Ish-kryeministri Sali Berisha duke folur në lidhje Skype në News24, rrëfeu dhe takimet e bisedat e tij me presidentin më të ri tashmë, Joe Biden.
Berisha tregoi dy takimet me Biden, ku u shpreh se ai i ka thënë fjalët më të veçanta për Shqipërinë dhe shqiptarët, që nuk ja ka thënë kurrë asnjë burrë shteti.
“Një shef ekzekutiv i SHBA me njohuri të thella për Shqipërinë, Kosovën dhe shqiptarët, me qëndrime të përcaktuara njëkohësisht miqësore. Unë e kam takuar dy herë si zv.president Joe Biden dhe ruaj kujtime shumë të veçanta. Bisedat kanë qenë të shkurtra, vetëm për Shqipërinë. Fjalët e tij për Shqipërinë kanë qenë më të veçantat që më ka thënë ndonjëherë ndonjë burrë shteti. Kurse Donald Trump, ndonëse në vitet e para të presidencës pa ndonjë motiv të spikatur për rajonin, në fund tregoi një interes shumë të gjallë dhe të veçantë për marrëveshjen Kosovë-Serbi. I bëri kombit shqiptar një shërbim të madh të pamohueshëm, njohjen e Kosovës nga Izraeli dhe shtroi një sërë çështjesh për normalizimin e marrëdhënieve ekonomike mes Kosovës dhe Serbisë. Nëse Biden është me një histori të thellë e të gjatë, por edhe miqësor, për Shqipërinë e shqiptarët, Donald Trump u angazhua së fundi me rezultate konkrete”, u shpreh ish-kryeministri.
Presidenca ka reaguar pas akuzave të kryeministrit Rama, ndaj kreut të shtetit dhe Sali Berishës për votimin pro raportit të Dick Marty-t në lidhje me akuzat ndaj ish-krerëve të UÇK-së për krime lufte.
Këshilltari i Presidentit Ilir Meta, Tedi Blushi, pas pyetjes që ngriti në rrjetet sociale kryeministri Edi Rama, “përse Ilir e votove pro Raportin e Dick Marty” shkruan në Facebook, që kryeministri të dalë në një përballje me Presidentin Meta për të marrë përgjigjen.
“E ftojmë Esadistin të dalë në përballje me Presidentin Meta para të gjithë kombit shqiptar dhe për të marrë përgjigjen sy më sy”.
Më herët, Rama e akuzoi ish-kryeministrin Berisha dhe presidentin Meta për votimin e raportit të Dick Marty, mbi akuzat e të cilit janë arrestuar dhe udhëheqësit e UÇK në Kosovë.
Postimi i plotë
Edvin Kristaq Tradhtia, armiku më i egër i kombit shqiptar, pupaci i fëlliqur i qarqeve më antishqiptare në planet, fyesi më i ndyrë i luftës së UÇK-së e gjakut të Dëshmorëve, nxitësi më i flaktë i urrejtjes ndaj Kosovës nëpërmjet veglave të UDB-së në Prishtinë e Tiranë, frikacaku që kalon Morinën me antiplumb dhe makinë të blinduar nga frika e ndëshkimit kombëtar, ka bërë sot një pyetje publike.
E ftojmë Esadistin të dalë në përballje me Presidentin Meta para të gjithë kombit shqiptar dhe për të marrë përgjigjen sy më sy.
Sa për mufkat që lëshon nga Twitter-i, as meritojnë përgjigje.
Kush të urdhëroi ty KryePis të hidhje në gjyq Kryeministrin e Kosovës?
Pse nuk ta mbajti të shkoje në gjyq o këlysh i rrahur që i vogël?
Edvin Kristaq Tradhtia dëgjoji mirë dhe mbaji shënim këto tre porosi:
1.Ju shmange gjyqit që hape në Prishtinë por drejtësisë së kombit shqiptar nuk ke për t’i shpëtuar kurrë!
