Politike

Bujqësia mbetet me 1947 punonjës, Turizmi bëhet me 1080 “Xhambazllëk” me zyrtarët e shtetit, i hiqen 50 ministrisë së Peleshit, i jepen ministrisë së Klosit

Në “kosën” e qeverisë, këtë herë janë futur punonjësit e Ministrisë së Bujqësisë, ndërkohë që janë shtuar punonjësit e ministrisë së Turizmit, por në numër të barabartë dhe siç thuhet, ata që do dalin nga zyrat e ministrisë së Peleshit, do të futen në zyrat e ministrisë së Klosit.

Sipas vendimit të miratuar në datën 12 qershor 2018 e të publikuar sot, nga Ministria e Bujqësisë hiqen 5 nëpunës të lartë dhe 45 punonjës të Inspektoratit Shtetëror të Mjedisit, Pyjeve dhe Ujërave, ndërsa ministrisë së Turizmit e Mjedisit, i shtohet 45 punonjës për Inspektoratin e Mjedisit, Pyjeve dhe Ujërave, por edhe 5 punonjës për Sekretariatin Teknik të Këshillit Kombëtar të Ujit (AMBU)!

JA VKM Nr. 345, datë 12. 6. 2018 që shkëmben punonjësit

1. Numri i punonjësve të sistemit të Ministrisë së Bujqësisë dhe Zhvillimit Rural (MBZHR), për vitin 2018, pakësohet me 50 veta, përkatësisht, 5 punonjës të aparatit të ministrisë dhe 45 punonjës të Inspektoratit Shtetëror të Mjedisit, Pyjeve dhe Ujërave, duke e çuar numrin e përgjithshëm të këtij institucioni në 1947 veta.

2. Numri i punonjësve të Sekretariatit Teknik të Këshillit Kombëtar të Ujit (AMBU), për vitin 2018, shtohet me 5 punonjës, duke e çuar numrin e përgjithshëm të këtij institucioni në 28 veta.

3. Numri i punonjësve të sistemit të Ministrisë së Turizmit dhe Mjedisit, për vitin 2018, shtohet me 45 punonjës për Inspektoratin Shtetëror të Mjedisit, Pyjeve dhe Ujërave, duke e çuar numrin e përgjithshëm të ministrisë në 1080 veta/Pamfleti/

PA KOMENT/Pasuritë i ka shtuar edhe nga shitja e “Abetare”-s
Shezai Rokaj, deputet i LSI

1) Pronar me 100 % i një ap. banimi me sip. 144 m2 plus 2 vendparkime në Tiranë sipas kontratës së sipërmarrjes dt. 17.06.2008, Vlera e ap. 131 000 euro. blerë me: kursime familjare (interesa nga depozitat bankare, të ardhura nga bono thesari, paga, honorare, borde, komisione, mbingarkesa mësimore), 68 000 euro; të ardhura nga mësimdhënia në Itali dhe Tetovë, 25 00 euro; të ardhura nga shitja e librave (abetare, fletore pune, libri i mësuesit, tekste të gjuhës shqipe, fjalor 4 gjuhesh, 3 libra universitare), 38 000 euro.

2) Pronar me 100 % i një ap. banimi me sip. 54 m2 te Pishat e Buta, Golem, sipas kontratës së sipërmarrjes dt. 08.08.2005, Vlera e ap. 27 000 euro. blerë me: të ardhura nga shitja e librave (abetare, fletore pune, libri i mësuesit, tekste të gjuhës shqipe, 3 libra universitare), 14 000 euro; kursime familjare ( interesa nga depozitat bankare, të ardhura nga bono thesari, paga honorare, shpërblime, borde, komisione), 13 000 euro.

3) Pronar me 100 % i një ap. banimi me sip. 60 m2 në Orikum, Vlorë, Vlera e ap. 27 000 euro. sipas kontratës së shitjes dt. 26.07.2012, blerë me: kursime familjare (interesa nga depozitat bankare, të ardhura nga bono thesari, paga, honorare, shpërblime, borde), 11 000 euro; të ardhura nga shitja e librave (abetare, fletore pune, libri i mësuesit, tekste të gjuhës shqipe, fjalor 4 gjuhesh, 5 libra universitare), 12 000 euro; të ardhura nga shitja e automjetit tip ‘Volksëagen Golf’ më 16.03.2010, 4 000 euro.

