Politike

Nga Rexhep Qosja

E dëgjova dhe e lexova deklaratën që anëtari i sotëm i Partisë Demokratike të Shqipërisë dhe kryetari e kryeministri i djeshëm i Republikës së Shqipërisë, Sali Berisha, tha në takimin me kryetarin e Lëvizjes Vetëvendosje, Albin Kurti.

Ishte kjo fjalë e ngarkuar me retorikë pseudoatdhetare dhe me fyerje ndaj të gjithë atyre që për bisedimet Kosovë-Serbi nuk mendojnë si ai!

Në këtë turr të tij sulmues, Sali Berisha nuk ngurroi t’i quajë argatë të Serbisë të gjithë ata që flasin për korrigjimin e kufirit, a për lëvizjen e kufirit, a për shkëmbimin e territorit midis Kosovës e Serbisë.

Në qoftë se ka politikan shqiptar që nuk ka të drejtë politike e morale të flasë për çështjen e kufijve të Kosovës ky është para së gjithash Sali Berisha.

Dhe, them kështu sepse Sali Berisha është ai që nga postet më të larta të Shqipërisë shtetërore ka mohuar mundësinë që Kosova të bëhet shtet ndonjëherë!

Dhe, them kështu sepse Sali Berisha është ai që duke e quajtur Kosovën djep të binjakëve shqiptarë e serbë e ka ndarë Kosovën!

Dhe, them kështu sepse Sali Berisha në vitet e despotizmit të tij, kur drejtpërdrejt e kur përmes Malit të Zi, duke e thyer embargon e vendosur prej faktorëve ndërkombëtar ndaj Serbisë,me naftën e Shqipërisë e ka furnizuar ushtrinë serbe që masakronte shqiptarë në Kosovë.

Për këto arsye e quaj të palejueshme gatishmërinë e kryetarit të Vetëvendosjes, Albin Kurti, që në kohën kur BE-ja dhe SHBA-të po bëjnë përpjekje për t’u arritur marrëveshje midis Kosovës dhe Serbisë të dëgjojë retorikën e një njeriu që ka humbur të drejtën politike e morale për të folur për kufijtë e Kosovës.

Kjo që them për Albin Kurtin nuk do të thotë se unë pajtohem me sjelljet e qëndrimet politike, të bëra para se të mendohen, të kryetarit të Kosovës, Hashim Thaçi. Jo. Unë me dëshpërim i dëgjoj e i shikoj në televizione varavingat politike të këtij despoti, i cili atë që e thotë në mesditë e mohon në mbrëmje, e ripohon të nesërmen dhe e mohon sërish në mbrëmje. Varavingat e tij politike janë bëtë shumë komprometuese për mendjen politike të Kosovës.

Dhe, të them në fund, se të gjithë ata që po mohojnë idenë e korrigjimit të kufirit, të lëvizjes së kufirit verior, të shkëmbimit të territorit midis Kosovës e Serbisë nuk duan të shohin se junta e sotme politike e Kosovës e ka levizur tashmë kufirin shtetëror të Kosovës me Maqedoninë dhe me Malin e Zi, kurse me Aneksin e Marrëveshjes për caktimin e kufirit me Malin e Zi mundësia e lëvizjes së mëtejme të këtij kufiri është e hapur! Dhe, kështu e ka shkelur dhe e mbanë të shkelur Kushtetutën e Kosovës! Dhe, po u kërkua prej saj, do të vazhdojë të shkelë e të tkurrë Kosovën edhe më tej. Deri kur?

Dhe, të them në fund se ata që po flasin kundër korrigjimit të kufirit, kundër lëvizjes së kufirit verior dhe kundër shkëmbimit të territorit mes Kosovës dhe Serbisë po flasin duke pasur parasysh postet e tyre, të sotmen e tyre, mundësitë e tyre për të qenë çka dëshirojnë të jenë e në asnjë çast duke pasur parasysh edhe të ardhmen paqësore të Kosovës, të ardhmen paqësore të fëmijëve tanë, të pasardhësve tonë!

Ata po tregohen çka janë në të vërtetë: njerëz politikë pa vizion politik?

E ata që merren me politikë sot e nuk mendojnë, e nuk e dinë se si duhet të jetë Kosova pas 20 vjetësh, ata s’kanë të drejtë morale të merren me politikën e shtetit.

Deputeti dhe kreu i PDK, Nard Ndoka ka folur për nismën e re të PD që politikanët t’i nështrohen vettingut. I ftuar në Report Tv deputeti ka treguar edhe një  ngjarje të pazakontë.

Teksa në studio po diskutohej për fotografitë e politikanëve me persona të inkriminuar, Ndoka tha se diçka e ngjashme i ka ndodhur edhe atij, por e ka refuzuar.

“Njëri më kërkoi pak kohë më parë të takohesha me një person, që unë e dija se ishte i inkriminuar. Dhe i thashë o zortëri të lutem me këto gjëra tani…”, u shpreh Nard Ndoka.

Deputeti i PD-së, Ervin Salianji ka analizuar situatën e rëndë ku ndodhet Shqipëria.
I pyetur rreth deklaratave të bëra nga Rama, i cili i etiketoi kriminelët në Shqipëri si rrugaçë dhe jo banda, Salianji tha në studion e lajmeve të Syri.net, se kryemafiozi në Shqipëri është Edi Rama.

