Rama duket me sytë nga qielli, sikur po i lutet Zotit për diçka, para se të nisë samiti. Në fakt, nuk e dimë çfarë ka menduar Rama teksa i është lutur Zotit, por sot qielli ishte i nxirë dhe binte në shi, e ndoshta kjo ka qenë një arsye pse sytë e kryeministrit i janë drejtuar qiellit.
Kryeministri Edi Rama priti sot homologët e Ballkanit Perëndimor në Samitin e mbajtur në Durrës, ku u diskutuan shtyllat kryesore të rrugës për në Bashkimin Evropian. Gjatë takimit me miqtë e rajonit nuk kanë munguar dhe momentet delikate për kryeministrin Rama.
Në një foto të shkrepur nga Report Tv, Rama duket me sytë nga qielli, sikur po i lutet Zotit për diçka, para se të nisë samiti. Në fakt, nuk e dimë çfarë ka menduar Rama teksa i është lutur Zotit, por sot qielli ishte i nxirë dhe binte në shi, e ndoshta kjo ka qenë një arsye pse sytë e kryeministrit i janë drejtuar qiellit.
Gjithashtu, para samitit nuk kanë munguar dhe detaje të tjera, siç ishte takimi i Ramës me Haradinajn, ku kryeministri shqiptar i kërkon homologut të heqë kollaren, apo dhe takimi i tij i veçantë me kryeministrin e Malit të Zi, ku Rama sishet që e kap për krahu.
Kreu i qeverisë, Edi Rama e ka nisur javën duke publikuar një projekt që ëshë pjesë e Unazës së Madhe të Tiranës, Kryeministri shkruan se, puna për ndërtimin e këtij segmenti në pjesën lindore të kryeqytetit do të nisë në vjeshtë.
Por, shumë qytetarë i kujtojnë Ramës që të luftojë korrupsionin, ndërsa njëri thotë se ndonjë ditë do të paraqesë në Facebook planin për ndërtimin e ndonjë rruge për në Hënë.
Mesazhi i Rames
MIRËMËNGJES dhe me këtë shfaqje të projektit të Unazës së Madhe lindore të Tiranës nga zgjatimi i Lanës drejt Shkozës, për të kaluar deri në Farkë ku bashkohet me segmentin e përfunduar që të çon në kryqëzimin e hyrjes së autostradës Tiranë-Elbasan (aks me standardet e kategorisë A urbane, përfshirë veprat e artit, ura, mbikalime, nënkalime, kryqëzime), duke ju informuar se kontratat mbyllen e puna nis këtë vjeshte, ju uroj një javë të mbarë.
Një analizë në detaje na nxjerr në pah se mundësia për një korrigjim kufijsh mes Kosovës dhe Serbisë do të mundësonte faktin që shteti i Kosovës të fshihej fare nga Kushtetuta e Serbisë. Nënshkrimi i një dokumenti juridikisht obligues me Kosovën, për Serbinë do të nënkuptonte edhe ndryshimin e Kushtetutës së saj, vlerësojnë njohës të zhvillimeve politike dhe ekspertë të çështjeve juridike. Pavarësisht nga kjo, në Qeverinë e Serbisë, në Zyrën për Kosovën të kësaj qeverie e as në Kuvendin e Serbisë, nuk ka informacione se dikush po merret me këtë çështje.
Ministria e Drejtësisë e Serbisë, përmes një deklarate me shkrim për Radion Evropa e Lirë, ka thënë se ajo merret ekskluzivisht me amendamentet kushtetuese që ndërlidhen me gjyqësorin. Nga Qeveria e Serbisë është thënë për Radion Evropa e Lirë se askush nuk është duke u marrë me ndryshimin e Kushtetutës në lidhje me Kosovën, ndërkohë që Zyra për Kosovën e Qeverisë së Serbisë, nuk është përgjigjur fare. Edhe më tej, në fjalorin zyrtar të zyrtarëve serbë, Kosova është “krahina jugore serbe”, ndonëse, faktikisht, nuk është e tillë gati se tash e dy dekada. Kushtetuta e tanishme serbe thotë se Kosova është pjesë e Serbisë, ndërkaq që kufijtë, pas vitit 1999, prej kur institucionet e shtetit të Serbisë nuk janë të pranishme më në territorin e Kosovës, i quan si kufij administrativ. Çdo ndryshim do të nënkuptonte edhe ndryshim të Kushtetutës së Serbisë.
