Politike

“…Gjithë verës Saliu priste që t’i jepej bursa për në politeknikumin mjekësor të Tiranës. Dhe çasti i pritur me aq padurim erdhi. Seksioni i arsimit e njoftoi Saliun se ia dha bursën atje ku e kërkoi…”
Duket e pabesueshme po për Sali Berishën është shkruar në gazeta që në… 1959-n.
Pjesa e mësipërme është shkëputur nga një shkrim për të në gazetën e asaj kohe “Bashkimi”.
Shkrimi mban titullin “Ëndrra po realizohet” ! Autori është një tropojan me emrin Murat Gecaj

“…Sigurisht ju nuk e njihni Saliun. Dhe kini të drejtë. Për ta njohur duhet të kishit qenë në shkollën 7-vjeçare “Asim Vokshi” të Tropojës… Gjithë verës Saliu priste që t’i jepej bursa për në politeknikumin mjekësor të Tiranës. Dhe çasti i pritur me aq padurim erdhi. Seksioni i arsimit e njoftoi Saliun se ia dha bursën atje ku e kërkoi… U nda Saliu nga prindërit dhe makina kaloi Alpet e udhëtonte nëpër fushat e gjera të Atdheut.

Mendjen e kishte te prindërit, por zemra sa s’i gufonte prej gëzimit. Ai shkonte për të parën herë në kryeqytetin tonë, në Tiranën e bukur. Në shkollë gjeti shokë dhe shoqe, në gjirin e të cilëve filloi të ndiejë veten si në familjen e tij. Saliu nuk dyshon se dëshira e tij do të plotësohet për t’u bërë mjek dhe për t’i shërbyer popullit…”

Por a e dini se kush na e ka bërë peshqesh Sali Berishën se në politik dihet?!
Sal Berisha sot ndoshta është një ekzemplar i rrallë relike e komunizmit si i vetmi ish-komunist i viteve ’60 që ka ngelur aktiv në politikë. Aty e futi Ramiz Alia, por në Tiranë e ka sjellë një… mjek.

Mjeku quhet Rexhep Ndoci dhe në Tropojë e dinë që ishte pikërisht ndërhyrja e doktor Rexhepit që Sali Berisha të fillonte mësimet në politeknikumin mjekësor në Tiranë në vitin shkollor 1958-1959.
Vetë Berisha ndërsa pëlqen të flasë për familjet e të gjithëve, nuk ka qejf të flasë për të shkuarën e tij të hershme.

Veç nënës dhe motrës ai tregonte se ndikim të madh në jetën e tij ka patur e shoqja:
“Pas nënës Lili është njeriu që i detyrohem më shumë në tokë. Ajo ka padyshim një ndikim shumë të madh në jetën time..”

Por a e ktheu malsorin nga Viçidoli në qytetarë Liria?!
Përballjen e parë me Tiranën malësori i vogël nga Viçidoli i Tropojës së Vjetër e komenton kështu: “…Shumë e vështirë. Imagjinoni një njeri që vjen nga një fshat i Tropojës. Të marrim ushqimin, me një ushqim të ndryshëm si dita me natën, me ushqimin e konviktit…

Kurse vendimin për të studiuar mjekësi:
“I gjithë pasioni im ishte letërsia, historia, por kryesisht letërsia dhe deri vitin e tretë të fakultetit bëra përpjekje të jashtëzakonshme që të më lejohej që të vazhdoja dy fakultete. Kjo nuk mu lejua dhe më në fund dështova në përpjekjen time dhe pastaj i gjithë si të thuash, pasioni, mu drejtua drejt mjekësisë…”

Kaq gënjeshtar dhe qesharak është, kur flet sikur kulla e Viçigolit ishte biblotekë, e mbushur me libra, pa treguar se prindërit e tij, nuk dinin të shkruanin dhe të lexonin!
Në fakt shkrimi i “Bashkimit” në 1959 thotë se Saliu kishte kerkuar vetë që bursa t’i jepej për mjekësi. Ndoshta e ka fshehur Saliu i vogël “pasionin” dhe ka gënjyer mjekun që e ndihmoi?
Gënjeshtrat e vogla e të mëdha, janë kaq të shumta në raportin e tij me shqiptarët dhe Shqipërinë sa askush nuk do ta vejë re këtë . /Ekskluzive.al

Agjencia Kundër Korrupsionit ka publikuar deklarimet e pasurisë nga ana e zyrtarëve shtetërorë të vendit.

