Politike

Sekretari i Partisë Demokratike, Namir Lapardhaja, ka ‘zbuluar’ tre çështjet kryesore që po dëmtojnë rëndë partinë ku ai bën pjesë. Përmes një statusi në rrejetet sociale, zyrtari i PD shkruan se marrëveshja Rama-Basha vijon dhe se për këtë kreu i PD duhet të dalë e të flasë urgjentisht për të sqaruar demokratët, por edhe publikun.

Së dyti, sipas tij, po dëmtohet partia e dytë më e madhe në vend nga fakti se në vjeshtë mund të ketë një qeveri me bazë të gjerë PD-PS. Lapardhaja shkruan se edhe këtë duhet ta sqarojë sa më parë Basha, ndryshe partia po shkon gjithnjë e më shumë drejt greminës.

Dhe çështja e fundit, që rendit zyrtari i selisë blu, është LSI, parti që do të çojë më shumë drejt tkurrjes PD, nëse kjo e fundit vendosë të dalë me të në zgjedhje.

3 çështje që e dëmtojnë rëndë PD-në!

Janë 3 çështje, ide, thashetheme, aludime, të cilat, gjykoj, se e dëmtojnë thellësisht PD-në. Ato përhapen nga propaganda qeveritare, në mënyra të ndryshme, dhe besohen nga njerëzit, ose nga individët naivë, që besojnë se pas gjithçkaje ka një konspiracion, ose nga të poshtërit, të cilëve u del e keqja me shpirtin dhe janë verbuar aq shumë sa edhe pas 6 viteve qeverisje nga PS-ja, sërish të keqen e madhe e shohin tek PD-ja.

1. Marrëveshja Rama-Basha vijon. Ajo ka siguruar ndryshimin e pushtetit në zgjedhjet e ardhshme, kështu që demokratët dhe njerëzit të rrinë rehat, mos të ndihen.

Pavarësisht se Basha është shprehur disa herë për këtë çështje, ka shumë edhe në radhët e demokratëve qe e besojnë këtë, ndaj atij i bie barra të dalë e të flasë posaçërisht e veçanërisht për këtë gjë. Kush mohon se në radhët e demokratëve ekziston një perceptim i tillë, vetëm se gënjen vetveten.

2. Në vjeshtë do ketë qeveri me bazë të gjerë, midis PD dhe PS.

Ky është mashtrimi i dyte i propagandës zyrtare. Nëse ka një problem që e shkatërron përfundimisht PD-në, është pikërisht kjo e qeverisjes së vjeshtës me PS-në, meqenëse “e kërkon” Evropa. Sërish duhet të jetë Basha ai që duhet t’i heqë njëherë e përgjithmonë këto hije dyshimi, me forcë dhe në mënyrë të qartë.

3. 3. Është shumë shpejt për zgjedhjet lokale, por mund të dalim me LSI-në.

Shpejt??? Jo, është shumë vonë. Me LSI-në? Nuk po e zgjas shumë, por duhet ndarë me apo pa LSI-në. Nëse dilet me LSI-në, së paku flas për zona ku ajo pretendon, si Berati e gjetkë, PD-ja shkon drejt tkurrjes së thellë të mëtejshme. Nëse nuk do dilet me LSI-në, t’u bëhet e qartë njerëzve që tani se po ikin të gjithë e po i “paraprijnë” koalicionit të zgjedhjeve lokale. Por edhe shpallja e kandidatëve për muajin e fundit mund ta përballë PD-në me të njëjtën situatë si ajo e zgjedhjeve të 2017, që kur vendosi PD-ja të futej në garë, vota kishte muaj që ishte shitur.

Besoj se janë 3 problematika që duhen marrë në konsideratë. Pushteti nuk bie me evidentim akuzash dhe problemesh. Edhe ato kanë peshën specifike të tyre, por në këtë rast shqetësuese është gjendja aktuale e PD-së, e cila duket si një makineri e tërë e sfilitur, e lodhur, e pamotivuar, e përgjumur, së cilës, mbi të gjitha, duket se i ka humbur vullneti për të ndryshuar. Dhe për të fituar./korrieri

Reagimin e parë të Ramës për masakrën në Selenicë e ka komentuar ish-kryeministri Sali Berisha duke thënë se, ka një arsye që fshihet pas këtij qëndrimi. Berisha thotë se nuk u dëgjua asnjë fjalë ngushëlluese për viktimat, dhe sipas tij kjo tregon sëmundjen që Rama vuan.

Reagimi i plotë:

Rama dje ne nje deklarate makaber shpall fajtor tete viktimat e Selenices! Ai, ne nje rast unik ne bote, jo vetem nuk shprehu ngushellime por perdhosi dje shpirtrat e tete viktimave, i shpalli fajtore per se vdekuri sepse rriten statistiken e te vrareve!

