Politike

Partia për Drejtësi, Integrim dhe Unitet po shkon drejt shkrirjes. Pas largimit të deputetes Reme Lala tre ditë më parë dhe daljes si deputete e pavarur e Elena Xhinës, PDIU-së pritet që t’i largohet edhe deputeti Dritan Bici.

“Sot” ka mësuar se deputeti Bici edhe pse nuk ka dhënë një qëndrim zyrtar si dy deputetet e tjera të PDIU, prej disa kohësh ka nisur të afrohet pranë Partisë Socialiste. Mbështetës të shumtë si dhe të afërm të deputetit Bici, sipas informacioneve, janë punësuar gjatë kohëve të fundit në poste të ndryshme të administratës nga drejtorët e PS.

Por pikërisht këto punësime janë dhe një sinjal se deputeti Bici shumë shpejt do të rreshtohet krah Partisë Socialiste, ashtu si dhe deputetja Reme Lala. Por edhe pse Dritan Bici deri më sot nuk ka dhënë një vendim zyrtar, ndonëse prej kohësh ka nisur flirtet me PS-në pasi ka votuar krah socialistëve, largimi i tij do ta “shkrinte” PDIU-në në Kuvend, gjatë kësaj legjislature.

Por problemet me partinë e Idrizit, përveç largimeve të deputetëve drejt PS, nuk ndalen me kaq. Eksodi i largimeve ka zbritur edhe në radhët e këshilltarëve bashkiakë. Prej kohësh këshilltarët e PDIU kanë nisur distancimet nga Idrizi dhe janë bashkuar me socialistët. Edhe pse largimet e këshilltarëve deri më sot nuk janë bërë zyrtare, është mësuar se partia e Shpëtim Idrizit është përfshirë nga kaosi dhe se zgjedhjet vendore mund të jenë një goditje për këtë parti.

Deputetët socialistë në Komisionin e Sigurisë Kombëtare paralajmëruan ditën e djeshme hapjen e dosjeve për Bashën, Berishën dhe deputetët e tjerë të opozitës të akuzuar për afera.

“Kërcënimi” erdhi nga Pjerin Ndreu, i cili nga salla e Komisionit të Sigurisë i kujtoi Berishës, Bashës dhe Partisë Demokratike të gjitha aferat dhe standardet kriminale, sipas tij, të ndjekura prej tyre.

Edhe pse Komisioni i Sigurisë ishte mbledhur për të diskutuar për projektligjin “Për disa shtesa dhe ndryshime në ligjin “Për masat ndaj dhunës dhe marrëdhëniet familjare””, debatet e forta mes opozitës dhe mazhorancës nuk munguan. Ishin deputetët demokratë, Myslim Murrizi dhe Xhemal Gjunkshi ata që e larguan vëmendjen nga diskutimi për rendin e ditës për tu fokusuar tek kauza e tyre opozitare.

“Në këto 5 vite policia ka qenë e angazhuar me një axhendë tjetër. Fakti që brenda 5 viteve në mazhorancën tuaj kemi parë në krye të policisë dy ministra të Brendshëm, jo rastësisht se këto nuk janë zgjedhur me goglat e telebingos, por janë zgjedhur të piketuar. I pari ishte kampioni, i dyti që zëvendësoi kampionin kanë qenë strategji e mazhorancës tuaj që në krye të këtij institucioni prej 14 mijë trupash që duhet të luftonin dhunën, krimin dhe trafiqet, ishte pjesë e bandave që kontrollonin trafikun. Nuk besoj që do të ketë kredibilitet kjo polici me këtë ministër që t’i ofrojë mbrojtje atyre zonjave që mund të jenë dhunuar edhe nga një përdorues droge. Këtu mungon vullneti për të zbatuar ligjet, nuk mungojnë ligjet”, tha demokrati Murrizi.

Sipas tij, ligjet në vendin tonë nuk mund të zbatohen nga ata që i kap vetë ligji, qoftë penal, qoftë moral.

Organet ligjzbatuese amerikane e kanë mbyllur hetimin për lobimin e kryetarit të PD Lulzim Basha me para ruse në SHBA dhe pritet të nxjerrin shumë shpejt rezultatin.

Burimet nga përfaqësues të FBI në Shqipëri bëjnë me dije se hetimi ka përfunduar pasi janë pyetur të gjithë aktorët dhe faktorët që mendohen si të dyshuar në këtë proces dhe pritet vetëm rezultati që do të bëhet i ditur shumë shpejt.

