Politike

Eshte folur disa disa herë në lidhje me dëshirën dhe kërkesën e Lulzim Bashës, kreut të opozitës për të qeverisur bashkë me Ramën. Madje dhe në kupolën e PD, në radhët e kritikëve të Bashës brenda partisë, por dhe aleatët e demokratëve janë të bindur se Lulzim Basha e ka një pakt bashkëqeverisjeje me Edi Ramën.

Duke këmbëngulur se Rama dhe Basha janë në një aleancë të fshehur dhe në marrëveshje të plotë, si kritikët brenda PD, si kupola e PD si aleatët e demokratëve e veçanërisht LSI e Monika Kryemadhit, kanë deklaruar më se njëherë se marrëveshja e 17 majit 2017 vijon ende.

Madje disa herë Monika ka shfaqur mosbesim ndaj Bashës, me argumentin se ai është nën “kontratë” dhe marrëveshje me kryeministrin Rama që nga 17 maji i vitit 2017.

Këtyre hamendësimeve dhe lajmeve të publikuara në media u ka dhënë ‘krahë’ dhe Edi Rama, teksa në një intervistë të paradisa ditëve deklaroi se është i gatshëm t’i japë opozitës çfarë të kërkojë, vetëm pushtetin nuk ia jep.

Të gjithë e dinë se për Edi Ramën nuk përbën pushtet asnjë post ministri sado i rëndësishëm të jetë, pushteti për të është të jetë vetë kryeministër, pavarësisht se kush “lëvrin” poshtë nëpër ministrira.

Dhe sot nuk pyet njeri Edi Rama, i ka dubluar pjesën më të madhe të ministrave me njerëzit e tij dhe me ata qeveris. Mjafton të shohësh kush janë nivelet e dyta të qeverisjes dhe e kupton se Edi Rama nuk është vetëm kryeministër por dhe një ministër i “shumëfishuar” në të gjitha dikasteret. Prandaj Edi Rama është gati të japë për Bashën çfarë të kërkojë.

Se mos do t’i pyesë ata që do çojë Basha, thjeshtë do bëjë pazarin me kreun e PD dhe ata vetëm do të “noterizojnë” duke firmosur çfarë u çohet në tavolinë.

Dhe Lulzim Basha, kreu i opozitës nuk ka vonuar të dërgojë mesazhin e tij për dikasteret që kërkon të drejtojë, duke filluar maksimumi në fillim të vitit të ardhshëm.

Me sa duket i kanë shijuar shumë tre dikastere të rëndësishme para zgjedhjeve të 25 qershorit të vitit të kaluar, fryt i marrëveshjes së 17 majit me Ramën, dhe i kërkon sërish ato sëpaku.

Mësohet se dikasteri kryesor që kërkon Basha nga Rama për të bashkëqeverisur është Ministria e Brendshme, e cila ka nën admninistrim dhe drejtim dhe Policinë e Shtetit dhe Gardën e Republikës. Por dhe Gjendjen Civile dhe Prefektët.

Basha e ka argumentuar kërkesën e tij për të marrë drejtimin e Ministrisë së Brendshme me faktin se jep garanci për zgjedhjet e përgjithshme vendore se nuk do të vidhen.

Njëherësh dhe luftohet krimi dhe në përgjithësi trafiku i drogës dhe lëndëve të tjera, duke plotësuar kështu një nga kërkesat e tij për një qeveri “antimafia”.

Ndërkohë që Basha kërkon dhe Ministrinë e Drejtësisë, me të gjithë “asetet” e saj që janë Hipoteka, ALUIZN-i, Noterët, Shërbimi i Provës dhe Drejtoria e Burgjeve.

Basha kërkon dhe Ministrinë e Arsimit, për të parandaluar “blerjen” e votës përmes punësimit nga ana e Ramës dhe për të pasur një proces të drejtë dhe të ndershëm zgjedhor.

