Politike

Deputetja socialiste Elisa Spiropali në një reagim pas vendimit për negociatat, thotë se Shqipëria është në rrugë pa kthim drejt antarësimit.

“Do kthehemi në shtëpi të gjithë bashkë! Shqipëria dhe Maqedonia  kanë tashmë një datë dhe janë në rrugën pa kthim të anëtarësimit. Ata që klithin por s’dëgjohen, shpifin por nuk turpërohen, ata që në këtë orë të mirë të kombit sterrojnë, do mbahen mend gjatë për aventurën e tyre të dëshpëruar për të kthyer pas orën e historisë.

Shqipëria do bëhet, edhe për inat të tyre, por fatmirësisht edhe për ta.  Forca Shqipe, me Ty gjithmonë💪🙏”, shkruan Spiropali.

Ngushtohet shumë “laku” për ish kryeministrin Sali Berisha dhe Presidentin Ilir Meta, teksa abuzimet që kanë kryer me privatizimin e OSSH nga CEZ dhe kompaninë e mbledhjes së borxheve të këqia DIA mund t’i dërgojë ata para drejtësisë.

Pas më shumë se dy muaj bllokim, fakt ky i publikuar dhe nga “Pamfleti” disa herë, ka rinisur procesi gjyqësor ndaj dy ish-zyrtarëve të CEZ Shpërndarje, Josef Hysek dhe Jan Ivan, të akuzuar për shpërdorim detyre, falsifikim dokumentesh dhe vjedhje.

Në seancën e sotme u paraqit prokurorja e re e dosjes, Mirela Zalavani, ndërsa prej javësh ky proces shtyhej, pasi kishte mbetur pa përfaqësues nga akuza.

Hysek dhe Ivan nuk ishin të pranishëm, ndërsa avokati i tyre, Arben Rakipi, kërkoi shpalljen e pavlefshme të disa raporteve kontabël, pasi sipas tij ato janë hartuar pa dijeninë e klientëve që ai mbron.

Dy shtetasit çekë janë nën akuzë, pasi sipas Prokurorisë shqiptare në bashkëpunim me Kastriot Ismailajn, i dënuar me mbi 11 vite burg, ata kanë falsifikuar bilancet e borxheve dhe nëpërmjet kompanisë DIA, të drejtuar nga Ismailaj, kanë përfituar vlera monetare.

Ndërkohë që kanë qënë të përfshirë dhe krerët më të lartë të shtetit shqiptar në këtë aferë, ku Sali Berisha dhe djali i tij kanë përdorur si sekser Nuel Kalajn për të përfituar nga 414 milionë euro nga privatizimi i OSSH nga CEZ.

Nuel Kalaj, miku i Shkelzen Berishës mori në një nga bankat e nivelit të dytë në Shqipëri një shumë prej 7 milionë eurosh me një dorë dhe tashmë është zhdukur në drejtim të paditur.

Deri më tani kanë dëshmuar për aferën e CEZ dy drejtuesit çekë të kompanisë, si dhe djali i ish kryeministrit, Shkelzen Berisha.

Ndonëse është vendosur për thirrjen dhe të ish kryeministrit Sali Berisha, për të dëshmuar për këtë aferë ku shteti ka humbur 414 milionë euro, ai ende nuk ka shkelur në dyert e organit të akuzës. Madje nuk ka pasur ende një thirrje zyrtare për të dhënë këtë dëshmi.

Ndonëse Berisha e ka dhënë një dëshmi në komisionin parlamentar të hetimit të aferës së CEZ, të kryesuar nga Balla, organi i akuzës mendon se një dëshmi tjetër para prokurorëve, që janë ekspertë të kësaj çështjeje nga ana e Berishës do të ndihmonte shumë në zbardhjen e kësaj afere, që ka precipituar në këtë mënyrë, me këtë dëm të madh financiar.

Mësohet se kanë mbërritur dokumente e prova shtesë nga Praga për këtë qëllim.
Njëherësh pritet të thirren për të dëshmuar dhe ish drejtori ekzekutiv i DIA Elvis Matajish. Ish kreu i LRI dhe një nga njerëzit e afërt te Metës është zhdukur në drejtim të paditur, pas përplasjes me Presidentin aktual dhe ish kreun e LSI, për shkak se nuk pranoi të mbante në kurriz pisllëqet e Ilir Metës.

Presidenti Meta, i cili disa herë është shprehur në parim se sa herë të thirret nga drejtësia do të jetë në dizpozicion të saj, pritet të thërritet për të dëshmuar, jo vetëm për akuzat e Matës, por dhe për ato të Kastriot Ismailajt dhe bashkëshortës së tij, që akuzojnë ish kreun e LSI se ka bërë presion ndaj tyre.

Madje janë zbardhur shumë sekrete , një ndër to mund të jetë dhe vdekja e papritur e ish ambasadorit shqiptar në Pragë, Qazim Tepshi, apo drejtorit juridik të METE, Zamir Stefani. Të dy, të marrë gjërësisht me dosjen e CEZ-DIA.