Te dashur miq, ne nje rast absolutisht te pa shembull ne boten e qyteteruar, Edvin Kristaq Rama nuk shqiperoi nje fjale te vetme ngushelluese per tete viktimat e masakres te fshatit Resulaj te Selenices, e cila perberi lajm per mbare mediat e botes por jo per Edvinin!

Nje qendrim i tille mbahet vetem e vetem: – Kur je i semure psiqik bipolar dhe vuan nga paranoja e pamjekuar. Ne kete rast poli i paranojes te thote se ata jane armiq sepse te demtuan duke rritur statistiken e vrasjeve. Keshtu qe per Ramen nuk ka rendesi se humben tete jete te qytetareve, femije, gra, burra te nje familje te vendit te tij por se ata jane armiq, fajtore se rriten statistiken e vrasjeve ne vend.

Ky eshte dhe shkaku qe ato armiq nuk meritonin ngushellim, por nje qendrim i tille mbahet edhe: – Kur viktimat jane terroriste apo pushtues dhe ne keto raste dekorohet ai qe i asgjesoi ose, – Kur je rracist antishqiptar dhe nga urrejtja etnike rraciale ndjen kenaqesi kur vriten sa me shume shqiptare Ketu me poshte keni deklaraten e djeshme te Edi Rames per tete viktimat e Selenices tre jave pas ejzekutimit te tyre, per te cilet Edvin Kristaq Rama nuk shprehu asnje ngushellim. sb

“Për sa i përket sigurisë, kemi sezonin turistik me shifrat më pozitive. Në rast se nuk do të kishim atë tragjedinë e Vlorë, ku patëm 8 të vrarë, në një masakër haluçinante, do të kishim numrin më të ulët me diferencë të vrasjeve në këtë periudhë. Pa llogaritur faktin që kemi qenë efektivë me këto krimet e vogla”/korrieri

Shtatori do të nise me shumë ndryshime edhe në kabinetin qeveritar, ku ashtu sikurse është paralajmëruar do të ketë lëvizje të ministrave dhe zv.ministrave, por edhe opozita ka deklaruar se do të fillojë një stinë të madhe protestash. “Pamfleti” shkruan se një dosje super e bujshme po punohet nga Prokuroria e Krimeve të Rënda për një zyrtar shumë të lartë shqiptar.

Burime të rezervuara nga organi i hetimit flasin që brenda dhjetorit do të dalë një dosje përvëluese, ku flitet për një anëtar kabineti aktual, pra ministër. Nuk dihet nëse ky fakt ka rënë në duart e kryeministrit që mund të bëjë ndryshimet përpara se të nisë hetimi i prokurorisë, por realisht ka gjasa që situata të jetë shpërthyese si me rastin e Saimir Tahirit një vit më parë.

Ndërkaq, ambasada amerikane ka bërë thirrje për aplikimin e kandidatëve të pastër për Këshillin e Lartë Gjyqësor. Ambasadori amerikan foli për “një gjyqtar të ndershëm nga gjykatat e apelit”. Ngritja e KLGJ-së dhe KLP-së hap rrugën më pas për të startuar SPAK apo Prokuroria Speciale, e cila do të marrë kompetencat e Prokurorisë së Krimeve të Rënda. Ambasada amerikane u ka bërë thirrje të gjithë gjyqtarëve që kalojnë vetingun të aplikojnë për vendet vakante.

“Shqipëria është në prag të krijimit të një sistemi drejtësie që vërtet i shërben interesave të qytetarëve të saj. Iu bëjmë thirrje gjykatësve të ndershëm, patriotë dhe me integritet nga gjykatat e apelit që të bëjnë përpara dhe t’i shërbejnë vendit të tyre në Këshillin e Lartë Gjyqësor. Bëhuni pjesë e të ardhmes së Shqipërisë! Aplikoni”, thuhet në thirrjen e ambasadës amerikane./Pamfleti/

Presidenti i Kosovës, Thashim Thaçi në takimet me ndërkombëtarët nuk heziton asnjëherë që të flasë në anglisht, pavarësisht aftësive të tij në njohjen e saj.

Kjo ka bërë që artikulimi i fjalëve të shkaktojë të qeshura, madje edhe Aleksandër Vuçiç nuk arriti dot ta mbante gazin.

Ndërsa jemi në prag të nisjes së sesionin të ri parlamentar në vend, duket se ai do të nisë fuqishëm duke u shoqëruar me debate dhe sherre. Kjo për shkak të ligjit për shembjen e Teatrit Kombëtar, i kthyer me dekret nga Presidenti. Nikolle Lesi, botuesi i gazetes “Koha Jone”, media afer opozites dhe Presidences shkruan se diten kur te rifutet ne Kuvend ligji i kthyer per Teatrin kombetar, do te kete sherr dhe perplasje fizike ne Kuvend.