Këto janë disanga kërkesat e Bashës për Ramën përtë bashkëqeverisur dhe vijuar marrëveshjen e 17 majit të vitit të kaluar, pjesa tjetër të dalë çfarë të dalë shtesë nga vetë Kryeministri. Marrëveshje që kreu i PD kërkon ta bëjë pa pasur LSI dhe Monikën nëpër këmbë. Rama e ka marrë kërkesën, thjeshtë po e shqyrton, në mos e ka vendosur./Pamfleti

Nis bashkëqeverisja e bizneseve, vendimi u shpall më datë 8 gusht 2018

VENDIM Nr. 482, datë 31.7.2018 PËR DHËNIEN E LEJES, PËR HAPJEN E INSTITUCIONIT ARSIMOR PRIVAT PARAUNIVERSITAR “KINGS TIRANA”

1. Dhënien e lejes për hapjen e institucionit arsimor privat parauniversitar “Kings Tirana”, shoqërisë “SAPAUD” sh.p.k. 2. Institucioni arsimor privat parauniversitar i arsimit bazë dhe i arsimit të mesëm të lartë “Kings Tirana” do të ushtrojë veprimtarinë arsimore në adresën: rruga “Kodra e Dërhemit”, godina arsimore “Kazazi”, hyrja B, Lundër 1, Tiranë. 3. Në institucionin arsimor privat parauniversitar të arsimit bazë dhe të arsimit të mesëm të lartë, “Kings Tirana” mësimi do të zhvillohet në gjuhë të huaj anglisht. Në lëndët si “Gjuhë shqipe”, “Letërsi shqipe”, “Historia e kombit shqiptar” dhe “Gjeografia e Shqipërisë”, mësimi do të zhvillohet, detyrimisht, në gjuhën shqipe.

2. Institucioni arsimor privat “Kings Tirana” të ofrojë arsimim parauniversitar në nivelet arsim bazë dhe arsim i mesëm i lartë (gjimnaz) dhe forma e arsimimit të jetë arsimim me kohë të plotë. 5. Institucioni arsimor privat parauniversitar i arsimit bazë dhe i arsimit të mesëm të lartë, “Kings Tirana”, me fillimin dhe gjatë ushtrimit të veprimtarisë së tij, të raportojë në njësinë arsimore vendore, brenda afateve të përcaktuara, për:

a) Numrin e nxënësve dhe listën e mësuesve të arsimit bazë dhe të arsimit të mesëm të lartë, të regjistruar në fillim dhe që do të mbarojnë vitin shkollor, sipas udhëzimeve të Ministrisë së Arsimit, Sportit dhe Rinisë dhe statistikave të miratuara nga INSTAT-i; b) Planin mësimor, programet lëndore dhe strukturën që do të ketë institucioni në fillim të çdo viti shkollor; c) Strukturën e vitit shkollor që do të ketë institucioni, e cila duhet të jetë e barasvlershme me atë të shkollave publike të të njëjtit nivel, së bashku me kalendarin e veprimtarive vjetore të institucionit; ç) Aktin e regjistrimit në organin tatimor; d) Lëndët mësimore të detyrueshme njëlloj me ato të shkollave publike; dh) Listën e veprimtarive jashtëshkollore që janë parashikuar të zhvillohen gjatë vitit shkollor;

e) Adresën e institucionit, adresën elektronike (e-mail) dhe numrin e telefonit. 6. Institucioni arsimor privat, parauniversitar i arsimit bazë dhe i arsimit të mesëm të lartë “Kings Tirana”, duhet të miratojë në Ministrinë e Arsimit, Sportit dhe Rinisë çdo ndryshim në planin mësimor, programet e lëndëve apo tekstet që do të përdorë, si edhe çdo projekt apo eksperimentim psiko-pedagogjiko-didaktik që kërkon të kryejë, sipas rastit. 7. Ndryshimet që mund të pësojë institucioni arsimor privat i licencuar, në vendndodhjen dhe në infrastrukturën e godinës, shqyrtohen dhe miratohen në Ministrinë e Arsimit, Sportit dhe Rinisë, pas miratimit të njësisë arsimore vendore, 3 (tre) muaj para fillimit të vitit shkollor përkatës.