4) Pronar me 50 % (pjesë e regjimit martesor, 50 % me 50 % me bashkëshorten) i një ap. banimi me sip. 40 m2 në Vlorë, sipas kontratës së shitblerjes 02.09.2002, blerë me të ardhura nga paga si profesor universitar në Itali, interesa nga depozitat 400 000 lekë), vlera 800 000 lekë.

5) Djali, Iv Rokaj, kontratë porosie për ap. banimi me sip. 105 m2 në Tiranë blerë më 26.03.2014 Vlera e ap. 72 000 euro. Shuma e paguar 68 000 euro, shuma e ngelur pa paguar 4 000 euro. blere me: të ardhura familjare të fituara si parapagim për shitje ap. me vlerë 8 472 750 lekë; të ardhura personale nga paga dhe mbingarkesa mësimore pranë Fakultetit të Drejtësisë, UT,Albanian University; Këshillit Mbikëqyrës së Regjistrit Detar Shqiptar, 7 000 euro.

6) Gjendja e llogarisë bankare në një bankë të nivelit të dytë më 04.10.2017, të ardhura nga paga, honorare, shpërblime, të ardhura nga shitja e librave, të ardhura nga interesat mbi depozitat bankare, 619 076 lekë.

7) Bashkëshortja, Afërdita Rokaj, gjendja e llogarisë bankare deri më 04.10.2017 në një bankë të nivelit të dytë, 1 700 euro.

Bashkëshortja, Afërdita Rokaj, gjendja e llogarisë bankare deri më 04.10.2017 në një bankë të nivelit të dytë,të ardhura nga paga, shpërblime, dieta nga puna si shefe finance pranë Drejtorisë së Përgjithshme të Markave e Patentave, 272 506 lekë.

9) Djali, Iv Rokaj, gjendja e llogarisë bankare në një bankë të nivelit të dytë më 03.10.2017, të ardhura nga shërbime dhe konsultime juridike, 651 277 lekë.

10) Djali, Iv Rokaj, gjendja e llogarisë bankare në një bankë të nivelit të dytë më 03.10.2017, të ardhura nga paga pranë Albanian University, Këshillit Mbikëqyrës së Regjistrit Detar Shqiptar, bursave studentore, 27 478 lekë.

11) Djali, Iv Rokaj, gjendja e llogarisë bankare në një bankë të nivelit të dytë, më 03.10.2017, të ardhura nga paga dhe mbingarkesa mësimore pranë Fakultetit të Drejtësisë, UT, pagesa si anëtar i Këshillit Mbikëqyrës së UKT sh.a dhe pagesa për komisione të ndryshme, 352 853 lekë.

12) Djali, Iv Rokaj, gjendja e depozitës bankare në një bankë të nivelit të dytë hapur më 17.03.2017 me afat 1-vjeçar, të ardhura të krijuara për 18 vite nga të ardhurat familjare për qëllime studimi jashtë vendit (depozita bankare dhe interesa mbi këto depozita ndër vite si pasojë e të ardhurave familjare nga shitja e librave (babai), pjesëmarrës në komisione, honorare, mësimdhënie ndër vite (babai).

Të ardhura të akumuluara nga jetesa në Itali, (mësimdhënie pranë Universiteti të Kalabrisë (babai), të ardhura nga paga (babi/mamaja). Të ardhura të shtuara nga dhurimi cash i shumave prej dajës/gjyshërve ndër vite. Nuk është përdorur për qëllimin e krijuar për shkak të fitimit të Bursës Fulbright. Sponsor Departamenti i Shtetit, Shtetet e Bashkuara të Amerikës, vlera 35 000 euro.

13) Djali, Iv Rokaj, detyrim në lidhje me kontratën e porosisë për ap. banimi me sip. 105 m2 në Tiranë, detyrimi për t’u shlyer 4 000 euro.

