rrëfyer në media para disa kohësh detaje nga jeta në burgun 313 në Tiranë dhe në atë të Bënçës në Tepelenë, ku ndodhej i izoluar së bashku me kryesocialisti Fatos Nano. Ja çfarë kujton Idajet Beqiri nga ajo kohë: “Në kushtet e vështira të burgut 313 erdhi dhe vuajti së bashku me ne në 30 korrik 1993 edhe Fatos Nano. Fillimisht kam menduar se “si bythëpambuk Tirane” nuk do i duronte dot këto kushte skandaloze në burg dhe do thyhej. Por isha i gabuar. Fatos Nano sillej dhe qëndronte në burg si burgaxhi i regjur. Më zgjuarsinë e tij, me batutat e tij të hidhura, jo vetëm që i vinte të gjithë në lojë, por gjithashtu i shkujdeste aq keq gardianët dhe oficerët e burgut, sa e thyente sa herë të donte izolimin e egër që i bënin”.
26- Historiani amerikan, Fred Abrahams, në librin e tij ‘Shqipëria e re’, tregonte se si ndryshoi Fatos Nano pas daljes nga burgu.
“Nanoja dukej ndryshe nga ç’kishte qenë përpara burgosjes së tij- më i shëndoshë dhe me mjekër. Këshilltarët e tij të afërt treguan se Nanoja kishte vuajtur në burg dhe doli prej andej një njeri i ndryshuar, me më pak kontroll të vetvetes. Megjithatë ai mbeti i mençur dhe dinak. Prapa hekurave, ai kishte qëndruar aktiv në parti, duke pasur furnizim të pandërprerë me lajme, cigare dhe pije”, shkruante Abrahams në librin e tij.
27- Në vitin 2000 Gjykata e Tiranës i dha pafajësinë për akuzat e ngritura nga Prokuroria. Pas marrjes së pafajësisë, Nano fitoi edhe mbrojtje morale për akuzat për korrupsion. Më vonë edhe Sali Berisha ka deklaruar se burgosja e Nanos ishte veprim i nxituar. Në vitin 2002, Fatos Nano dëmshpërblehet nga shteti për burgim të padrejtë në shumën prej 72 milion lekësh. Nano, paratë e burgut ia dha ish-bashkëshortes së tij, Rexhina Nanos, si edhe apartamentin e tij në Tiranë.
28- Në një nga kabllogramet konfidenciale të Ambasadës Amerikane në Tiranë të zbardhur nga Wikileaks bëhej edhe një biografi e detajuar e Fatos Nanos në vitin 1997. Nano ishte liruar nga burgu pak muaj më parë dhe sapo ishte zgjedhur kryeministër.
Ambasada tregon detaje të jetës së tij: “Nano është intensiv, i fokusuar dhe individual. Është 168 cm, një gjatësi mesatare për meshkujt shqiptarë. Doli nga burgu mbi peshë dhe i parruar. Shumë të njohur të vjetër u shprehen se nuk e kishin njohur atë pas daljes nga burgu. Një duhanpirës i regjur, një kafshë sociale që shijon bredhjet në orët e vona të natës me rrethin e ngushtë të shokëve politikanë. Nano është serioz edhe kur bën shaka….
…Gruaja, e vizitonte Nanon një herë në javë në burgun e Tepelenës. Ata janë dukshëm të përkushtuar ndaj njeri-tjetrit. Edhe pse ajo nuk është shumë e aftë në gjuhët e huaja dhe nuk flet shumë në publik, në prani të të huajve, duket qartë se Nano ka konsideratë të lartë për të”, është përshkrimi i Ambasadores Mariza Lino për ish-kreun e opozitës.
