Politike

Taulant Balla ka dalë sot në konferencë për mediat, pas akuzave si garant i 3.4 milionë eurove që u sekuestruan në portin e Durrësit. Balla është shprehur se të enjten do të ketë surpriza. Ai tha se ka bërë verifikime nga të cilat ka konkluduar se Lulzim Basha ka lidhje me personat që janë përfshirë në këtë trafik.

Më tej ai tha se nëse ka një fakt që e implikon në këtë ngjarje është i gatshëm që të mbajë përgjegjësi penale.

“Nëse kam lidhje me 3.4 mln eurot më bëni gjyqin në sheshin “Skënderbej”, deklaroi Balla

Balla deklaroi se operacioni u dekonspirua nga një pjesëtar i SHISH, ndërsa paralajmëroi Bashën se do nxjerrë disa fakte për lidhjet e tij me disa anëtarë të të arrestuarve.

“Akuzat e Bashës, të gjithë qeshën në Kuvend. Deklarata e policisë së shtetit ishte shteruese përsa i përket personave të arrestuar dhe atyre në kërkim. Policia të vazhdojë me aksione të tilla. Ka pasur rrjedhje informacioni tek një person i papërgjegjshëm që quhet Lulzim Basha. Basha për pak vuri në rrezik operacionin, por për fat të mirë aksioni u finalizua. Që Taulant Balla nuk ka asnjë lidhje me asnjërin prej tyre, ju deklaroj me përgjegjësi penale, jo vetem me mandatin e deputetit, por jami gati të më bëhet gjyqi në sheshin Skëndërbej. Kam bërë disa hetime, dhe rezulton se Basha ka lidhje me personat e arrestuar. Do i publikoj të enjten në parlament. Do kemi surpriza për Bashën. Këtë histori do ia kthej në një mësim ekzemplar këtij shejtan-budallai”, deklaroi Balla

Pas deklaratës së bërë të enjten e dates 21 qershor në Parlament, ku Lulzim Basha akuzoi kreun e grupit parlamentar të PS, se gjermanët i kanë zbuluar 1.5 milion eurot e drogës që kishte fshehur në mjetin “Toyota Yaris”, policia e shtetit u vu menjëherë në lëvizje dhe ka zbardhur të vërtetën. Sipas policisë, mjeti “Toyota Yaris” ku ishin fshehur 3.4 milion eurot, vinte nga Belgjika dhe jo nga Gjermania siç u shpreh Basha dhe se në të nuk ishin 1.5 milion euro.

Ditën e djeshme në një deklaratë për mediat Basha tha se paratë e kapura i përkisnin një prej bandave më të rrezikshme të trafikut të drogës që operon në zonën e Elbasanit. Pas kësaj deklarate polica përgënjeshtroi sërish Bashën duke thenë se porositësit janë nga Peshkopia dhe jo ashtu siç pretendonte kryedemokrati.

Sipas gazettes ‘’SOT’’ pika tjetër që ngre hije dyshimi është edhe deklarata e Bashës sa i takon informacionit të policisë për sasinë e eurove të kapura në Durrës. Kryedemokrati tha se policia ishte informuar nga partnered ndërkombëtarë, por policia hodhi poshtë pretendimin e Lulit duke u shprehur se është informuar nga agjencitë ligjzbatuese shqiptare.

Pra duket qartë se mes njoftimit të policisë dhe deklaratave të Bashës ka një moskordancë të theksuar mbi vërtetësinë e fakteve, ç’ka bën të dyshosh se opozita ka nisur aksionet e dezinformimit të publikut për të shkaktuar kaos.

Reagojnë socialistët

Kryetarja e Komisionit të Sigurisë, Ermonela Felaj e akuzoi Bashën se po përdor informacionet sekrete hetimore për interesa politike. Pas akuzave të bëra nga ana e Bashës kundrejt kreut të grupit parlamentar të PS, Taulant Ballës, deputetja socialiste Ermonela Felaj u bëri thirrje organeve kompetente që të ndëshkojnë kreun e PD.

Përmes një postimi në “Facebook”, kryetarja e komisionit të Sigurisë, theksoi se koha e pandëshkueshmërisë që dekonspirojnë dhe falsin me mesazhe të koduara duhet të marrë fund. “Zëdhënës të tillë” duhen bërë shembull përmes procedimit penal; Përdorimi politik i informacioneve sekrete hetimore nuk mund të jetë justifikim për të shmangur të proceduarit e të tillë pelivanëve që edhe njëherë, tinëzash, i dhanë dorë krimit; Koha e te pandëshkueshmëve që dekonspirojnë dhe flasin me mesazhe të koduara, në mënyrë të tërthortë me krimin, ka mbaruar!

