Politike

Eshtë e rrallë që brenda një njeriu të qëndrojnë bashkë radikali islamik me pjesën moderne të shoqërisë, mbulesa islamike me lakuriqësinë.

Kjo ndodh tek Shkelzen Berisha, djali i ish kryeministrit Sali Berisha, një mysliman i thekur praktikant të cilin deri më tani e kemi parë nëpër iftare bashkë me familjen.

Por e kemi parë dhe nëpër debate fetare për islamin, sidomos kur u debatua fort për mbulimin e bustit të heroit Kombëtar Gjergj Kastriot Skënderbeu në kryeqytet dhe u krye falja në sheshin e ri Skënderbej.

Shkelzen Berisha mbajti anën e klerikëve në këtë debat dhe kjo është një punë e tij, që nuk e involvon aspak në përzierjen e tij në çeshtjet e fesë.

Njëherësh, vetëm sjell habi bashkëjetesa me Armina Mevlanin, e cila më shumë qëndron e zhveshur me brekë nëpër rrjetet sociale se sa me ndonjë mbulojë apo rrobë në trup.

Kjo mënyrë së veshuri është kundër linjës fetare të islamit radikal dhe asaj në të cilën beson Shkelzen Berisha si një praktikant i fesë islame.

Kur Sali Berisha deklaroi në vitin 1992 në takimet me sheikët arabë por dhe ne radikalët islamikë deri me Osama Bin Laden në vitin 1994 në Tiranë se, “ia kishte lënë amanet baba bashkëpunimin dhe dashurinë për Kuvajtin”, të gjithë u tallën me Presidentin e asaj kohe.

Por një deklaratë  e tillë ndër vite u mbulua me para nafte dhe terrori, aq sa Berisha i radhit ndër “Sheik”-ët e Ballkanit, dhe më pas u pasua në anëtarësimin në Konferencën Islamike.

Nga ana tjetër vërshuan të gjithë njerëzit e kërkuar të krimit dhe të radikalizmit islamik në Shqipëri, duke marrë madje nga ish presidenti Sali Berisha dhe shtetësinë shqiptare.

Aq sa Shqipëria u rendit ndër vendet me potencialin më të madh të rrezikut islamik në Ballkan, sepse po “furnizonte” Europën me islamikë radikalë me shtetësi shqiptare.

U desh ndërhyrja amerikane dhe puna e tërë organeve ligjzbatuese shqiptare pas vitit 1997 që të shporreshin të gjithë radikalet islamikë nga Shqipëria, përmes arrestimeve, dëbimeve por dhe eleminimeve dhe duke e kthyer vendin në partnerin kryesor të vendeve perëndimore.

Nuk duam të përmendim se ku konsistoi lufta kundër radikalëve islamikë, por “ameneti” që u deklarua nga Berisha që e kishte nga ai ati për dashuri pakufi për Kuvajtin dhe islamin, për kujtesë babai i Saliut, Ram Berisha ka qënë çoban dhish dhe se dinte nga binte Kuvajti, po përjetësohet nga Shkelzen Berisha.

I cili e ka me sa duket amanet nga i ati Sali Berisha(Saleh Berisha e thirrnin radikalët islamikë ish presidentin e Shqipërisë) dhe nuk ka rreshtur së bashkëpunuari me ta, por dhe së përfituari.

Nuk thonë kot se “dardha bie nën dardhë” dhe Shkelzeni si djali i Saliut ia di vlerën parasë.

Nuk është sekret për udhëtimet e shpeshta të Shkelzen Berishës drejt Arabisë Saudite, disa herë dhe me deputetin demokrat dhe ish ministrin e Drejtësisë Enkelejd Alibeaj dhe ky një praktikant radikal i islamit.

Udhëtimet e shpeshta të Shkelzenit drejt Riadit, por dhe Omanit dhe vendeve të tjera islamike, herë për turizëm me bashkëjetuesen Armina dhe herë me “bashkëjetuesin” fetar Enkelejd Alibeaj për peligrinazh, nuk kanë kaluar pa rëndë në sy të organeve të antiterrorit jo vetëm shqiptar por dhe amerikanëve.

Burimet nga organet ligjzbatuese shqiptare mësohet se FBI amerikane por dhe në organet e shërbimit sekret shqiptar, ka informacione, foto dhe prova për takimin e Shkelzen Berishës me radikalë islamikë, gjatë kohës së shtetit Islamik por dhe më pas.

FBI amerikane, gjithsesi në të gjitha informacionet e saj nuk ka precizuar asnjëherë që Shkelzen Berisha ka qënë i lidhur me elementë të ISIS, por me radikalë islamikë, duke nënvizuar faktin se është financuar shpesh në urdhëtimet e tij jashtë vendit.

