Politike

Spartak Ngjela trondit vendin: Ka hyrë në lojë FBI, Saliu e ka provuar një herë, Rama fluturon si torollaku Enver Hoxha

Opinione, Politike / /

A do ta vijojë Uashingtoni ekspansionin e dollarit kundrejt Turqisë? Sigurisht që po. Në të vërtetë kriza turke ka kohë që ka nisur. Dollari ishte lënia e lirë që i bëri Uashingtoni. Po Tirana osmane e politikës, çfarë po bën?

Kryesorja është që Erdogani dhe jo dollari është një e keqe e Turqisë. Pastaj, nëse vërtet është ngritja e vlerës së dollarit shkaku për të shpëtuar Turqia nga “e keqja Erdogan”, sigurisht që është në të mirë të Turqisë. Por, pas kësaj me ngërç na ka mbetur Rama në Tiranë që mendoi se me Erdoganin do të prishte aleancën shqiptaro- amerikane. Turp për një kryeministër shqiptar që shkon dhe bashkohet me një neoosman turk sepse kërkon patlogjikisht të sundojë shqiptarët.

Në fakt, ky modeli i Ramës, është vetë modeli tipik i pashait shqiptar të shekullit të shtatëmbëdhjetë: “Shit interesin e shqiptarëve në Stamboll që të sundosh shqiptarët”. Për të qenë më të qartë: çështja është që ky dhe Saliu, me anë të neoosmanizmit të Erdoganit, të vijonin politikën kundër shqiptarëve duke vënë në lojë qarkulluese gjënë e tyrë të vjedhur prej shqiptarëve; ashtu siç e kishin menduar kur e vodhën.

Të dy, Rama dhe Berisha, ishin të bindur kur ishin të ndarë, se gjithmonë do fitonte ai që do grabisë më shumë para nga shqiptarët, të cilët ishin të destinuar të rrinin të tillë, të varfër dhe të bërtisnin për këta të dy. Por tani i ka trembur Reforma në Drejtësi. Kjo reformë është strukturuar juridikisht kundër abuzimit dhe vjedhjes së gjyqtarëve, pushtetarëve, dhe sidomos kundër korrupsionit kryeministror.  I kap që të dy, prandaj janë çartsllosur për mbështetje deri të Erdogani dhe korrupsioni banal i vendeve të Lindjes.

Çështja Erdogan i ka trembur, por sidomos Ramën.

Tani të dy, edhe Rama edhe Berisha e ndjejnë se paratë dhe pushteti i tyre po iu shkon drejt hiçit. Ata prisnin të vijonin teatrin e sëmurë të qarkullimit të gjësë së vjedhur, se ky duhej të ishte fati i caktuar në këtë dhjetë vjetshin e fundit nga Saliu dhe Rama. Por ja që filli iu këput. Dhe tani vinë vërdallë sa nga Putini te Erdogani. Dhe lodhen kot, se janë të kapur nga organet e specializuara amerikane dhe gjermane. Këtë kapje nuk ka më asnjë politikë që ta shpëtojë. Tani këtu flitet për FBI-në. E shihni hetimin kundrejt Presidentit amerikan? Imagjinoni tani Ramën dhe Saliun!Dhe Bashë me ta dhe Metën.

Rama është edhe më në ajër, se Saliu e ka provuar një herë. Kurse Rama fluturon si Enver Hoxha. Prandaj shkoi edhe te Erdogani, se iu kujtua Hoxha kur e mori Shqipërinë dhe ë përplasi në Kinë. Ndërsa Rama mendon se Moskës dhe Hrushovit Hoxha iu shkëput me dredhinë e tij. Por tani që doli teksti i bisedës sekrete Kenedi-Hrushov, e kuptuan edhe hoxhistët më të thekur, se ishte kërkesa ultimative e Xhon Kenedit : “Shqipëria nuk preket”, që Hrushivi iku nga Vlora. Por, ky tarallaku ynë Hoxha iku me vrap në Kinë, dhe njëlloj po vepron edhe Rama sot që u nis te Erdogani. Nuk mbush Rama.