14) Vajza, Livia Rokaj, gjendja e llogarisë bankare studentore më 04.10.2017, bursë studentore dhënë nga ‘Higher Education Scolarship Foundation for Loë Students at the University of Vienna for LL.M Program në shumën 3 000 euro, gjendja 200 euro.

15) Vajza, Livia Rokaj, gjendja e llogarisë bankare në një bankë të nivelit të dytë më 04.10.2017, të ardhura familjare, 10 000 lekë.

16) Vajza, Livia Rokaj, gjendja e llogarisë bankare në një bankë të nivelit të dytë, kartë kreditit më 04.10.2017, të ardhura familjare, 2 000 euro

17) Bashkëshortja, Afërdita Rokaj, pronare me 100 % e një automjeti tip “Mercedes Benz A Class’ blerë më 18.102013 me të ardhura nga interesat bankare ndër vite 300 000 lekë; kursime familjare 300 000 lekë; të ardhura nga dieta (pjesëmarrje në ËIPO, ZEP) e shpërblime 200 000 lekë; dhuratë cash nga mamaja, 100 000 lekë, vlera 900 000 lekë.

18) Djali, Iv Rokaj, pronar me 100 % i një automjeti tip ‘BMË’ blerë më 17.08.2015 në Gjermani me të ardhura familjare 14 000 euro; të ardhura personale nga paga dhe mbingarkesa mësimore pranë Fakultetit të Drejtësisë, UT, Albanian University, Këshillit Mbikëqyrës së Regjistrit Detar Shqiptar, 7 500 euro, vlera 21 500 euro.

19) Kontratë obligacionesh në një bankë të nivelit të dytë krijuar në 31.05.2013 deri në 31.05.2019 me interes vjetor 10 %, të ardhura të krijuara ndër vite si pasojë e mbledhjes së disa llogarive bankare krijuar ndër vite me burim kryesor (interesa bankare të vetë depozitave, kursime nga pagat, shitja e librave, mësimdhënia në universitete brenda dhe jashtë vendit, komisione, mbingarkesa në mësimdhënie, borde pranë Ministrisë së Arsimit, Senatit Akademik, Këshillit të Fakultetit të Histori-Filologjisë ndër vite, vlera 12 000 000 lekë.

20) Bashkëshortja, Afërdita Rokaj, kontratë obligacionesh krijuar me 06.11.2014 me afat 5-vjeçar në një bankë të nivelit të dytë, të ardhura të krijuara ndër vite si kursime familjare si pasojë e mbledhjes së disa llogarive dhe depozitave bankare me burim kryesor (interesa bankare të vetë depozitave, kursime nga pagat familjare, shitja e librave të ndryshëm të bashkëshortit (kryesisht abetare mbarëkombëtare të shitura në Kosovë e Shqipëri), 6 500 000 lekë.

21) Vajza, Livia Rokaj, bono thesari emetuar më 05.01.2017 me afat 1-vjeçar, të ardhura familjare të krijuara prej 18 vjetësh për qëllime studimi jashtë shtetit (depozita bankare dhe interesi mbi këto depozita ndër vite si pasojë e të ardhurave familjare nga shitja e librave (babai), pjesëmarrjes në komisione, honorare, mësimdhënie ndër vite (babai). Të ardhura të akumuluara nga jetesa në Itali (mësimdhënie pranë Universitetit të Kalabrisë (babai), të ardhura nga pagat (babi/mamaja).

Të ardhura të shtuara nga dhurimi cash nga daja/ gjyshërit ndër vite. Vlera e bonove të thesarit, 4 900 000 lekë.

22) Të ardhura deri më 02.10.2017 nga paga si zv.rektor, Universiteti i Tiranës (të pa-hedhura 2 paga, gusht-shtator), 788 637 lekë.

23) Të ardhura deri në 02.10.2017, si honorare nga mbingarkesa mësimore, 449 782 lekë.

24) Të ardhura deri më 02.10.2017 nga mësimdhënia në Universitetin Shtetëror të Tetovës, 3400 euro.