1. Institucioni arsimor privat parauniversitar i arsimit bazë dhe i arsimit të mesëm të lartë “Kings Tirana” duhet të ketë në ruajtje dokumentacionin e mëposhtëm:

a) Dokumentacionin themeltar në ruajtje të përhershme, si: regjistër amze, indeks alfabetik, regjistër të veçantë, statistika vjetore të numrit të nxënësve dhe të mësuesve; b) Regjistra të përkohshëm, si: regjistra klase, evidencë për lëvizjen e nxënësve (i detyrueshëm për institucionin arsimor privat parauniversitar); c) Rregulloren e brendshme për funksionimin e institucionit; Kriteret për pranimin e nxënësve dhe të mësuesve; d) Kontratat me prindërit për shërbimet arsimore apo shërbime të tjera jashtëshkollore që ofron; dh) Kontratat e punës me mësuesit (për ata me kohë të plotë apo të pjesshme).

1. Dokumentacioni i paraqitur në pikat 5 dhe 8, në rast monitorimi dhe inspektimi, u vihet në dispozicion strukturave kompetente mbikëqyrëse. 10. Moszbatimi apo mosrespektimi i këtyre detyrimeve, si dhe mosdhënia apo fshehja e informacioneve nga strukturat kompetente mbikëqyrëse e inspektuese, të cilat do të verifikojnë apo kontrollojnë funksionimin dhe mbarëvajtjen e këtij institucioni arsimor, përbën kundërvajtje administrative dhe sanksionohet sipas akteve ligjore dhe nënligjore në fuqi. 11. Në rast se institucioni arsimor privat nuk hapet gjatë dy viteve shkollore të njëpasnjëshme, nga momenti i hyrjes në fuqi të këtij vendimi, subjekti e humbet të drejtën e hapjes së institucionit.

2. Ngarkohen Ministria e Arsimit, Sportit dhe Rinisë, njësia arsimore vendore dhe institucioni arsimor privat parauniversitar “Kings Tirana” për zbatimin e këtij vendimi. Ky vendim hyn në fuqi pas botimit në Fletoren Zyrtare. KRYEMINISTRI Edi Rama/Pamfleti

Përveç reagimit të dy ministrive, asaj të Drejtësisë dhe të Brendshme, ka reaguar edhe vetë kryeministri Rama në rrjetin social Facebook për vendimin e gjyqtares së Vlorës, për të lënë në arrest shtëpie një person të arrestuar për herë të dytë që qarkullonte me armë.

Duke postuar deklaratën e zv. ministrit të Drejtësisë, Toni Gogu, Rama shkruan: “Vetingu, po zbulon në sytë e shqiptarëve pasuri të paimagjinueshme dhe shkelje ligjore të panumërta nga ana e gjyqtarëve e prokurorëve. Vetingu mund e duhet ta pastrojë deri në fund llumin e mbështjellë me togën e zezë”.

Kryeministri i Kosovës, Ramush Haradinaj, gjatë vizitës së sotme në qytetin e Vlorës, iu përgjigj interesimit të gazetarëve për temën e shumë debatuar këto ditë të korrigjimit të kufijve të Kosovës.

Ai nënvizoi se, hapja e temave ose e temës së kufijve është e papranueshme për të. Duke u shprehur se, sot, në Vlorë, ai do të jetë i kujdesshëm në deklarimet e tij, Kryeministri Haradinaj iu referua historisë së Ballkanit, e cila pasqyrohet edhe në realitetin e sotëm të kufijve mes shteteve.

“Për fat të keq për popujt e Ballkanit, luftërat kanë qenë tragjike në të kaluarën dhe realiteti i sotëm është krejtësisht rezultat i atyre epilogjeve të këtyre luftërave. Prandaj, ne duhet të konsiderojmë arritjet tona, pra,  Shqipërinë dhe Kosovën dhe kudo ku janë shqiptarë. Hapja e temave ose e temës së kufijve, është e papranushme për mua”, nënvizoi ai për gazetarët e mediave të Shqipërisë dhe të Kosovës, që ndoqën vizitën e tij në Vlorë.