2.Mos e përmend më Presidentin Ilir Meta për çështjen e Kosovës dhe çështjen kombëtare se nuk do kesh kohë as të pendohesh o Esadist i fëlliqur!
Jozefina Topalli pas rikthimit në politikë hodhi poshtë zërat për një kandidim në Tiranë, teksa e quajti një keqkuptim të madh deklaratën se nuk do të kandidonte në Shkodër.
“Nuk kam vendosur të garojë në Tiranë.”
Është një keqkuptim i madh se kudo të kandidoj”, tha ajo .
“Kam thënë që betejën më të madhe të jetës sime do ta bëj në Tiranë, pasi kjo nuk është një lëvizje vetëm e qytetit tim të dashur, por është një lëvizje që shtrihet në të gjithë Shqipërinë”.
“Sigurisht ka filluar nga Shkodra, është shtrirë në Tiranë dhe më pas në të gjithë Shqipërinë”, tha ish-nënkryetarja e PD-së dhe ish kryeparlamentarja, Jozefina Topalli.
Jozefina Topalli thotë se PD lindi si një forcë politike që do sillte pluralizmin në vend, por sot është marrë peng nga një grusht njerëzish.
Ajo tha se vendosi të sjellë tani partinë e saj të re “Lëvizja për ndryshim” sepse situata është e vështirë për vendin,prandaj edhe kërkohet medoemos ndryshimi.
Në një intervistë për gazetarin Bepin Kolvata, Topalli është shprehur se ka kaluar tre faza të rëndësishme para se të sillte projektin e saj politik, që kur PD-ja ra nga pushteti.
Faza e parë ka qenë beteja brenda PD-së, tha ajo, pasi nuk e toleroja të shihja që udhëheqësi i Partisë Demokratike, teksa ishim në opozitë, të mos bënte asgjë dhe asnjë betejë kundër kundërshtarit politik në qeveri pasi kishte një pazar që nuk mund ta imagjinoja.
Faza e dytë ka qene ajo jashtë grupit “kur na dëbuan jashtë klasës politike pasi bëmë betejën kundër dekriminalizimit”. Ajo pretendoi se nën drejtimin e Bashës në PD kërkoheshin njerëz të korruptuar.
Ne fund, u shpreh Topalli, është edhe faza e tretë që tha se besonte dhe shpresonte fort që me një drejtim të ri e të pakorruptuar të ish forcës politike të saj, opozita do ta kishte rrëzuar Ramën prej vitesh dhe nuk do të kishte arritur këtu. Jozefina tha se Basha dogji mandatet dhe i fali pushtetin lokal Ramës, pas marrëveshjes që bëri me kryeministrin në vitin 2017.
Ndërkohë, e pyetur nëse ish-kryeministri Berisha e ka uruar për “Lëvizjen për Ndryshim”, ajo tha “Sali Berisha nuk më ka uruar por ka thënë diçka të rëndësishme gjatë kësaj periudhe. Thelbi i lirisë është zgjedhja dhe respektimi i zgjedhjes është themelore për njerëzit që besojnë tek demokracia, zgjedhjet pastaj secili i ka të vetat”, u shpreh Topalli.
Pas një periudhe qetësie, është rikthyer “lufta” mes Qeverisë dhe Presidencës. Në projektligjin e mazhorancës për kompetencat e Presidentit të Republikës, bie në sy një nen i veçantë për “pamundësinë e ushtrimit të detyrës” nga ana e Kreut të Shtetit.
Neni 9 i projektligjit të propozuar nga deputetët e maxhorancës i jep kompetence, Kryeministrit, ministrit të Brendshëm, ministrit të Shëndetësisë apo çdo Kryetareve të Grupeve Parlamentare për të vënë në lëvizje Kuvendin në shpalljen e pamundësisë së Presidentit për të ushtruar detyrën.