29- Është akuzuar si pasardhës i komunistëve dhe bllokmenëve. Ndërkohë që ka meritën se transformoi Partinë Socialiste nga një parti që idealizonte Enver Hoxhën dhe Marksin, në një parti moderne të majtë dhe arriti ta integrojë në partitë e majta evropiane. Meritë kjo që është njohur së fundmi nga ish-rivali i tij më i madh Sali Berisha. Në 25 vjetorin e PS-së, Berisha duke iu drejtuar me anë të një mesazhi socialistëve, vlerësonte Fatos Nanon si reformator. “Fatos Nanos, në një garë, nga anëtar i thjeshtë arriti të zgjidhet kryetar i PS dhe ta shkëpusë PSSH nga modeli stalinist pothuaj 60-vjeçar i partisë së një njeriu! Fatos Nano e aderoi PS-në në organizmat e socialistëve europian dhe ka meritën e pranimit të rotacionit jo vetëm në parti por dhe në nivel vendi!, shkruante Berisha ndër të tjera në mesazhin e tij, ku sulmonte kryetarin aktual të PS-së, Edi Ramën, se e ka mbushur PS-në e sotme me kriminelë.
30- Batuta më e fortë e Fatos Nanos është për kryetarin aktual të Partisë Socialiste, Edi Ramën. “E mora nga Parisi me thonj të paprerë dhe shitësh ikonash të vjedhura”, deklaronte Nano në një nga takimet elektorale. Ndërsa një tjetër batutë e famshme ka qenë për LSI-në. “Lëvizja e Skraparllinjve të Inatosur” e pati quajtur Fatos Nano LSI-në e Ilir Metës, kur u themelua, atë shtator të vitit 2004
31- Një tjetër thënie e famshme e Fatos Nanos është përshkrimi që i bënte historisë së vendit tone me një fjali të vetme. “Ne kemi kaluar nëpër çdo gjë si komb – copëtim, diktaturë, madje dhe anarki”, ka deklaruar Nano.
32- Fatos Nano ishte një nga figurat kryesore të intelektualëve që u thirr në takimin e famshëm të Presidentit Ramiz Alia me inteligjencën në gusht të vitit 1990. Së bashku me të ishin Sali Berisha e shumë të tjerë që përbënë bërthamën e politikës në 25 vitet e fundit.
33- Në moshën 39-vjeçare, Nano do të marrë një nga postet më të rëndësishme në qeverinë e Adil Çarçanit. Emërohet zëvendëskryeministër për reformat në ekonomi. Ylli politik i Fatos Nanos nis të shkëlqejë që në momentet e para. Në shkurt të vitit 1991, Nano emërohet nga Partia e Punës si kryeministër. Një nga arsyet që Nano depërtoi në qendër të pushtetit në një kohë shumë të shkurtër, ishte fakti që vendi po ndërmerrte reforma shumëplanëshe. Vetëm një politikan që nuk kishte qenë funksionar i mëparshëm mund ti bënte.
34- Në 31 mars 1991, qeveria Nano arrin të zhvillojë zgjedhje normale dhe pa incidente serioze. Fatos Nano zgjidhet deputet në një nga zonat elektorale të Tiranës dhe merr mandatin e dytë si kryeministër, përsëri nga Partia e Punës.
35- Dorëheqja e parë si kryeministër u bë në maj të vitit 1991. Kundërshtimi i opozitës për legjitimitetin e pushtetit, grevat e punëtorëve në vend dhe gjendja e rënduar ekonomike në vend bënë që Nano të jepte dorëheqjen për t’u krijuar Qeveria e Stabilitetit që u drejtua nga Ylli Bufi.
36- Fatos Nano është kryetari i parë i Partisë Socialiste. Në Kongresin e 10-të të PPSH-së, Nano mori drejtimin e partisë më të madhe në vend, duke shënuar ndarjen e partisë që drejtoi regjimin komunist dhe zëvendësimin jo vetëm me një emër tjetër, por edhe me një tjetër frymë.
37- Ishte politikani i parë që vendosi kontaktet me partitë e tjera të majta evropiane që i dhanë njohjen PS-së në rajon e më tej. Nano bashkëpunoi me Beneto Kraksin e të majtës italiane, Andrea Papandreun e PASOK-ut grek, etj.
38- Takimi i parë i Fatos Nanos me kundërshtarin e tij më të madh, Sali Berisha, sipas dëshmive të të dy palëve, ka ndodhur më 1990 në ambientet e redaksisë “Zëri i Popullit”, ku diskutuan për një shkrim që ishte botuar.