Deputeti nga rradhët e PSD-së, Dukagjin Gorani, përveç që ka deklaruar shtëpi familjare në pronësi të prindërve të vet, ka deklaruar edhe një shumë të majme të hollash që ka në llogarinë e tij bankare, shkruan “lajmi.net”.

Gorani në deklarimin e parave të gatshme të mbajtura në institucione financiare, ka deklaruar hiç më pak se 68 mijë euro në llogarinë e tij personale.

Edhe pse në llogarinë e tij bankare ka një shumë goxha të madhe të hollash, Gorani në pronësi të veten ka deklaruar një veturë në vlerë prej 3 mijë eurosh të blerë në vitin 2006.

Pas deklaratës së ministrit të Ekonomisë dhe Finanacave, Arben Ahmetaj ku ky i fundit u shpreh se punësimi është rritur dhe shifrat e papunësisë janë ulur, ka ardhur edhe reagimi i parë nga Partia Demokratike.

Ka qenë deputeti i PD dhe nënkryetari i Parlamentit Edi Paloka i cili përmes një statusi në rrjetet sociale shkruan se kjo është një qeveri palaçosh dhe se ka detyruar 400 mijë shqiptarë të largohen nga vendi.

Statusi i plotë i Edi Palokës në Facebook:

Qeveri palacosh ; kane detyruar mbi 400 mije shqiptare te largohen nga vendi dhe deklarojne me paturpesi se eshte ulur perqindja e te papuneve.

Ne fakt vendet e punes jane ulur , eshte rritur numri i shqiptareve te mbetur papune qe largohen nga vendi dhe palacot kete e paraqesin si “sukses”, si ulje te numrit te te papuneve ne vend…

Anëtari i Këshillit Kombëtar në partinë Demokratike, Edvin Kulluri ka sulmuar ashpër kryetarin e PD-së, Lulzim Basha. Në fjalën e tij ai theksoi faktin se duhet një lëvizje anti- establishment.

“Shqipëria po kalon në një gjendje pothuaj të jashtëzakonshme dhe zoti Basha jo vetëm nuk i jep zgjidhje kësaj situate por ai është bërë palë, pjesë e kësaj oligarkie politike financiare, prokurimesh, tenderimesh në vend.

Basha është pjesë e 7-8 vetëve që po qeverisin sot vendin. Me veprimet e mosveprimet e tij ai po i zgjat çdo ditë pushtetin Edi Ramës.

Kemi 430 mijë vota të humbura nga PD nën drejtimin e Bashës.

Manaxhimi katastrofik i PD nga Basha tregon që sot nuk e dimë se kush është shumica në PD.

Në këtë ambient ka mungesë kurajoje civile, kulture të dobët demokratike.

Ajo që duket si pushtet absolut i zotit Basha, në fakt është dobësi e madhe e tij.

Popull thotë “ frikacaku vret”, ky është rasti i kryetarit tonë.

Mundohet të mos bëjë asnjë veprim për ta bashkuar partinë, ose bën çdo gjë për ta përçarë, në funksion të pushtetit të tij personal.

Pushteti i Bashës nuk janë gjë tjetër veçse thërrimet që i lë oligarkia e vendit, thërrime financiare, ekonomike, politike mediatike”, tha ai.

Cili është thelbi i qendrimit anti- establishment të grupit tuaj?

“Ne jemi kundër establishmentit, këtë qendrim e kemi qëkur e kuptuam para një viti se ai bëri marrëveshje me Ramën

Ne jemi për të shembur këtë realitet politik, jo sistemin politik.

Republika e re ishte një zgjatim i Rilindjes.

Basha nëpër sondazhe është 13-17% ndërkohë që PD është 26%.

