Kryeministri Edi Rama mbrëmjen e sotme me anë të një videoje që u drejtohej qytetarëve ka folur edhe rreth një karantine të dytë.
Ai u ka kërkuar qytetarëve që të zbatojnë rregullat anti-covid, dhe të shmangin sa më shumë të jetë e mundur lëvizjet, pasi sipas tij vetëm në këtë mënyrë do të mund të ‘shpëtojmë’ nga një izolim i dytë.
“Ne do ta fitojmë këtë l uftë, me mund të vazhdueshëm me besim të palëkundur dhe me durim. Ju lutem të gjithëve të zbatoni rregullat. Kufizoni çdo lëvizje që është e mundur, të kufizohet. Kontribuoni që të shmangim një mbyllje tjetër. Me çdo mënyrë dhe as mos dyshoni në vërtetësinë e fakteve zyrtare që qeveria mban përgjegjësi para jush. Mos bini pre e f rikës që duan t’ju kallin në shpirt. Nga ata që ju duan mish për topin e tyre për pushtet. Do ta kalojmë këtë dimër të vështirë. Do ta kalojë edhe Shqipëria këtë të keqe. Dhe do ta heqim me forcën e karakterit tonë.” tha Rama.
Kryetari i opozitës, Lulzim Basha, komentoi sonte deklaratën e Ramës duke vlerësuar se kryeministri vazhdon të gënjejë dhe t’i ikë përgjegjësisë dhe se gënjeu në lidhje me numrat e vi ktimave.
Në daljen e sotme publike, Rama nuk u kundërpërgjigj me asnjë provë kundër, duke u mjaftuar të thotë se bëhet fjalë për shpifje e njëkohësisht vlerësoi lart mjekët e spitaleve Covid.
Basha tha se “pasi i ka braktisur dhe i ka lënë pa asnjë mbështetje mjekët dhe infermierët në frontin e përballjes me pandeminë, Rama po i keqpërdor ata”.
“Shqiptarët prisnin sot përgjigje. Por Rama vazhdon të gënjejë dhe t’i ikë përgjegjësisë. Ai ka gënjyer në lidhje me numrat e viktimave. Nuk janë shifra, por janë qytetarë, janë nëna, baballarë që kanë humbur jetën. Pasi i ka braktisur dhe i ka lënë pa asnjë mbështetje mjekët dhe infermierët në frontin e përballjes me pandeminë, ai po i keqpërdor ata.”
Për kryetarin demokrat, mashtrimi me shifrat zyrtare është përgjegjësi e Ramës dhe jo e mjekëve, që po sakrifikojnë gjithçka në këtë be tejë.
Duke përdorur sfond të ngjashëm me atë të Ramës në daljen e tij publike, Basha theksoi se Rama vazhdoi të gënjejë shqiptarët që sot prisnin përgjigje.
Këtu ai e sfidoi Ramën: “Nëse nuk ke asgjë për të fshehur, prano direkt një hetim të plotë të të gjithë informacioneve që jo mjekët, por ti, ke fshehur në lidhje me vi ktimat e COVID-19. Nëse nuk ke asgjë për të fshehur, prano direkt një hetim të plotë të të gjithë informacioneve që jo mjekët, por ti, ke fshehur në lidhje me viktimat e COVID-19. Boll u fshehe pas gënjeshtrave dhe sulmeve politike. Jepu përgjigje të vërteta qytetarëve të Shqipërisë.”
Basha bëri një panoramë të zymtë të situatës: “Njerëzit po v desin përditë. Spitalet po kolapsohen. Biznesi po falimenton. Varfëria dhe papunësia po rriten”.
Dhe arriti në përfundimin se “në vend që të ndihmojë shqiptarët, në vend që të përballet me të vërtetën dhe realitetin, Rama vazhdon avazin e su lmeve politike dhe gënjeshtrave”. /noa.al/
Kryeministri Edi Rama ka reaguar pas denoncimit të kreut të Partisë Demokratike, Lulzim Basha se numri i v iktimave që kanë humbur jetën nga COVID-19 është manipuluar nga autoritetet.