39- Është politikani i parë që ka njohur rezultatin e zgjedhjeve në vend fill pas daljes së rezultateve. Në zgjedhjet parlamentare të 22 marsit 1992, Nano pranoi humbjen dhe daljen në opozitë të PS-së. Në këto zgjedhje, Nano fitoi mandatin e deputetit në Kuçovë.
40- Takimi që i ka dhënë më shumë pikë Fatos Nanos, ka qenë ai me presidentin amerikan Bill Klinton. Gjatë mandatit të parë në krye të qeverisë arriti të shkëlqente në marrëdhëniet ndërkombëtare duke sjell një bashkëpunim të ngushtë me Shtetet e Bashkuara të Amerikës.
41- Vizita më e rëndësishme e Fatos Nanos jashtë vendit është ajo në Shtëpinë e Bardhë në Uashington, në vitin 2004 dhe takimi me Presidentin Xhorxh Bush. Vizita u bë në kuadër të anëtarësimit të vendeve të reja në NATO. Gjatë takimit doli edhe një detaj interesant, Bush theu protokollin duke e zgjatur takimin me Nanon më shumë sesa koha e programuar. Siç duket kryeministri shqiptar e bëri për vete me batutat e tij liderin amerikan.
42- Pas humbjes së zgjedhjeve nga Partia Socialiste në 3 korrik 2005, Fatos Nano jep dorëheqjen nga posti i kryeministrit. U vlerësua për rotacionin paqësor të pushtetit.
43- Pas dorëheqjes së kryeministër i vendit, në shtator 2005, Fatos Nano jep dorëheqjen edhe si kryetar i Partisë Socialiste. Me këtë veprim, Fatos Nano futi një akt civilues në politikën shqiptare, që kryetari që humbet zgjedhjet largohet, veprim ky që nuk është përsëritur nga liderët e tjerë politikë. Sali Berisha e bëri këtë veprim kur humbi zgjedhjet e vitit 2013.
44- Fatos Nano është duhanpirës që nga vitet e para të adoleshencës. Cigaret e preferuara për të janë puro kubaneze dhe cigaret me filtër “Marlboro”. Në shumicën e takimeve dhe daljeve publike, në dorën e tij të majtë do të ishte pothuajse gjithnjë një cigare. Fatos Nano nuk është vetëm një i pasionuar pas muzikës, por edhe një njeri që në adoleshencë ka kënduar. Në intervistat e tij ka pohuar se grupi i tij i preferuar muzikor ishin “Bitëllsat”. Këngët e këtij grupi i këndonte fshehurazi nën shoqërinë e miqve.
45- Është politikani i parë që u pa të ndiqte ndeshjet e Kombëtares. Pothuajse ka marrë pjesë në të gjitha ndeshjet më të rëndësishme brenda dhe jashtë vendit. Edhe pasi u largua nga politika. Nano është një i apasionuar i madh i futbollit. Në Shqipëri bën tifo me “Partizanin”, ndërsa në Itali me Interin, ndërkohë që është edhe tifoz i Italisë.
46- Është një nga politikanët që ka një raport të veçantë me pijen. Padyshim që njohja që ka ai për verën dhe xhinin, por edhe shumë pije të tjera alkoolike futen në kulturën e tij gjenerale. Pija e tij e preferuar “Xhini” i shoqëruar me tonik.
47- Më 17 gusht të vitit 2003, Fatos Nano kryen një operacion të planifikuar në tëmth. Operacioni u bë pas disa shqetësimeve shëndetësore të Nanos të përsëritura që nga viti 1996. Ky ishte operacioni i dytë i Nanos, pasi po në vitin 2003 bëri një ndërhyrje estetike në sy.
48- Më 19 shtator të vitit 2007, Nano anononçoi themelimin e Lëvizjes për Solidaritet dhe Politikë Institucionale në PS. Në këtë lëvizje, Nanos iu bashkuan plot 14 deputetë socialistë. Por me kalimin e muajve, Nano pak nga pak e la në hije nismën, duke bërë që kjo lëvizje të shuhej. Ndërsa Edi Rama vendosi të hakmerrej ndaj mbështetësve të Nanos, duke i lënë jashtë listave të zgjedhjeve të ardhshme parlamentare.
