Politike

Partia Demokratike duket se ka marrë një tjetër goditje nga baza. Kreu demokrat Lulzim Basha më 11 maj hapi një proces zgjedhor në strukturat drejtuese të PD, në nivel, grupseksionesh dhe seksionesh. Procesi zgjedhor u ndërmor në kuadër të ndryshimeve që PD bëri në Statut dhe u parashikua që të zgjaste 45 ditë. Sipas udhëzimit të ndarë nga kreu demokrat gjatë kësaj kohe, ishte parashikuar që brenda datës 7 qershor të mbylleshin zgjedhjet në nivel grupseksionesh dhe më 30 qershor ato në nivel seksionesh.

Por pavarësisht udhëzimit të shpërndarë nga Basha, zgjedhjet në nivel grupseksionesh nuk janë mbyllur akoma ndonëse kanë kaluar 9 ditë nga afati. Gazeta ”SOT” u interesua pranë degëve të ndryshme të PD dhe mësoi se në shumë prej tyre ky proces nuk është mbyllur akoma, e në disa të tjera as nuk ka filluar.

Sipas informacioneve, procesi ka patur vështirësi pasi deputetët demokratë kanë qenë të angazhuar në aksionin që PD ka ndërmarrë kundër qeverisë dhe nuk janë angazhuar në bazë për të monitoruar procesin zgjedhor në radhët e grupseksioneve. Sakaq, një detaj tjetër që ka sjellë probleme në vonesën e zgjedhjeve ka qenë dhe mungesa e kandidatëve. Shumë kandidatë nuk i kanë plotësuar kriteret e vendosura nga kreu i PD dhe për këtë fakt ka pasur vonesa në procesin zgjedhor.

Por pavarësisht këtyre problemeve që janë hasur në bazë në lidhje me procesin zgjedhor, demokratët e kanë humbur sërisht besimin tek Basha, ndonëse ky i fundit ndërmori një sërë veprimesh duke filluar nga ndryshimet statutore, për të rikthyer besimin në PD. Sipas informacioneve baza është shfaqur sërisht pesimiste për faktin se nuk besojnë se PD do të ringrihet sërisht. Sipas tyre bllokimi i zgjedhjeve në nivel grupseksionesh dhe seksionesh si dhe mos zhvillimi i zgjedhjeve për krerët e degëve, është një sinjal që Basha nuk është serioz në veprimet që ndërmerr.

Ja çfarë parashikonte udhëzimi

Udhëzimi i shpërndarë nga ana e kreut të PD parashikonte që fillimisht të ngrihej një grup pune që do të merrej me monitorimin e zgjedhjeve. Grupi i punës që do të ngrihej do të përbëhej nga deputetët, anëtarët e Këshillit Kombëtar të PD, kryetari i degës etj., si dhe do të merrej me masat organizative të procesit zgjedhor të çdo dege.

Grupi i punës do të ngrinte gjithashtu edhe nëngrupet e punës për grupseksionet e çdo dege. Sakaq në udhëzim përcaktohej edhe mënyra sesi do të zhvillohej procesi i zgjedhjeve në grupseskione. “Procesi i zgjedhjeve në grupseksion zhvillohet i pari, sipas parimit “Një anëtar një votë”.

Ky proces zhvillohet pas riorganizimit territorial të grupseksionit, nëse grupi i punës ka marrë paraprakisht një vendim të tillë, sipas pikës 5/b të këtij urdhri. Një grupseksion ngrihet mbi një territor i cili në zonat urbane nuk përmban më shumë se 5 mijë zgjedhës; Në rast se numri i zgjedhësve në një grupseksion është më i lartë se 5 mijë, grupi i Punës mund të marrë vendimin e ngritjes së një grupseksioni të dytë. Në çdo rast, vendimi për ndarjen e grupseksionit bazohet tek principi i kontrollit sa më efikas të territorit, të eficencës së punës dhe burimeve njerëzore në dispozicion; Kryetari i grupseksionit, si rregull, duhet të jetë banor i territorit përkatës”, thuhet në udhëzim.