Gordana Çomiq, nënkryetare e Këshillit parlamentar për çështje kushtetuese dhe legjislative, thotë se nuk ka njohuri që ndonjë institucion apo ekip profesional po merret me dispozitat kushtetuese për Kosovën. “Kjo nuk është temë as në opinionin tonë vendor, as në opinionin evropian e as në vendet partnere ku merren vendimet, sikurse që janë Moska ose Uashingtoni. Kushtetuta dhe preambula askund dhe për askënd nuk janë temë”, thotë Çomiq. Megjithatë, bashkëbiseduesit e Radios Evropa e Lirë, vlerësojnë se do të ketë mjaft punë lidhur me këtë çështje.
Bogoljub Milosavljeviq, profesor i të Drejtës Kushtetuese nga Beogradi, thotë se Kosova duhet të largohet nga Kushtetuta serbe në qoftë se vendosen kufijtë me Serbinë. “Caktimi i kufijve, në kuptimin e pranimit të pavarësisë shtetërore të Kosovës, kurrë nuk do të mund të bëhej pa ndryshimin e Kushtetutës. Së pari, ajo pjesë në të cilën thuhet që Republika e Serbisë ka në përbërjen e saj dy krahina autonome, Vojvodinën dhe Kosovën. Edhe preambula e Kushtetutës do të duhej të pësonte ndryshime, marrë parasysh që ajo u krijon organeve shtetërore obligime të caktuara lidhur me Kosovën”, shpjegon procesin Milosavljeviq.
Në Kushtetutën e Serbisë, të vitit 2006, Kosova përmendet në mënyrë eksplicite tre herë. Fillimisht në preambulë, më pas në nenet për organizimin territorial, në të cilat definohet pozita e krahinave autonome. Preambula në të cilën përmendet Kosova, nuk është pjesë obliguese e Kushtetutës. Se a do të duhej që kjo preambulë të ndryshohej apo të fshihej tërësisht, ekzistojnë qëndrime të ndryshme në opinionin e ekspertëve.
Në pjesën normative të Kushtetutës serbe, Kosova duhet të fshihet tërësisht, shpreh mendimin Dushan Janjiq nga Forumi për Marrëdhënie Etnike. “Duhet që nga ligjet e Serbisë dhe sistemi kushtetues, të përjashtohet fjala Kosovë. Sidoqoftë, nuk ka shumë ndryshime në vetë tekstin e Kushtetutës së vitit 2006”, theksoi Janjiq. Shënimi i kufijve me Kosovën, për të cilën po flasin kryetari i Serbisë, Aleksandar Vuçiq dhe bashkëpunëtorët e tij, si një zgjidhje e mundshme, nënkupton përcaktimin e kufijve me Kosovën. Në nenin 8 të Kushtetutës së
Serbisë thuhet që territori i Serbisë është “unik dhe i pandashëm”, ndërkaq që kufiri është “i paprekshëm”. Përcaktimi i kufijve nuk është pjesë e Kushtetutës. Kufijtë përcaktohen me marrëveshje ndërkombëtare dhe precizohen me komisione të përziera në rast se nuk ka konteste të mëdha, sqaron Janjiq.
“Kur kjo të caktohet, kur kjo marrëveshje të vërtetohet, jo vetëm me nënshkrimet e (presidentit të Kosovës, Hashim) Thaçi dhe (presidentit të Serbisë, Aleksandar) Vuçiç në Bashkimin Evropian, por edhe me verifikimin përmes Këshillit të Përgjithshëm të Kombeve të Bashkuara, kjo nënkupton që më nuk do të vlejë Rezoluta 1244 e Kombeve të Bashkuara. Atëherë duhet qasur procesit të demarkacionit. Demarkacioni është procedurë e cila nuk është e definuar me Kushtetutë, por që është e definuar me normat ndërkombëtare dhe më tepër është punë teknike për qeveritë e Kosovës dhe të Serbisë”, sqaroi Janjiq.
Shënimi i kufirit me Kosovën, çfarëdo qoftë që nënkupton ai, bëhet përmes procedurës së caktuar kushtetuese, thotë profesori Bogoljub Milosavljeviq. Sipas tij, duhet të sillet vendimi me dy të tretat e votave në Kuvendin Popullor dhe konfirmohet në referendum. Milosavljeviq thotë se Kapitulli 35, në negociatat për pranim me Bashkimin Evropian, nënkupton që të gjitha çështjet e hapura ndërmjet Kosovës dhe Serbisë duhet të definohen para hyrjes në Bashkimin Evropian.
