Politike

Cili politikan e urdhëroi lirimin e Durim Bamit? Bosi i vrasjeve me pagesë ‘njollë të zezë’ RENEA-s së Xhafajt

Aktualitet, Politike / /

Vetëm pak orë pas arrestimit, ‘i forti’ i Krujës do të shijonte sërish lirinë. Bosi i vrasjeve me pagesë, Durim Bami, është një mesazh i qartë se policia e Fatmir Xhafjat funksionon thjesht si robot dhe nuk ka asnjë rol qendror në goditjen e krimit. Aksionet e dështuara dhe të sfumuara njëri pas tjetrit i kanë krijuar një njollë të zezë policisë dhe RENEA-s, teksa janë dëshmi e qartë se në vendin tonë drejton krimi i lidhur me politikën.

Lirimi i Durim Bamit, i cili është autor i një sërë krimesh, që nga vrasjet, rrëmbimet, kërcënimet, tritolet e droga, është rasti më skandaloz dhe pas këtij vendimi fshihet padyshim një politikan. Menjëherë sapo forcat RENEA nisën akasionin në Niklën e Bamit, grupe të fuqishme të politikës dhe biznesit u vunë në lëvizje për të bërë planin se si ta shpëtonin ‘të fortin’ e vendit, që ka nën kontroll edhe vetë politikanët.

Dhe kështu ndodhi, pa kaluar akoma pesë orë nga arrestimi i tij, vrasësi me pagesë la sërish qelinë, duke vijuar i lirë misionin e tij dashakeq. Ky vendim ka ardhur padyshim pas ndërhyrjes së grupeve të fuqishme të politikës dhe biznesit, të cilët i duan të lirë ‘kokat’ e bandës së Niklës, siç janë Durim Bami dhe Flamur Haka.

Nikla është një zonë e nxehtë, ku kanë ndodhur jo pak krime e shpërthime tritolesh. Pikërisht nga kjo zonë dyshohet se ka ardhur edhe vrasja e Artan Santos, vrasje për të cilën disa segmente të politikës nuk duan që të zbardhet.

Emri i Durim Bamit është komentuar jo pak edhe më parë, për ngjarjen e bujshme të atentatit të pretenduar ndaj Tom Doshit. Një çështje kjo që çoi me radhë në Gjykatën e Lartë krerët më të lartë të shtetit, që nga kryeministri Edi Rama, Presidenti Ili Meta, ish-kryeministri Sali Berisha, ish-deputetin Mark Frroku, etj. Durim Bami dyshohet të ketë lidhje të forta me deputetin Tom Doshi, pasi akuzohet se është pjesë e një makionacioni së bashku me deputetin.

Megjithatë, lidhjet e Bamit me politikën duket të jenë shumë të thella, ku kanë krijuar grupe të fuqishme, që nuk mund të mposhten nga policia e Fatmir Xhafajt. Këto janë dëshmi të qarta se krimi dhe politika janë bërë një dhe veprojnë të lidhura ngushtë me njëra-tjetrën, të patrembur nga askush dhe asgjë./Pamfleti

Cili politikan e urdhëroi lirimin e Durim Bamit? Bosi i vrasjeve me pagesë ‘njollë të zezë’ RENEA-s së Xhafajt Read More »

“Kam faj që i besova Ramës”, Shpëtim Idrizi tregon pse po ikën nga qeverisja

Politike / /

Këshilli Kombëtar i Partisë Drejtësi Integrim dhe Unitet ka mandatar dje kryetarin e saj, Shpëtim Idrizi, të nisë negociatat me Partinë Demokratike për të qenë bashkë në koalicionin e zgjedhjeve të ardhshme vendore. Ky vendim është marrë me unanimitet gjatë mbledhjes së djeshme, ku Idrizi, para anëtarësisë, u shpreh se Shqipëria ka nevojë për një front të fuqishëm opozitar.

Kreu i PDIU-së tha se kjo parti po detyrohet të largohet nga maxhoranca për shkak se çështja çame po anashkalohet. Gjatë fjalës së tij, Idrizi mori përgjegjësinë e mosrealizimit të kërkesave për çështje çame në negociatat Tiranë-Athinë. Ai tha se gaboi kur i besoi Edi Ramës zgjidhjen e kësaj çështjeje.