Ja, këta janë të zgjedhurit e mëdhenj të fatit antishqiptar. Dhe janë shumë: gati të gjithë kryeministrat. Esadistë të kulluar janë, por tani janë në fund.

Që të dy, Rama dhe Berisha, e kanë të pastër specifikën e defektit të vjetër të politikanëve të shitur dhe antishqiptarë që kanë drejtuar Shqipërinë. Të gjithë kanë qenë të paedukuar nga sistemi logjik racional dhe prandaj këta: humbjen e kthejnë në fitore, faktin në legjendë dhe legjendën në mit.

Ky është Saliu origjinal dhe i shfaqur; por kështu është edhe Ramë ziu së brendshmi dhe i pashfaqur në publik, por vetëm me serventët e tij, si rregull fëmijë nga mendja, të cilëve iu thotë gënjeshtra dhe gojëdhana, që këta t’i mbajnë këto si mite. Të gjithë hajdutë, që po thonë me njëri-tjetrin: “Rama është njëri i madh. Do t’ia hedhë Amerikës”. Njëlloj siç thonin ata injorantët enveristë kur mbeteshin duke llomotitur se Enver Hoxha po drejtonte botën dhe revolucionin botëror. Po njëlloj, se janë ë njëjta specie. Asgjë nuk ka ndryshuar ende në psikikën e politikës shqiptarë: ajo vazhdon ende të jetë në karakterin skizofrenik të politikës së vjetër shqiptare që sundon, shet dhe vjedh sipas oreksit të skizofrenit që e drejton si kryeministër.

Spartak Ngjela trondit vendin: Ka hyrë në lojë FBI, Saliu e ka provuar një herë, Rama fluturon si torollaku Enver Hoxha Read More »

Nard Ndoka: Zgjohu Edi Rama, ‘byrazeri’ yt Erdogan, po ta fut pa e ndjerë, apo kështu të pëlqen!

Opinione, Politike / /

Deputeti Kristian Demokrat Nard Ndoka ka reaguar pas lajmeve se universitetin e New York në Tiranë e ka blerë shteti turk. Ai në një shensim në rrjetet sociale shkruan se “Strategjia turke, po pranohet zyrtarisht nga Rama e Thaçi; nënshtrim, çorientim apo tradhëti kombëtare?!”

Ja shenimi i plotë i deputetit Ndoka në facebook:

Shteti Turk blen Universitetin New York në Tiranë. Financim i posaçëm shtetëror për influenca otomane në Kosovë e Shqipëri; në ekonomi, arsim, kulturë, histori e religion.

Strategjia turke, po pranohet zyrtarisht nga Rama e Thaçi; nënshtrim, çorientim apo tradhëti kombëtare?!

Hiqet flamuri i SHBA-ve, vendoset flamuri turk! Kerkesa e përsëritur e Erdoganit për Ramën; mbyllja e shkollave të Gylenit, sipermarrje private. Rama nën frikën e SHBA-ve, zgjodhi një mënyrë të kamufluar; dy rrymat turke, prezente në Shqipëri. SHBA vëzhgon!

Zgjohu Edi Rama, “byrazeri” yt Erdogan, po ta fut pa e ndjerë; apo kështu të pëlqen!

Nard Ndoka: Zgjohu Edi Rama, ‘byrazeri’ yt Erdogan, po ta fut pa e ndjerë, apo kështu të pëlqen! Read More »

Pazar-biznes mes (ar)miqve “të egër” Rama-Meta, për të futur në “kthetra” industrinë e bakrit, florit, argjendit

Aktualitet, Politike / /

Minierat dhe fabrikat e bakrit shqiptar, u dhanë më 2001 nga Ilir Meta për 30 vjet, Rama e zgjati në 45 vjet më 2017.

Me prapanicat e futura në det dhe duke u shtirur sikur janë në armiqësi me bosët e LSI, bosët e pushtetit të “rilindjes”, mendojnë, sajojnë, firmosin e vulosin koncesine dhe tendera të përbashkët afro gjysëm shekullorë, me vlerë miliarda lekë, për të shtuar pasuritë e tyre, të familjarëve ndër breza, të miqve, klientëve, shokëve e dashnoreve.