Kriteret për kandidatët

Në udhëzimin që Basha ka shpërndarë për bazat specifikohen qartë edhe kriteret që duhet të përmbushin kandidatët që do të garojnë për kryetar grupseksioni dhe seksioni. Sipas udhëzimit ata duhet të jenë prej 3 vitesh pjesë e PD, të jenë me arsim të lartë etj. “Kriteret që duhet të plotësojë Kryetari i Grupseksionit janë: Të jetë me arsim të lartë; Të jetë me eksperience politike të konsiderueshme, pjesë aktive në aksionin politik te PDSH-së në të paktën tre vitet e fundit; Të njohë mirë territorin ku banon si dhe të ketë reputacion pozitiv në këtë territor dhe më gjerë; Të ketë aftësi në komunikimin me njerëzit”, thuhet aty.

Taulant Balla është aktiv jo vetëm në Parlamnet, por edhe në rrjetet sociale. Kësaj rradhe kreu i Grupit Parlamentar të Partisë Socialiste është kapur me ish-Kryeministrin Sali Berisha.

Ky i fundit ka shkruar një status në rrjetet sociale në lidhje me hapjen e negociatave dhe Balla ka hyrë për të korrigjuar gabimet ortografike të Doktorit.

Sali Berisha ka lajmëruar në rrjetet sociale qytetarët e tij dixhital se do të udhëtojë drejt Bundestagut, por ky postim i tij nuk ka mbetur pa u konrolluar nga deputeti socialist, ku ka vërejtur fjalën e shkruar gabim nga Saliu.

Shumica e deputetëve tanë kanë shkelur me të dyja këmbët ligjin duke shfrytëzuar kështu privilegjin që u jep ai. ‘’Shqiptarja,.com’’ ka zbular ditën e sotme emrat e deputetëve  kanë futur makinat e tyre luksoze në pikat doganore pa paguar taksa.

Fatmir Mediuka futur pa paguar detyrimet doganore një aparat telefonik, me vlerë 800 euro, të gjithë ligjvënësit dhe ish-ligjvënësit e tjerë kanë futur makina luksoze në pikat doganore, me vlerë nga 10 mijë euro deri në mbi 100 mijë euro. Mjetet janë blerë dhe sjellë kryesisht nga Gjermania, Italia dhe Britania e Madhe në Shqipëri, në periudhën nga janari 2013 deri në maji 2018. Deputeti i Partisë Demokratike, Astrit Veliaj ka sjellë një makinë nga Britania e Madhe me vlerë 111 mijë euro, pa paguar detyrime doganore.

Halim Kosova ka sjellë dy makina nga Gjermania, konkretisht Benz-ML350 dhe BENZ, S350, me vlerë 63 mijë euro dhe 33 mijë euro, pa paguar detyrime doganore. Edhe pse ligji parashikon shfrytëzimin vetëm një herë gjatë mandatit të këtij favori, bie në sy që disa deputetë kanë sjellë më shumë se sa një makinë, pa paguar doganën. Deputeti Nard Ndoka ka blerë në Gjermani makinë me vlerë 85 060 euro.

Sadri Abazi, ka blerë një makinë ‘BENZ, AMG GT’, në Gjermani, me vlerë 105 mijë euro, pa paguar detyrimet doganore. Edhe deputeti socialist Paulin Sterkaj, ka blerë në Gjermani një makinë ‘TOUAREG’ me vlerë50 mijë euro. Ish-deputeti i PDIU, Omer Mano, ka sjellë nga Italia makinë ‘RANGE ROVER’, me vlerë 102 500 euro, gjithashtu pa paguar dertimet doganore. Nga ligjit për statusin e deputetit kanë përfituar edhe Flamur Noka dhe Edi Paloka, deputetë të Partisë Demokratike. Ata i kanë konsideruar mjete pune dy makina, duke mos paguar taksën doganore.

Flamur Noka ka sjellë në Shqipëri një makinë ‘BMË 7L’, me vlerë 40 mijë euro, ndërsa Edi Paloka makinë ‘BENZ E 220 BT’, me vlerë 28 616 euro, nga Gjermania. Gjithashtu, ligji është shfrytëzuar edhe nga Anastas Angjeli, i cili ka sjellë në Shqipëri një makinë ‘Audi A8’, me vlerë 87 mijë euro, nga Italia, pa paguar detyrimin doganor. Edhe ish-deputeti i PD, Kastriot Islami, ka blerë ‘BENZ E 220CDI’, me vlerë 24 mijë euro, në Gjermani. Erion Braçe, Bashkim Fino, Genc Pollo etj., kanë marrë gjithashtu makina luksoze pa paguar detyrimet doganore.

