Politike

Gjatë fjalës së tij në Asamblenë e PS, Rama ka lëshuar kritika të forta për ekipin e Ministrisë së Bujqësisë dhe për Kryetarët e Bashkive, duke u thënë se nuk kanë bërë asnjë punë për fshatin. Ai tha  se nuk duan vetëm rrugë dhe ujë, por s’kanë bërë ansjë projekt.

“Ekipi i Ministrisë së Bujqësisë të mos ikë në shpi, të mos shkojë, të marrë rrobat dhe të iki në fshat të luftojë atje dhe të ulet dhe tu bëjnë dokumentet që ata nuk i bëjnë dot. Ça do u thoni pas një viti, kryetarët e bashkive, të çohet njëri të ma thotë, sa projektet keni bërë me ta, që janë të gjitha të bëshme, reforma nuk ehte reformë që bashkia të bëj rrugë e të çoj ujin në fshat”, ishte kjo dekalrata e Ramës.

Në terronin e SPAK dhe i Byrosë së Hetimit politika shqiptare kërkon të dalë “pa u lagur”  nga furtuna e drejtësisë së re. Opozita ka dalë me një propozim tjetër dje. PD e LSI kërkojnë që të ketë një veting në politikë, njësoj si ai në drejtësi. Pra ata që kanë kryer afera thjesht largohen nga sistemi, por nuk u sekuestrohen pasuritë.  Vetingu po tregon se njerëzit e drejtësisë ishin zhytur dukshëm në  korrupsion e krim, ç’ka kishte prodhuar dukshë pasuri.  Por nëse shohim pasurinë e politikanëve shqiptarë, ajo është shumë herë më e lartë se e njerëzve të drejtësisë.

Ka shumë nga ata që kanë pasuri pa punuar fare dhe askush nuk mund të mjaftohet me një largim nga politika. Vetëm Basha, Berisha e Kryemadhi kanë një pasuri që shkon në rreth 3 milionë euro.

Pasuria e Bashës

Sipas deklarimeve që ka bërë kreu i PD Lulzim Basha pranë ILDKP, pasuria totale e tij mund të llogaritet në rreth 718 mijë euro. Basha ka fituar 530.500 euro vetëm nga shitja e apartamenteve dhe e një makine. Basha ka deklaruar fillimisht shtëpi në Utrecht, Holandë, 510.000 gulden ose rreth 230 mijë euro. Kjo shtëpi është shitur më pas 257.500 euro. Po ashtu ka deklaruar: apartament në Tiranë, 205 mijë USD; apartament në Durrës, 33 mijë euro; apartament në Tiranë. 17.500 lekë, blerë në 1993; apartament në Tiranë, 62 mijë USD dhe automjet Mercedes-Benz ML, 72 mijë euro. Më pas ka deklaruar shitjen e një shtëpie në Tiranë 100 mijë euro. Po ashtu është shitur një apartament në Golem, 45 mijë euro dhe me lekët e tij është blerë një apartament në Qerret. Bashkëshortja e Bashës ka shitur po ashtu një apartament me vlerë 10.450.000 lekë dhe një makinë me vlerë 45 mijë euro. Nga shitja e të gjithë këtyre objekteve, fitimi shkon në rreth 530 mijë euro. Por Basha ka deklaruar dhe unaza e orë të shtrenjta. Vetëm 2 orë dhe një unazë diamanti kushtojnë rreth 21 mijë euro. Ai ka deklaruar pikturë, 6.500 euro; orë dore, 5.200 euro; orë dore, 4.500 euro; unazë diamanti, 11.500 euro dhe një servis porcelani me vlerë 6.800 euro.

Pasuria e Metës dhe Kryemadhit

Pasuri mjaft të lartë ka dhe kryetarja e LSI, Monika Kryemadhi, bashkë me bashkëshortin e saj, Ilir Meta. Në vitin 2003, Meta ka deklaruar një banesë të përfituar nga privatizimi si dhe një banesë me verandë+lulishte në Golem, 327 m2. Por ajo që u ka dhënë më shumë të ardhura janë 13 apartamente të përfituara nga Monika Kryemadhi. Ajo ka marrë 13 apartamente në kuadër të një marrëveshje me një firmë ndërtimi. Edhe pse në deklaratën pranë ILDKP nuk jepet shumë qartë të dhënat, Kryemadhi rezulton pronare e truallit ku është ndërtuar pallati dhe në këmbim ka marrë 13 apartamente me vlerë totale 1444.8 m2. Shumica e tyre janë shitur nga viti në vit. Po ashtu Meta e Kryemadhi kanë deklaruar një banesë në kryeqytet me sipërfaqe 200 metër katror me vlerë 400 mijë euro. Pjesë e deklarimit është dhe 500 m2 tokë+200m2 truall me vlerë 5 milionë lekë. Gazeta ka bërë një përmbledhje të vlerës totale të të gjitha apartamenteve të shitura e blera dhe rezulton se kapin një kosto prej afro 900 mijë eurosh. Por në këtë llogaritje nuk përfshihet shtëpia në Gjirin e Lalzit, pasi nuk dihet vlera e saj. Kjo do të thotë se fitimi arrin në mbi 1 milionë euro. Në deklarimin që Meta e Kryemadhi kanë bërë pranë ILDKP, bie në sy se kanë disa llogari edhe fëmijët e tyre, shumica të hapura për qëllime studimi. Vetëm në vitet e fundit është deklaruar se janë shpenzuar 140 mijë paund për shkollimin e tyre në Londër.