Madje saktësohet nga FBI se ky rezultat do të vihet në dizpozicion dhe të Prokurorisë Shqiptare, pavarësisht se herë pas here referuar dhe letërporosive që organi shqiptar i akuzës ka dërguar në drejtim të SHBA për këtë qëllim, janë kaluar të dhëna nga ky hetim dhe në Shqpëri për t’i përdorur për hetimin e filluar.

Njëherësh shprehet dhe shqetësimi për stopimin e këtij procesi hetimi nga ana e Prokurorisë Shqiptare, ndonëse rezultatet paraprake të hetimit të FBI në SHBA që kanë ardhur në Shqipëri dhe dokumentacioni i marrë në KQZ nga organet ligjzbatuese shqiptare dhe të ballafaquar me njëri tjetrin nxjerrin në pah shkeljen e ligjit shqiptar nga ana e Bashës dhe PD.

FBI hetoi lobistin e zgjedhur nga PD-ja, Nik Muzin pas investigimit të revistës amerikane Mother Johnes kohë më parë.

Kjo revistë publikoi artikullin ku sipas saj ka gjetur lidhje ruse në paratë e mbërritura në SHBA.
Kjo do të thotë që FBI ka pyetur dhe dokumentuar të gjithë këtë histori lobimi. Por edhe prokuroria shqiptare ka nisur hetimin kryesisht pas shkrimit.

Të dy hetimet zhvillohen në rrugë të ndryshme: FBI shikon nese është shkelur ligji amerikan,
ndërsa prokuroria nese është shkelur ligji shqiptar.

Ligji amerikan e ka të ndaluar ndërhyrjen e parave ruse në lobimin brenda politikës së SHBA. Kurse ligji shqiptar ndalon një parti politike që të harxhojë fonde në zgjedhje pa i deklaruar ato.

Prokuroria e Tiranës në kuadër të hetimeve për kontratat e lobimit të PD, ka dërguar letër porosi dhe në Mbretërinë e Bashkuar.

Mësohet se ky veprim i Prokurorisë ka ardhur pasi kompania që dyshohet se ka lobuar për PD-në në SHBA, është e regjistruar në këtë vend.

Më parë siç theksuam Prokuroria ka dërguar dhe letërporosi në SHBA, por kompania “Biniata” ka pasur aktivitetin e saj në Skoci. Prokuroria dërgoi letërporosi në SHBA për Nick Muzin.

Por PD po hetohet për kontrata lobimi me kompania të huaj të cilat dyshohet të jene të lidhura me oligarkë rusë të cilat i mundësuan Bashës foton me Trump gjatë vizitës së tij vitin e kaluar.

Çështja e lobimit të PD, u bë publike pas një investigimi nga revista Amerikane “Mother Jones”, e cila hodhi dyshime për lobime me oligarkë rusë.

Revista amerikane Mother Jones, në artikullin e titulluar: Kush e paguan Bcuk McKeon-in në favor të një partie shqiptare, përmend veprimet misterioze të kompanive “offshore” në favor të Lëvizjes Socialist për Integrim. E njëjta revistë, pak kohë më parë botoi një raport në lidhje me lobimin e Partisë Demokratike në SHBA.

“Vitin e kaluar, Hoëard “Buck” McKeon, një ish kongresmen republikan që kryesonte Komisionin e Shërbimeve të Armatosura në Dhomën e Përfaqësuesve, u pagua për të lobuar në favor të një partie politike shqiptare që donte të lidhej me administratën e presidentit Trump dhe republikanët e kongresit.

Por shumica e shërbimeve të firmës mbulohej financiarisht nga një kompani “guaskë” qipriote, Dorelita Limited. Mbulimi nëpërmjet firmës ishte krijuar nga një avokat qipriot, i specializuar në krijimin e korporatave “offshore” dhe që kishte bashkëpunuar me kompani të lidhura me oligarkë rusë.

Megjithatë, kompania “shell” tani kontrollohet (të paktën në letër) nga një avokat me bazë në Athinë, i cili ka qenë këshilltar i një miliarderi grek shumë të debatueshëm. Burimi i parave që kalonin nga Dorelita te grupi McKeon, firma lobuese e krijuar nga McKeon në vitin 2015, pasi la Kongresin, mbetet e mjegullt. Në fakt, ky mund të jetë gjithë qëllimi.