Rama thotë se ne nuk mund të jemi rasti unikal ku qeveria lu fton kundër COVID dhe opozita bashkë me Presidentin të bëjnë aleancë me COVID-in për të rrëzuar qeverinë”.
Fotogratitë nga morgu i Tiranës, të cilat pushtuan mediat sociale ditën e djeshme, Rama i ka quajtur thjeshtë klandestine, duke theksuar se shpërndarja e tyre nuk është as demokratike dhe as shqiptare, por haptazi jonjerëzore.
“Jam krenar se si ne kemi reaguar si popull në të dyja rastet. Qoftë në 26 nëntor, apo duke bërë edhe pjesën e sakrificës në përballje me virusin që po sprovon mbarë botën. Jam krenar si kryeministër se si forcat e shtetit dhe ato shëndetësore janë vënë në dispozicion të qytetarëve”, thotë Rama.
“Jam i keqardhur që kjo dalje sot u provokua nga krejt e kundërta e karakterit të fortë që i ka karakterizuar shqiptarët në këtë përballje”.
“Një pakicë e zhurmshme qëndron mënjanë, shan, akuzon dhe lufton përditë në frontin e kësaj lufte nervash”.
“Nuk jam këtu për baltën dhe pështymën që marr përditë nga pakica e zhurmshme. Mua të sharat që më adresohen më bëjnë më të fortë dhe realisht me japin më shumë energji për t’i udhëhequr betejat tona në çdo fushë”.
“Në mes te një luftë mund të sfidohet edhe qeveria, por edhe ekspertiza, por nuk mundet që deri edhe Presidenti të krijojë komitetin alternativ edhe opozita gjithashtu, ku një komitet thotë që të mbahen maskat dhe një tjetër të thotë që qytetarët të shkojnë në kisha dhe xhamia të luten për largimin e qeverisë”.
“Ne nuk mund të jemi rasti unikal ku qeveria lufton kundër COVID dhe opozita bashkë me Presidentin të bëjnë aleancë me COVID-in për të rrëzuar qeverinë dhe duke shpërndarë fotografi klandestine nga m orgu i spitalit. Nuk është as demokratike dhe as shqiptare, por haptazi jonjerëzore”. /NOA.al
Shqiptari Lulzim Basha duhet të jetë nga ata që sa herë të flasë për Kosovën e Shqipërinë të përulet me një nderim e respekt të jashtëzakonshëm. Shumëfish më të madh se çdo shqiptar i Kosovës dhe Shqipërisë. Sa zemërgjera janë treguar këto troje me Lulzim Bashën, këtë ai duhet ta dijë mirë.
Ende pa përfunduar studimet, ende pa u diplomuar, merr një nga postet më të rëndësishme pranë strukturave të Tribunalit të Hagës që po investigonte për krimet e luftës të kryera në ato anë. Bëhet veshi, syri dhe goja në shqip e anglisht i njerëzve që kërkonin të vërtetën.
Cili i ri do ta kishte këtë fat pa patur ende një diplomë në CV? Akoma është mister kjo çudi e Mr. Lulzim Bashës, siç bëhen përditë mistere deklarata, veprime e dëshmi rreth tij.
Z.Lulzim Basha duhet të jetë shumëfish i nderuar se nisi një superkarrierë edhe në Shqipëri. Ende pa pasur një diplomë u projektua në lidershipin e partisë kryesore të djathtë, duke marrë postet më të larta deri në çelësat e mësuesit shpirtëror të tij, zotit Sali.
Tirana është kaq shumë zemërgjerë me z. Lulzim Basha, pasi një rrogëtar partie apo institucionesh (qoftë dhe ndërkombëtare) e bëri pronar jo të një apartamenti, por plot dy katesh të tëra të një pallati në zemër të Tiranës. Le të pyesë e të informohet çdo shqiptar i Kosovës dhe i Shqipërisë nëse ndonjë prej shefave të Lulzim Bashës në Tribunalin e Hagës, në Holandë, ka një pasuri të tillë të paluajtshme në vendet ku jetojnë e nga vijnë.
Le të interesohet kushdo se sa fat me pasuritë dhe postet politike është ndonjë nga shefat e Hagës, të cilëve Basha iu ishte vartës, për të kuptuar zemërgjerësinë e pafundme që Shqipëria e Kosova ka me këtë individ.