Baza ligjore

Neni 17 i ligjit Nr. 8550, datë 18.11.1999 për statusin, i ndryshuar në vitin 2013, parashikon që deputetit i lejohet që vetëm në një rast gjatë mandatit të tij të mos paguaj detyrim doganor për mjetet e punës, që lidhen me veprimtarinë e tij si deputet. Ligji e specifikon vetëm në një rast dhe vetëm për mjetet e punës që lidhen me veprimtarinë e tij si deputet. Siç duket, mjetet e vetme të punës për deputetët e Parlamentit Shqiptarja qenkërkan vetëm makinat luksoze, disa prej të cilave me vlerë mbi 100 mijë euro.

Privilegjet e tjera

Ky është vetëm një nga privilegjet që deputetët kanë për shkak të statusit të tyre. Deputetit dhe bashkëshortes të tij/saj u njihet e drejta e pajisjes me pasaportë diplomatike gjatë kohës së kryerjes së mandatit, si dhe 3 vjet pas mbarimit të tij. Ligji për statusin parashikon gjithashtu se Kuvendi, në bashkëpunim me organet e pushtetit vendor, hap në çdo rreth zyra të veçanta për deputetët e maxhorancës dhe opozitës, për çdo rast që ato kanë përfaqësim.

Deputeti përfiton falas kopje të Fletoreve Zyrtare, buletine të Kuvendit ose të institucioneve të tjera qendrore, urdhra dhe vendime të Këshillit të Ministrave, si dhe urdhëresa, vendime dhe urdhra të organeve të njësive vendore të zonës, ku është zgjedhur. Gjithashtu, institucionet e administratës publike, në të cilat deputetët kanë qenë të punësuar, pas mbarimit të mandatit të deputetit dhe nëse nuk kanë arritur moshën e pensionit, janë të detyruar ta rikthejnë atë në vendin e mëparshëm të punës ose t’i ofrojnë, brenda një viti nga koha e mbarimit të mandatit, një vend tjetër pune të ngjashëm ose të përafërt me atë të mëparshmin.

Lista e parë, deputetët që futën mjete luksoze pa paguar detyrimin doganor

Astrit Veliaj, makinë 111 mijë euro, nga Britania e Madhe
Halim Kosova, “MERCEDES-BENZ, S350 BLUETEC 4MATIC”, 63 mijë euro, nga Gjermania.
Halim Kosova, makinë Mercedes Benz-ML350, 33 500 euro, nga Gjermania.
Omer Mano, makinë ‘RANGE ROVER VOGUE”, 102 500 euro, nga Italia
Nard Ndoka, makinë ‘MERCEDES-BENZ S 400 4 MATIC Sedan long’, 85 060 euro, nga Gjermania.
Sadri Abazi, makinë ‘BENZ, AMG GT,VITI 2015’, 105 mijë euro, nga Gjermania.
Tom Doshi, ‘MERCEDES BENZ AMG’, me vlerë 68 mijë euro, nga Gjermania
Edi Paloka, makinë ‘MERCEDES BENZ E 220 BT’, 28 616 euro, nga Gjermania.
Bashkim Fino, makinë me vlerë 40460 euro, tip MERCEDES BENZ “S350 4 M, V. P. 2011/3498 CC benzine, sjellë nga Gjermania.
Flamur Noka, makinë ‘BMË 7L’, me vlerë 40 mijë euro.
Bujar Derveni, makinë ‘TOUAREG’ 54 mijë euro, nga Gjermania.
Paulin Sterkaj, makinë ‘TOUAREG’ 50 mijë euro, nga Gjermania.
Robert Bitri, makinë ‘MERCEDES BENZ S350 BLUETEC 4MATIC’, 44 mijë euro, nga Gjermania.
Anastas Angjeli, makinë ‘Audi A8’ 87 mijë euro, nga Italia
Kozma Dashi, makinë ‘C-220 d, e re’, 32 mijë euro, nga Gjermania.
Kastriot Islami, makinë ‘BENZ E 220CDI’ 24 mijë euro, nga Gjermania
Helidon Bushati, makinë ‘MERCEDES BENZ ML350’, 35 mijë euro, nga Shtetet e Bashkuara të Amerikës.
Ylli Shehu, makinë me vlerë 29 mijë euro, tip BMË 730d,VITI 2011, CIL. 2993cc, sjellë nga Gjermania.
Genc Pollo, makinë tip FORD KUGA TREND, viti 2013, nafte, me vlerë 22 883 euro, sjellë nga Gjermania.
Erion Braçe, autoveturë Mercedes Benz tip GLA 220CDI 4MATIC, VP. 2014, CIL. 2143CC, nafte, me vlerë 25 mijë euro, sjellë nga Gjermania./Pamfleti