Për të shpallur paaftësinë e Presidentit, Kuvendi ngre një Komisioni Hetimor merr një grup prej 5 mjekësh specialist, të cilët konstatojnë gjendjen e Presidentit dhe përcaktojnë paaftësinë afatgjatë apo afatshkurtër të tij.
“Presidenti i Republikës ndodhet në pamundësinë e ushtrimit të detyrës në rastet kur për motive shëndetësore, e ka të pamundur perceptimin e mjedisit rrethues ose kur për çfarëdo lloj rrethane tjetër e ka të pamundur komunikimin e lirë e të vullnetshëm. Pamundësia fizike për të ndjekur agjendën e punëve nuk përbën në vetvete shkak për vërtetimin e rastit të pamundësisë.
Pamundësia e ushtrimit të detyrës është e përkohshme ose afatgjatë. Pamundësia është afatgjatë në rastet kur Presidenti nuk mund të ushtrojë detyrën për më shumë se 60 ditë. Pamundësia është e përkohshme kur zgjat nga 24 orë deri në 60 ditë”, thuhet në nenin 9.
Pas këtij qëndrimi, kompetencat e Presidentit i kalojnë Kryetarit të Kuvendit deri në zgjedhjen e një Presidenti të ri.
Po kush e konstaton pamundësinë për të ushtruar detyrën?
Sipas pikës 3 të këtij neni konstatimi i pamundësisë bëhet sipas rastit dhe rrethanave nga Zonja e Parë, drejtori i kabinetit të Presidentit ose sekretari i përgjithshëm i Presidencës, Kryeministri, Ministri i Brendshëm ose i Shëndetësisë, si dhe nga çdo kryetar grupi parlamentar, të cilët vënë në dijeni Kuvendin menjëherë.
Komision hetimor për pamundësinë e ushtrimit të detyrës
Në pikën 4 të nenit thuhet se “për deklarimin e pamundësisë së përkohshme apo afatgjatë, Kuvendi ngre komision hetimor me detyrën për të shqyrtuar dhe vërtetuar rrethanat e rastit të pamundësisë. Kur pamundësia konstatohet për motive shëndetësore, atëherë komisioni hetimor cakton jo më pak se 5 mjekë, specialistë në fushën përkatëse mjekësore, për t’u shprehur për gjendjen shëndetësore të Presidentit të Republikës. Ekspertiza mjekësore duhet të shprehet, përveç diagnozës dhe protokollit të trajtimit mjekësor edhe për prognozën e sëmundjes dhe ndikimin e saj mbi ushtrimin e detyrës.
Ndërsa pika 5 e nenit thotë se “Komisioni hetimor mund të deklarojë pamundësinë afatgjatë të ushtrimit të detyrës vetëm në rast se rrethanat e rastit krijojnë bindjen, jashtë çdo dyshimi, se Presidentit i Republikës nuk mund t’i kthehet ushtrimit të detyrës brenda 60 ditëve nga konstatimit i pamundësisë. Përndryshe deklarimi i pamundësisë bëhet vetëm me efekt të përkohëshëm”.
Kur detyra e Presidentit i kalon Kryetarit të Kuvendit
Në pikën 6 të nenit thuhet se “Kur komisioni hetimor konstaton pamundësinë e përkohëshme të ushtrimit të detyrës, çështja i kalon për vendimmarrje Kuvendit, i cili vendos me shumicën e votave të të gjithë deputetëve që ushtrimi i përkohëshëm i detyrës së Presidentit të Republikës të bëhet nga Kryetari i Kuvendit. Kryetari i Kuvendit ushtron detyrën e Presidentit të Republikës deri në rikthimin në detyrë të tij.
Kur fillon zgjedhja e Presidentit të ri?