Pasuria e familjes “Berisha”

Nuk mbetet pas as familja “Berisha”. Ish-kryeministri duket se ka shumë të pasur fëmijët e tij. Në 2016, të ardhurat në total të tyre llogariten në rreth 1 milion euro. Të ardhurat në lekë janë konvertuar në euro sipas kursit të ditës dhe është bërë një përafrim shifrash. Ata kanë deklaruar llogari bankare brenda dhe jashtë vendit. Zonja Argita ka deklaruar llogari në një bankë amerikane, ndërsa Shkëlzen Berisha ka deklaruar llogari në një bankë suedeze. Po ashtu ata kanë blerë ndër vite makina dhe banesa të shtrenjta. Malltezi ka burim të ardhurash si pedagoge në universitetet publike dhe private, po ashtu ka fitime të larta nga qiraja e dy apartamenteve, ndërsa po ashtu ka deklaruar fitime nga shitja e librave. Sa i takon pronave të deklaruara, Berisha ka deklaruar fillimisht vetëm një apartament 69 m2, por pasuria e deklaruar nga fëmijët e tij është shumë herë më e lartë. Zonja Malltezi ka deklaruar 2 apartamente të dhënë me qira, më pas ka blerë 2 apartamente në Tiranë dhe një në Gjirin e Lalëzit. Po ashtu dhe Shkëlzen Berisha ka deklaruar se ka blerë makinë 85 mijë euro. Po ashtu ka deklaruar blerje apartamenti me sip. 198 m2 dhe parkingu në ETC, për vlerën 346 500 euro./korrieri

Kryetari i Partisë Demokratike, Lulzim Basha, dje nga Elbasani ka propozuar katër pika, si kushte për mazhorancën, një prej të cilave e drejtuar kryeministrit, ishte Vettingu për politikën.

Një Vetting u shumëshpresuar i këtyre 30 viteve, një Vetting që duhet të përfshijë korrupsionin në politikë, por edhe lidhjet e politikës me krimin.

Në fakt akti i Bashës më shumë sesa një veprim politik për të pasur rezultate kontrete, duket se është një lëvizje për t’u kapur dhe për t’u mbajtur edhe pak kohë në politikë, pas rënies së fortë të kuotave të tij në opinionin publik. Por, përse e përmendim këtë argument?

Thjeshtë dhe vetëm për një fakt. Në qoftë se vërtetë do të ketë Vetting në politikë, trioja kryesore, tre drejtuesit kryesorë të partive politike në Shqipëri, pra Edi Rama, Lulzim Basha dhe Ilir Meta, jo vetëm që do të largoheshin nga politika, por do të përfundonin të tre pas prangave nëse do të kishim një Vetting të vërtetë. Por, le të shkojmë tek detajet:

A mund ta kalojë dhe ta pranojë Edi Rama Vettingun në politikë?

Edi Rama ka qënë kryetar i Bashkisë së Tiranës. Kujtojmë këtu dosjet voluminoze të Kontrollit të Lartë të Shtetit dhe shkeljet abuzive me lejet ndërtimore apo me tenderat. Kujtojmë këtu komisionin e famshëm “Olldashi” , i cili nxori zbuluar kryebashkiakun dhe dosja u mbyll në prokurori, ashtu siç ka ndodhur gjithmonë me procedurë.

Përtej kësaj, kujtojmë se në politikë në vitin 2013 me firmën e Edi Ramës një tufë me banditë u bënë deputetë apo kryebashkiakë. Persona të dënuar dhe me lidhje të forta me krimin, kapobanda u përfshinë në politikë nga vetë kryeministri. Kjo do të mjaftonte që vetë Rama të largohej përfundimisht nga politika.

Por, pas Ramës ai që “digjet dhe përvëlohet” për Vetting është Lulzim Basha. Ky i fundit nuk do të kalonte dot asnjë Vetting, qoftë edhe më të voglin, për lidhjet e tij me bandat apo edhe me korrupsionin.

