Politike

Kryemadhi: Djegia e mandateve, mënyra e vetme për të demaskuar qeverisjen e Ramës

Politike / /

“Nëse Edi Rama fiton zgjedhjet në 2021 në mënyrë të ndershme, unë largohem nga politika”, tha sot Monika Kryemadhi, e ftuar në një studio televizive.

Kryetarja e Lëvizjes Socialiste për Integrim, Monika Kryemadhi duke folur për aksionin e opozitës tha se djegia e mandateve erdhi si rezultat i arrogancës dhe autoritetit të ekzagjeruar të mazhorancës në parlament, sikundër edhe ndaj heshtjes për votën e vjedhur që tregohet nga dosjet 184, 339.

“Ne kishim një mazhorancë e cila tregohej arrogante, kishte zaptuar gjithë procesin parlamentar dhe nuk lejonte ngritjen e institucioneve të sistemit të drejtësisë, nuk lejon ngritjen e Gjykatës Kushtetuese, dhe ende s’e kemi kuorumin e duhur. Ky vit që lamë pas ishte një vit i mbrapshtë jo vetëm nga ana politike, por dhe nga ana ekonomike ishte shumë i rëndë. Kemi parasysh arsimin, bujqësinë që është në grahmat e fundit. 120 mijë shqiptarë të larguar dhe biznese që mbyllen”, tha ajo.

Kryemadhi theksoi se “çdo ditë e më shumë e vetmja mënyrë për të denoncuar dhe për të demaskuar qeverisjen e Ramës ishte djegia e mandateve”.

“Nëse nuk do të digjnim mandatet, nëse ne nuk do të bënim atë proces për bojkotimin e zgjedhjeve të 30 qershorit, do vazhdonim të kishim si për zgjedhjet e 2017, një raport shkel e shko, që zgjedhjet ishin të lira dhe të ndershme”, tha ajo.

Në lidhje me largimin e qeverisë, Kryemadhi tha se në qoftë se Edi Rama i fiton zgjedhjet në mënyrë të ndershme, sigurisht që do të ikë.

Në lidhje me qëndrimin ndryshe nga PD për sa i përket Reformës Zgjedhore, Kryemadhi tha se “kemi qëndrim ndryshe për financimin e partive politike, pasi ne nuk jemi dakord që partitë të marrin para nga buxheti i shtetit”. /atsh

Kryemadhi: Djegia e mandateve, mënyra e vetme për të demaskuar qeverisjen e Ramës Read More »

Hajdari: 2020-a do të jetë një vit i së vërtetës

Opinione, Politike / /

“2020-a do jetë patjetër përfundimi i Reformës Zgjedhore, Reformës në Drejtësi, do jetë vit i rëndësishëm pas vitit që lamë pas, do jetë i vështirë po ashtu, por një vit së vërtetës”, – deklaroi sot Rudina Hajdari, bashkëkryetare në komisionin për Reformën Zgjedhore.

Në një intervistë televizive, Hajdari tha se, “Partia Demokratike, por edhe partitë e tjera opozitare, e panë veten ngushtë se nuk kishin mundësi për të dhënë kontributin brenda parlamentit. Janë bërë më të ndërgjegjshëm, më të ndërgjegjshëm se një vit më parë se po ta mbani mend, një vit më parë ishin më pak të predispozuar për t’u marrë me Reformën Zgjedhore”.

Sa i takon nismës së mazhorancës për shkarkimin e Presidentit Ilir Meta, Hajdari u përgjigj se, “si ligjvënës mendoj se nuk duhet të shpejtojmë dhe të marrim hapa radikalë, sepse nxisin hapa të tjerë radikalë. Nuk është diçka emergjente, sepse mbi të gjitha njerëzit kanë nevojë për procese transparente dhe të drejta”.

E pyetur se cilët kanë qenë mbështetësit më të fortë të saj, Hajdari tha se, “gjatë gjithë kohës që kam qenë në Shqipëri, që u bënë gati 3 vjet që jam rikthyer, mbështetësit kryesorë, përveç familjes, kanë qenë miq të babait, kanë qenë njerëz që më kanë këshilluar dhe u kam besuar. Vazhdoj të kem marrëdhënie të mira me ta, madje i kam forcuar marrëdhëniet, se ata më njohin akoma më mirë. Mbështetem shumë te vetja ime dhe familja ime”.