“Edhe unë kam faj e po ju rrëfej me zemër në dorë se si çdo njeri normal në këtë vend gabon, sepse mendova dhe besova që do e çonim përpara këtë kauzën tonë të jetës e të shpirtit edhe në një koalicion me këtë maxhorancë. Kurrë e për asnjë moment nuk kam besuar se dikush mund të arrinte sa t’i lozte fatet tona në lojëra pushteti e ky dhe vetëm ky është faji im.

Sot shpall para jush, vendimin e Kryesisë së PDIU, që votoi në unanimitet, që kryetari i PDIU të mandatohet për të përmbyllur marrëveshjen me opozitën zyrtare në vend e që së bashku të sjellim një realitet të ri për vendin e për të djathtën shqiptare që duhet t’i përmbledhë gjithë copëzat e saj në emër të një qëllimi të madh, një politike normale që t’i kundërvihet krimit, varfërisë, dhunës e arrogancës shtetërore, një politikë që do bashkojë shqiptarët dhe do kërkojë zgjidhje të mençura e larg gjuhës së urrejtjes për kauzën tonë e për të gjithë kauzat kombëtare”, tha Idirizi./korrieri

“Kam faj që i besova Ramës”, Shpëtim Idrizi tregon pse po ikën nga qeverisja Read More »

Rudina Hajdari: Ato që realizoi Azem Hajdari në 7 vite, të tjerët nuk i bëjnë dot në 7 jetë

Politike / /

Partia Demokratike ka zhvilluar sot homazhet e 20 vjetorit në ndër të “Dëshmorit të Kombit”, Azem Hajdari, liderit të Lëvizjes së Dhjetorit.

Me këtë rast, vajza e tij, Rudina, e cila sot është deputete e PD-së, ka mbajtur një fjalim.

“Azem Hajdari ishte fare i ri kur nisi rrugëtimin e tij politik për të mposhtur komunizmit.

Ai në 7 vjet realizoi ato që njerëzit e tjerë nuk do të mund ti realizonin në shtatë jetë. Ëndrra e Azemit ishte  Shqipëria si Europa.  

Arsyeja pse Azem Hajdari e mposhti komunizmin, ishte se komunizmi nuk kishte as respekt atdheun dhe as për familjen”, tha Rudina Hajdari.

Rudina Hajdari: Ato që realizoi Azem Hajdari në 7 vite, të tjerët nuk i bëjnë dot në 7 jetë Read More »

Buxheti i 2018 siguron mbështetjen për ish-të dënuarit politikë

Aktualitet, Politike / /

Komisioni i Ekonomisë dhe Financave miratoi projektligjin “Për disa shtesa dhe ndryshime në ligjin nr. 9831, datë 12.11.2007 “Për dëmshpërblimin e ish-të dënuarve politikë të regjimit komunist” të ndryshuar”.

I pranishëm në komision ishte Ministri i Ekonomisë dhe Financave, Arben Ahmetaj, i cili u shpreh se kemi harxhuar 178 milionë dollarë për këtë kategori.

“Përsa i përket këstit të nëntë, janë edhe 1200 subjekte parësore dhe jo parësore. Deri tani kanë marrë 70 mln dollarë. Me 262 subjektet e radhës mbyllet kësti i nëntë. Me këtë mbyllet kategoria parësore. Për strehimin kemi harxhuar 20-25 milionë dollarë. Shumat që shoqëria shqiptare do të paguajnë shkojnë nga 650-750 milionë dollarë. Trashëgimtarë të rrethit të parë janë, gruaja, djali vajza, janë 11 mijë dosje. Deri në 15 vitet e ardhshme fatura e ish-pronarëve do u kushtojë shqiptarëve në total rreth 2 miliardë dollarë për të paguar. Kjo kosto po i kalohet brezave që vijnë”, – sqaroi ndër të tjera Ahmetaj.

Relatorja e këtij projektligji Evis Kushi tha se synon përmirësimin e formulës për dëmshpërblimin financiar për ish-të përndjekurit, apo familjarët e tyre.

“Buxheti i 2018 siguron mbështetjen për ish-të dënuarit politik. Rishikohet mekanizmi i shpërndarjes së fondeve, u jepet prioritet atyre që janë ende në jetë sipas ligjit aktual, ndahet 70% për parësoret për bashkëshortin dhe fëmijët, 30% për trashëgimtarët e tjerë. Projektligji nuk sjell efekte në buxhetin e shtetit”.