Le të informohet çdo shqiptar që njeh pak matematikë se si mund të dalë llogaria që të kesh luksin të braktisësh sarajet pranë Stadiumit Kombëtar e të qëndrosh “falas”, me qira a si pronar në vila oligarkësh në periferi të kryeqytetit.
Jo vetëm kaq, por të blesh apo të marrësh me qira edhe në bregdet përsëri vila që të gjithë njohim mirë çmimet dhe vlerat e tregut të çmendur imobiliar në Shqipëri.
E ka këtë luks ndonjë titullar në Tribunalin e Hagës, me rroga shumëfish më të larta se Mr. Basha? Dhe kjo është vetëm ajo që duket. Maja e një ajsbergu që vetëm një shtet i vërtetë do ta zbulonte se nga ushqehej.
Llogaritë nuk dalin me z. Basha sido që t’i bëjmë ato e me gjithë tolerancën që duam të tregojmë ndaj tij. Cilat janë faturat që ai paguan për të pasur këtë zemërgjerësi?
Kujt ja paguan shërbimet e tij? Eshtë nd ezur një debat që do të shuhet edhe si shumë të tjerë: e ka z hdukur apo jo z Basha kasetën e masakrave në Kosovë? Nuk e dimë. Një superinvestigim e një supershtet që ende nuk e kemi, do të duhej ta bënte këtë.
Deri tani po dëgjojmë dëshmitarë që ja kanë dhënë këtë kasetë, që e kanë parë në vendgjarje e si protagonist i pasluftës në Kosovë.
Basha ishte aty, në krah të investiguesve ndërkombëtarë: Syri, veshi, goja e tyre në shqip dhe anglisht. Nuk e dimë nëse ka qenë dhe dora e dikujt aty. Shqipëria dhe Kosova duhet ta tregojnë: pse kjo zemërgjerësi me këtë individ?/ Alba Malltezi
LSI zgjedh sot kryetarin dhe strukturat e reja, përmes votimit të anëtarësisë që do të zhvillohet “on line”.
Ka nisur sot në orën 09:00 procesi i zgjedhjeve brenda Lëvizjes Socialiste për Integrim, që do të zgjasë deri në orën 16:00.
Anëtarët e LSI-së po votojnë këtë të shtunë për forumet drejtuese dhe do të përcaktojnë strukturat që do të drejtojnë forcën politike, që aktualisht udhëhiqet nga Monika Kryemadhi.
Ndërkaq ata që nuk janë të pajisur me kartë do të votojnë pranë qendrave të votimit që janë hapur në të gjitha bashkitë.
Monika Kryemadhi kandidon e vetme, ndërsa përmes këtij votimi, që zhvillohet on line për shkak të pandemisë, do të zgjidhen edhe strukturat e partisë.
Zgjedhjet e ekipit drejtues të LSI, janë edhe zgjedhje të “ekipit fitues për zgjedhjet e 25 prillit.”
Kështu u shpreh kryetarja e KQZ-së në këtë parti Silva Caka, e ka cilësuar tepër të rëndësishëm procesin e votimit.
Në një deklaratë për media pas nisjes së votimeve në 51 qendra, Caka tha se deri më tani s’janë vërejtur mangësi në materialet zgjedhore dhe kanë nisur votimet si fizikisht ashtu edhe përmes aplikacionit online. /NOA.al
LSI zhvillon sot zgjedhjet brenda partisë për kryetarin dhe strukturat e reja drejtuese të saj.
Kryetarja aktuale e LSI Monika Kryemadhi, e cila është kandidate e vetme për kreun e kësaj force politike, ka votuar pak më parë në zgjedhjet edhe për anëtarësinë dhe strukturat drejtuese.
Ajo që ra në sy te Kryemadhi, ishte mbajtja e maskës që kryetarja e LSI e vendosi për herë të parë.
Ka qenë një anëtare e LRI që i ka dhuruar maskën Kryemadhit.
“Ju lutem ju kemi sjellë një maskë për tu mbrojtur”, i tha anëtarja e re e LSI, ndërsa Kryemadhi pasi e mori maskën dhe e vendosi, tha, “ju mbroj juve se veten s’ka nga ta mbroj.”