Këto manovrime ngrenë pyetje se kush ka paguar për lobimin në Amerikë në favor të një partie të vogël shqiptare, fuqi e tretë, LSI, para zgjedhjeve të vitit të shkuar. Marrëveshja misterioze ofron një tjetër shembull të interesave të dyshimta që shfrytëzojnë kompani “offshore” të cilat përdorin sistemin politik të SHBA-ve për të ndikuar politikën në Ballkan.

Mother Jones raportoi se Nicolas Muzin, një ish ndihmës i Senatorit Ted Cruz, i cili kishte punuar edhe për fushatën e Donald Trumpit, ishte paguar nga një kompani “guaskë” skoceze që kishte lidhje me shtetas rusë, të cilët lobonin për opozitën në Shqipëri.

“Qëllimi kryesor i kompanive ‘guaskë’ në vende si Qiproja është që të fshehin veprimtaritë për çështje delikate”, thotë Jeffrey Winters, shkencëtar politik në Universitetin Northwestern, i cili studion rrjetet financiare dhe se si të pasurit shfrytëzojnë kompanitë “guaskë”. “Kjo marrëveshje është mbulur plot me sinjale alarmuese”, shton ai.

Por dhe gazeta më e madhe amerikane dhe një ndër më prestigjozet në botë “New York Times”, i ka kushtuar një artikull të zgjeruar lidhjeve të kryeopozitarit Lulzim Basha me Rusinë dhe përpjekjeve të tyre për të ndikuar në zgjedhjet elektorale.

Në raportin e saj media e njohur lidh drejtpërsëdrejti lobistin e Bashës me kompaninë ruse, e cila u perpoq të takonte kreun e PD-së me presidentin amerikan Donald Trump.

“Demokratët, të cilët pësuan një pengesë të madhe në zgjedhjet e qershorit, nënshkruan një kontratë me lobistin amerikan Nick Muzin, i financuar nga një kompani e lidhur me Rusinë.

Qëllimi ishte për të organizuar një takim me kreun e partisë Lulzim Basha dhe presidentit amerikan Donald Trump si dhe katër senatorë republikanë, si (mbështetje) përpara sondazheve.

Ditët para të zgjedhjeve në Shqipëri, Muzin mundi të sigurojë një vend VIP gjatë një aktiviteti bamirësie të Milwaukee.

Aktiviteti parashikonte vetëm një fotografi me Trump dhe kushtoi 20,000 dollarë (16,000 euro).
Muzin gjithashtu tha se demokratët e Shqipërisë i paguanin 500,000 dollarë (402,670 €), nëpërmjet Biniatta Trade, “vetëm disa ditë para se të realizohej fotografia e rëndësishme me Trump”, shkruan New York Times.

Shqipëria stopon hetimin, pres SPAK dhe Byronë Kombëtare të Hetimit

Prokuroria shqiptar përpos letërporosive për në SHBA dhe në Skoci ka thirrur per ti pyetur dhe numrin dy të PD sekretarin e Përgjithshëm Arben Ristani si dhe shefin e financës, Ilir Dervishi, në cilësinë e persononave që kanë dijeni.

Hetimet për çështjen në fjalë nisën kryesisht nga prokuroria muaj më parë, pas dyshimeve se Partia Demokratike kishte deklaruar në KQZ të dhëna të rreme për financimin e kontratave.

Nga verifikimet, selia blu rezulton të ketë deklaruar në KQZ, se ka paguar 125 mijë dollarë për lobim, në një kohë që kompania e Nik Muzin deklaron tri pagesa në shumën e 675 mijë dollarësh për punën e kryer për llogari të Partisë Demokratike. Konkretisht, pagesa e parë është bërë me datë 24 mars 2017 nga firma ‘Biniatta Trade LP”, me një vlerë prej 150 mijë dollarësh.

Dy pagesat e tjera janë kryer nga Partia Demokratike. E para me datë 27 mars me vlerë 25 mijë dollarë dhe pagesa e dytë prej 500 mijë dollarësh është kryer me 9 qershor. Për hedhur dritë mbi skemën e financimit, prokuroria krahas dëshmisë së shefit të financës Dervishi, përmes letërporosisë dërguar në Shtetet e Bashkuara kërkon edhe dëshminë e lobistit Nik Muzin.