Duke iu përgjigjur pyetjes së kryetarit të këtij komisioni, Erion Braçe, se a ju duket normale që dëmshpërblimi të shkojë deri te trashëgimtarët e largët? Ministri Ahmetaj u shpreh se paratë duhet të shkojnë te rrethi i parë, që janë lidhur direkt me ata që kanë vuajtur.

Pas diskutimeve, anëtarët e komisionit e miratuan projektligjin në fjalë dhe ia kaluan për shqyrtim seancës plenare. /atsh

Buxheti i 2018 siguron mbështetjen për ish-të dënuarit politikë Read More »

Deputeti i PD kundër Kryemadhit: Problemi nuk janë ndërkombëtarët por …

Politike / /

Pas deklaratave të Kryetares së LSI Monika Kryemadhi se ndërkombëtarët kanë “mbyllur sytë” për situatën në vend, ka reaguar dhe deputeti i PD Agron Shehaj.

Sipas Shehaj, problemi i shqiptarëve nuk janë ndërkombëtarët por politikanët e korruptuar në vend të cilët mbajnë peng sistemin e drejtësisë.

REAGIMI I PLOTË:

Problemi i shqiptarëve nuk janë ndërkombëtaret por politikanët e korruptuar.

Vetingu në politikë është i domosdoshëm dhe jo vetëm nuk pengon reformën në drejtësi, por do ta çlirojë atë nga politikanët e korruptuar që sot e mbajnë peng.

Jam i bindur që ndërkombëtarët e mbështesin pastrimin njëherë e përgjithmonë të të korruptuarve dhe atyre të lidhur me krimin përmes vettingut të politikës.A

Deputeti i PD kundër Kryemadhit: Problemi nuk janë ndërkombëtarët por … Read More »

Monika “duarpastër” kërkon t’i bëjë “gropën” Ramës me Veting, paralajmëron socialistët për rrezikun që iu kanoset

Opinione, Politike / /

Monika Kryemadhi kërkon me domosdoshmëri vettingun e politikës. Numri një i LSI-së shprehet e hapur për hetimin e familjarëve.  Në një intervistë gjatë edicionit të lajmeve në Vizion Plus, Kryemadhi sulmoi reformën në drejtësi si të kapur nga kryeministri Rama.

“Patjetër që do të përfshihen familjarët. Pse ju z. Sandri mendoni që ne nuk na janë hetuar familjarët? Na janë hetuar edhe fëmijët e vëllezërve. Të gjithë familjarët tanë që kemi rreth e qark, edhe të gjithë komshinjtë, madje edhe ata që janë matanë rrugës së lagjeve tona. Përveç kësaj, jo vetëm që janë hetuar familjarë, por janë hetuar edhe ata që na kanë vdekur, duke i hetuar se ç’kanë bërë para 10 apo 20 viteve. Ajo që sipas meje është më e rëndësishme është që dhe vetë media dhe gazetarët duhet të fokusohen në dëshirën e qeverisë për ta bërë apo jo Vettingun.

Sepse unë mendoj që gjëja më e rëndësishme e jona është që njerëzit të kuptojnë që, ai që bërtet më shumë: ‘Kapeni ujkun. Kapeni Ujkun!”, është çakalli që e shqeu tufën e deleve. Në këtë rast ne flasim për Edi Ramën. Ne flasim për rrobat e gjyqtarëve, për çantat apo për këpucët e gjyqtarëve apo prokurorëve, por nuk flet njeri për charterat e Edi Ramës, që fluturon çdo javë dhe kush ja paguan charterat Me çfarë parash paguhen dhe ku shkon ky njeri. Ne flasim për taksat e shqiptarëve, flasim për biznesin, shikojmë se si shqiptarët vendosën në radhë për dekodera dhe nuk pyet njeri se sa i kushton kollarja Edi Ramës. Dhe asnjeri nuk e ka hetuar Edi Ramën, as për pasurinë e tij, as për lëvizjet dhe as për familjarët e tij”, pohon Kryemadhi.

Ajo paralajmëron edhe socialistët për furtunën që u kanoset.

“Vetëm Edi Rama ka baltosur kush i ka dalë përpara rrugës dhe mos u çudisni kur të shihni shumë shpejt që do të baltosë edhe vetë socialistët e tij.”