Ka njerëz në PD që paguhen me tendera dhe koncesione nga qeveria dhe janë ndër bashkëpunëtorët më të ngushtë të Bashës.

Ka biznese të aferta me kryetarin e PD edhe brenda familjes së tij, mjafton të shikoni aktet në QKR.

Situata në të cilën ndodhemi do të çojë në mënyre dialektike drejt diçkaje që do të kërkojë të rrëzojë këtë establishment.

Një lëvizje e tillë nuk duhet të nisë nga jashtë por nga brenda PD, sepse PD është një aset i jashtëzakonshem. PD mban brenda vetes shtresën e djathtë të shoqërisë pavarësisht ulje-ngritjeve.

Kemi shembullin e presidentit Trump i cili e nisi goditjen nga brenda Partisë Republikane.

Era Trump do ta fshije oligarkine ne Shqiperi.

E vetmja zgjidhje është një lëvizje anti establishment, siç ka ndodhur në Itali, Hungari Poloni, Slloveni, në Austri,  në Angli me Brexit.

Brenda pak kohësh Rama dhe Basha do të dalin nga skena”.

Ditën e sotme është mbledhur Komisioni i Ligjeve, ku ka marrë pjesë edhe opozita. Ka qenë deputeti demokrat, Enkelejd Alibeaj tha se janë dhe dy javë derisa të meret vendimi dhe është hapësira “për të cilën ju dhe kryeministri juaj ka mundësi për të dhënë prova të forta që do çeljen e negociatave”.

Në fjalën e tij ai theksoi faktin se detyra e të zgjedhurve është t’i shërbejnë interest publik.

“Angazhimi ynë i opozitës është bërë i qartë shumë kohë më parë. Kjo opozitë është e vendosur qartazi dhe në mënyrë konsistente dhënies së kontributit për çeljen e negociatave si një lloj vlerësimi që duhet ta miratoj historia politike këtij vendi. Fatkeqësisht ne jemi shumë të qartë në pozicionin tonë politik, ky vend e meriton çeljen e negociatave jo thjesht se ka arritje, por për arsye tjetër, si e si që një dorë tjetër e fortë e sinqertë institucionale t’ia mbyllë një orë e më parë arbitraritetin e këtij kryeministri. Mundësisht delegjitimimin e tij, largimin një orë e më parë”, tha deputeti Alibeaj.

Mjeti kryesor që duhet të na udhëheqë tha Alibeaj është inspirimi europian i opozitës. Ai dha alarmin dhe për Gjykatën Kushtetuese. “Ne besojmë që inspirimi europian i opozitës dhe gjithë shqiptarëve do të duhet të jetë mjeti i vetëm kryesor që do të duhet të na udhëheqë. Nuk ka nevojë më të madhe tashmë për Shqipërinë e shqiptarët për të shkuarën e sidomos për të ardhmen për të gjetur aleat besnik fanatik që ia duan të mirën këtij vendi për të larguar të keqen më të madhe, kryeministrin, Edi Ramën që në agjendën e vet nuk e ka këtë gjë. Ka vetëm një axhendë, ruajtjen e karriges së vet me çdo mjet, mënyrë e pazar”, vijon Alibeaj.

Qeveritë vijnë e ikin, parlamentet vijnë e ikin, por sistemi i drejtësisë është ai që duhet të rrijë thotë Alibeaj por ai u shkatërrua i pari, referuar situatës aktuale në Gjykatën Kushtetuese.

Partia Demokratike ka mbledhur paraditen e sotme grupin parlamentar, në të cilën kanë qenë të të pranishëm dhe aleatët parlamentarë te opozitës. Mësohet se në mbledhje është diskutuar për aksionin opozitar që do të vijojë këtë javë.

Sipas informacioneve mësohet se në këtë mbledhje është diskutuar se dhe këtë javë do të vijohet me çështjen Xhafaj në Komisionet Parlamentare.

Deputetët opozitarë do të jenë të pranishëm në të gjitha komisionet parlamentare, pasi seancë të enjten nuk do të ketë.