Këtu kemi parasysh disa detaje. Në zgjedhjet e vitit 2011, lidhjet e forta të krimit dhe lëvizjet sesi e mbështeten atë bandat në Tiranë, pa folur për vitin 2009, kur drejtonte qarkun e Elbasanit, ku një pjesë e atyre grupeve kriminale të cilat akuzohen sot kanë qënë mbështetës të drejtpërdrejtë të Lulzim Bashës në fushatë.

Pas kësaj po të shkojmë tek të ardhurat, tek korrupsioni do të jetë një problem i madh. Pa folur për moralin politik apo Vettingun politik, që ka tre ngjarje apo tre skandale historike në qeverisjen e PD-së, të treja të lidhura me Lulzim Bashën. Që nga korrupsioni me Rrugën e Kombit, për të shkuar më tej te marrëveshja për ujërat me Greqinë, e rrëzuar nga Gjykata Kushtetuese e cila do të mjaftonte për ta nxjerrë Lulzim Bashën nga politika dhe pastaj detaji i tretë 21 janari. Lulzim Basha ka përgjegjësinë si ish-ministër i Brendshëm.

TIRANE- Gjatë fjalës së tij në Asamblenë e PS, Kryeministri Edi Rama tha se deputeti i Kurbinit Gjetan Gjetani duhet të përjashtohet nga grupi, pasi ka bërë presione për vendet e punës. Gjithashtu sipas Ramës deputeti i Kurbinit ka bërë deklarata kundër policisë.

Ja shenimi i plotë i deputetit të mazhorancës nje dite me pare ne Facebook:

Ngjarjet e fundit të ndodhura në Kurbin më kanë shqetësuar shumë. Duke bërë që, në Kurbin të mos ndihemi të sigurt. Eksploziv, kërcënim me armë dhe vrasjen e dy të rinjve tregon që poliicia është hallkë shtetërore shumë e paaftë. Kjo tregon se në Kurbin kanë sjellë oficerë dhe drejtues policie të paaftë, të korruptuar dhe ordinerë. Si deputet I kësaj zone kam pasur ankesa të shumta nga qytetarët, të cilat do t’I bëj publike në Parlament. Brenda muajit shtator do kërkoj interpelancë me Ministrin e Brendshëm dhe në qoftë nuk do të marrë masa për pastrimin e komisariatit të policisë Kurbin, unë I pari do ngrihem në protestë, duke kërkuar mbështetjen e të gjithë qytetarëve të Kurbinit, pa marrë parasysh ngjyrat politike.

Pas muajsh në ankth , nesër do të jetë dita e madhe e socialistëve. Shefi i tyre do të bëjë të ditur nëse do të ketë ndryshime në kabinetin qeveritar.

“Ndryshime në qeveri në shtator nëse duhet bërë, do të shohim cilët ministra, ministre, cilët nuk janë në lartësinë e kësaj nevoje, jo thjesht të tregojnë shifra e statistika, por të kenë vendin e tyre në mendjen dhe zemrat e atyre që na kanë dhënë besim. Do shohim cilët anëtarë të partisë do të largohen nga kryesia dhe cilët janë të rinjtë që duhet të vijnë, si ka punuar sekretariati dhe cilët do vijnë, cilët janë kryetarët e PS që do të ikin, detyra kryesore është bahskëqeverisja” , pati deklaruar Rama muaj më parë duke tronditur vartësit e e tij.

Në pritje të vendimit të kryeministrit nëse do bëjë ose jo ndryshime dhe nëse po, cilët do jenë ministrat e sakrifikuar?

Sipas reagimeve të publikut situata alarmante e krimit, përplasjet me Ramën dhe heshtja prej kaq kohësh janë sinjal se “kurbani” i parë pritet të jetë ministri i Brendshëm Fatmir Xhafaj.

Kërkesa të vazhdueshme për largim nga qeveria i adresohen Ramës për ministren e Arsimit, Lindita Nikolla.

Në “top listë” qëndron edhe ministri i Ekonomisë, Arben Ahmetaj.

Të tjerë emra që rrezikojnë vendin e tyre si ministra për shkak të performancës së pakënaqshme janë edhe minisrja e Kulturës Mirela Kumbaro, ministri i Jashtëm Ditmir Bushati, zëvendëskryeministrja Senida Mesi dhe ministrja pa portofol, Sonila Qato.

Një tjetër emër që diskutohet për t’u ndryshuar është edhe ai i Damian Gjiknurit, i cili gjithashtu ka 5 vite që është pjesë e kabinetit.

Nesër “dita e madhe” , kur do të marrim përgjigje të gjithë.