E pyetur nëse do ta shohim në 2020 si kryetare partie, Hajdari theksoi se, “nuk do ndalem, do shoh mundësinë të jap kontributin tim modest. Demokracia në vend ka çaluar vitet e fundit dhe mendoj se 2020-a duhet të jetë rikthimi në bazë dhe ringritja e një demokracie të shëndoshë. Kjo është për t’u parë. Disa gjëra duhet t’ua lëmë surprizave”./atsh

Hajdari: 2020-a do të jetë një vit i së vërtetës Read More »

Kryemadhi: Opozita e bashkuar, gatishmëri për të realizuar të gjitha kushtet për hapjen e negociatave

Opinione, Politike / /

“LSI dhe opozita e bashkuar ka patur gjithnjë gatishmërinë për të realizuar të gjitha kushtet që kanë të bëjnë me hapjen e negociatave”, – deklaroi sot kryetarja e LSI-së, Monika Kryemadhi.

Gjatë Konventës së LSI-së, Kryemadhi tha se “ka vetëm një person që nuk e do hapjen e negociatave, dhe ky është Edi Rama, i cili nuk do që të ketë më shumë BE në Shqipëri, se kështu merr fund uzurpimi i pushtetit dhe vjedhja që i bën shqiptarëve”.

“Viti 2019 shënoi edhe një rekord tjetër të trishtë: investimin më të ulët në arsim, mbylljen e dhjetëra shkollave në të gjithë Shqipërinë, disa për mungesë infrastrukture, por shumica në zonat rurale për shkak të mungesës së nxënësve. Ne akuzojmë sot këtë mazhorancë se kjo politikë e shkatërrimit të vendit është e qëllimshme, sepse në një shoqëri ku investimi në arsim është i vogël, ka vetëm dy rrugë: ose largimi për t’i shpëtuar injorancës dhe padijes, ose nëpërmjet injorancës t’i nënshtrohet pushtetit, sado i mbrapshtë të jetë ai”, – tha ajo.

Shëndetësia, sipas Kryemadhit, “përfaqëson një dështim tjetër spektakolar të kësaj qeverisje”. Sipas saj, “shëndetësia falas është në fakt alibia e Rilindjes për grabitjen më të madhe të buxhetit të shqiptarëve”.

“Nga shëndetësia falas ajo është tashmë për këdo shëndetësia më e shtrenjtë në rajon, dhe detyrimin publik për t’i shërbyer shëndetit të njerëzve, kjo mazhorancë e ka hedhur tek privati, i cili realizon me pagesë mbi 70% të volumit të shërbimeve që duhet të ofroheshin nga sistemi publik”, – tha ajo. /atsh

Kryemadhi: Opozita e bashkuar, gatishmëri për të realizuar të gjitha kushtet për hapjen e negociatave Read More »

Marrëdhëniet me opozitën, Rama: Gjuha dhe mjetet e forcës nuk funksionojnë në raport me mua

Aktualitet, Opinione, Politike / /

Kryeministri Edi Rama deklaroi sot në mbrëmje se ”kërcënimet, gjuha dhe mjetet e forcës jo vetëm që nuk janë të arsyeshme në një situatë pluralizmi dhe të institucioneve demokratike, por nuk funksionojnë në raport me mua”.

I ftuar në një studio televizive, Rama komentoi zhvillimet në raport me opozitën gjatë vitit 2019, nisur nga djegia e mandateve, bojkoti i Kuvendit deri te protestat.

Lidhur me vendimin për zëvendësimin e deputetëve të opozitës në KQZ pas djegies së mandateve nga ana e tyre, Rama tha se vendimmarrjet ne i marrim kolegjialisht në një grup drejtuesish në PS dhe në rastin konkret vendimmarrja i ka takuar Kuvendit.

“Së dyti nëse kjo paska qenë një qasje kërcënuese si: o bëj si them unë, ose unë do largohem kërcënimet, gjuha dhe mjetet e forcës jo vetëm që nuk janë të arsyeshme në një situatë pluralizimi dhe të institucioneve demokratike, por nuk funksionojnë në raport me mua”, tha Rama.