25) Të ardhura deri më 02.10.2017 nga paga si anëtar i Këshillit Bashkiak-Tiranë, 130 050 lekë.

26) Të ardhura deri më 02.10.2017 nga paga si anëtar i Këshillit Bashkiak, 99 450 lekë.

27) Të ardhura deri më 02.10.2017 nga Senati Akademik dhe dieta, 35 800 lekë.

28) Djali, Iv Rokaj, të ardhura deri më 03.10.2017 nga pagesa si anëtar i Këshillit Mbikëqyrës të UKT sh.a, 160 480 lekë.

29) Djali, Iv Rokaj, të ardhura deri më 03.10.2017 nga pjesëmarrja në Komision Ad Hoc pranë Këshillit të Qarkut Tiranë, 8 500 lekë.

30) Djali, Iv Rokaj, ambient me qira me sip. 25 m2 për përdorim si zyrë avokatie, marrë me të ardhura nga aktiviteti i avokatisë, 20 000 lekë/muaj, pjesa takuese 25 %.

31) Të ardhura deri më 02.10.2017 nga interesat bankare dhe komisione, 539 999 lekë.

32) Bashkëshortja, Afërdita Rokaj, të ardhura nga pagesa e kuponit të pestë nga emetimi i obligacioneve 5-vjeçare, në një bankë të nivelit të dytë, 182 000 lekë.

33) Të ardhura deri më 02.10.2017, nga shitja e librave – botimet ‘Pegi’ dhe ‘Botime Shkronjë pas Shkronje’, 919 283 lekë.

34) Bashkëshortja, Afërdita Rokaj, të ardhura deri më 02.10.2017, nga paga si shefe finance pranë Drejtorisë së Përgjithshme të Markave dhe Patentave, 647 262 lekë.

35) Bashkëshortja, Afërdita Rokaj, të ardhura deri më 02.10.2017 nga dieta për shërbime jashtë vendit, 150 354 lekë.

36) Djali, Iv Rokaj, të ardhura deri më 03.10.2017 nga paga si pedagog pranë Fakultetit te Drejtësisë, Universiteti i Tiranës, 529 938 lekë.

37) Djali, Iv Rokaj, të ardhura deri më 03.10.2017 nga pagesa e orareve mbingarkesë si pedagog pranë Fakultetit te Drejtësisë, Universiteti i Tiranës, 208 252 lekë.

38) Djali, Iv Rokaj, të ardhura deri më 03.10.2017 nga puna si avokat (person fizik), 2 250 000 lekë.

39) Vajza, Livia Rokaj, të ardhura nga bursa studentore dhënë nga “Higher Education Scholarship Foundation for Laë Students at the University of Vienna for LL.M Program”, 3 000 euro.

40) Shpenzime për blerjen e një automjeti tip “BMW” blerë më 14.02.2017 me të ardhura nga shitja e një automjeti tip “BMW’” më 10.01.2017 në shumën 7 000 euro; të ardhura nga shitja e një automjeti tip “Kia Karens-A” më 06.10.2014 në shumën 250 000, të ardhura nga Këshilli Bashkiak dhe Këshilli i Qarkut, Tiranë, 430 000 lekë dhe të ardhura nga interesat bankare 61 000 lekë. Vlera e automjetit, 1 700 000 lekë.

41) Të ardhura nga paga si rektor+shpërblimet, 1 558 983 lekë.

42) Të ardhura nga mësimdhënia në Fakultetin e Histori-Filologjisë, 133 810 lekë.

43) Të ardhura nga projektet, 3000 euro.

44) Të ardhura nga Këshilli i Ministrave, 40 000 lekë.

45) Të ardhura nga Universiteti i Tetovës si pedagog, 4 000 euro.

46) Të ardhura pranë RTSH-së, 280 000 lekë.

47) Të ardhura nga KKSH, 120 000 lekë.

48) Të ardhura nga shitja e librave, 2 universitarë dhe 5 shkollorë, 2 800 000 lekë.

49) Bashkëshortja, Afërdita Rokaj, të ardhura nga paga pranë Ministrisë së Ekonomisë, Zyra e Markave e Patentave 450 124 lekë.