Këto hajdutëri, fillimisht i promovojnë si “shërbim në interes të qytetarëve e banorëve të zonave”, ku ata hapin themele dhe ngrenë biznese, duke investuar taksat publike dhe borxhet e shumta që marrin nëpër botë, por që paguhen nga shqiptarët.

Më datë 13 gusht 2018, megjithëse banda qeveritare është me pushime nëpër plazhe, resorte e male, nga zyrat e saj ka dalë njoftimi, për shpalljen e një tenderi me vlerë 806 milionë lekë, ose afro 1 miliardë lekë, me objekt “Rehabilitim i Uzinës së Rafinimit të Bakrit në Rubik” e cila siç dihet, ka qenë uzina e pasurimit (prodhimit) të 1500 kg. flori shqiptar i derdhur në linkota, që nxirrej nga minerali bakrit.

Ky rehabilitim, sipas informacioneve që ka siguruar “PAMFLETI”, fsheh skemën e një biznesi-koncesionar familjar Rama-Meta, në industrinë e nxjerrje-pasurimit (prodhimit) të floririt, mbasi projekti rehabilitues, parashikon rivendosjen në punë, vetëm të impiantit të pasurimit (larjes së bakrit), duke percipituar floririn në vaskat e shllamit dhe repartin e elektrolizës së argjendit, ku veçohen këto dy metale me vlerë.

Lënda e parë minerali i bakrit, do të çohet në Uzinën e Rubikut, nga minierat e Munellë-Lak Roshit-Fushë-Arrëzit, që nxirret nga firma konesionare turke “Ber Orner”, me administrator hebreun me shtetësi truke Erol Kohen, i cili i ka marrë me koncesion minierat e bakrit në Shqipëri, qysh 17 vite më parë, me vendim qeverie të Ilir Metës-kryeministër, datë 18. 01. 2001, miratuar brenda 15 ditësh në parlament, me Ligjin Nr. 8761, datë 02. 04. 2001.

Duke parë ndërhyrjen e përshpejtuar, për rehabilitimin e uzinës së bakrit në Rubik, që sipas njoftimit të qeverisë “Rama-2”, duhet të rehabilitohet për 6 muaj e 15 ditë (25 mars 2019), del sekreti i vendimit të Qeverisë “Rama-1”, për miratimin urgjent e në fshehtësi, të Ligjit nr. 73/2017, datë 27. 04.2017, hartuar nga Edi Rama Kryeministër dhe Ilir Meta Kryetar Kuvendi, për lejimin e ndryshimit të emrit të firmës turke, nga “Ber Orner” në “Nesco Metal” dhe shtimin e afatit të koncesionit të bakrit, nga 30 vjet që ishte, në 45 vjet, ose deri në vitin 2046.

Këtë bindje, ta përforcon edhe fakti absurd, që qeveria po financon rehabilitimin e Uzinës së Rubikut, të cilën sipas kontratës koncesionare 45-vjeçare, e ka në administrim dhe detyrim për rehabilitim teknologjik e rivënie në punë, firma turke “Ber Orner” (Nesco Metal) e cila deri në vitin 2046, ka në zotërim zonat minerare të bakrit dhe 9 qendra industriale, konkretisht Uzinën e Shkrirje-Rafinerisë së Bakrit Rubik, Impiantin e Skorjeve të Bakrit në Shëngjin, minierat e bakrit në Munellë, Lak-Rosh, Karmë, Vlahnë, Perollaj, fabrikën Fushë-Arrëz, Mjedë dhe Krumë.

Atëherë përse qeveria, financon 1 miliardë lekë taska publike, për biznesin e koncesionarit privat të bakrit, i cili ka 15 vite që nuk po i shlyen shtetit shqiptar, 118 milionë USD detyrime taksa vendore qendrore, rent minerare, energji elektrike, ujë e sigurime shoqërore-shëndetësore të punonjësve?!

A ka lidhje ky investim i përshpejtuar në Uzinën e Bakrit në Rubik, me një pazar-biznes familjar Rama-Meta, për nxjerjen dhe pasurimin (prodhimin) e floririt shqiptar?