Madje Lesi paralajmeron se mund te kete dhe rrethim te Parlamentit, dhe tentative te popullit per te hyre ne sallen e Kuvendit per “teatrin”. Pertej paralajmerimeve qe ben here pas here botuesi i “Koha Jone” per te mbajtur te karikuar opoziten dhe qe asgje nuk ka ndodhur deri me tani, aq me pak per nje kauze te shuar si Teatri, por citojme ato qe ka shkruajtur Lesi ne artikullin e tij. “Mazhoranca e do sherrin vetë.

Nuk heq dorë nga prishja e Godinës historike te Teatrit. Në 13 shtator do të rifutet sërish në Kuvend ligji i kthyer mbrapsht nga Presidenti Meta për Teatrin Kombëtar. Pra PS do ta rrëzojë dekretin duke i hapur udhë prishjes me fadroma të godinës historike të Teatrit. Por këtë herë, pikërisht me 13 shtator, opozita është përgatitur që me turma të rrethohet parlamenti. Rreziku mbetet realitet se mundet populli të hyjë në sallën e Kuvendit. Kryeministri Rama insiston që godinën e re të Teatrit ta ndërtojë firma private Fusha shpk e jo shteti dhe si këmbim i jep firmës mijëra metra katror, tokë e cila është pronë e Teatrit, pra e shtetit.

Opozita këtë e kundërshton, pasi thotë se ky është pazar që Edi Rama të marrë mbi 200 milionë euro fitime, sepse Fusha shpk do ndërtojë 6 kulla të mëdha biznesi. PD dhe LSI kërkojnë që në tokën e Teatrit Kombëtar të mos ndërtohet asnjë kullë private biznesi, por shteti të financojë një godinë të re teatri. Ndërkohë nga kalendari i punimeve të Kuvendit, duket se Edi Rama nuk heq dorë, duke e çuar popullin në përplasje të dhunshme, sepse opozita dhe artistët do ta bllokojnë në sallë e jashtë salle të parlamentit. Rreziku është se përplasja atë ditë do jetë fatale për vendin, për arësye se opozita dhe populli mund të hyjnë sëbashku në Kuvend”, shkruan gazeta e Lesit.

Në mbyllje të kampit veror të të rinjve të LSI, u shpërnda edhe video e cila në përmbajtje kishte jo vetëm të rinj, por edhe fëmijë për të përcjellë një mesazh politik. Në kampingun partiak të LSI, kryetarja e kësaj partie Monika Kryemadhi, ka bërë pjesë të kësaj veprimtarie politike partiake edhe fëmijë e adoleshentë dhe prej 6 ditësh trajnim ushtarak, me ushqim e strehim si në qendrat stërvitore të “ISIS” me ushtar fëmijë. Pasi i ka joshur me benefite pushteti të ardhshëm e të afërt, kryetarja e LSI I ka reshtuar si formacion luftarak, për të manifestuar “Marshin revolucionar të LSI”, me thirrje drejtuar fëmijëve, të rinjve e gjithë popullit, për rrëzim të pushtetit me dhunë!

KQZ, nisur prej këtij akti-anti-kushtetues, që e ndalon dhe e ndëshkon Ligji Nr.8580, datë 17.2.2000 “Për Partitë Politike në Shqipëri”, ky institucion, ka detyrimin që brenda 24 orëve nga marrja dijeni, t’i drejtohet me shkresë zyrtare “për informim”, këtyre 9 institucioneve të larta të shtetit: Komandantit të Forcave të Armatosura në kohë paqeje, që është Presidenti Republikës, Presidentit të Republikës, si kreu i shtetit, Kryeministrit, Kryetarit të Kuvendit, Kryetarit të Komisionit Palamentar të Sigurisë Kombëtare, Ministrit të Mbrojtjes, Ministrit të Brendshëm, Kryetarit të SHISH.

Monika Kryemadhi e tërbuar për pushtet-pasuri, nëse nuk e kupton, se çfarë krimi është rekrutimi, organizimi, nxitja e fëmijëve në grupime e marshe dhune, le të pyes ish-ushtarakun Baba Mondi, mikun dhe ortakun e Ilir Metës në gurore (me administrator Zalo Qaton), ose le të konsultohet me paraardhësin e Ilir Metës, “Shefin e shtabit të forcave të armatosura” të PD, kapiten Bujar Nishanin.

Ja çfarë përcakton Ligji Nr.8580, datë 17.02.2000 “Për partitë Politike”/NENI nr. 6/Partive politike, u ndalohet të krijojnë organizata me karakter ushtrak, ose para-ushtarak. NENI nr. 7/ Ndalohet regjistrimi dhe lejimi, i veprimtarisë së një partie, në rastet: Kur në dokumentet e themelimit të saj shprehet qëllimi për përdorimin e dhunës për marrjen e pushtetit ose për të ndikuar në politikën shtetërore. Kur në dokumentet e themelimit të saj, shprehet nxitja dhe përkrahja e urrejtjes racore fetare, krahinore, etnike, shoqërore. Kur partia, mbështetet në metoda totalitariste, si dhe ka karakter të fshehtë.