Pika 7 e nenit sqaron se “Kur komisioni hetimor konstaton pamundësinë afatgjatë të ushtrimit të detyrës ose kur pamundesia e përkohëshme sipas pikës 6 të këtij neni ka zgjatur 60 ditë, Kuvendi, me dy të tretat e të gjithë anëtarëve, vendos dërgimin e çështjes në Gjykatën Kushtetuese, e cila vërteton përfundimisht faktin e pamundësisë. Në rast të vërtetimit të pamundësisë afatgjatë, vendi i Presidentit mbetet vakant dhe zgjedhja e Presidentit të ri fillon brenda 10 ditëve nga data e vërtetimit të pamundësisë. Kryetari i Kuvendit ushtron detyrën e Presidentit të Republikës deri në fillimin e detyrës nga presidenti i ri”.
Meta: Nuk e njoh vendimin puçist!
Ndërkohë që drafti i mazhorancës për ligjin e Presidentit është publikuar në shtyp, Ilir Meta ka reaguar, duke i cilësuar hapat e ndërmarra nga mazhoranca si veprime “puçiste”.
“Zero interes për këto drafte dhe përpjekje puçiste. Ky është një parlament jo kushtetues, një parlament ku qytetaret kërkojnë shpërndarjen e tij të menjëhershme. Një parlament ku një pjesë e mirë janë edhe tradhtarë dhe mercenarë. Për mua ka vetëm një interes që është 25 prilli dhe populli i Shqipërisë. Unë kam nisur marshimin tim si president drejt referendumit te 25 prillit ky do të jetë një referendum shumë i qartë pasi mbi 95% e shqiptarëve do të votojnë për Shqipërinë në Europë”, tha Meta, i cili ka udhëtuar sot drejt qytetit të Bylisit.
Nga ana tjetër, Meta i është bashkuar dy grupeve polifonike “Gjergj Arianti” dhe “Bashkimi” duke kënduar kënëgën “Boria në Hekal ra”. Kreu i Shtetit ka lënë edhe një mesazh në rrjetet sociale, ku shkruan “Nuk do lejojmë askënd të na cënojë identitetin tonë kombëtar dhe trashëgiminë e vyer kulturore e artistike, që na bën krenar si shqiptarë. Malet tona më të larta!”. /NOA/
Presidenti Ilir Meta e ka nisur ndryshe ditën këtë mëngjes.
Teksa ka postuar një foto në rrjetet sociale, kreu i shtetit ka zgjedhur të bëjë një shëtitje nga liqeni Artificial i Tiranës dhe ka shijuar kafen e mëngjesit. “Mirëmëngjes!
Më pak gjumë dhe më shumë oksigjen!”, shkruan Meta.
Presidenti i Kosovës, Hashim Thaçi është me konfirmimin e aktakuzave të ngritura ndaj tij dhe dorëheqjen e tij nga posti i presidenti është kthyer në fokusin e mediave ndërkombëtare dhe ka nxitur reagimet brenda dhe jashtë Kosovës.
Por kush është Hashim Thaçi dhe cili është kontributi i tij në shoqërinë dhe politikën kosovare? Hashim Thaçi i lindur në Skenderaj të Kosovës , në vitin 1968 ai është diplomuar për filozofi në Prishtinë. Në vitet 1990-1993, ai ishte lider i lëvizjes studentore në Kosovë, kohë kur u mbyllen shkollat edhe universiteteti i Prishtinës. Me krijimin e ushtrisë çlirimtare të Kosovës, nga viti 1997 deri në 1999 Thaçi ishte një nga figurat kryesore drejtuese.
Në vitin 1999, me përfundimin e luftës së Kosovës, Thaçi u bë kreu i delegacionit kosovar në Rambuje të Francës, ku u kërkua arritja e një marrëveshjeje paqeje mes Kosovës dhe Serbisë, e cila u refuzua nga Serbia.
Thaçi është edhe kryeministri i parë i qeverisë së Përkohshme të Kosovës pas fundit të luftës. Në vitin 2001, në zgjedhjet e para parlamentare partia e Thaçit humbi zgjedhjet dhe vazhdoi rrugën si opozitar. Në 2003 ai u arrestua në Hungari për t’u liruar më pas.