Grupi i hetimit kërkon që Muzin ti përgjigjet disa pyetjeve, mes të cilave se nga kush u kontaktua jo vetëm nga selia blu për të lobuar për llogari të saj, por edhe nga kompania BINIATA dhe përse e lidh këtë tyë fundit me partinë Demokratike.

Po ndërsa prokuroria pret zbatimin e kësaj letërporosie dhe po kërkon dokumenta shtesë nga thesari e tatimet, një shkrim i fundit i revistës amerikane “Mother Johnes” është bërë shkak për debate të forta në vend.

Teksa paraqet skemën e financimit, revista nxjerr dritë edhe emrat e dy shtetasve rusë që duket se kanë rol në kontratat lobuese.

Mësohet se kompania e regjistruar në Skoci është e dyshuar si një kompani guackë, që përdoret nga parajsat fiskale për të pastruar paratë e pista.

Ambasadori Lu konfirmon lobimin me para ruse të PD dhe ndërhyrjet ruse në Shqipëri

Ambasadori Donald Lu deklaroi kohe me pare se se SHBA kanë shumë informacion për lobimin e PD me para ruse në SHBA, duke zbardhur ndoshta pa dashje dhe rezulktatin e këtij hetimi nga FBI amerikane në SHBA.
Nga ana tjetër qeveria amerikane, bazuar dhe në këto rezultate hetimit është shumë e shqetësuar për ndërhyrjet ruse në Evropë dhe investimet e tyre në Shqipëri. Kjo çështje po ndiqet nga afër nga qeveria amerikane.

“Ne, qeveria e SHBA dimë shumë për këtë çështje. Në SHBA, lobimi pranë qeverisë së SHBA është i ligjshëm, përfshi lobimin nga ente të huaja, fuqi të huaja, në këtë rast një parti politike. Por për të lobuar në Shtetet e Bashkuara në mënyrë të ligjshme, lobisti duhet të bëjë deklarime publike të kontratave, të financave dhe të aktiviteteve që ndërmerr, në këtë rast për PD.

Pra, çdo gazetar, çdo qytetar mund të hyjë në faqen e Departamentit të Drejtësisë dhe të gjejë të gjitha këto hollësi, të gjitha kontratat, dhe shifrat. Pra, dimë shumë dhe kemi ditur në fakt për gjashtë muaj se çfarë ndodh me këtë rast.

Janë dy çështje këtu. Njëra çështje është nëse janë shkelur ligje në Shtetet e Bashkuara apo në Shqipëri. Në SHBA mund ta dini se kemi ligje kundër të huajve që ofrojnë para për fushata politike.
Në Shqipëri, dimë që Luli Basha ka kërkuar nga prokuroria të hapin një hetim. Kanë hapur një hetim dhe janë në proces për t’i kërkuar SHBA, qeverisë së SHBA dhe prokurorëve të SHBA, për dokumente për këtë çështje. Pra, ka një hetim të hapur në Shqipëri.

Megjithatë, gjëja e dytë për të cilën dua të flas është çështja e Rusisë, sepse Qeveria e SHBA dhe ambasada jonë janë shumë të shqetësuara për prova në rritje të ndërhyrjes ruse në zgjedhje kudo në Europë.

Po e ndjekim çështjen nga shumë afër, nëse rusët kanë dhënë kontribute tek lobisti në emër të Partisë Demokratike dhe Luli Bashës. Nëse kjo është e vërtetë, do të ishte një përpjekje shumë serioze nga rusët për të ndërhyrë në zgjedhjet e një shteti anëtar të NATO-s”, shpreh shqetëesimin e tij ambasadori amerikan në Tiranë, në një media pak kohë më parë.

Donald Lu këmbëngul se “Kemi monitoruar atë që ndodh këtu me rusët nga shumë afër. Nuk mund të them se kemi shumë hollësi për këtë tani, por ju siguroj që ne këtë çështje e ndjekim nga shumë, shumë afër”.
Pra çështja është me shumë rëndësi për SHBA dhe qeverine amerikane, e cila shreh shqetesimin e saj per mungesen e interesit per hetim te kesaj çeshtjeje ne Shqiperi dhe nderhyrjen ruse./Pamfleti

LSI ka “bunkerin” e kontrollit ushqimor,  po na dëndin me shiringa
Sikur shqiptarët ta dinim realisht se çfarë hanë, se me çfarë produktesh false, kalbësira, sëmundje e kimikate ushqejnë veten dhe fëmjët, do shkonin të kapnin “për fyti”, ata që nxjerrin në treg ushqime vrasëse, së pari “bluzë-bardhët” laborantë shtetëror ushqimor të nxirë nga korrupsioni, që certifikojnë këto ushqime me analiza false, me logon zyrtare “ISUV”.