Dyshimet janë që Shkelzen Berisha ka shërbyer për radikalët islamikë në rolin e “korrierit” për mesazhet e koduara për bashkëpuntorët e tyre në Europë, SHBA, Britani e ishujt e Paqësorit duke shfrytëzuar faktin që Shkelzen Berisha qëndron gjatë tërë vitit në lëvizje turistike nëpër botë bashkë me bashkëjetuesen e tij Armina Mevlani.

Por është shfrytëzuar për të “ç’koduar” paratë nëpër parajsat fiskale të Paqësorit, pasi pjesa më e madhe e parave janë bllokuar nga antiterrori ndërkombëtar, dhe nuk përjashtohet mundësia që të lëvizin përmes Shkelzen Berishës dhe bashkëjetueses së tij Armina.

Mësohet njëherësh se një rrugë e tillë e dërgimit dhe shkëmbimit të informacionit është bërë për vetë faktin se elektronika, interneti, rrjetet sociale, telefonët etj., mbahen në një kontroll të rreptë nga ana e amerikanëve dhe e shërbimeve sekrete partnere evropiane, ku shpesh janë thyer të gjitha kodet dhe janë dekonspiruar radikalët islamikë të “fjetur” dhe aktivë, para dhe sponsorë.

Pikërisht duke shfrytëzuar lëvizjet nëpër botë të Shkelzen Berishës, djalit të ish kryeministrit Sali Berisha, por dhe shoqërimin e tij nga bashkëjetuesja Armina Mevlani që më shumë rri e zhveshur se se veshur, radikalët islamikë kanë pasur sukses me Zenin, pasi janë hequr të gjitha dyshimet që në këtë çift modern lëvizin informacionet radikale islamike.

Nëse Shkelzen Berisha po mbahet nën hetim nga organet ligjzbatuese të antiterrorit amerikan, të BE por dhe ato shqiptare, për Enkelejd Alibeajn, thjeshtë dhe vetëm ka survejim të rrepktë.

Megjithëse si Shkelzen Berisha ashtu dhe Enkelejd Alibeaj janë të skeduar në listën e bashkëpuntorëve të readikalëve islamikë dhe po ndiqen hap pas hapi e po hetohen./Pamfleti

Ditët e fundit, Lulzim Basha ka humbur, për ata që e kërkojnë, kreu i opozitës është zhvendosur me pushime. Kuptohet që edhe lideri i opozitës do të bëjë pushime, ne nuk jemi në Rumani që të bëjmë protesta.

Lideri në mungesë i opozitës fillimisht ka shkuar në vilën e tij në Hollandë ku ka ujitur lulet dhe ajrosur shtëpinë, ndërsa më pas ka filluar të nxihet në diell.

Mësohet se në këto ditë pushimi, pas vaditjes, freskisë në Hollandë dhe çlodhjes që po bën në plazhet dhe resorted ekzotike, kanë dhënë efektet e para te Lulzim Basha. Ai ka përgatitur qeverinë hije të cilën pritet ta prezantojë në shtator.

Shpesh Lulzim Basha bën lista ministrash, për të nxitur strukturat e partisë, duke ju dhënë funksione dhe duke i quajtur ministra, të cilët i vendos përballë qeverisë së Edi Ramës.

Mësohet se qeveria hije e Lulzim Bashës ka disa emra të rëndësishëm dhe ka pësuar shpesh ndryshime. Kjo sipas performancës së secilit politikan rreth tij, por edhe lëpirjes që kanë pranë kunatit apo familjarëve dhe të afërmve të Lulzim Bashës.

Mësohet se ministër i Brendshëm do të jetë Ervin Salianji, i cili pas nxjerrjes së videos së audio-përgjimit me “Babalen”, tashmë e ka të padiskutueshëm këtë post.

Ministër i Arsimit, Sportit dhe Rinisë do të jetë ylli në ngjitje, i shkëlqyeri në shkollat britanike, në i papërsëritshmi nga gjithë të tjerët Klevis Balliu.

Ndërkohë një vend të rëndësishëm në kabinetin qeveritar pritet të marrë Tritan Shehu, i cili pritet të jetë ministër i Jashtëm.

Tek Integrimi duket se do të shkojë Kreshnik Çollaku, njeriu i cili po drejton grupin e këshilltarëve të PD-së, në Këshillin Bashkiak të Tiranës dhe po bën betejat me Erion Veliajn.

Më tej mësohet se edhe Oriola Pampuri, një nga dy “Çilistët” e Tiranës, do të ketë një vend në kabinetin e ri qeveritar. Pampuri pritet të marrë drejtimin e ministrisë së Mjedisit.

Nga ana tjetër, Niko Peleshin pritet ta zëvëndësoje Myslym Murrizi. Ka ende emra të tjerë, për shembull flitet që Lulzim Basha në listën e tij nuk e përjashton kurrë Dhurata Çupin, e cila pritet të marrë postin e ministres së Transporteve.

