Politike

Lideri i Vetëvendosjes Albin Kurti një pjesë të fundjavës e kaloi në Tiranë. Përveç debateve për politikën e lartë, ai shfrytëzoi rastin për t’i ndërruar partnerët politikë. Me plotë gatishmëri atje e gjeti edhe Sali Berishën, me të cilin kaloi më së shumti kohë. Si duket, më qëllimin e qartë për t’i dërguar porosi Edi Ramës, të cilin në kryeqytetin shqiptar e akuzoi që ia shkatërroi partinë.

Albin Kurti gjeti si arsye çështjen e ndryshimit të kufijve ndërmjet Kosovës dhe Serbisë për të zbarkuar në Tiranë. Atje me Sali Berishën kryqëzuan Hashim Thaçin për angazhimet me Aleksandar Vucic për ndryshim të kufijve. Por, si duket mesazhi kryesor që deshi Kurti të dërgojë nga atje ishe takimi me Sali Berishën dhe anashkalimi i Edi Ramës, me të cilin dikur kishte raporte të shkëlqyera.

Pikërisht Ramën, i cili dikur nuk hezitonte ta lavdëronte Kurtin publikisht, tani kreu i VV’së po e akuzon se ia shkatërroi Vetëvendosjen. Siç meson Gazeta Express, për këtë Kurti, ndër të tjera ka përmendur raportet e Edi Ramës me Shpend Ahmetin, nëpërmjet të cilit i ka fryrë përçarjes në Vetëvendosje.

Takimi Kurti -Berisha në kryeqytetin shqiptar ka zgjatur disa orë pasi dy bashkëbiseduesit edhe kanë darkuar bashkë si dhe kanë kaluar kohë edhe në zyrën e Berishës.

Afërsia e Kurtit me Berishën interpretohet edhe si një strategji e Kurtit për ta rritur VV-në që iu nda në dysh muaj më parë

Berisha ende gëzon një simpati në Kosovë për shkak të raporteve të dikurshme me Ibrahim Rugovën. Më 17 shkurt të këtij viti, kur Sali Berisha kishte ecur në sheshin kryesor të Prishtinës, turma e kishte duartrokitur më shumë se çdo lider tjetër të Kosovës e Shqipërisë.

E popullaritetin e Berishës te kosovarët po provon ta shfrytëzojë pak edhe Albin Kurti, lideri i VV’së që ka pasur deri më tash lidhje speciale me Edi Ramën.

Partia Socialiste ka mbledhur paraditen e kësaj të hënë grupin parlamentar, ku ka votuar edhe për përjashtimin e deputetit Gjetan Gjetani.

Perjashtimin e deputetit e paralajmeroi Kreyministri Rama para tre ditesh pasi ai kërkoi që të protestohej ndaj policësë për mosverimin në luften kundër krimit.

Edhe këtë të enjtë opozita do të bojkotojë punimet e Kuvendit. Vendimi është marrë nga grupi parlamentar, i cili ditën e enjte do të mblidhet në Durrës.

Po ashtu mësohet se grupi i PD ka ngritur 4 grupe pune për platformën  politike, përfshirë edhe vettingun në politikë.

Grupet e punës përbëhen nga deputetë që kanë eksperiëncë në fusha të ndryshme, por edhe ekspertë.

1-Dekriminalizimi i plotë përmes vettingut të politikanëve të lidhur me krimin. 2-Çlirimi i drejtësisë nga kapja politike në funksion të bashkëqeverisjes së Edi Ramës me krimin. 3-Zgjedhje të lira të ndershme, demokratike ku qytetarët të jenë ata që vendosin. 4-Një ekonomi e çliruar nga monopolet, nga oligarkët dhe nga korrupsioni qeveritar, në funksion të mirëqenies së qytetarëve.

Ish-deputetja e PDIU-së Mesila Doda ka reaguar pas deklaratave të kryeministrit grek Aleksis Tsipras që tha se çështja çame nuk ekziston dhe nuk është në tryezën e bisedimeve me Shqipërinë.