Sipas tij historia ka treguar se mafiozët largohen nuk ikin vetë.
‘Unë di tu them se sot nuk ka asnjë bandë të arrestuar. Nëse del ministri apo kryeministri që të thonë se kemi një bandë të arrestuar. Ka zero zyrtarë të lartë të PS-së të arrestuar. Edhe ky i Kavajës u dënua me punë në komunitet. Bëseoj se qytetarët e kanë të qartë se kush gënjen. Në këtë situatë ku nuk ka luftë të vërtetë, sepse këta që vrasin dhe që ndajnë drogë, quhen rrugeçër e jo banditë. Pra i bie që bandit të jetë Rama. Historia na ka treguar që asnjë kryemafioz nuk është larguar vetë. Historia tregon që kush merret me mafien vritet. Por në aspektin politik është sovrani ai që do ta largojë këtë kryeminsitër. Pasi në fund ëhstë sovrani që vendos për gjithçka’, tha Salianji.

Në fushatën elektorale të qershorit 2017, kur Edi Rama veshi brekushet dhe doli nëpër Shqipëri, duke kërkuar pushtetin i vetëm, me lutjen “na i jepni atë shejtan votë, që të mos kemi shejtanin në prehër”, deklaroi se e donte “timonin vetëm”, që gjatë mandatit 2017-2021, të mos ia ndryshonte njeri drejtimin punëve, duke lënë të nënkuptonte, të mos kishte në qeverisje krye-hajduten LSI.

Prej 1 viti, “rilindja” e ka “makinën” e pushtetit vetëm, Edi Rama e “ka timonin” vetë, por punët po i ecin drejt humnerës ekonomike, me popull që po ikën “fshatçe” e që përgjërohet për bukë, duke e kthyer Shqipërinë, në një xhungël me mungesë të plotë sigurie publike e sigurie kombëtare.

Aktualisht, nuk kemi qeveri, por bandë. Nuk kemi qeverisje por bastisje. Nuk kemi kyeministër, por kryebanditë. Nuk kemi ministra, por “minj”, që brejnë përditë ekonominë e financat kombëtare. Nuk kemi pushtet kushtetues, por pushtet krimi.

Banda e “rilindjes” është mbledhur në një hotel, ku do të paraqesin 5 raporte llogaridhënëse para popullit, por me dyer të mbyllura, brenda shpellës ku janë mbledhur vetëm kryehajdutët shkatërrues të këtij vendi, që duhet të japin llogari para ligjit.

Kjo mbledhje asambleje është falsiteti radhës, se gjoja “byroja është e shqetësuar për situatën e do të mpreh edhe njëherë shpatën”!

Po kush e krijoi krizën ekonomike, borxhet, vafërinë, pasigurinë, 700 mijë të papunët, 185 mijë fëmijët që nuk shkojnë në shkollë, 13 ministrat që vjedhin hapur, 200 milionë eutot që ikin jashtë shtetit çdo vit, 10 oligarkët që kanë zhvatur HEC-et, rrugët, shëndetësinë, turizmin, ilaçet, bankat?

Kryeministri e di mire cilët janë kryehajdutët, mbasi prej tyre merr 30%-in, ndaj dhe “timoni” po i ecën shtrembër.

Ai e lejon vetë këtë “devijim” timoni”, duke e çuar qeverisjen e punëve në greminë, tamam si ata shoferët e fatorinot, që pasi kanë plaçkitur makinën dhe pasagjerët e lëshojnë qëllimisht, në humnerë.

Qeveria me “timon” vetëm, po drejtohet shtrembër në financat kombëtare, prej ministrit mësues katundi e “Piton” korrupsioni, Arben Ahmetaj, që ka instaluar një sistem financiar, me bazë e kulm korrupsionin gjigand, duke zhvatur me shpejtësi fondet publike e zhytur vendin në borxhe “mal”, aq sa vetëm për vitin 2018, janë marrë 32 milionë euro borxhe të huaja, për ndihmën ekonomike e asitencën sociale, me afat vitin 2045.

Qeveria me “timon” vetëm, po drejtohet shtrembër në Policinë e Shtetit, duke e kthyer atë në turmë me 13 mijë policë “kukulla” para krimit, sepse ministri Fatmir Xhafaj është “manekin” i krimit, që i di bazat dhe krerët e bandave, por nuk mund t’i luftojë dot, mbasi i ka “kolegë e ortakë” të vëllait trafikant.

Me ata, Fatmir Xhafaj para e pasi është graduar ministër, ka bërë dhe orgji të shpeshta në Vlorë. Pogradec, Sarandë, Korçë, Elbasan, Shkodër, Fier me dhuratë një vilë në bregdetin e  Vlorës, 1 në Golem, 1 në Greqi e një në Pogradec, ku shjon me një super “JEP”, të falur prej tyre, madje edhe me “ftesa vëllazërore” në shtete, ku bandat kanë “selitë e tyre” të rrjetit ndërkombëtar.

Qeveria me “timon” vetëm, po drejtohet shrembër në arsim, sektor që është gjetur “pluhur” në vitin 2013 e prej 5 vite nën drejtimin e hajdute-analfabetes Lindita Nikolla është bërë “blozë” korrupsioni, ç’organizimi e paaftësie.

Kryeministrit Rama, që të mos i marrë “timoni” shtrembër dhe të mos vazhdojë, t’i nxjerr “tym” makina e qeverisjes, fillimisht duhet të ndërroj urgjent, 2 “gomat e para”: Arben Ahmetaj e Fatmir Xhafaj dhe “marmitën” Lindita Nikolla…/Pamfleti