Nga ana tjetër Agron Shehaj do të jetë zv.kryeministër dhe ministër i Financave. Gjithashtu mësohet se Lulzim Basha në këtë listë do të përfshijë edhe disa njerëz nga shoqëria civile, apo aktivistë të ndryshëm. Në kabinetin e tij qeveritar do të ketë edhe emra të cilët pritet të ngelen surprizë.

Mësohet se kjo listë ende nuk i është komunikuar pjesës së ngushtë të stafit të tij, por flitet që në ditët në vijim, Dasada Metaj, kryeredaktore  “Opinionit” të Blendi Fevziut, ta shpërndajë këtë listë në media, ku pritet të shtojë edhe emrin e saj si Sekretare e Përgjithshme e Kryeministrisë.

Ndërkohë në oborrin bosh të godinës së SHQUP-it, pritet që në shtator të fillojnë përplasjet dhe kjo ka të bëjë me riorganizimin që do të zhvillojë Partia Demokratike.

Ky riorganizim do të masë edhe një herë forcat dhe ndoshta do të rikonfigurojë më tej kabinetin hije të Lulzim Bashës, ku një vend të rëndësishëm pritet të kenë edhe figura si Arben Ristani, i cili mund të marrë postin e ministrit të Mbrojtjes, apo te ministria e Drejtësisë, ku pritet të shkojë Enno Bozdo.

Ndërkohë Fatbardh Kadilli, një nga personazhet e rëndësishëm të Partisë Demokratike, pritet të jetë zv.kryeministër dhe ministër për marrëdhëniet me parlamentin./ Satirë politikebP.s: Mos qeshni, por qani!/Cna.al

Në Shqipëri të gjithë e dinë se sa pasuri ka vëllai, kushuriri, krushku e deri tek komshiu që nuk kanë asnjë lidhje gjaku apo miqësie me njëri tjetrin.

“Sporti” më i preferuar i shqiptarëve është ai i bërjes së llogarive financiare dhe gjithçkaje të njeriut që ka afër, përballë apo dhe në fund të botës.

Madje nuk ngurojnë të deklarojnë se “deri më dje ishin pa brekë në bythe dhe tashmë janë milionerë” apo “deri në vitin 1990 të gjithë kishim një prerje, një kostum që shpesh e këmbenim me njëri tjetrin, dhe tani s’dihet ku e kanë pasurinë pa bërë asnjë punë”.

Nuk është thjeshtë zakon shqiptari, por varfëria dhe diferencimi i shpejtë dhe i tejskajshëm ka bërë që gjithkush të bëjë një analizë të vetes, por dhe të njerëzve që e rrethojnë.

I përmendëm këto detaje, të njohura për të gjithë shqiptarët, pasi gjendemi një një situatë verifikimi pasurie dhe Vettingu për politikanët, për prokurorët, gjyqtarët dhe zyrtarët e lartë shqiptarë.

Shpesh organet ligjzbatuese shqiptare ngrenë supet dhe dorëzohen përballë mungesës sipas tyre, të mundësisë për të verifikuar pasurinë e politikanëve shqiptarë, të njerëzve të drejtësisë apo dhe të zyrtarëve të lartë.

Në fakt dhe drejtësia amerikane nuk verifikoi dot me dokumente, prova dhe fakte asnjë lloj krimi të superbosit të mafias amerikane Al Capone, por u përqëndrua tek detajet.

Të gjithë e dinë se Al Capone ra në burg dhe u dënua nga gjykata amerikane thjeshtë dhe vetëm për evazion fiskal, për të mos dalë më me këmbët e veta nga qelia.

Ndaj dhe organet ligjzbatuese shqiptare e kanë shumë të lehtë të verifikojnë pasurinë e politikanëve, zyrtarëve të lartë, prokurorëve dhe gjyqtarëve.

Mjafton që kreu i Inspektoratit të Pasurisë Shkëlqim Ganaj të mos konsumojë një drekë me Ilir Metën në resortet turistike në bregdetin e jugut, por të vihet vetë në krye të punës, pasuria e politikanëve do verifikohet në një farë mase. Thjeshtë sa për të pasur atë ‘detajin’ e Al Capones.

Më konkretisht, resortet turistike tashmë në verë mbahen me paratë që shpenzojnë fëmijët e politikanëve, të prokurorëve, gjyqtarëve, zyrtarëve të lartë dhe bankierëve, Presidentëve dhe ish presidentëve. Pa përjashtuar ata të trafikantëve dhe njerëzve të krimit, të kuptohemi.