Kujtojmë se Monika Kryemadhi është gjobitur dy herë deri tani, sepse nuk ka mbajtur maskë në ambientet publike.
Pjesë nga deklarata e Monika Kryemadhit:
“Sot unë dhashë një votë si të gjithë anëtarët e LSI. Shoh shumë vajza të reja dhe të rinj që i janë bashkuar LSI në këto vite të opozitës. Unë sot garoj për tu rikonfirmuar. Po pres me padurim zgjedhjen e ekipit drejtues, të gjitha strukturave drejtuese që do të dalin nga ky proces. Që do të drejtojnë LSI në misionin e saj kombëtar, për t’ju dhënë shqiptarëve të ndihen në Shqipëri si në shtëpinë e tyre”.
“Jam shumë krenare për ata të rinj dhe të reja që sot kanë zaptuar dhe kanë pushtuar zyrat e qendrat e votimit të LSI, me një pjesëmarrje jashtëzakonisht të madhe. Kjo tregon se fitorja jonë në 25 prill do të jetë e madhe. Por nuk është fitore e LSi por e të rinjve”.
“Në fakt, partia ma mbledh, nuk ma mbledh dot njeri tjetër. Unë përsëri vazhdoj të mendoj që maska është një element që mbahet në ambient të mbyllur, njerëzit duhet ta mbajnë se besojnë, jo se i kërcënojnë. Shqiptarët nuk i mund as koronavirus, as varfëria, as diktatura, janë një popull që brenda vetes së tyre kanë dashurinë, solidaritetin, lidhjen dhe forcën me njëri-tjetrin”, tha Kryemadhi./NOA.al
Kryeministri Edi Rama, u është përgjigjur a kuzave të kryedemokratit Basha, i cili një ditë më parë denoncoi në një emision televiziv se autoritetet shëndetësore po fshehin numrin e v dekjeve reale që shkaktohen nga Covid 19.
Rama thotë se kundërshtari i tij politik, po cënon integritetin moral të mjekëve, duke kaluar çdo cak dhe duke u sjellë si një aktor i papërgjegjshëm.
“Për akuzën e pashembullt të Lulëzim Bashës, e cila cënon drejtëpërdrejtë integritetin moral e profesional të mjekëve të vijës së z jarrit dhe nxit dh unë ndaj tyre, do t’u drejtohem nesër shqiptarëve me një mesazh të drejtëpërdrejtë, sepse këtu është shkuar shumë shumë larg, përtej çdo caku të politikës së ulët ditore dhe këtu nuk është më fjala thjeshtë për llafet e një aktori të papërgjegjshëm!”, – shkruan Rama në Facebook.
Kryeministri thekson se përulet me mirënjohje para stërmundimit të mjekëve, të cilët prej nëntë muajsh vijojnë b etejën me ko ronavirusin për të shpëtuar jetë.
“Sot u shpreh të gjithë solidaritetin dhe mbështetjen time, profesoreshë Najada Çomos e të gjithë skuadrës së saj shembullore, duke u përulur me mirënjohje përpara stërmundimit të tyre të përditshëm prej nëntë muajsh me radhë, si edhe duke u thënë që historia e mjekësisë shqiptare do të flasë për ta kur Lulëzim Bashës e xhagajdurëve të tjerë të botës mizerabël të shpifjeve e të thashethemeve, t’u jetë harruar emri, nami e nishani!”. /noa.al/
Kryeministri Edi Rama mendon se qytetarët gabojnë kur e shohin atë si arrogant.
Gjatë një interviste për emisionin “Real Story”, këtë mbrëmje, Rama u shpreh se është “me mish e me shpirt” në shërbim të qytetarëve dhe gati për t’iu përgjigjur sfidave:
“Shumë njerëz mendojnë që unë jam arrogant. Por unë jam i gjithë me mish e me shpirt në këtë punë.
Dhe pasionohem siç jam pasionuar gjithmonë, që nga sfida për të realizuar ëndrrën time për pikturë murale që u bë histori në Galerinë e Arteve e tek të gjitha sfidat e tjera. Mbase i marr përsipër më shumë se çduhet të gjitha përballjet,”-tha Rama.