Duke ju referuar të gjitha deklaratave që janë bërë këto ditë për këtë temë, Zoti Haradinaj iu përgjigj në mënyrë simbolike, duke theksuar qëndrimin e tij dhe vendosmërinë për të hequr doganën mes Kosovës dhe Shqipërisë. “Ajo që unë jam pro deklaratave për këtë qëllim është që në 1 janar të heqim doganën mes Kosovës dhe Shqipërisë”, u shpreh ai.

Ndërkohë, duke iu përgjigjur një pyetjeje të ATSH-së lidhur me temën e korrigjimit të kufijve dhe atë se çfarë do të ndodhë më tej pas deklaratave të këtyre ditëve, Kryeministri Haradinaj theksoi se, ato kanë në bazë retorikën politike.

“Me qëllim po e devijoj pyetjen tuaj dhe theksoj se ajo është një retorikë politike. Beogradi bëri një retorikë, Prishtina bëri një kundër retorikë, një kundërpërgjigje. Në fund do të thosha se, kufijtë , nuk lëvizin me fjalë”, citoi ai qëndrimin e vet, ndërkohë që shtoi se, “Kufijtë janë vendosur si rezultat i ndarjes në epilogjet e luftërave”.

Ai përshëndeti Kryeministrin, Edi Rama, gjithë institucionet e Shqipërisë, gjithë politikën shqiptare edhe atë në opozitë, duke theksuar se, “Shqipëria është Atdheu ynë dhe duhet të jemi të gjithë pranë njeri tjetrit”.

Haradinaj vlerësoi edhe një herë vizitën e tij në qytetin e Vlorës, në atë që e cilësoi “Zemrën e shqiptarëve”, duke theksuar se do të donte të ishte këtu në çdo ditë të vitit.

“Sot jam vlonjat dhe ndihem më shumë se çdo herë shqiptar. Jam në Vlorë, në zemrën e shqiptarëve” u shpreh Haradinaj. Ai falënderoi Zotin Dritan Leli dhe stafin e tij, duke e falenderuar në emrin e tij dhe të popullit të Kosovës, për mundësinë për të qenë bashkë në nderim të historisë sonë të lavdishme e të çmueshme, por, siç u shpreh ai “.. edhe për mundësinë që ne, të ndërtojmë të ardhmen tonë po kaq të lavdishme, duke qenë më afër njeri tjetrit. Do të jemi çdo herë e më afër”.

Ai u bëri thirrje të gjithë qytetarëve të Kosovës, të gjithë shqiptarëve, kudo ku janë për të ardhur në Vlorë, për të pushuar në Vlorë. “Për mua, nuk do të kishte ditë të vitit që nuk do të vija në Vlorë, sot jam shumë i nderuar që jam. U bëj thirrje të gjithë qytetarëve të Kosovës, shqiptarëve kudo ku janë edhe atyre në diasporë, që të vijnë në Vlorë, në zemrën tonë. Jam i bindur që duke qenë më afër njëri tjetrit, e ndihmojmë veten”, citoi ai.

Nga ana e vet, kryebashkiaku, Dritan Leli, e cilësoi historike vizitën e Kryeministrit të Kosovës, Ramush Haradinaj, në qytetin e Vlorës.

“Sot, në Vlorë, në një ceremoni simbolike, jemi të gjithë së bashku duke vlerësuar njeriun më të madh të Kombit, Ismail Qemalin. Unë jam i bindur se, çdokush me veprën që bën, në fund fare mund të bëjë histori. Ismail Qemali, bëri historinë e madhe të shqiptarëve dhe ne jemi sot duke e vlerësuar së bashku, duke u përpjekur që, secili nga ne, në rrugën e vet të bëjë historinë e tij për të mirën e vendit për të mirën e Shqipërisë”, theksoi Leli, duke e falënderuar kryeministrin Haradinaj për vizitën e tij në qytetin e Vlorës.