Doda shkruan në një status në “Facebook” shpërthen nga qeverisë së kryeministrit Edi Rama ndërsa thotë se ‘bijtë e etërve të kuq në Shqipëri që persekutuan popullsinë e martirizuar të çamëve sot vendosin t’i zhdukin dhe emrin’.

Ish-deputetja më pas ka një porosi për pushtetarët përgjegjës.

STATUSI I MESILA DODËS
Ekstremisti i majte Cipras, tashmë i garantuar nga Rama edhe si partner strategjik, sot ka deklaruar se çështja çame nuk ekziston, se do marrë detin, varrezat, të drejtat për të gjallët e të vdekurit e tyre në këtë vend.
Po sot partneri strategjik i Edi Ramës deklaron se nuk njeh masakrat, dëbimet, rrëmbimet, vrasjet e vjedhjen e pronave në Çamëri, madje guxon e shkon deri aty sa thotë se do heqë emrin Çamëri nga tekstet shqiptare…
Rilindja si vazhdimësi e politikës së kuqe të diskriminimit dhe krimit mbi popullsinë çame po ridimensionohet bindshëm. Bijtë e etërve që vranë popullsinë çame në Çamëri së bashku me bijtë e etërve të kuq këtu në Shqipëri që persekutuan për gjysmë shekulli popullsinë e martirizuar që erdhi të gjente strehë në shtetin amë, sot vendosin t’i zhdukin edhe emrin…
Por sot duhet ta dinë mirë, e ta mësojë çdo pushtetar përgjegjës në këtë vend, se para se të zhdukni emrin, të drejtën e historinë e Çamërisë, do zhduket shumë më shpejt mbrapshtia edhe fara e urrejtjes dhe tradhtisë që ata vetë mbollën e po rrisin përditë mbi kurrizin e Çamërisë martire. Ne nuk harrojmë!!!

Barbi’ i selisë blu është parë të hyjë shpesh në zyrën e Berishës, ndërsa mësohet se dy figurat e PD i lidh një pasion i përbashkët. Si Berisha, ashtu edhe Duma, duan shumë poezinë, ndaj dhe Grida ka shtuar vizitat e saj në zyrën e ish-kryeministrit, pasi ata lexojnë së bashku poezi
Deputetja e re e Kuvendit, Grida Duma, duket se ka normalizuar sërish marrëdhëniet me liderin historik të Partisë Demokratike, Sali Berisha. Kohët e fundit, deputetja sharmante e PD ka shtuar vizitat e saj në zyrën e ish-kryeministrit Berisha.

‘Barbi’ i selisë blu është parë të hyjë shpesh në zyrën e Berishës, ndërsa mësohet se dy figurat e PD i lidh një pasion i përbashkët. Si Berisha, ashtu edhe Duma, duan shumë poezinë, ndaj dhe Grida ka shtuar vizitat e saj në zyrën e ish-kryeministrit, pasi ata lexojnë së bashku poezi.

Pasioni për poezinë mban lidhur dy emrat e njohur të PD, ndërsa me rënien e gjetheve të para të vjeshtës takimet pritet të shtohen edhe më shumë. Pavarësisht përplasjeve politike, Grida e ka pohuar gjithnjë vlerësimin maksimal për Berishën, duke e quajtur atë dhe mentor politik.

“Unë e quaj mentor politik, nga i cili marr eksperiencë dhe së paku përsa i përket dijes politike që ai ka, duhet të pranojmë plotësisht se është fat të kesh një njeri që mund të këshillojë ndonjëherë aq sa ai ka mundësi apo ka pasur mundësi ta bëjë me mua dhe i jam mirënjohëse për këtë. Unë mendoj se Berisha njihet për një kualitet të madh të tij, ai  ka mbrojtur njerëzit dhe bashkëpunëtorët e tij”, thoshte Duma më parë./Pamfleti