Në vijim, “PAMFLETI” do të publikojë, fakte e dokumente, që zbardhin këtë pazar të (ar)miqve “të egër” Rama-Meta, për të futur në “kthetra” edhe industrinë e bakër, flori, argjendit./Pamfleti

NJOFTIMI/MINISTRIA E INFRASTRUKTURËS DHE ENERGJISË

Pazar-biznes mes (ar)miqve “të egër” Rama-Meta, për të futur në “kthetra” industrinë e bakrit, florit, argjendit Read More »

“Veriu i Kosovës i duhet dhënë Serbisë”, shkrimtari i përvishet keq analistit: Je mercenar…

Debat, Politike / /

Deklarata e analistit nga Kosova, Baton Haxhiu se, është pro shkëmbimit të territorit me Serbinë, ka sjellë mjaft reagime negative në drejtim të tij. Një prej tyre është shkrimtari, Agron Tufa, i cili shprehet se Kosova nuk ka qenë ndonjëherë shtëpia e Haxhiut. Pasi ky mendon që një pjesë e veriut të Kosovës duhet dhënë Serbisë.

“Nëse Baton Haxhiu perserit “Veriu i Kosovës i duhet dhënë Serbisë”, edhe unë po përsëris: “Lëreni Batonin t’ia japë Serbisë veriun dhe jugun e erzit të shtëpisë” (Kosova nuk ka qenë ndonjëherë “shtëpia” e tij: tradhëtarët e mercenarët nuk kanë atdhe!)”, tha Tufa.

Sidoqoftë, në një intervistë të Baton Haxhiut dhënë gazetës MAPO, ka konstatuar se korrigjimi i kufijve nënkupton që edhe Kosovës do t’i hiqet një pjesë.

Haxhiu është analisti i vetëm në Kosovë që po përkrah idenë e Hashim Thaçit për “korrigjim të kufijve”. Të dy njihen për raportet e tyre miqësore. Madje javën e kaluar Thaçi e Haxhiu kishin kaluar një vikend në bregdetin e Shëngjinit.

“Veriu i Kosovës i duhet dhënë Serbisë”, shkrimtari i përvishet keq analistit: Je mercenar… Read More »

Deputetët dibranë më të pasurit e parlamentit, po i marrin shpirtin miletit në këtë krahinë

Aktualitet, Politike / /

Shitblerja e votës është bërë një fenomen i zakonshëm tashmë. Në çdo palë zgjedhje ka surpriza të reja rreth këtij fenomeni. Nisi vite më parë me 20 mijë lekë të vjetra dhe tani po shkon 200 mijë lekë një votë. Bastardët që vjedhin pasuritë publike, arkën e shtetit dhe çdo gjë me vlerë në këtë vend, u duhen votat për të vjedhur në vazhdimësi.E ku më bukur se në qarkun e Dibrës mund ta bëjnë këtë. Rrethet Dibër, Bulqizë e Mat janë ndër më të varfërat në rang vendi, kjo zonë është lënë pas dore nga mungesa e investimeve.

Pushtetarët e kanë dashur këtë zonë për t’i marrë të mirat materiale, e në fund për t’i vjedhur edhe votën, e në fund duke marrë votën për të vjedhur me anë të koncensioneve dhe tenderimeve pasuritë mbi e nëntokësore. Ia kanë marrë gjithçka kësaj zone, nga mineralet, pyjet, ujin, liqenet etj. Asgjë nuk kalon pa miratimin e funksionarëve dhe zyrtarëve të Tiranës.

Mafia politike komandon në Tiranë me anë të vulës së shtetit, duke firmosur kontrata, projekte dhe ligje që u shërbejnë vetëm interesave dhe xhepave të tyre.

Në zgjedhjet e vitit 2017, në zonën e varfër në Bulqizë dhanë të gjithë lekë për votën. “Pamfleti” ka marrë prononcimet e banorëve, që thonë se vota ishte një pazar, por ka studiuar edhe fenomenin, i cili ngjan me formulën e vjetër “kush jep më shumë merr më shumë vota”.