Në zgjedhjet e 2007 ai u zgjodh kryeministër i vendit dhe më 17 shkurt 2008 ishte zyrtari që lexoi deklaratën e Pavarësisë së Kosovës, si shpërblim në luftën e gjatë për lirinë e vendit. Në vitin 2011, ai u rizgjodh sërish si kryeministër dhe në të njëjtin vit u akuzua nga këshilltari zvicerian Dick Marty, ku pjesëtarë të shumtë UCK-së akuzoheshin për krime lufte.
Prej Prillit të 2016 dhe deri më 5 nëntor 2020, ai mbajti postin e Presidentit të vendit. Në qershor të këtij viti, Prokuroria Speciale e Kosovës ka ngritur akuza ndaj Thaçi dhe kryetarit të Partisë Demokratike të Kosovës, Kadri Veseli, por edhe persona të tjerë për krime kundër njerëzimit ndër të cilat vrasje, zhdukje të personave, përpjekje dhe tortura. Krimet e paraqitura në Aktakuzë përshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë. Aktakuza është vetëm një padi penale e cila është rezultat i një hetimi të gjatë nga Zyra e Prokurorit të Specializuar.
Dhomat e Specializuara dhe Zyra e Prokurorit të Specializuar të Kosovës me seli në Hagë, që njihet si Gjykata Speciale për krime të luftës në Kosovë, është krijuar më 3 gusht 2015 me një amendament të veçantë në Kushtetutën e Kosovës, që në atë kohë u mbështet nga vetë Thaçi.
Kosova ndodhet sot në një nga momentet më të vështira dhe më problematike të pas pavarësisë së saj. Hashim Thaçi, Kadri Veseli, Jakup Krasniqi, Rexhep Selimi, Azem Syla dhe drejtues të tjerë të lartë të UÇK – së në vitet 1997 – 1999 dhe politikanë të rëndësishëm të Kosovës së pavarur, nisën sot një betejë të vështirë dhe të gjatë ligjore. Ata duhet të vërtetojnë përpara Gjykatës Speciale, jo vetëm pafajësinë e tyre individuale, por edhe atë të Luftës së Kosovës dhe forcës ushtarako – politike që i takonin në atë kohë. Po. Kjo është e vërteta e vetme, që nuk duhet ngatërruar me thëniet se lufta e Kosovës ishte e drejtë dhe e pastër, por liderët e saj ishin pis. Hashim Thaçi dhe të tjerë nuk po akuzohen për krime individuale, që janë të dënueshme në çdo kohë e çdo rrethanë, por për linjën e komandimit si drejtues të rëndësishëm politikë dhe ushtarakë të UÇK – së. Thënë ndryshe, ata po akuzohen për një platformë kolektive dhe të organizuar të krimeve të luftës, që unë jam i bindur që ska ekzistuar kurrë. Po akuzohen, sipas shtypit, me dokumenta të Prokurorisë serbe të Millosheviçit dhe me dëshmitarë ish oficerë policorë që kanë përgjegjësi për ngjarjet e rënda të viteve 1998 – 1999 në Kosovë. Ata duhet të përgjigjen për luftën e tyre, duke mbrojtur bazën mbi të cilën është ngritur Republika e Kosovës sot. Lufta e Kosovës nuk ishte lufta e një popullsie të shtypur dhe të dhunuar mbi baza etnike! Lufta e Kosovës ishte një shembull i jashtëzakonshëm i rrezistencës; ishte një model botëror se si kurajoja dhe krenaria, mund të dominojnë mbi shtyjen edhe kur kjo duket më e fuqishme. Ajo nuk ishte vetëm lufta e shqiptarëve. Ajo ishte një luftë morale dhe etike, që provokoi një debat të madh botëror. Ishte një luftë të cilën ne e përballëm krah SHBA, Britanisë së Madhe, Gjermanisë, Francës, Italisë, Australisë, Zelandës së Re, Hollandës dhe vendeve të