Ndaj rikthimi i gjykimit të dy drejtuesve çekë të CEZ, pritet të dërgojë në gjykatë dhe Sali Berishën me gjithë djalin Shkelzen dhe Ilir Metën./Pamfleti

Nënkryetari i Partisë Demokratike Edi Paloka ka reaguar pas deklaratës publike të kryeministrit Edi Rama për vendimin e Luksemburgut për shtyrjen e negociatave për Shqipërinë me një vit.

Përmes një statusi në “Facebook” Paloka theksoi se koha e Ramës tashmë ka mbaruar, ndërsa pohoi se ai është dështimi më i madh i Shqipërisë në këto 28 vite.

Statusi i plotë:

Koha e Edi Rames ka mbaruar!
Ai eshte deshtimi me i madh i Shqiperise ne keto 28 vjet.

Ka thyer çdo rekord negativ te paraardhesve socialiste, duke stopuar per 5 vjet integrimin e Shqiperise.
Edi Rama nuk mund dhe nuk do ta kete shansin qe te zvarrise shqiptaret edhe nje vit tjeter per te marre nje refuzim tjeter. Shqiptaret nuk kane me kohe per te humbur!

Koha e Edi Rames ka mbaruar!

Gjatë ditës së sotme ka patur reagime të shumta në lidhje me vendimin e marrë nga ministrat e Jashtëm për hapjen e negociatave të Shqipërisë me Bashkimin Europian vitin e ardhshëm. Pas ambasadorit amerikan Donald Lu, ambasadores së BE-së, Romana Vlahutin, tashmë ka reaguar edhe eurodeputeti Eduard Kukan.

Ai ka përshëndetur vendimin e BE-së për hapjen e negociatave me Shqipërinë dhe Maqedoninë. Sipas ”TemA” ai nënvizon faktin se të 2 vendet kanë avancuar me axhendën e integrimit në BE dhe se e meritojnë datën e përcaktuar.

“Përshëndes konkluzionet e djeshme të Këshillit të Çështjeve të Përgjithshme për hapjen e rrugës për negociatat e pranimit me Shqipërinë dhe Maqedoninë.

Dua të përgëzoj të dy vendet për përparimin e bërë në axhendën e integrimit në BE. Ato meritojnë një mesazh të qartë për fillimin e negociatave të pranimit.

Një vit u është dhënë vendeve të vijnë në tryezën e negociatave, që pasqyron diskutimin e brendshëm të Këshillit mbi procesin e zgjerimit të BE.

Unë mbështes plotësisht Shqipërinë dhe Maqedoninë në këtë proces dhe i besoj angazhimit të tyre në axhendën e reformave.

Pres që të punoj me partnerët tanë gjatë muajve të ardhshëm dhe jam gati të ec me ta në rrugën drejt negociatave të pranimit “, nënvizon Kukan.

Në një spot të përgatitur nga KE lidhur me hapjen e negociatave, e përcjellë për publikun edhe nga kryeministri Rama nëpërmjet një statusi, në 38 sekonda hasen vetëm dy frymorë politikë shqiptarë, të cilët janë dhe preludi i mesazhit: Edi Rama dhe…Jozefina Topalli.

Kjo e fundit shfaqet nga mesi i videos, cilësuar si kartolinë nga Rama, ku në strishën nën bustin e saj lexohet: “Shqipëria bëri zgjedhjen e qartë për të ndjekur rrugën drejt BE-së”.

Po pse është zgjedhur pikërisht znj. Topalli për t’u lidhur vizualisht me këtë kumt?

Lexohet qartë në këtë zgjedhje një lloj sajdisje europiane ndaj opozitës, për t’ja njohur dhe asaj meritat e rrugës së integrimit. Po pse me znj. Topalli si përfaqsuese e jo z.Basha, kreun aktual të PD-së, ndërkohë që ish-gruaja e fuqishme e demokratëve nuk është më aktive në politikë?

Mund të ishte vendosur dhe znj.Bregu, përfaqsuesja simbol e PD-së në kauzën europiane. Por gjithsesi, parë me etikën e ekuivalencës politike, duhej të ishte kryetari Basha.

Vështirë të besohet se ka qenë një pakujdesi, pasi nëse materiali është kuruar në Bruksel, çdo detaj shikohet me lupë dhe mirëpërzgjidhet.

Kështu që mbetet, referuar kodeve të gjuhës politike, që vendosja e znj.Topalli të përmbajë një mesazh. Njëri është fshikullimi i z.Basha, e tjetri mospajtimi me faktin se figura si Jozefina Topalli duheshin mënjanuar.

Kjo e fundit, përveçse një përfaqsuese e kulluar e së djathtës dhe me profil të pakopromentuar politik, ishte dhe një ithtare e zellshme e diplomacisë integruese gjatë kohës që drejtoi Kuvendin shqiptar. /tesheshi.com/

Ndiqeni detajin:

https://www.facebook.com/edirama.al/videos/10155913804076523/?t=0