Dy partitë e mëdha PS dhe PD jepnin nga 50 mijë lekë të vjetra e në raste të vecanta deri në 70-80 mijë lekë.LSI e kishte pazarin më lart, nga 100-120 mijë lekë, ndërsa një kandidate-deputete e një partie pa taban dhe mbështetës në Dibër, thuhej nën zë se kishte shkuar në 150 mijë lekë për votë. Gjashtë deputetët e qarkut Dibër, duhet t’u shtosh edhe një listë të gjatë deputetësh me origjinë nga ajo zonë por që përfaqësojnë elektoratin në Tiranë, Durrës dhe Elbasan, të cilët nën bekimin e Edi Ramës, Ilir Metës dhe Lulzim Bashës, e padyshim edhe Sali Berishës, po vjedhin kromin, pyjet, ujërat e çdo gjë që u del përpara.

Janë të pangopur, të pashpirt dhe duke bashkëpunuar me oligarkë dhe pazarxhinj të fëlliqur të sindikatave dhe natyrisht me hajdutët e pushtetit vendor dhe të gjithë bashkë po i marrin shpirtin miletit në këtë krahinë. Nuk flitet për ndershmëri dhe votim dinjitoz, sepse vota në qarkun e Dibrës është një pazar i pastër dhe sidomos në Bulqizë, sa herë ka zgjedhje sekserët e partive i sheh me canta të zeza dhe me trasta parash në krahë duke blerë vota.

Janë mësuar dhe banorët me ta. Këta persona njihen, madje janë dhe të punësuar me “telekomandën” e partisë dhe spiunojnë për partinë, për tendencat e votës në komunitetin e zonës. Banorët janë mes dilemash të mëdha, por duke ditur se përpara ka vetëm hajdutë, majtas e djathtas qofshin ata, janë të detyruar që të zgjedhin dy rrugë, ose të votojnë kundrejt pagesës ose të mos shkojnë të votojnë.

Në të dy rastet pushtetarët do të vjedhin, kështu që 100 mijë lekëshi për votë për fshatarin e varfër që s’ka me se të ushqejë fëmijët e tij vjen si ngushëllim. Deputetët me origjinë nga Dibra janë ndër më të pasurit e parlamentit. mShikoni Rakip Sulin, Sadri Abazin, Monika Kryemadhin etj, të cilëve nuk u dihet këndi i pasurisë. Edhe macet dhe qenushët i kane me vaska dhe i lajnë e i parfumosin me produkte luksi që vijnë nga Perëndimi.

Ka të tjerë që janë shkëputur prej 30 vjetësh nga zona, por vijnë e vjedhin kromin dhe largohen pa u hyrë gjemb në këmbë. As ferri nuk ka për t’i pranuar këta maskarenj që janë tallur me dinjitetin e shqiptarëve dhe kanë vjedhur pasuritë e Shqipërisë./Pamfleti

Deputetët dibranë më të pasurit e parlamentit, po i marrin shpirtin miletit në këtë krahinë Read More »

Ethet e shtatorit, Rama me ministrat kthehen nga pushimet, ja kush mbërrin të hënën në Tiranë

Politike / /

Në mënyrë të papritur janë kthyer nga pushimet shumë shpejt jo vetëm ministrat e qeverisë “Rama”, por edhe thuajse i tërë korpusi i rëndësishëm diplomatik në Tiranë. Burime diplomatike kanë dëgjuar të flitet për ndryshime të rëndësishme para vjeshtës në kryeqytetin shqiptar. Vetë kryeministri Edi Rama ka paralajmëruar një ndryshim të thellë të kabinetit të tij në shtator, opozita ka thirrur për “protesta pa kthim”, kurse analistë pranë saj kanë folur për “trazira të forta”.

Ç’do të ndodhë realisht?

Gjithçka pritet të galvanizohet nga ardhja në Tiranë e të Ngarkuarit me Punë të SHBA-së, i cili do të qëndrojë në detyrë deri sa Senati Amerikan të konfirmojë ambasadoren e re. Pritet që të hënën të konfirmohet GIP-i, siç quhet në gjuhën e DASH i dërguari i posaçëm, i cili do të kryejë konsultimet e para me aktorët politikë shqiptarë. Po në fund të këtij muaji, është parashikuar të mbahet mbledhja e Asamblesë së PS-së, e cila pritet që të paralajmërojë furtunën e madhe në qeveri.