49- Ëndrra më e madhe politike ka mbetur Pallati i Brigadave. Më 8 korrik 2007, Fatos Nano hyn zyrtarisht në garën presidenciale. Por Partia Socialiste nuk e mbështeti ish-kryetarin e saj. Për tu hakmarrë ndaj mosmbështetjes së Ramës, 6 deputetë socialistë, mbështetës të Nanos, ia dhanë votat Bamir Topit. Në 20 gusht, Bamir Topi zgjidhet president me votat e Nanos, ndërsa Shqipëria arrin të shmangë zgjedhjet e parakohshme.
50- Fatos Nano prej vitesh i është larguar jetës politike në vend. Numërohen me gishtat e dorës deklaratat e tij të rralla politike gjatë kohëve të fundit. Nano bën një jetë mes Vjenës dhe Tiranës, dhe pse është një personazh mjaft i kërkuar nga mediat, rrallëherë është kapur nga paparacët.
Ditën e sotme kryeministri Rama ka replikuar me ndjekësit e tij në rrjetet sociale ku temë e replikave mes tyre ka qenë ‘’Pasqyra e qeverisjes këtë javë”.
Replikat:
Komentuesi: Shum bukur i montoni kto videot po realiteti eshte cope cope ndryshe nga kto qe shohim ktu
Edi Rama: Hahaha i montojme bukur eee? Po faktet ku i gjejme apo montazh thuaj, film hesapi! Jo Enea jo, jane faktet konkrete te punes keto, s’jane montazhe dhe realiteti eshte edhe ky i ndryshimeve qe kush do te shikoje i shikon, jo vetem ai i gjerave qe kane nevoje te ndryshojne!
Komentuesi: Ne teori jeni te mir po ne praktik nuk po shohim gje
Edi Rama: Po pse keto qe sheh ketu teori jane apo fakte konkrete te punes se palodhur qe behet perdite?
Komentuesi: Po re si jo..ashtu esht😳😳
Edi Rama: Hapi syte dhe lere mendjen te shikoje se kur s’do mendja nuk ka cfare shikon syri hic Ilir
Komentuesi: ehu kur do behen kto rruget kismet se jean gjall 😂😂😂😂
Edi Rama: Po behen e do behen te gjitha dhe pa merak se gjalle do jesh😉
Komentuesi: Turp vetem genjeshtra
Edi Rama: Hahaha po pse genjeshtra apo se s’te pelqen te shohesh asgje te mire qe behet?! Jane fakte keto Bardhi fakte dhe nuk eshte turp te vleresosh punet e mira qe behen, sepse ky eshte edhe vendi yt o mik.
Sot përkujtohet në gjithë Kosovën 140 vjetori i themelimit të Lidhjes së Prizrenit. Nëpërmjet një statusi në rrjetet sociale, kryeministri Rama thotë se asnjëherë virtyti dhe aq më pak fati e kanë braktisur një Shqipëri të përbashkuar.
Statusi i Edi Ramës në Facebook:
“Sot përkujtojmë 140 vjetorin e themelimit të Lidhjes shqiptare të Prizrenit, mesazhi i së cilës kumbon i thjeshtë por domethënës, dje, sot e përgjithmonë: asnjëherë virtuti dhe aq më pak fati e kanë braktisur një Shqipëri të përbashkuar.
Kjo ditë na kujton gjithashtu se po i afrohemi fundit të gjysmës së parë të Vitit të Skënderbeut, arritjet pa zhurmë dhe eventet unike të të cilit po zhvillohen anembanë kombit shqiptar në trojet e tij stërgjyshore dhe në diasporë.
Ju uroj një të dielë të qetë në meditim të mesazheve madhore të tij dhe një kredhje në informacionin e bollshëm multimedial të faqes në internet të Vitit tonë mbarëkombëtar 😃 🇦🇱 👌👌https://vitiiskenderbeut.al”– shkruan Rama në facebook.