Në një intervistë për gazetën austriake ‘’Profil’’, kryeministri shqiptar Edi Rama është pyetur nga gazetari në lidhje me çështjen e shumë përfolur ditët e fundit, atë të audio-përgjimit të Agron Xhfajt.

Gazetari: Ka akuza kundër ministrit të Punëve të Brendshme Fatmir Xhafaj, se ai ka mbrojtur të vëllain e tij, të dënuar për trafik droge.

Rama: Italia nuk ka kërkuar kurrë ekstradimin e tij. Çfarë duhet të bëjmë?

Ndër të tjera Rama tha se Shqipëria e ka luftuar drogën edhe pse është folur dhe vazhdon të flitet që ne jemi vend origjine i drogës.

Deputeti i PD, Edi Paloka, ka reaguar në lidhje me letrën që Rama shkroi sot për dibranët në lidhje me rrugen e Arbrit.

Në një postim në Facebook, Paloka ka hedhur akuza për Ramën dhe shton se në 5 vitet e qeverisje të tij, nuk është bërë asnjë rrugë, por kanë qenë të gjitha projekte të Berishës.

Postimi i plotë
Ordiner…!

Shpresoj qe dibranet te ta kthejne pergjigjen sic e meriton e sic dijne ata.

Ka pese vjet qe nuk ben asnje pune. Vetem llogje e guxon dhe te ironizoje ata qe e kane akuzuar per kete.
Te vetmet “inagurime” qe ka bere ne 5 vjet kane qene investime te projektuara, financuara dhe iniciuara nga qeveria Berisha.

Ka 5 vjet qe “rritjen ekonomike” e llogarit bazuar tek te vetmet investime madhore qe vazhdojne ne Shqiperi e qe jane TAP-i dhe “Devolli Hydropower”, per te cilet e di dhe me i humburi ne kete vend qe jane investime te qeverise Berisha.

Sot ka gjetur momentin te mburret e njekohesisht te bej dhe ironi me mashtrimin e rradhes qe ka te bej me rrugen e Arberit.

Pasi i genjeu per 5 vjet me rradhe dibranet , tani flet me paturpesi per “fillimin e punimeve, te pritura per 100 vjet”

Keta duket sikur kane dale te gjithe nga i njejti vend i ndyre; “rilindas” e 99-sha , mashtrues ordinere e shpifesira .

Rruga e Arberit eshte nisur po ashtu nga qeveria Berisha e cila ka realizuar te pakten 60% te punimeve te saj deri diten qe Edvini erdhi ne pushtet. Kete e dijne jo vetem dibranet e matjanet po dhe cdokush qe i ka rene rruga per ne Diber.

Sic e dijne po aq mire se qe nga dita qe Rama ka ardhur ne pushtet i ka mashtruar dibranet , nje here ne 6 muaj., sa here i eshte dashur te shkoj per fushate ne Diber.

Tani , i pafytyre sic eshte, i fton “ne Peshkopi dhe Klos “…”per fillimin e punimeve te pritura per 100 vjet.”

Dibranet nuk kane 100 vjet qe presin “fillimin e punimeve” ooo…

Kane 5 vjet qe presin rifillimin dhe perfundimin e punimeve qe ti i nderpreve kur erdhe ne pushtet o…edvin.

Ti e do nje pergjigje , tamam si prej Dibre, e shpresoj qe dibranet te ta japin