Gjithashtu, sipas tij, pranimi i Serbisë që Kosova ta marrë ulësen në Kombet e Bashkuara, nënkupton që të mos kontestohet statusi i Kosovës si shtet i pavarur, që do të thotë edhe caktimin e kufijve ndërmjet tyre. “Të gjitha këto do të mund t’i dinim në momentin që jemi në gjendje që të shohim të ashtuquajturin akt juridik obligues, se çfarë zgjidhje parashihen – se a bëhet eventualisht fjalë për ndonjë caktim të kufijve sipas kufirit të tashëm administrativ ose që eventualisht bëhet fjalë për ndonjë ndryshim të kufirit administrativ”, theksoi Milosavljeviq.
Sidoqoftë, Aleksandar Vuçiq, kur ka marrë detyrën e presidentit të Serbisë, në Kuvendin e Serbisë, me 31 maj të vitit 2017, është betuar, duke thënë se të gjitha fuqitë e tij “do t’ia përkushtojë ruajtjes së sovranitetit dhe tërësisë territoriale të Republikës së Serbisë, duke përfshirë edhe Kosovën si pjesë të saj”. Se si do të duket betimi i presidentit të Serbisë, pas zgjedhjeve të ardhshme për president në këtë vend, mbetet të shihet. /REL
Denoncimi i qytetarëve është bërë publik nga ish-kryeministri Sali Berisha.
Ja çfarë shkruan ish-Kryeministri në Facebook
Xhafo apo narkopolicia i rrjep qytetaret në portin e Vlorës!
Lexoni mesazhin e qytetarit dixhital. sb
“Përshëndetje dr Berisha policia e portit të vlorës kërkon 200€ për person për të kaluar në Itali sot që qeveria bën demek mbledhje në vlorë njerzit duan të ikin na sytë këmbët janë pa punë kjo polici i ndalon lëvizjen e lirë”.
Nesër në qytetin e Durrësit pritet të zhvillohet një takim mes udhëheqësve të vendeve të Ballkanit Perëndimor me temë “Integrimi i Ekonomisë Rajonale”. Në këtë takim mësohet se do të jetë i pranishëm edhe Komisioneri për Zgjerimin në BE, Johannes Hahn.
Samiti pritet të nisë në orën 10:00, ndërsa janë zbardhur dhe disa nga temat e diskutimeve si dhe axhendën.
Disa nga temat e diskutimit do të jenë:
Një vizioni të përbashkët mbi Strategjinë e Integrimit europian;
Zbatimi dhe Fuqizimi i Zonës Ekonomike Rajonale1;
Marrëveshja Roaming;
Fillimi i negociatave për marrëveshjet e njohjes reciproke të kualifikimet akademike dhe profesionale.
Ajo është njohur si prokurorja me dorë të hekurt pas vendimit të saj për ish ministrin Saimir Tahiri. Por pas emërimit të saj në krye të Prokurorisë së Tiranës një sërë çështjesh të rëndësishme do të bien në dorën e saj. Po flasim për Elisabeta Imeraj, e cila më 1 gusht 2018 prokurorja e Krimeve të Rënda Elisabeta Imeraj u emërua në krye të Prokurorisë së Tiranës. Tashmë sytë e gjithë opinionit publik janë drejtuar nga kryeprokuroja e re e Tiranës, Elisabeta Imeraj, e cila zëvendësoi Dritan Rreshkën e shkarkuar nga Vettingu.
Njëra prej çështjeve të nxehta dhe më të debatuara në opinionin publik është lobimi i PD në SHBA. A do të përdorë dorë të hekurt kryeprokurorja Imeraj, ashtu si në rastin e Saimir Tahirit për ta hetuar këtë rast? Kujtojmë se hetimet kanë nisur pra 11 muajsh. Konkretisht, në muajin Nëntor të vitit 2017, Prokuroria e Tiranës njoftoi se ka nisur verifikimet për kontratën e Partisë Demokratike me disa kompani lobimi në SHBA, të cilave u janë paguar nga selia blu 1 milion dollarë për të siguruar mbështetje politike nga Uashingtoni.
“Prokuroria e Tiranës ka nisur hetimin kryesisht për veprat penale të parashikuara në nenet 190 dhe 257/a të Kodit Penal, në vijim të publikimeve mediatike mbi kontrata lobimi të subjektit politik Partia Demokratike e Shqipërisë. Në kuadër të këtij procedimi penal, Prokuroria e Tiranës ka nisur kryerjen e veprimeve të nevojshme proceduriale”, thuhet në njoftimin për shtyp të Prokurorisë. Prokuroria reagoi pas publikimeve në media të dokumenteve që zbuluan kontratën dhe pagesat e Partisë Demokratike në SHBA, para fushatës për zgjedhjet e 25 qershorit.