Dhe çdokush, qoftë ky dhe kryetari i opozitës, duhet të vihet para përgjegjësisë penale! Dhënia rrugëshpëtimi krimit, përmes keqpërdorimit të atributit politik nga kryetari i opozitës, përben cënim të hapur dhe të rëndë të sigurisë dhe besimit të publikut në institucionet ligjzbatuese, ndaj është koha që organi i Prokurorisë të veprojë duke zbatuar ligjin!”, u shpreh dje kryetarja e Komisionit të Sigurisë, Ermonela Felaj.

Ish-ministri i Mbrojtjes dhe i Shëndetësisë, gjatl qeverisjes ”Nano”, Sabit Brokaj shprehet se hapja e dosjes së Azem Hajdarit vjen në një kohë kur reforma në Drejtësi ka hyrë në shina. Në një intervistë për gazetën ‘’SOT’’ ai e cilëson të pavlerë rihapjen e kësaj dosjeje nëse Sali Berisha dhe eksponentë të tjerë politikë nuk japin llogari para Drejtësisë.

-Zoti Brokaj, më 21 qershor Gjykata e Tiranës pranoi kërkesën e Izet Haxhisë për rigjykim dhe vendosi rihapjen e dosjes “Hajdari”. Besoni se këtë herë do dalin para drejtësisë autorët e vërtetë të kësaj ngjarjeje?

Gjithë qëllimi i hapjes së dosjes është për të dhënë llogari autorët e atij krimi. Pra që të hyjmë në temë të pyetjes, për mendimin tim por edhe të ndjeshmërisë së çështjes, gjykata ka bërë mirë që ka vendosur që të rihapë dosjen “Hajdari”, pasi ka ardhur koha që jo vetëm autorët e vërtetë duhen të japin llogari, por kushdo që ka gisht dhe që ka deformuar drejtësinë për këtë çështje. Kështu që dosja duhet të hapet dhe rezultati të jetë sa më objektiv dhe i pavarur, në mënyrë që ata që kryen realisht krimin apo krijuan premisat e tij, si dhe shtrembëruan hetimin dhe të drejtën, patjetër që duhet të dalin para drejtësisë dhe të japin llogari.

-Nga dosja hetimore ka rezultuar se 21 politikanë kanë refuzuar dëshminë për vrasjen e Azem Hajdarit. Mes këtyre emrave janë Berisha, Pollo, Topalli etj. A duhet të thirren sërish këta personazhe për të dëshmuar?

Patjetër që të gjithë këta emra që kanë refuzuar dëshminë, duhet të thirren dhe të japin llogari. Madje, qofshin këta 21 emra apo 201 emra të përfshirë në atë ngjarje. E drejta dhe drejtësia e pavarur nuk llogarit numrin e njerëzve.

Kështu që të gjithë ata që kanë përgjegjësi ose që kanë dijeni, padiskutim që duhet të thirren. Pra kjo pyetje është deri diku retorike, pasi nuk mund të ketë zbardhje të së vërtetës sa i takon dosjes “Hajdari” nëse nuk merret për të dëshmuar dhe në pyetje Berisha dhe shpura e tij. Besoj se falë drejtësisë së re që po konsolidohet nga dita në ditë, ka ardhur koha që edhe Sali Berisha të thirret për të dëshmuar, jo vetëm për këtë çështje por për çdo çështje, ku ai është i implikuar.

-Më 28 qershor Këshilli i BE do vendosë mbi çështjen e negociatave. Qeveria pret rezultat pozitiv, por opozita nuk duket shumë optimiste. Në gjykimin tuaj a po lufton PD kundër integrimit?

Kryefjala e Partisë Demokratike është shpifje dhe sulme kundër hapjes së negociatave me Bashkimin Europian. Pra thuajse në mënyrë të përditshme opozita gjatë këtyre muajve, vetëm po shpifin kundër integrimit të Shqipërisë në çdo variant.

Pardje, dje ka pasur shpifje nga më të ndryshmet nga eksponentë të opozitës kundër negociatave. Ndërkohë që nuk besoj se sulmet e PD për negociatat mund të ndalen me kaq, pasi deri në datën 28 qershor, e cila përkon me vendimin e BE, Partia Demokratike do gatuajë dhe do shpifë sërish kundër Shqipërisë, në mënyrë që vendit tonë të mos i jepet drita jeshile në lidhje me çeljen e negociatave.

-Po akuzat e ditëve të fundit ndaj kreut të grupit të PS, Taulant Balla, se 3.4 mln eurot e kapur në Durrës i përkasin atij, si i shihni. A është dhe kjo lojë për të dëmtuar mazhorancën para negociatave?

E para është që PD dhe Basha duhet të hetohen, meqenëse e dinin paraprakisht që këto para do të vinin. Pra që të hyj në temë, meqenëse e dinë që këto para ishin të Taulant Balla, besoj se të gjitha këto janë shpifje të llojit “Babale”.