I pyetur nëse ka pasur ndonjë komunikim me kreun e PD-së, Lulzim Basha pas vendimit të opozitës për djegien e mandateve, Rama tha se “unë atij i kam çuar një mesazh në ditët pas tërmetit për t’i sugjeruar që të jemi bashkë dhe kaq”.

“Jo. Komunikimi i fundit ka qenë kur PD ka qenë ende në parlament”, tha Rama./atsh

Marrëdhëniet me opozitën, Rama: Gjuha dhe mjetet e forcës nuk funksionojnë në raport me mua Read More »

Bojkoti i opozitës/Një rrugë që nuk të nxjerr asgjëkundi

Opinione, Politike / /

Kryeministri Edi Rama deklaroi sot se “nuk besoj se do të ketë më në Shqipëri një parti politike, flas për nje parti politike të një përmase të caktuar që do t’i hyjë një rruge që u vërtetua që është një rrugë e një vrasje politike, pra që nuk të nxjerr asgjëkundi”, duke folur për bojkotin e zgjedhjeve lokale vitin e shkuar nga opozita.

I ftuar në emisionin “Java” në Radio Televizionin Shqiptar, Kryeministri Rama në një bilanc të ngjarjeve theksoi se “mendoj se ajo ka që ka ndodhur vjet ka qenë një grahmë e madhe dhe e fundit e një politike, e cila tek bojkoti, tek shantazhi, tek braktisja e tavolinës, e garës ka pasur një nga gurët e betejës”.

“Ka qenë një përpjekje e bërë nga ana e tyre se do ia dalin të krjojnë një situatë pamundësie dhe të detyrojne PS dhe mua që të pranoj një zgjidhje çfarëdo duke hapur rrugë, por kjo nuk ka ndohur. Shpresoj që gjërat të ndryshojnë, kanë filluar të ndryshojnë sepse ka rënë teza ‘Ose ik, ose s’ka dhe s’kemi punë me institucionet dhe me procesin demokratik brenda insitucioneve . Opozita ka kuptuar që ka vetëm një rrugë edhe ajo është rruga që të përgatitet dhe të fitojë zgjedhjet, ndërkohë që mbase unë jam pengesa më e madhe për të realizuar dëshirën e tyre që të kthehen në qeveri dhe mesa duket e kanë të vështirë ta mendojnë këtë si një pengesë që kapërcehet duke pritur dhe duke marrë votat”, – nënvizoi Rama.

Kreu i qeverisë u shpreh se “mendoj se opozita do marrë pjesë në zgjedhje, pavarësisht se kërkesën mund ta mbajë të shtruar, por nuk ma ha mendja më që do të kemi më parti politike që do të lëshojnë territorin pa luftë politike ose do të tentojnë ta spostojnë lojën politike nga fusha e lojës demokratike në fushën e përplasjeve destruktive dhe me kërkesa thelbësisht antidemokratike.

I pyetur se ishte Kryeministri që e shtyu opozitën drejt qoshes dhe ajo nuk kishte zgjidhje tjetër, Rama tha se “nuk mendoj se kam detyrë të ndihmoj opozitën të bëhet më e fortë as të jetë më e gatshme për të fituar zgjedhjet. Unë kam detyrë që në këtë sfidë me opozitën të bëj atë që është e mundur që opozita të dobësohet natyrisht duke respektuar rregullat dhe duke ndjekur parimet e lojës demokratike pa përdorur në asnjë moment dhe në asnjë formë pushtetin për ta tkurrur, intimiduar, për ta vendosur opozitën në pozitë të vështirë./atsh

Bojkoti i opozitës/Një rrugë që nuk të nxjerr asgjëkundi Read More »

Të gatshëm të ulemi pa kushte me opozitën, por ka mungesë lidershipi

Aktualitet, Politike / /

“Ne jemi të gatshëm të ulemi dhe të diskutojmë pa kushte me opozitën për gjithçka, edhe pse nuk jemi të detyruar të biem dakord me të gjitha”, deklaroi sot Kryeministri Edi Rama.

I ftuar në një studio televizive, Rama tha se “edhe ne kemi bërë bojkot më parë, por kjo nuk na ka rritur mbështetjen e njerëzve”.