tjera, demokratike të botës. E përballëm si një kauz morale, dhe patëm të drejtë. Una kam bindjen, dhe besoj se këtu bashkohen edhe shumica e shqiptarëve, se UÇK dhe shqiptarët s’kanë pasur kurrë një platformë të organizuar për krime kundër njerëzimit. Kundër civilëve të çdo etnije qofshin ata. Në këto 20 vite gjykata të ndryshme ndërkombëtare kanë gjetur përgjegjësi individuale, por asnjëherë një platformë kolektive kriminale të UÇK – së. Besoj dhe shpresoj që edhe këtë herë do të jetë e njëjtë. Hashim Thaçi nuk po akuzohet as si President i Kosovës, as si ish Kryeministër, as si politikan i mirë apo i keq. Hashim Thaçi po akuzohet se në ditën më të vështirë të vendit të tij zgjodhi ti bashkohet UÇK – së dhe të marrë përgjegjësi politike në të. Zgjodhi të luftojë dhe jo të nënshtrohet. Zgjodhi të ishte fitimtar dhe jo humbës i përjetshëm. Thaçi dhe të tjerët nuk po gjykohen për atë që janë sot, por për atë që ishin dje. Nuk po gjykohen se janë pjesë e disa formacioneve politike me simpatikë dhe antipatitë e tyre, por se në momentin më të rëndësishëm të historisë së vendit të tyre dhe të gjithë shqiptarëve ishin në anën e duhur të historisë. Po dënohen sepse në murin e varfër të historisë shqiptare, e vendosën UÇK – në dhe luftën e Kosovës si një stoli të rrallë dhe krenare. Ndaj unë besoj se mirënjohja e shqiptarëve s’do t’ju mungjë kurrë, ashtu si kurajoja për të vërtetuar edhe ligjerisht, së duke akuzuar luftën e një populli, por gabohet sërish.
Presidenti Ilir Meta dhe Kryeministri Edi Rama kanë reaguar pas konfirmimit nga Gjykata Speciale të aktakuzës ndaj Hashim Thaçit për krime lufte.
Reagimi e metës dhe Ramës erdhi pak momente, pasi Thaçi deklaroi dorëheqjen.
Rama: Gjyqi absurd, Thaçi ka gjithë mbështetjen e solidaritetin e Shqipërisë
Rama shkruan në Twitter, se Thaçi ka të gjithë mbështetjen e Shqipërisë në këtë betejë.
“Hashim Thaçi ka gjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacenueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj”, – shkroi Rama në Twitter.
Meta: Lufta e UÇK-së heroike, velrësoi aktin e dorëheqjes
Presidenti, Ilir Meta, reagoi më herët, duke vlerësuar aktin e Hashim Thaçit për të dhënë dorëheqjen nga detyra për shkak të konfirmimit të akuzave nga ana e Gjykatës Speciale.
Kreu i Shtetit përsëriti qëndrimin se beson në pafajësinë e Hashim Thaçit dhe bashkëluftëtarëve të tjerë dhe shtoi se ky është një moment për të forcuar unitetin për interesin kombëtar.
“Lufta e Ushtrisë Çlirimtare të Kosovës ka qenë e drejtë dhe heroike. Vlerësoj aktin e dorëheqjes së Presidentit të Republikës së Kosovës, Hashim Thaçi, për t’u ballafaquar me akuzat dhe besoj në pafajësinë e Tij e të gjithë bashkëluftëtarëve, sikundër është konfirmuar edhe në të kaluarën.
“Ky është një moment reflektimi për të forcuar më shumë bashkëpunimin dhe unitetin, në interesin më të mirë kombëtar”, shkruan presidenti Meta.
Pas konfirmimit të aktakuzës, Hashim Thaçi dha dorëheqjen nga posti si President i Kosovës, përmes një konference për shtyp.
Postin e mbetur bosh të presidentit të Kosovës pritet ta marrë kryeparalamentarja, Vjosa Osmani,