Siç mësohet, Edi Rama e ka vendosur se kë do të heqë e do të vendosë në kabinet. Zëra flasin për afro 80% të kabinetit të ribërë, por gjithsesi mbeten zëra. Megjithatë një tjetër zë, ky brenda mazhorancës, flet për rinovim total të qeverisë, përveç Arben Ahmetajt që nuk lëviz. Ndërsa burime diplomatike flasin se Rama do ta lërë in-hold planin e tij për rinovimin e qeverisë deri në shpërthimin e “bombës Basha”, pra planit të tij për të kondicionuar një marrëveshje politike me qeverinë.

Ka shumë gjasa që ndryshimet në qeveri të jenë pjesë e paketës për një frymë të re me opozitën, paketë e cila do të përmbajë: pakt për Kryeprokurorin e ri, për krerët e institucioneve të drejtësisë, reformën e re zgjedhore dhe rishikimin e ndarjes administrative. Ka shumë gjasa që disa nga ministrat më problematikë të përmendur nga opozita të jenë pjesë e ndryshimit, dhe në postet kyçe si drejtësia të emërohen teknokratë që kanë edhe izmën e opozitës, në mënyrë që ajo të japë “Ok” për votat e saj në zbatimin e reformës për drejtësi.

Por dilema është se kush do të marrë përsipër negociatat. Deri tani PD-ja ka qenë në “armiqësi” si me ambasadorin amerikan, ashtu edhe me ambasadoren e BE-së. Pritet se cili do të jetë qëndrimi pas largimit të Donald Lu-së për të parë qasjen e opozitën në vazhdim dhe çfarë kërkon realisht. Në publick, Basha do të kërkojë largimin e Edi Ramës, por natyrisht nuk ka gjasa që kjo të ndodhë, të paktën nëse nuk do të ketë kushtet përkatëse që do ta mundësojën atë.

Nga ana tjetër, një pakt politik për të ardhmen, ose deri në zgjedhjet e vitit 2019-s nuk është i pamundshëm dhe këtë e ka pranuar edhe Edi Rama në një intervistë të fundit televizive. Çështja është që këto ofertë, si do ta konsiderojë Lulzim Basha, i cili duket se ka bërë një plan për protesta të përditshme për javët e para të shtatorit. Synimi i këtyre protestave është që të kondicionojë ndryshimet në qeveri me një pakt frytëdhënës për opozitën. Kontaktet mes Ramës dhe Bashës duket se kanë vazhduar në distancë, por deri tani mbahen shumë të rezervuara mesazhet e shkëmbyera.

Ndërkohë, si kryeministri, ashtu edhe kreu i opozitës mbajnë kontaktet e kujdeshme me Ilir Metën e Monika Kryemadhin për të mos pasur reragimin e fortë të faktorit të tretë politik në vend. LSI nga ana tjetër, edhe pse po sulmon Ramën nuk i ka dhënë Bashës mbështetjen e duhur, duke mbajtur lidhje direkte me Doktorin. Një situatë absurdi ku si gjithmonë, “askush nuk i beson askujt” për të prodhuar në fund një zgjidhje finale që edhe pse duket e momentit të fundit, e tillë nuk është. Ajo që ndodhi më 17 maj mes Ramës dhe Bashës ishte gatuar prej kohësh nga amerikanët, por që Meta e Berisha tentoi që ta prishë deri në momentin e fundit. Nuk ja doli dhe për këtë arsye u shkarkua me urgjencë Petrit Vasili nga posti i kreut adinterim të LSI-së, analizon Tesheshi.