Gjatë vizitës në Vlorë, Kryeministri Ramush Haradinaj, bëri homazhe dhe vendosi një kurorë në varrin e Ismail Qemalit, në Lulishten pranë Sheshit të Flamurit, ndërkohë që vizitoi edhe Muzeun Kombëtar të Pavarësisë dhe atë Historik të qytetit.

Gjatë vizitës së Kryeministrit Ramush Haradinaj në Vlorë, ishtei i pranishëm edhe Ministri i Diasporës, Pandeli Majko./atsh

Kryeministri i Kosovës, Ramush Haradinaj, mbërriti sot në Vlorë ku u prit në një takim nga kryetari i bashkisë së qytetit bregdetar, Dritan Leli, gjatë të cilit u shprehën se fryma e vëllazërimit mes dy vendeve të rritet më tej.

Gjatë takimit, ku ishte i pranishëm edhe ministri i Diasporës, Pandeli Majko, si dhe anëtarë të kabinetit qeveritar të Kosovës, kryebashkiaku Leli e cilësoi një privilegj të madh për të që kryeministri i Kosovës ndodhet në bashkinë e Vlorës.

Kreu i bashkisë së Vlorës theksoi në fjalën e tij se “ky është moment i rëndësishëm, sepse do të diskutojmë për problemet dhe hallet e përbashkëta për të gjetur hapësirë për t’i kaluar ato”.

Leli vlerësoi kontributin e Haradinajt për çështjen e shqiptarisë, duke e cilësuar punën e tij një kontribut të shkëlqyer për Kosovën dhe Shqipërinë.

Kryeministri Haradinaj shprehu kënaqësinë që ndodhet në Vlorë, të cilën e cilësoi si zemra e shqiptarisë.

“Vij në Vlorë me porosinë e bashkëpunimit të ndërsjelltë për forcimin e lidhjes mes Shqipërisë dhe Kosovë”, theksoi Haradinaj.

Kryeministri Haradinaj në nëntor të 2012 u vlerësua me titullin “Qytetar Nderi” i qytetit të Vlorës, titull që në mungesë të Haradinajt u tërhoq nga bashkëshortja e tij Anita.

“Gjej rastin t’iu falënderoj për këtë vlerësim që me keni bërë”, tha Haradinaj.

Kreu i qeverisë kosovare premtoi se do të punojmë së bashku që fryma e vëllazërimit mes nesh të rritet më tej, ndërkohë që për shumë kosovarë Vlora mbetet një destinacion për pushimet e verës”.

Kryeministri Haradinaj do të zhvillojë më pas një vizitë në Monumentin e Pavarësisë, do të vendosë kurora me lule pranë varrit të Ismail Qemalit, do të vizitojë Muzeun Historik, si dhe Muzeun e Pavarësisë./atsh

Një ditë më parë gazeta ”SOT” publikoi pasurinë e familjes “Berisha”, ku në vitin 2016 fitimet arrinin deri në 1 milion euro. Por në të njëjtat kuota renditet dhe familja “Meta”, ndërsa sot po kjo media publikon pasurinë e çiftit presidencial Meta-Kryemadhi, se si ka ndryshuar ajo ndër vite.

Ilir Meta dihet që ka qenë në politikë që në fillim të demokracisë dhe kjo duket se ka ndikuar në mirëqenien e tyre, pasi që në vitet e para kur nisi deklarimi i pasurisë, vlera e banesave është shumë e lartë. Në vitin 2003, Meta ka deklaruar një banesë të përfituar nga privatizimi si dhe një banesë me verandë+lulishte në Golem, 327 m2. Vlera në atë kohë është deklaruar 60 mijë dollarë, ku thuhet se janë marrë kredi. Por ajo që u ka dhënë më shumë të ardhura janë 13 apartamente të përfituara nga Monika Kryemadhi. Ajo ka marrë 13 apartamente në kuadër të një marrëveshje me një firmë ndërtimi.

Packa në deklaratën pranë ILDKP nuk jepen shumë qartë të dhënat, Kryemadhi rezulton pronare e truallit ku është ndërtuar pallati dhe në këmbim ka marrë 13 apartamente me vlerë totale 1444.8 m2. Shumica e tyre janë shitur nga viti në vit. Po ashtu Meta e Kryemadhi kanë deklaruar një banesë në kryeqytet me sipërfaqe 200 metër katror me vlerë 400 mijë euro.