“Nuk besoj se politika e kërcitjes së dhëmbëve prodhon rezultate për ata që e gjenerojnë atë politikë, përveç kësaj i dëmton ata. Nëse nuk do të kishim humbur kohë me bojkote, do të kishim bërë më shumë, por unë them se këtu ka një problem të madh kulturor dhe të lidershipit të PD-së, është një dritëshkurtësi, iluzion”, tha Rama.

I pyetur mbi qëndrimin e partnerëve ndërkombëtarë në zhvillimet politike gjatë vitit 2019, Rama tha se “as unë, as ne në grupin e ngushtë drejtues të PS-së dhe asnjë nga partnerët ndërkombëtarë nuk e ka eksploruar opcionin e shtyrjes së zgjedhjeve”.

“Partnerët kanë qenë të palëkundur. Rrallë e mbaj mend të mos kenë pasur as tundimin, ‘hajde ta diskutojmë edhe këtë variant’. Se në këndvështrimin e tyre dhe tonin ishte e njëjta qasje: nëse hapet një herë kjo rrugë, kjo rrugë nuk mbyllet kurrë. Ndërkombëtarët kishin leximin që kjo është një çmenduri, nuk mund të tolerohet se përbën një precedent që shthur gjithë normalitetin demokratik”, tha Rama.

Ai theksoi se “influenca e opinionit të miqve ndërkombëtarë të Shqipërisë, është goxha e madhe dhe kapaciteti i tyre për të ngulmuar dhe vendosur nën presion klasën politike në Shqipëri nuk është i vogël”.

“Nuk e di çfarë kanë komunikuar me palën tjetër, di që ka pasur komunikime dhe që kanë qenë më të ashpra se sa prononcimet publike, se për ta ka qenë jashtë mundësisë për ta kuptuar se çfarë do të thotë kjo, si mundet që një pakicë t’i imponohet një shumice duke kërkuar ndryshim të raporteve në tavolinë”, tha Rama./atsh

Të gatshëm të ulemi pa kushte me opozitën, por ka mungesë lidershipi Read More »

Shengeni Ballkanik, proces që ka nisur prej 5 vjetësh/ Kosova humbet shumë duke mos qenë pjesë

Aktualitet, Opinione, Politike / /

Kryeministri Edi Rama deklaroi sot në mbrëmje se “Kosova humbet shumë duke mos qenë pjesë e Shengenit Ballkanik, ndërsa në aspektin e marrëdhënieve me të gjitha vendet përfitimet janë të qarta”.

I ftuar në një studio televizive, Rama tha se “Shengeni Ballkanik është një proces që ka nisur prej 5 vitesh”. “Të gjithë komponentët e tij, përveç lëvizjes së lirë të njerëzve, janë të shkruar në proces. Lëvizjen e njerëzve e kam kërkuar unë dhe kam hasur atëherë në kundërshtimin e Serbisë për shkak të Kosovës. Tryeza u organizua pasi u la që nuk ka kushte për askënd dhe nuk i imponohet askujt”, tha Rama.

Sipas tij, “janë 4 parime të lirisë së BE-së që duhet, sipas nesh, të zbatohen dhe në rajon”. “Nëse Shqipëria dhe Kosova nuk kanë mundur dot deri më sot ta hapin kufirin për lëvizjen e lirë, sot këtë gjë mund ta bëjmë. Kosova nuk është e detyruar të bëjë të njëjtën gjë me Serbinë nëse nuk do”, sqaroi Rama.

Kryeministri theksoi se “liria e lëvizjes së mallrave, njerëzve, kapitaleve, shërbimeve sjell vetëm të mira për ekonominë tonë”.

Në dimensionin ndërkombëtar, Rama tha se “kjo e ndihmon edhe vetë procesin e njohjes përfundimtare të Kosovës, rrit reputacionin, besueshmërinë dhe e bën edhe vetë Serbinë që ta shohë realitetin në sy”.