Kështu që Partia Demokratike ashtu siç ka çuar emaile me shpifje në të gjitha kancelaritë e botës kundër kryeministrit të Shqipërisë, ashtu siç çuan për ministrin e Brendshëm, do të çojnë edhe për Sekretarin e Përgjithshëm të PS, që të gjithë të dalin të njollosur, vetëm e vetëm që negociatat të mos hapen. Ndaj e quajnë si provë të tyre, që erdhi medemek informacioni nga Italia dhe nuk është punë e policisë shqiptare. Se ata italianët janë budallenj dhe do të na linin neve 5 milionët euro që të dilte e vërtetë deklarata e Bashës, dhe të mos i sekuestronte policia italiane. Pra të gjitha këto janë qesharake dhe e kanë kthyer PD-në në një parti “babalesh”.

-Gjermania ka kërkuar luftë ndaj korrupsionit me qëllim integrimin. Mendoni se me ngritjen e SPAK do ketë politikanë që do të dalin para drejtësisë?

Unë besoj se më konstituimin e organeve të drejtësisë, organe këto që kulmojnë me ngritjen e SPAK-ut në Shqipëri do të fryjë një erë e re për drejtësisë. Me ngritjen e SPAK drejtësia në Shqipëri do të hyjë në shinat e duhura dhe falë këtij institucioni do të bëhet e mundur që më në fund në Shqipëri të çmontohet monopoli i të “paprekshmëve”. Çdo politikan në Shqipëri që ka vjedhur, abuzuar, është përfshirë në afera korruptive apo ku ta di unë se çfarë duhet të falë në bankën e të akuzuarve dhe të japë llogari. Pra vetëm SPAK ka tagrin ta bëjë këtë dhe çdo politikan, gjyqtar apo ofiqar i vendit që ka vjedhur në kurriz të popullit duhet të hetohet.

-Shqipëria pritet të finalizojë paktin detar me Greqinë. Mendoni se do jetë më i mirë se ai i 2009?

Unë besoj dhe patjetër që pakti i ri detar me Greqinë duhet të jetë më i mirë se ai i vitit 2009. Mos harrojmë që asokohe, Berisha konsumoi veprën e tradhtisë kombëtare duke i shitur detin Greqisë, në të mirë të interesave të veta personale dhe politike. Kështu që besoj se ky pakt i ri do të jetë më i mirë se ai i 2009. Por edhe nëqoftëse nuk është më i mirë, mendoj se duhet hedhur poshtë.

-Pakti është në dorë të Presidentit. Mendoni se mund të ketë pengesa?

Nuk mund ta them këtë. Por di të them që Presidenti nuk ka kurrsesi arsye të sjellë pengesa, në qoftë se pakti i ri është në dobi të Shqipërisë dhe qytetarëve shqiptarë.

-Reforma në drejtësi po avancon, por PD dhe LSI po e sulmojnë këtë reformë. Sipas tyre ajo dështoi. Pse këto sulme?

Sulmet e Partisë Demokratike dhe Lëvizjes Socialiste për Integrim nuk kanë për t’u sosur ndaj reformës në drejtësi, madje deri në minutën e fundit të mbylljes së vetingut. Opozita nuk e ndërpret këtë luftë ndaj reformës në drejtësi, sikurse e filluan do ta çojnë deri në fundi, pasi kanë frikë nga kjo reformë.

Madje, ata po e vazhdojnë këtë luftë ndaj reformës në drejtësi, pasi ndihen të frikësuar dhe se kjo reformë do tju përzërë nga sistemi i drejtësisë njerëzit e tyre, dhe për rrjedhojë ata do të mbetet zbuluar me ngritjen e drejtësisë së re, kështu që kanë frikë. Pra si të thuash ata kanë si synim bllokimin e reformës në drejtësi dhe përmes saj njerëzit e tyre që kanë në sistemi mund t’i përdorin akoma për të mbuluar pisllëqet e tyre. Pra opozitës i ka hyrë frika në palcë dhe natyrisht frika i detyron që ta sulmojnë reformën në drejtësi.

Pas paralajmërimit që i bëri hyrjes së miliona eurove me një Toyota në Shqipëri, Lulzim Basha ka dhënë detaje të tjera për këtë operacion. Basha tha se paratë janë të një prej bandave më të rrezikshme dhe garanti për futjen e parave ka qenë Taulant Balla.

Pas kësaj deklarate të Bashës ka reaguar deputeti socialist.

O Babale! Mjere kush te beson ty akoma dhe taksirati yne qe kemi perballe nje opozite qe e ktheve ne teater babalesh!

Je kaq i mbaruar o Babale sa tani nuk ke me kellqe as te shtrengosh llastikun e brekusheve te rrenave, qe te bien perdite ne sy te miletit dhe ti hic s’do me dit, po vazhdon si budallai i fshatit… Hajde Babale hajde, fli gjume tani fli se per sot e dhe shfaqjen e renies se brekusheve😂?”, shkruan Balla.