50) Bashkëshortja, Afërdita Rokaj, të ardhura nga shpërblimet, 130 500 lekë.

51) Gjendja e depozitës bankare në një bankë të niveli të dytë, në emër të djalit, deklaruar në vitin 2003 (shtuar me 60 000 lekë+interesa), shuma totale 800 000 lekë.

52) Gjendja e depozitës bankare në një bankë të nivelit të dytë, shtuar me 2 700 000 lekë (540 000 lekë interesat dhe 2 160 000lekë kursime), gjendja totale 5 000 000 lekë.

53) Gjendja e depozitës bankare në një bankë të nivelit të dytë, deklaruar në vitin 2003, shtuar me 900 000 lekë (300 000 interesa+600 000 kursime), gjendja totale 3 000 000 lekë.

54) Është paguar kësti i fundit për blerjen e ap. në Golem, Durrës, 29 000 euro. Shuma e shlyer, 3500 euro./Pamfleti

Raportet vendase, por dhe ndërkombëtare tregojnë se Shqipëria zë një ndër vendet e para për frymë për largimet e shtetasve të saj jashtë vendit.

Përmes rrugëve të ndryshme, duke filluar nga aplikimi në të gjitha llotaritë e mundshme, amerikane dhe kanadeze, viza, në mënyrë të paligjshme, shqiptarët janë me “trasta” në dorë në lëvizje të përhershme.
Lëvizje gjithnjë për në drejtimin jashtë kufinjve, për një jetë më të mirë, për një mundësi më të mirë, për një punë më të mirë apo për një shkollë më të mirë.

Opozita akuzon qeverinë e drejtuar nga Edi Rama se është shkaktare për këtë lëvizje të pandërprerë të shqiptarëve jashtë vendit duke boshatisur fshatra dhe zona të tëra.

Akuza është e drejtë, zë vend dhe është fakt se Edi Rama dhe qeverisja e tij përmes politikës që ka ndjekur ka shkaktuar këtë braktisje të madhe të vendit nga qytetarët e saj.

Të njejtën gjë ka bërë qeverisja paraardhëse e Sali Berishës, ku ka qënë një mandat dhe Ilir Meta si aleat bashkëqeverisës ashtu si në mandatin e parë të Ramës.

Për 28 vite me radhë shqiptarët janë përballur me keqqeverisjen e PD, të PS dhe të LSI në mandatet e fundit në koalicion me dy partitë e mëdha.

Secili kryeministër, politikan apo parti në qeverisje e kanë vjedhur dhe rrjepur këtë vend, e kanë shkretuar dhe ua kanë hequr të gjitha mundësitë shqiptarëve që të ndërtojnë të ardhmen e tyre në Shqipëri.

Po përse ikin shqiptarët nga vendi i tyre, ku kanë lindur, janë rritur dhe kanë ngritur familje. Madje ikin pa kthyer kokën pas?!

E para nuk kanë mundësi për të garantuar jetesën, taksat janë rritur, shërbimi ndaj qytetarëve është mizerabël.

Shëndetësia, pavarësisht se deklarohet se është pa pagesë nga qeveria aktuale, vetëm zoti të shpëton nga mjekët, të cilët jo vetëm që të rrjepin nga paratë për një ndërhyrje mjekësore të rëndomtë, por të mjekojnë jashtë të gjithë parametrave mjekësore, duke të rrezikuar jetën.

Po ashtu me shërbimin në marrjen e certifikatave të pronësisë, ku pronat janë të mbivendosura dhe mund të të hanë kokën derisa të zgjidhësh çështjen.

Por dhe energjia është stres më vete bashkë me ujin, rrugët janë skandaloze, karburantime çmimin më të lartë në rajon dhe fenomene të tjera që të bëjnë të dalësh natën nga ky vend.

Por dhe ata që e quajnë veten shtresë e mesme bashke dhe me njerëzt e “kamun” kanë probleme themelore me respektin ndaj punës së tyre, vlerësimin dhe mbështetjen nga ana ne shtetit dhe e ligjit.