“Uroj shumë që Kosova të marrë pjesë, duke qenë në tavolinë është e barabartë mes të barabartësh dhe të përfitojë nga procesi. Këtu nuk është bërë ndonjë gjë që bëhet për herë të parë si temë. Thaçi, Mustafa, Haradinaj kanë qenë në të gjitha tryezat dhe janë dakordësuar. Nuk kam asnjë mëri, kam thjesht dhe vetëm neveri ndaj reagimeve që në vend se të përballin argumentet, prekin plagët dhe luajnë mr emocionet e njerëzve që kanë kaluar nga tragjedia dhe i hedhin një helm patriotik ajrit mes nesh duke më veshur mua gjëra që nuk kanë lidhje. Ata që nuk bëjnë dot bashkë dy parti për Kosovën, se nuk ndajnë dot karriget, janë bashkë për të transferuar të gjithë situatën e udhëkryqit pa strategji te ‘vëllai i Vuçiçit’ në Tiranë”, tha Rama.

Kryeministri theksoi se “takimet janë periodike dhe janë në proces”. “Çfarë ka këtu të keqe? Ne jemi në marrëdhënie me të gjitha shtetet, nuk jemi në luftë. Ne lëvizim, bëjmë tregti, shkëmbejmë. Heqja e vizave, e kontrolleve në kufi, lehtësimi i orëve të pritjes për eksportuesit… Ku është e keqja këtu? Ne nuk diskutojmë për fuqi globale por për tregje të vogla, që duke u zgjeruar përfitojnë të gjithë”, tha Rama. /atsh

Shengeni Ballkanik, proces që ka nisur prej 5 vjetësh/ Kosova humbet shumë duke mos qenë pjesë Read More »

Negociatat në 2020?/ Rama: Asnjë nuk mund ta thotë sot

Aktualitet, Opinione, Politike / /

“Asnjë nuk mund ta thotë sot nëse do të hapen negociatat apo jo në 2020″, theksoi sot Kryeministri Edi Rama.

I ftuar në emisionin ‘Java” në Radio Televizionin Shqiptar, Kryeministri Rama i pyetur nëse do të hapen negociatat gjatë këtij viti tha se “askush, asnjë nuk ka sot në kontinent që mund të thotë ‘Po’ do hapen as ‘Jo’ s’do hapen. Të gjithë kanë arsye që lidhen me ta dhe s’lidhen fare me ne, të cilat i pengojnë të thonë “Po” ose “Jo” sot”.

I pyetur cili ka qenë çasti më i vështirë që i ka mbetur në mendje në 2019, Kryeministri Rama tha se ishte ora 4 e mëngjesit e datës 26 nëntor, ku tërmeti me magnitudë 6.4 i shkallës Rihter goditi Shqipërinë.

Ngjarja më e bukur për të është ditëlindja e djalit të tij, Zahos, në përvjetorin e tij të pestë, ndërsa më e keqja në 2019-ën ishte nata e mbledhjes së Këshillit Europian.

I pyetur nëse ka marrë një mesazh që e ka tronditur, që e ka lënë pa gjumë, Kryeministri Rama tha se “kam marrë kaq shumë mesazhe në telefon saqë në përgjithësi janë ndikim i drejtpërdrejt në pagjumësinë time se e kam këtë zakon që dua t’i përgjigjem të gjithëve”.

Në lidhje me pyetjen nëse do të ishte anëtari i vetëm i një jurie dhe do të zgjidhte njeriun e vitit, Kryeministri Rama tha se “do zgjidhja Ermal Mamaqin, se më ka bërë aktor tek filmi ‘I Love Tropoja’. Duke qenë se më dha mundësinë të heq edhe një merak timin të luaja në një film për mua është njeriu i vitit që kaloi”.

Kreu i qeverisë ndau edhe një urim për gazetarët duke u shprehur se “të shpifin sa më pak. Nuk kam asnjë armiqësi, me shtypin kam pamundësinë që të sillem si politikan, sepse vij nga një kohë kur kam milituar në radhët e shtypit të lirë dhe e ndiej si të pamundur të më sfidojnë në atë fushë duke më treguar edhe arat dhe duke mi treguar shpesh herë përmes broçkullave. Në 2019 nuk kam pasur asnjë përplasje kam bërë paqe të plotë”.

Ndërsa pyetjes se në 2019 ka ndërmarrë një akt për t’i mbyllur gojën medias me ligjin “antishpifja”, Kryeministri Rama tha se “nuk ka lidhje me mbylljen e gojës, ka lidhje vetëm me mundësinë që viktimat e shpifjeve mund të hapin gojën.atsh

Negociatat në 2020?/ Rama: Asnjë nuk mund ta thotë sot Read More »