Ethet e shtatorit, Rama me ministrat kthehen nga pushimet, ja kush mbërrin të hënën në Tiranë Read More »

Deputeti i PS replikë të fortë me dhëndrin e Berishës: O bo….e po ti hanë kumbullat të tjerët. Kujdes se po të rreh vjehrri

Debat, Politike / /

Një përgjigje të ashpër i ka dhënë deputeti i PS Pjerin Ndreu dhëndrit të ish kryeministrit Sali Berisha, Jamarbër Malltezit. Reagimi i tij erdhi pasi ish kryeministri publikoi një foto nga Porti i Durrësit, ku dukej një shtëngullë e madhe tymi, e cila u bë mollë sherri midis dhëndrit të tij Jamarbër Malltezi dhe deputetit të PS-së, Pjerin Ndreu. “Shiko cfare behet ne portin e durrsit z.berisha kemi ardh per pushime jo te thithim aromen e plerave”, shkruante Berisha në postimin e publikuar më herët.

Menjëherë pas tij reagoi edhe dhëndrri i tij, Jamarbër Malltezi, i cili është edhe Drejtuesi i Departamentit të Mjedisit në PD, ku u shpreh se kapitenerinë e portit po e përlan vellai i deputetit të PS Ndreu nga Mirdita. “Durres, 17 Gusht 2018. Falimenton felliqesira qe na e quajne shtet!!! Ku eshte inspektoriati shteteror i mjedisit? Ku eshte agjensia e bregdetit? Ku eshte kapiteneria e portit? Ku jane emergjencat civile? Ku agjensia turizmit?

Klosi u be dy here deputet ne Durres, por cilin qytetar Durrsak promovoi? Asnje. Vec ish kreut te ps Durres Konomi qe ishte shef dogane per 3 muaj dhe e hoqen se kish dore te rende. Ky e fiton konkursin si profesionist! Kapitenerine e portit e perlan vellai i deputetit te ps Ndreu nga Mirdita. Ky e fitoi konkursin? Nuk kishte asnje profesionist detar nga Durresi? Nuk kishte asnje profesionist tjeter pervec atij qe ka vellain deputet? Ketu eshte kalbur kripa”, shkruante Malltezi.

Pas këtij reagimi, është përgjigjur deputeti socialist Pjerin Ndreu: “O dhenderrushi budalla i Saliut qe ti hane kumbullat te tjeret e ty te mpihen dhembet ! Kapiteneria nuk merret me zjarret ne toke o bo….e ! Pastaj drejtori qe thu ti nuk e ka uzurpu postin se nuk e ka pase vjehrrin kryeminister, por ka mbaru Akademine e Marines ne Vlore o dhenderrush i vobekte ! Pastaj ku e ke te shkruar ti qe te jesh nga Mirdita, Puka apo Tropoja nuk duhet te jesh drejtor ?! Kujdes se po te rrah vjehrri me keto budalleqe qe thu ! Te fala tyt eti se eshte burre, po ty duket se ti ka helmu trute doktori e nuk di ca thu”!/korrieri

Deputeti i PS replikë të fortë me dhëndrin e Berishës: O bo….e po ti hanë kumbullat të tjerët. Kujdes se po të rreh vjehrri Read More »

Shkëlzen Berisha ‘sulmon’ policinë: Sekuestron drogën, por nuk arreston shoferin

Opinione, Politike / /

Përmes një postimi në rrjetin social facebook, djali i ish-kryeministrit Sali Berisha, Shkëlzeni Berisha ka ‘sulmuar’ policinë, duke thënë se kanë sekuestruar drogën, por nuk kanë arrestuar shoferin.

POSTIMI I PLOTË/ Policia që duam. Ndalon ne postobllok makinen me droge por jo shoferin. “Më datë 16. 08. 2018, në kuadër të planit të masave kundër prodhimit dhe shitjes së lëndëve narkotike, në aksin rrugor Selenicë – Resulaj, pikat e kontrollit të ngritura posaçërisht për goditjen e këtyre veprave penale kanë bërë të mundur bllokimin e një mjeti tip fuoristradë brenda së cilit është sekuestruar 9 kg e 720 gr lëndë narkotike e llojit Cannabis Sativa. Po punohet për identifikimin dhe kapjen e autorit. Neni 283/1 i Kodit Penal”

Shkëlzen Berisha ‘sulmon’ policinë: Sekuestron drogën, por nuk arreston shoferin Read More »