Kujtojmë se në muajin Maj 2018, Prokuroria e Tiranës ka dërguar një letërporosi drejt Skocisë për llogari të hetimit të nisur pas dyshimeve të ngritura për mënyrën e financimit të kontratave lobuese të Partisë Demokratike në Uashington. Përmes kësaj letërporosie pala shqiptare ka kërkuar informacion për kompaninë “Biniata Trade”, kompani e regjistruar “Off shore”, por me aktivitet në këtë vend.
Në kërkesën e drejtuar autoriteteve skoceze Prokuroria kërkon të marrë dijeni në lidhje me aksionerët, apo aktivitetin e kësaj kompanie. Kjo letërporosi është e dyta në radhë gjatë këtij hetimi. Më herët prokuroria i kërkoi informacion në rrugë zyrtare SHBA-ve në lidhje me lobuesin Nick Muzin. Partia Demokratike e udhëhequr nga Lulzim Basha, në prag të fushatës elektorale për zgjedhjet parlamentare të 25 qershorit lidhi dy kontrata me lobistin e saj në Uashington, “Stonington Strategies”, në mënyrë që të siguronte takime të nivelit të lartë me administratën e Presidentit Donald Trump. Basha akuzohet se është financuar nga kompani ruse, ndërkohë që njëra prej transfertave rezulton të jetë bërë nga një kompani guaskë me aksionarë anonimë e regjistruar në parajsa fiskale.
Ndërsa është paralajmëruar një shtator i nxehtë politike nga opozita, një mesazh u kërkua të jepej nga të rinjtë e LSI teksa mbyllën kampin e përvitshëm veror në Jalë. Me këngë dhe marsh ushtarak si një nisje për në luftë, video u bë virale brenda pak orësh, e eklipsoi duke ngjallur jo vetëm humor të zi në rrjet, por edhe kritika për fanatizmin me të cilin të rinjtë e këndojnë tekstin, që i ngjan më tepër një poezie të dobët.
Përveç ngjashmërisë me parakalimet e fëmijëve gjatë kohës së komunizmit para udhëheqjes, shqetësimi i mijëra komentuesve në rrjete sociale është ajo që e shohin si shpëlarje e truve të rinisë në një strukturë që i ngjan më tepër sektit se partisë. Ndër të paktët që e ka marrë seriozisht, ishte ish kreu i PD-së Sali Berisha, që e postoi me fjalët se “rinia do të përmbysë narkoshtetin”, por duke nxitur menjëherë një valë komentesh kritikuese që i krahasonin të rinjtë herë me debatikas, dhe herë me pasuesit e Hitlerit.
Vala e komenteve përfshin postimet në profile analistësh e qytetarësh, e deri te faqja humoristike Lolita, e cila shqetësimin për militantin që poshtërohet deri në patetizëm, e mbyll me mesazhin: mos e harro këtë video herën tjetër që të lypin votën. Nga ana tjetër nga postimet ironike në rrjetet sociale, gjykohet se mazhoranca vetëm e trembur nuk është, por nuk dihet nëse kryeministri e ka pritur marshin e Jalës me të njëjtën buzëqeshje si çizmen e “burrneshës” në parlament.
Mandati i ambasadorit, Donald Lu në Tiranë mund të zgjatet dhe me një vit tjetër. Kjo për shkak të shtyrjes së dëgjesës për ambasadoren e re dhe mundësia për ta pyetur dhe për përzierjen e rusëve në SHBA, krijon kushtet që Donald Lu të qëndrojë në Tiranë. Një gjë e tillë pritet të sjellë zhvillimet interesante në Tiranë.
Pas publikimit të lajmit se Lu ishte emëruar ambasador në Kirgistan, gjë që ka ndodhur në të vërtetë, por që formalisht të paktën do të dëgjohet në komisionin e jashtëm të Senatit në SHBA pati festë nga PD dhe LSI, festë që u shoqërua dhe me ironinë e zyrtarëve të lartë të të dy partive respektive në opozitë. Ironi e shoqëruar me deklarata kundër Lu, “shërbimin” e tij ndaj Ramës por dhe karikatura të ndryshme me peshq, me kryeministrin apo dhe me ambasadoren në largim të BE Romana Vlahutin.
Dhe Donald Lu e dha mesazhin e parë të lamtumirës kur deklaroi se kushdo që të vijë në Shqipëri si ambasador i SHBA, reformën në drejtësi, Vettingun dhe arrestimin e “peshqeve të mëdhenj” do ta ketë në qendër të punës së tij, pasi është një investim i SHBA ky.