Ndonëse kanë ndërruar pushtetet, në pikat nevralgjike të administratës janë njerëzit më të besuar të Berishës, Ramës, Metës dhe Bashës.

Të cilët tërheqin pas vetes njerëzit e tyre, duke bllokuar në këtë mënyrë të gjitha shtigjet për ata ekspertë dhe njerëz që kanë arritur diçka me zotësinë e tyre për të kontribuuar në pozicionin që dinë më mirë dhe për të cilin janë të aftë të bëjnë.

Këta aparatçikë partiakë, të lidhur me një mijë e një fije me kupolën politike në vend, arrijnë të bllokojnë tërë administratën dhe institucionet promovuese, duke ua bërë të pamundur njerëzve vërtetë të aftë të kontribuojnë për shoqërinë shqiptare dhe veten e tyre.

Ky kontigjent njerëzish janë të parët që aplikojnë apo lëvizin jashtë vendit, pasi kupola politike në Shqipëri ka bllokuar të gjitha “kanalet”, duke lënë vetëm kanalin komunikues që lëviz përmes listës së partisë dhe të besuarve të saj.

Por dhe poste të tjera që lëvizin sipas përkatësisë partiake, nëse je në Presidencë të gjithë ata të paafte që i ka kapur reforma do të jenë të punësuar të gjithë te gjithë nga Ilir Meta dhe vijnë nga LSI, por dhe që shërbejnë si “tampon” për të gjithë ata që aspirojnë punësim në këtë institucion.

Nëse je i opozitës pavarësisht se mund të mbeten pjesa më e madhe në postet kyçe të administratës, pjesa tjetër punësohet në institucionet që drejton opozita, si KLSH, Avokati i Popullit dhe institucione të tjera.

Madje gjyma e Tiranës është punësuar në bashkitë Vorë dhe Kamëz që drejtohen nga demokratët dhe janë kthyer në çerdhe punësimi vetëm për demokratët.

Kështu ka qënë në gjykata, prokurori dhe organet e tjera ligjzbatuese, pa përjashtuar dhe Shërbimin Informativ Shtetëror, ku militantë të PD gjetën “strehë” tek shërbimi sekret.

Të gjithë tenderat, licensat dhe punët me lekë në Shqipëri janë grumbulluar në një dorë njerëzish që u kanë shërbyer të gjitha pushteteve dhe u shërbejnë dhe financojnë kupolën politike në Shqipëri.

Nuk ka rëndësi se kush është në pushtet, këta biznesmene njihen tashmë, quhen madje si të “Ramës”, “Berishës”, “Metës” dhe “Bashës” ku bëhen emërtesat e tyre.

Këta njerëz kanë grumbulluar gjithë paranë publike në Shqipëri, ndërsa pjesa tjetër është në kushtet e mbijetesës, familentit dhe rruga e vetme është largimi jashtë vendit.

Madje duke lënë pas dhe një barrë me borxhe për shkak se s’kanë punuar se nuk kanë pasur mbështetje politike.

Madje arrihet deri atje sa kupola politike përdor dhe paratë e shtetit për të shpërblyer vetëveten, siç është rasti më i freskët kur kryeministri Rama shpërbleu me jo pak por 13.3 milionë euro vjehrrin e Lulzim Bashës për një ndërtesë të paligjshme të ndërtuar mbi det që iu shemb nga shteti.

Apo dhe lejimi i ndërtimit të kompleksit të 17- katsheve të klientëve të Berishës, Bashës dhe më pas Ramës nga vetë kryeministri Rama, tek Liqeni Artificial në Tiranë.

Dhe të gjithë këto para publike, në dorë të privatit, ndahen mes tyre. Ku ‘tepron’ dhe për të punësuarit në këto biznese që janë nga “dora” e vetë vetë kupolës.

Dhe duke i parë të gjitha këto rrugë të mbyllura nga kupola politike e përbërë nga Rama, Berisha, Meta dhe Basha, pa asnjë mundësi tjetër mbijetese, shqiptarët lënë gjithçka në vendin e tyre dhe largohen jashtë vendit./Pamfleti

Në fillim mbledhjet e grupit parlamentar të PD dhe të LSI bëheshin të përbashkëta në selinë e demokratëve buzë Lanës.

