Politike

Sekretarja e Përgjithshme e PDIU, Mesila Doda, i është përgjigjur ministrit grek të Mbrojtjes, Panos Kammenos, i cili bëri një deklaratë të fortë, duke i quajtur shtetasit çamë ‘kriminelë’.
Me po të njëjtën gjuhë të ashpër i është përgjigjur dhe ish-deputetja Doda, e cila e quan ministrin grek një ‘derr të majmur e të kënaqur’.

Sipas saj, Kammenos është i fundit politikan që mund të flasë për kolaboracionistë e kriminelë, sepse është përfaqësuesi tipik ultranacionalist, pasardhës i atit të tij shpirtëror, kriminelit Napoleon Zerva.

“Ministri i Mbrojtjes grek Panos Kammenos, u shfaq sot në mediat greke tejet i kënaqur për marrëveshjen midis Shqipërise e Greqisë. Pasi hoqi uniformën ushtarake, që sfiloi për turpin e vet në kufirin tonë jugor dy vite më parë, del si derr i majmur e i kenaqur e deklaron se morëm nga marrëveshja me Shqipërinë atë që deshëm dhe se “Çamët janë kriminelë lufte që bashkëpunuan me nazistët dhe se ne nuk do të negociojmë me kriminel”

Në të vërtetë Kamenos është i fundit politikan që mund të flasë për kolaboracionistë e kriminelë, sepse është përfaqësuesi tipik ultranacionalist, pasardhës i atit të tij shpirtëror, kriminelit Napoleon Zerva. Nuk di çfarë ka ndryshuar qysh herën e fundit që tregonte tanket e ushtrinë në kufirin tonë, akt i paimagjinueshëm mes dy vendeve antarë të Nato-s, por më duhet ti rikujtoj disa foto të paraardhësve të kolegëve të tij në kabinetin qeveritar e të ish-kryeministrit të tij me nazistët e kriminelët. Nga këtu le të gjejmë cilët jane kriminelët e cilët viktimat….: , shkruan Doda.

Demokratët janë të shqetësuar për riciklimin e marrëveshjes së 18 majit 2017 mes kryeministrit Edi Rama dhe kryetarit të opozitës Lulzim Basha.

Madje dhe zyrtarë të lartë qëndrorë dhe vendorë e kanë shfaqur këtë shqetësim përmes mediave dhe rrjeteve sociale, duke paralajmëruar rrezikun e shuarjes së opozitës.

Akuza ndaj Bashës qëndron në faktin se ai është gati të bëjë gjithçka vetëm e vetëm që të vijojë të jetë në krye të PD për të realizuar përfitimet e mundshme personale.

Madje dhe për të pasur një qeveri të përbashkët me Ramën sa më shpejt të jetë e mundur.

Një shqetësim të tillë ka shfaqur dhe anëtarja e kryesisë së PD të qytetit bregdetar Durrës, njëherësh dhe sekretare e marrëdhënjeve me publikun në këtë degë të PD, Lorisa Ylli.

E cila përmes një statusi në rrjetin social facebook shprehet se askush nuk duhet të çuditet se po kërkohet një qeveri Rama-Basha.

Sipas Yllit, në vazhdën e ndarjes së të mirave materiale brenda familjes që rrjedhin nga “martesa” në marrëveshjen e 17-18 majit 2017, me bekimin e Ramës bashkia e Durrësi dhe e Elbasanit i kalojnë PD më 2019.

Një lajm të tillë anëtarja e kryesisë së PD të Durrësit e thotë me garanci maksimale.

“U çuditet se po kërkohet një qeveri Rama-Basha?! Nuk çuditem fare pasi si ato martesat me dashuri të marrë që ndajnë të mirat materiale brenda familjes, kështu është dhe ajo e kurorëzuar në mesnatën e 17 majit te 2017. Jo vetëm kaq por me bekimin e Ramës, Bashkia e Durrësit dhe e Elbasanit i kalojnë  PD në zgjedhjet e 2019. Pse ?!

Kjo është e vetmja mënyrë për të mbajtur Lulzim Bashën në postin e Kryetarit të PD. Këto info janë burim i sigurtë nga garanti i marrëveshjes në fakt që në vitin 2014.