Madje ata lëvizin dhe me jahtet e tyre apo të familjeve të tyre, me makina luksoze dhe bëjnë shpenzime marramendëse, duke bërë që plazhet e jugut të dominohen prej tyre. Por dhe të “eskortave” që i shoqërojnë, të cilat që mbahen me para prej këtyre fëmijëve që, fati deshi të kishin prindër me pushtet.

Kështu, mjafton që Ganaj i Inspektoratit të Pasurisë të dalë një xhiro lokaleve luksoze në Dhërmi, Himarë, Ksamil e deri në Sarandë, Vlorë, Durrës, Shëngjin dhe Velipojë nuk ka nevojë të shqyrtojë asnjë dokument tjetër për pasurinë e këtyre shtetarëve, njerëzve të drejtësisë dhe zyrtarëve të lartë.

Të bëjë vetëm një shënim, i kujt është ky fëmijë dhe sa shpenzon në një natë, për ta “kryqëzuar” me rrogën e shtetit të këtyre politikanëve, zyrtarëve të lartë, prokurorëve dhe gjyqtarëve shqiptarë, dhe bëhet një far Vettingu. Duke filluar nga këto detaje të vogla, njësoj si me Al Kaponen në Amerikë para më se pesë dekadash.

Të shohë që djali i Ilir Metës presidentit tonë të “nderuar” dhe Monika Kryemadhit kryetares së LSI, lëviz me një jaht luksoz të familjes, bashkë me miqtë e tij minorenë pasunarë.

Të shohë djalin e deputetit të PS Spartak Braho me pesë makina apo vajzën e deputetit të PS Sadri Abazi. Por dhe djalin i ish deputetit të ndjerë Azem Hajdari dhe gjyqtares Fatmira Hajdari. Azem Hajdari Junior është vetëm 19-vjeç por ka arritur që tani që të depërtojë në botën e fuqishme të Instagramit dhe rrjeteve sociale si një pasunar i ri që bën jetë luksoze.

Të shohë dy djemtë ish ministrit dhe deputetit të LSI Edmond Panariti, të cilët rezultojnë me llogari bankare në Holandë dhe Britaninë e Madhe dhe që bëjnë jetë luksoze andej dhe këndej kufirit. Të shohë jetën luksoze të djalit të deputetit të PD Xhemal Gjunkshi, i cili bën qejf me paratë që i ati rropi nga komandot shqiptare që shkonin në Afganistan, ku për një mision 6 mujor u merrte Xhemali 7 mijë dollarë për person. Nuk e themi ne, e ka thënë ish ambasadori amerikan për DASH në kabllogramet e tij, që janë bërë publike.

Për të mos folur për djalin e Sali Berishës dhe bashkëjetueses së tij Armina Mevlani, që nga 365 ditë kalendarike që ka viti, 260 ditë i bëjnë në resortet turistike më të shtrenjta të botës.

Të shohë dhe djalin e ish-deputetit të PS-së, Ndue Kola, Arnold Kola që aksidentoi vitin e kaluar për vdekje një oficer policie në bulevardin e Kamzës dhe është dënuar me dy vjet burg.

Dhe që nuk i bëri “ujë” syri, pasi ka prapa babain sponsor me lekë. Apo vajzën e ish Prokurorit të Përgjithshëm Adriatik Llalla, e cila bën jetë luksoze dhe shpenzime marramendëse, me makina luksoze dhe që tashmë po ia bën “fora” me shoqërinë në bregdetin e jugut.

Por dhe vajza e kryebashkiakut socialist të Tepelenës Tërmet Peçi, e cila si një vajzë minorene që është bën jetë luksi, në makina luksi dhe me shpenzime marramendëse. Me një baba rrogtar kryebashkiak që nuk e kalon rroga e tij 700 mijë lekshin e vjetër në muaj, gjithsesi.

Pa përmendur këtu dhëndërrin dhe vajzën e Qazim Sejdinit apo djalin e ish Guvernatorit të BSH Ardian Fullani, të cilët nuk mbeten prapa në shpenzime marramendëse.

Shumica e prindërve të këtyre fëmijëve janë rrogtarë të shtetit zyrtarisht, por që fëmijët e tyre konsumojnë në një ditë aq sa prindërit e tyre fitojnë minimumi në një muaj.

Këtu të fillojë vettingu për verifikimin e pasurisë, tek fëmijët konsumatorë dhe që bëjnë jetë luksoze, për të mbërritur tek politikanët, gjyqtarët, prokurorët dhe zyrtarët e lartë. Thjeshtë të përqëndrohen në këto detaje të vogla, pasi “djalli” në detaje fshihet.

Mund të verifikojnë dhe shpenzimet që këta fëmijë rrogtarësh kanë në një vit shkollë në universitetet më të shtrenjta të botës. Kjo është kollaj fare. Vetëm pak vullnet duhet./Pamfleti