Pjesë e deklarimit është dhe 500 m2 tokë+200m2 truall me vlerë 5 milionë lekë. Gazeta ka bërë një përmbledhje të vlerës totale të të gjitha apartamenteve të shitura e blera dhe rezulton se kapin një kosto prej afro 900 mijë eurosh. Por në këtë llogaritje nuk përfshihet shtëpia në Gjirin e Lalzit, pasi nuk dihet vlera e saj.

E kjo do thotë se fitimi arrin në mbi 1 milion euro. Shtëpia e tyre, në bregdet është bërë gjithmonë objekt debati dhe sipas deklarimeve në ILDKP, bëhet fjalë për një banesë dy katëshe me sipërfaqe 317 metra katror në Gjirin e Lalzit. Sipas deklarimit, burimi është këmbimi me sipërfaqe ndërtimore 300 metra katrore, ambiente tregtare, sipas kontratës me firmën Agi-Kons shpk, si përfitues 33 % të sipërfaqes së ndërtimit si pronar trualli. Edhe 13 apartamentet janë përfituar nga po kjo kompani.

Deklarimet sipas viteve/ Deklarimet e para në ILDKP datojnë që prej vitit 2003 dhe në këtë vit presidenti Ilir Meta ka deklaruar apartament 2+1 dhe ka pasur në pronësi vetëm 25 për qind të tij. Po ashtu ka deklaruar një banesë në Golem 327 m2 blerë 60 mijë dollarë, të cilat janë marrë kredi në bankë. Por e njëjta banesë 3 vite më pas është shitur 300 mijë euro. Po në vitin 2003 zoti Meta ka deklaruar pagën e tij si deputet dhe si ministër. Viti 2004 dhe 2005 nuk kanë sjellë ndryshime për pasurinë e presidentit aktual, ndërsa në 2006 janë shtuar të ardhurat e bashkëshortes, zonjës Monika Kryemadhi, sot drejtuese e LSI. Interesant është fakti se në vitin 2004 u themelua dhe LSI.

Kurse në vitin 2006 të ardhurat e Metës dhe Kryemadhit janë shtuar me 300 mijë euro, pasi kanë shitur banesën në Golem. Në vitin 2007 Meta ka deklaruar pagën e tij si deputet, ndërsa Kryemadhi pagën si anëtare të Këshillit Bashkiak. Por kryetarja e LSI ka deklaruar dhe blerje 500 m2 tokë+200m2 truall me vlerë 5 milionë lekë. Në vitin 2008 Meta dhe kryemadhi kanë deklaruar dhe llogaritë e tyre të para në bankë. Po ashtu kanë deklaruar dhe të ardhurat nga puna.

E njëjta situatë dhe në vitin 2009. Por në vitin 2010 dhe për koincidencë vit kur LSI ishte në qeveri me PD, pasuria e tyre ka nisur të lëvizë. Meta ka deklaruar shtesë në llogarinë Bankare Credins Bank 135.318 lekë, apartament banimi 200 metra katrorë te Rr. Barrikada me vlerë 400.000 euro, ku është deklaruar se 200 mijë euro janë marrë kredi, ndërsa 200 mijë euro kanë qenë në gjendje cash. Ka deklaruar pagën si zëvendëskryeministër dhe ministër Ekonomie, 1.768.385 lekë.

Shkollimi i fëmijëve/ Në deklarimin që Meta e Kryemadhi kanë bërë pranë ILDKP, bie në sy se kanë disa llogari edhe fëmijët e tyre, shumica të hapura për qëllime studimi. Vetëm në vitet e fundit është deklaruar se janë shpenzuar 140 mijë paund për shkollimin e tyre në Londër. Por një tjetër element që tërheq vëmendje është se pavarësisht ekzistencë së disa llogarive bankare, si Meta, ashtu dhe Kryemadhi kanë marrë overdrafte në bankë