Nuk doli asnjë faktor brenda PD për ta prishur këtë skemë, perveçse i shërbejnë skemës, qoftë dhe me kritika!”, shprehet anëtarja e kryesisë së PD të Durrësit në reagimin e saj.

Pra Edi Rama ua paska “futur” si Vangjush Dakos ashtu dhe Qazim Sejdinit, duke mos i kandiduar për një mandat tjetër në bashkitë Durrës dhe Elbasan në zgjedhjet e qershorit 2019?

Njëherësh nëse e marrim të mirëqenë lajmin e dhënë nga anëtarja e kryesisë së PD të Durrës Lorisa Ylli, i bie që Rama t’ia ketë futur dhe PS, pasi s’do garojë në këto dy bashki për të fituar.

Marrëveshja Rama-Basha me sa duket vijon të jetë në fuqi me kapacitet të plotë dhe pritet që në të ardhmen të dhurojë surpriza. Pse jo, edhe bashkëqeverisje qëndrore./Pamfleti

Pas përfundimit të turit të llogaridhënies me qytetarët ku stacioni i fundit i Kryeministrit ishte Korça, ditën e sotme Edi Rama mblodhi në ambientet e kryeministrisë koordinatorët për bashkëqeverisjen. Njëra nga zonjat mori fjalën dhe përveç problemit që kishte me tapinë e shtëpisë, tha se ksihte edhe një vërejtje për kryeministrin. Ajo iu ankua Kryeministrit duke i thënë se administrata e kalon kohën më shumë në lokale se në zyrë.

“Unë kam këtë vërejtje zoti kryeministër, se administrata poshtë duhet të ishte si në sjelljen e këtyre zonjave, që jam shumë e kënaqur. Po të kishim ne këtë sjellje, këtë përkushtim atje në bazë nuk ishte e nevojshme që për certifikatën ne ti bënim pyetje kryeministrit. Atje duhet një qilizmë i thellë se ata më shumë kohën e punës e kalojnë nëpër lokale”, u shpreh ajo.

Me ankesën që zonja i drejtoi Edi Ramës, ra dakord edhe vetë kryeministri.

“Patjetër që jam plotësisht dakort që duhet një qilizmë e thellë dhe qilizmën e thellë duhet ta realizojmë vetëm nëse kemi këtë bashkëpunim me njerëz që vuajnë nga administrata”, u shpreh Rama.

Gramoz Ruçi pritej të ishte i pranishëm në Britani ku do të zhvillonte një takim me Drejtorin e Përgjithshëm për Çështjet Politike në Zyrën e Jashtme dhe Komonuelthin e Britanisë së Madhe, por kjo vizitë e tij është anuluar për shkak të linjës ajrore.

Ky takim nuk do të zhvillohet si pasojë e anulimit të fluturimit të linjës ajrore me të ciliën do të udhëtonte Gramoz Ruçi drejt Britanisë.

Pas konkluzioneve të Këshillit të Ministrave të bashkimit Evropian, Ministria për Evropën dhe Punët e Jashtme ka organizuar sot një tryezë bisedimesh ku kanë marrë pjesë Ambasadorja e BE në Tiranë, Romana Vlahutin dhe raportuesi për Shqipërinë në Parlamentin Evropian, Knut Fleckenstein.

“Duhet të bëni detyrat e shtëpisë, hap pas hapi”, tha Fleckenstein.

Ndërsa ministri Ditmir Bushati deklaroi se “duke u nisur nga precedenti që BE-ja ka vendosur me Malin e Zi dhe Serbinë, e dinim që do të ishte një vendim me afat kohor”.

“Një vit kohë mendoj se do të jetë i mjaftueshëm për punën përgatitore, që më pas të nisin zyrtarisht negociatat”, u shpreh Bushati.

Romana Vlahutin theksoi se vendi ka humbur shumë kohë në të shkuarën, por është e rëndësishme që Shqipëria ka bërë punë të madhe me reformën në gjyqësor.

“Pa reformën në gjyqësor, sot nuk do të ishim duke bërë këtë diskutim”, tha Vlahutin.