Teksa kaloi qershori dhe erdhi korriku, Donald Lu dha mesazhin e dytë të lamtumirës, sërish të lidhur me Vettingun, reformën në drejtësi dhe arrestimin e “peshqve të mëdhenj”, kur deklaroi se “të gjithë duhet të ketë frikë nga reforma në drejtësi, dhe politikanët”.
Dhe kur kaloi korriku dhe në “kapërcyell” të gushtit, teksa “vapa ikën dhe me gushtin”, Donald Lu lëshoi mesazhin e tretë të lamtumirës, atë të përsëritjes të vendosmërisë për t’i shkuar deri në fund reformës në drejtësi dhe vettingut, ngritjen e institucioneve SPAK e Byrosë Kombëtare të Hetimit, me qëllimin e vetëm, burgun për “peshqit e mëdhenj”.
Tashmë pritet dhe një lamtumirë e katërt, që ndoshta do të jetë e fundit për të dhe përfundimisht do të largohet nga Shqipëria. Lamtumirë që pritet të jepet nga vera e vitit të ardhshëm me sa duket.
Ka në “themel” kjo që themi, përvojën me ish ambasadorin e SHBA në Tiranë, Alexandër Arvizu, i cili dha katër darka lamtumire me të gjithë politikën dhe mediat shqiptare dhe qëndroi dhe mbi një vit përtej mandatit zyrtar si ambasador i SHBA në Tiranë. Dhe situata ishte terësisht e ndryshme nga ajo që po paraqitet sot me ambasadën e SHBA në Tiranë. Pasi nuk është dhe zv.ambasadori, i cili e ka mbyllur mandatin, ndërkohë që e ngarkuara me këtë detyrë vijon ta kryejë atë, por me sa duket bashkë me Donald Lu.
Themi se situata është pak ndryshe, pasi e nominuara e Donald Trump si ambasadore e SHBA-ve në Tiranë, Kathleen Kavalec, pritej të zhvillonte dëgjesën në senat, por ajo s’është paraqitur. Duke u interesuar për të mësuar arsyet e mungesës së saj mediat shqiptare e pyeti zëdhënësin e senatorit amerikan Bob Corker kreu i komitetit për marrëdhëniet me jashtë që dha këtë përgjigje:
“Vumë re se një numër i anëtarëve të komisionit po kërkojnë informacione shtesë. Ne do të rishohim në një seancë për të nominuarin që do të shërbejë si ambasador në Shqipëri sa më shpejtë të jetë e mundur”. Rreth një muaj më parë, emri i Kathleen Kavalec u nominua nga presidenti Trump si ambasadore e SHBA në Tiranë pas përfundimit të mandatit të Donald Lu.
Megjithatë ditët e fundit mediat amerikane shkruajnë se emri i Kavalec, dikur zëvendës ndihmës sekretare e në Byronë e Çështjeve Evropiane të Departamentit te shtetit, është e përfshirë në dosjen e debatueshme të Trump për zgjedhjet presidenciale.
Madje thuhet se jo vetëm ka dhënë donacione për kandidaten rivale Hillari Klinton, por dhe se ka marrë informacione për përzierjen e rusëve në zgjedhjet e SHBA. Si një njohëse e thellë e çështjeve ruse ajo nuk përjashtohet të pyetet nga ana e kongresit, në kuadër të hetimit që ka filluar për këtë çështje dhe informacionet e saj mund të jenë të vyera.
I thamë këto për të nënvizuar faktin se procesi i emërimit të saj si ambasadore e SHBA në Shqipëri mund të shkojë shumë gjatë, pasi në fillim të vitit mund të fillojë zyrtarisht gjykimi i çështjes së përzierjes së rusëve në zgjedhjeve e SHBA, gjykim që shkon shumë shumë gjatë. Dhe deri atëherë në krye të ambasadës së SHBA në Tiranë pritet të jetë Donald Lu, duke ua ngrirë buzëqeshjen në buzë PD e LSI dhe në veçanti Berishës e Metës dhe duke ua bërë nervat “kaqurrel”.
Ndërkohë që mesazhi i Donald Lu se do kërkojë fort ngritjen e SPAK-ut dhe Byrosë Kombëtare të Hetimit, është një paralajmërim serioz se “peshqit e mëdhenj” Meta dhe Berisha kanë nisur realisht të shohin ëndrra me burg dhe qeli. SHBA është e vendosur për t’i futur në burg “peshqit e mëdhenj” të politikës shqiptare, dhe Donald Lu me një vit shtesë mandati në Shqipëri, me sa duket është zgjidhja e duhur për këtë./Pamfleti