Nuk i heqim asnjë presje asaj çfarë thotë për Ramën, por që edhe një model i shëmtuar si Monika  të marrë guximin të falasë për vetting çudit. E shtirur deri në madhështi, Monika e di fare mirë çfarë fsheh e kaluara dhe e tashmja e saj.

Së bashku me bashkëshortin konsiderohen si baronë të një pasurie përrallore të vënë përmes korrupsionit. Për të vënë kujën, që kërkojnë të diktojnë modele!

E në këtë tentativë për t’i bërë gropën shoku-shokut, urojmë që të fundosen të gjithë!

Monika “duarpastër” kërkon t’i bëjë “gropën” Ramës me Veting, paralajmëron socialistët për rrezikun që iu kanoset Read More »

Kryemadhi: Rama do “ia hajë kokën” Veliajt, nuk e rikandidon në Tiranë

Politike / /

Ndoshta diversion, ndoshta ka vërtet diçka në prapaskenë… por kryetarja e LSI-së Monika Kryemadhi thotë se marrëdhënia mes Ramës dhe Veliajt nuk është aq rozë.

E ftuar në emisionin “Përballë” në RTSH, Kryemadhi tha se ka informacione brenda PS-së, se Rama mund të mos e rikandidojë Erion Veliajn në bashkinë e Tiranës pasi Rama ndihet disi i kërcënuar nga Veliaj.

“Me informacionet e mia që kam, Veliaj mund të mos jetë më kandidat. Unë besoj se zoti Veliaj mund të jetë një konkurrencë shumë e madhe e Ramës… Rama në PR e imazh është bërë tashmë pak demode, dhe zoti Veliaj ka sjellë po themi një tjetër frymë. Kjo ndjenjë xhelozie do t’i hajë kokën zotit Veliaj.

Por deri atëherë do të kemi kohë. Ne nuk kemi akoma një kandidaturë për Tiranën. Sigurisht që po diskutojmë për një emër. E gjithë opozita e shikon përfaqësimin e saj në një front bllok kundër kësaj qeverisje” – tha Kryemadhi.

Kryemadhi: Rama do “ia hajë kokën” Veliajt, nuk e rikandidon në Tiranë Read More »

Po nuk u ngrit populli e t’ju vendosë fshesën rrugeçërve dhe sitemit kriminal politik s’ka Vetting

Opinione, Politike / /

Lufta kundër korrupsionit është duke kaluar nëpër një kuadër ligjor që do të ofrojë sistem të transparencës përmes pavarësisë së garantuar të institucioneve. E ndërsa synohet aplikimi i një legjislacioni transparent dhe profesional, që do të  bëjë të pamundur pamundur vjedhjen e shtetit, pushtetarët shqitarë kërkojnë të Vetingohen me kushte.  Çfarë kanë bërë këtu e para t’ju falet, ose të hidhet prapa krahëve pa marrë ndëshkim.

Duke komentuar nismën “Vetting në politikë”, juristi Romeo Kara thotë se kjo tronditje do të ndodhë vetëm kur populli të ngrihet në këmbë dhe të flakë jashtë sistemit të korruptuar dhe të inkriminuar.

“Vettingu më i mirë, me i drejti, me reali dhe i më i dëshirueshmi, do të jete vettingu i revolucionit, i organizuar dhe realizuar nga populli, kur t’i vëre fshesen këtij sistemi kriminal politik, kur të shpronesoje deri në qindarken e fundit këta rrugaçe të politikës, kur t’i kthehen popullit të gjitha pasuritë e grabitura apo të dhëna ne koncesion, kur të amendohen parashikimet ligjore rreth parashkrimit fitues që favorizon krimet e këtyre 28 viteve dhe kur në Shqipëri të behet realisht zot populli dhe të vendoset drejtesia.

Asnjë nga politikanët e përmendur nuk ka cipë e moral për të bëre vetting.

Politikanet tanë, mund të ikin, siç edhe po ikin, me paratë tona deri në Indi, të iluminohen dhe vettingohen poshtë e larte dhe shpirterisht, me metodat e Gurmeet Ram Rahim Singh, por përsëri do t’a kalojne atë, që kanë me shumë tmerr, gjyqin hakmarrës të këtij populli”, shkruan Kara.

Shembulli është dhënë nga Rumunia dhe Krocia, mjafton që populli ynë ta ndjekë.

Po nuk u ngrit populli e t’ju vendosë fshesën rrugeçërve dhe sitemit kriminal politik s’ka Vetting Read More »