Politike

Kryeministri Edi Rama gjatë konferencës së përbashkët me presidentin e KiE deklaroi se nëse nuk hapen negociatat për Shqipërinë deri në muajin qershor, atëherë do të vendoset ndryshim kursi.

Rama tha se shpreson që Bullgaria të hapë rrugën, në të kundërt do kërkohet shkëputja nga Maqedonia e Veriut.

“Sa i përket çështjes së Maqedonisë së Veriut unë e kam thënë ia thashë edhe presidentit të Këshillit Evropian, ne jemi absolutisht në një linjë me KiE dhe deri në fund kur të kryhet dhe mbledhja e KiE ku jemi të ftuar të marrim pjesë e përmbyllet presidenca franceze ne shpresojmë që Bullgaria të hapë rrugën nëse nuk do ndodhë ne do ndryshojmë kursin gjë që e kemi konsultuar edhe me publikun këtu, e një shumicë e konsiderueshme shqiptarësh kanë thënë që nëse nuk ndodh gjatë presidencës franceze,

të shkëputet jo nga Maqedonia e Veriut por të shkëputet nga kthetrat e Bullgarisë.”, u shpreh Rama.

Presidenti i Republikës Ilir Meta ka th yer heshtjen dhe ka folur nëse do të bashkëpunojë apo jo me Sali Berishën, kur ai të lërë postin e Presidenti.

Sipas Kreut të Shtetit, bashkëpunimi me Sali Berishën do të baret nga raporti i ish-kryeministrit me referendumet, duke theksuar se qëllimi i tij është që Shqipërinë ta marrin në dorë shqiptarët dhe ata të kenë të drejtën e referendumit.

“Bashkëpunimi im me Sali Berishën do te varet nga raporti i tij me referendumet. Unë jam për ti dhënë fuqi popullit njëherë e përgjithmonë.

Unë përgjegjësitë e mia i kam marrë hapur për të gjitha aktet që kam bërë dhe do t’i marr pas 25 korrikut. Qëllimi është që Shqipërinë ta kenë në dorë shqiptarët. Shqiptarët mund ta kenë në dorë vetëm kur të kenë të drejtën e referendumit pa pengesa.

Atëherë klasa politike është në kontrollin e tyre, nuk guxojnë të bëjnë ligje kundër tyre dhe do të jenë të detyruar të japin llogari ndaj tyre.

Referendumi nuk është fillimi, referendumi është qëllimi i garantimi i sistemit demokratik për të ardhmen. Ka shumë interesa që të mos ketë referendum”, u shpreh Presidenti Meta në emisionin “Të Paekspozuarit”.

Ish-kryeministri Sali Berisha ditën e sotme ka zhvilluar takimin e radhës në qytetin e Lezhës.
Gjatë takimit, një demokrat nuk kurseu “lëvdatat” ndaj Berishës, madje u shpreh se e do atë më shumë se sa do fëmijët e tij.

“I nderuar doktor, jam oficer i gardës së republikës, ish i juaji personalisht. Vij nga Fani, jam mbështetësi juaji deri në vdekje, jo më shumë. Të përshëndes, ju dhe grupin nismëtar.

Por kam një keqardhje, për ata lepujt, Lul Basha, Gaz Bardhi dhe ato qelbësirat që ne i hamë me dhëmbë, i shqyejmë lepujt.
Dr. Berisha të njoh nga afër, të kam shoqëruar ku ke shkel me këmbë, në 1997 padiskutim, Skënderbeu i madh je padiskutim. Të dua fort, fatke qësisht të dua më shumë se fëmijët e mi. Zoti a priftë mbarë dhe ne na ke me vete”, tha demokrati.