Për shkak të mos kontrollit dhe kontrollit fiktiv, që bëjnë në treg pazarxhinjt e Autoritetit Kombëtar të Ushqimit (AKU) të “Gimes” në shkëmbim të rryshfeteve dhe biznesve të njeri-tjetrit në sektorin ushqimor, në organizmin tonë po futet përditë krimi ushqimor që na ofrojnë prodhuesit, importuesit dhe AKU, në bashkëpunim me Institutin e Sigurisë Ushqimore dhe Veterinarisë (ISUV), që ka për detyrë parësore të garantoj gjithë zinxhirin e sigurisë dhe cilësisë ushqimore, por që e bën me klientelizëm, institucion që vazhdon ta komandojë akoma “banda” LSI, nëpërmjet një juristi që më shumë bën “analizat se më cilën parti duhet të shkojë” para e pas çdo palë zgjedhjeve poltike, sesa analizat e produkteve ushqimore.

Ky shërbim qendror kontrolli laboratorik, vazhdon të funksionojë si “bunker” i analizave të ushqimeve që konsumojnë njerëzit dhe kafshët, e që janë të lidhura, mbasi sëmundjet dhe falsitetet në ushqimet e kafshëve, përcillen tek ushqimi njerëzor nëpërmjet mishit, qumështit, bulmetarve, shpendëve, vezëve, prodhimeve të detit e vaskave, gjë të cilën drejtori i ISUV Taulant Kalo e di mirë, sepse ka edhe vetë biznes me rrjet tregu e restorantesh prodhime deti e vaskash.

Kjo qendër kombëtare laboratori, që ka nën kontroll edhe laboratorët veterinar në mbarë vendin, që verifikon kontrollet e analizon edhe analizat e AKU së “Gimes”, po lejon të futen në treg ushqime që “vrasin” shëndetin dhe jetën e konusmatorit, lejon të përdoren në ferma bagëtish ushqime kimkisht të përpunuara e kancerogjene, lejon të futen e të shiten në treg farëra e pesticide që helmojnë perimet, zarzavatet, frutat, bazën ushqimore të bagëtive.

Ky ISUV-i “bunker” i LSI, lejon të importohen dhe shiten në farmacitë bujësore e veterinare, barna dhe medikamente që stimulojnë fiktivisht pjekjen e përshpejtuar, peshën, sasinë, formën dhe “zbukurimin” e produktit, fakte që ndeshen në peshën e bagëtive të trasha e të imëta, perimeve, zarzavateve frutave,
peshkut, derrave, pulave, shumica e të cilave ushqehen me vitamina të hedhura në ushqim.

Në Shqipëri, lejohen falsitetet dhe përbërësit kimikë në fabrikat e bulmetrave, të ëmbëlsirave, fabrikat e miellit, bukës, prodhimeve të brumit ushqimeve për fëmijë, cokollatat, akulloret, “Fast-Food”, byrektoret, biskotat e sidomos fabrikat e sallamrave, të cilat sipas analizave të ISUV-it të LSI-së, hedhin në treg sallamra “me mish viçi vendi të freskët” me çmim 300-500 lekë kilogrami, kur mishi i viçit në treg është minimalisht… 800 lekë/kg!

Ka shumë produkte vendi e importi, që jo vetëm prodhohen, ambalazhohen, certfikohen e tregtohen me etiketa, marka, letra kontrolli e importi, analiza false në dogana e në laboratorët e AKU dhe të Shëndetit Publik, por çuditërisht marrin edhe nga ISUV-i i LSI, “vulën” zyrtare: “Ka siguri dhe cilësi sipas standardeve të lejuara prej BE”. A është realiteti i sigurisë dhe cilësië ushqimore në Shqipëri, siç deklaron ky “bunker” kontrolli e analizash? (Vijon)./Pamfleti