Në këto mbledhje merrte pjesë dhe kryetarja e PD Monika Kryemadhi që pozicionohej përkrah Berishës në sallë, ndërkohë që kryetari i PD Lulzim Basha drejtonte mbledhjen.

Merreshin vendime se si do të bllokohej Edi Rama për emërimin e anëtarëve dhe drejtuesve të institucioneve zbatuese të Reformës në Drejtësi dhe Vettingut.

Por dhe vendosej radikalizimi i opozitarizmit në Kuvend për të mos lejuar zgjedhjen e Arta Markut në krye të Prokurisë së Përgjithshme, pavarësisht se ishte e përkohëshme.

Aty patën zanafillën dhe goditja me miell e Ramës, ministrave dhe vetë Arta Markut.

Madje në mënyrë spontane fluturuan dhe çizmet e Monikës në drejtim të kryeministrit Edi Rama, pa përjashtuar këtu përplasjen me Gardën në hyrje të postbllokut të Kuvendit, ftesën për turmën që të hyjë në sallë dhe aksione të tjera opozitare.

Të gjithë këto i përkasin të së kaluarës së marrëdhënieve të mira mes Lulzim Bashës dhe Monika Kryemadhit, kur mbledhjet e grupeve të PD e LSI bëheshin bashkarisht, konsultat bashkë dhe aksionet opozitare bashkë.

Por mosbesimi i Monikës ndaj Lulit dhe mungesa e garancisë se nuk do ta tradhëtojë sërish me Ramën, vendosja e kontaktit të drejtëpërdrejtë me kryeministrin herë përmes Ilir Metës e herë vetë, dhe mbi të gjitha kur pa se Edi Rama jo vetëm nuk e ka seriozisht reformën në drejtësi, por është bashkë me Berishën, Metën, Lulin për ta bllokuar atë, Monika Kryemadhi shkëputi lidhjet dhe marrëdhëniet opozitare me Lulzim Bashën.

Pasi shënoi një sërë mungesash dhe mos takimesh me Bashën, por dhe disa sulme frontale ndaj tij, duke e akuzuar se respekton ende marrëveshjen e 18 majit të vitit të kaluar me kryeministrin Edi Rama, ndaj s’besonte më në seriozitetin e liderit demokrat, Monika ndërpreu mbledhjet e përbashkëta të grupit parlamentar të PD dhe të LSI në selinë e SHQUP.

Madje Monika e anashkaloi aq shumë Bashën sa dhe në takimet e krerëve të opozitës në selinë e PD nuk shkonte vetë por dërgonte nënkryetarin e LSI, njëherësh dhe kryetarin e grupit të kësaj partie Petrit Vasili.

Duke anashkaluar Bashën dhe duke i dhënë shanse pothuasje zero një koalicioni të mundshëm për zgjedhjet e pushtetit vendor në qershorin e ardhshëm mes PD dhe LSI.

Pasi jo vetëm që Basha nuk i ka kthyer përgjigje për 22 bashkitë që ka kërkuar të përfaqësojë LSI në garën për zgjedhjet vendore të vitit 2019, por Monika ka pasur “joshje” dhe nga Edi Rama për mbështetje në bashkitë e Pogradecit dhe Vorës.

Ndërkohë që është fakt që është Edi Rama ai që po mban Metën dhe Monikën jashtë burgut me bllokimin që po u bën ngritjes së institucioneve të zbatimit të reformës në drejtësi SPAK dhe Byrosë Kombëtare të Hetimit dhe mbajtjes jashtë burgut të “peshqve të mëdhenj”.

Të gjithë këto, shtuar dhe rrjedhjet që kanë lodhur LSI kohët e fundit, kanë bërë që Monika Kryemadhi të shkëpusë komunikimin me Bashën dhe të vihet në kërkim të aleatëve të tjerë të mundshëm, pa përjashtuar këtu Edi Ramën./Pamfleti