Politike

100 të rinj braktisin LSI në Vlorë, anëtarësohen në PS/ Gjiknuri: Keni bërë zgjedhjen e duhur!

Aktualitet, Politike / /

100 të rinj dhe të reja braktisën Lëvizjen Socialiste për Integrim duke ju bashkuar Partisë Socialiste të Vlorës. Drejtuesi politik i socialistëve në këtë qark Damian Gjiknuri zhvilloi një takim simbolik me një përfaqësi prej tyre të cilëve ju dorëzoi kartat e anëtarësisë.

Mirëseardhjen në familjen socialiste jua shprehu kryetari i PS-së së Vlorës Anduel Tahiraj.

“Me lejoni që të ju uroj mirëseardhjen në Partinë Socialiste dhe të gjithë seëbashku në 25 Prill të mbështesim drejtuesin tonë politik Damian Gjiknuri, të mbështesim Partinë Socialiste, të mbështesim Edi Ramën dhe mbi të gjitha të mbështesim Vlorën”, u shpreh Tahiraj.

Sekretari për kordinimin elektoral Shkëlqim Selami shprehu bindjen se të gjithë anëtarët e LSI do ti bashkohen gradualisht Partisë Socialiste si e vetmja alternativë zhvillimi për vendin dhe Vlorën në veçanti.
“Vijnë këtu sepse nuk e gjejnë veten atje dhe nuk kanë se si ta gjejnë veten atje. Një parti që është kthyer në çiflig, partia në ciflig nuk është interesi jonë. Interesi jonë është partia që mendon për të gjithë, partia që mendon për anëtarin e tij por edhe për atë që e ka votuar kundër. E vetmja alternativë është alternativa me Edi Ramën”, theksoi Selami.

Drejtuesi politik i Partisë Socialiste për Qarkun e Vlorës Damian Gjiknuri vlerësoi vendimin e të rinjve për të ju bashkuar rradhëve të Partisë Socialiste të Vlorës.

“E ardhmja juaj është me zhvillimin e Vlorës dhe me partinë që i ka bërë më shumë Vlorës. Ne nuk e kemi me propagandë, ne e kemi me vepra. Vlora po ndryshon përditë. Qyteti që të ketë të ardhme do të rinj që të jenë të angazhuar në politikë, të angazhuar në jetën sociale, të angazhuar në ndryshimet që po ndodhin në Vlorë. Prandaj, pjesëmarrja juaj duhet të jetë sa më e madhe dhe duhet të sillni sa më shumë shokë e shoqe”, tha Gjiknuri.

Ai insistoi se në rradhët e Partisë Socialiste nuk ka asnjë paragjykim për ata që duan ti bashkohen dhe kontribuojnë për këtë forcë politike dhe se dyert do të jenë të hapura.

“Keni bërë zgjedhjen e duhur pasi e thashë, ne nuk e kemi me fjalë. Ka shumë njerëz që thurin poezi në emër të Vlorës, ka shumë njerëz që e përmendin Vlorën por le të tregojnë me gisht se çfarë kanë bërë në të kaluarën për Vlorën. Njerëzit dinë të krahasojnë. Nuk mundet të besohet një njeri që të shet të ardhmen pa treguar se çka bërë në të kaluarën. Nuk besoj se asnjë forcë tjetër do mund ti vërë gishtin një gjëje themelore ndryshuese që ka bërë për Vlorën përveç Partisë Socialiste”, nënvizoi Gjiknuri.

100 të rinj braktisin LSI në Vlorë, anëtarësohen në PS/ Gjiknuri: Keni bërë zgjedhjen e duhur! Read More »

Meta thirrje të rinjve të marrin pjesë në votime: Askush nuk do ta prekë votën

Aktualitet, Politike, Votime Sondazhe / /

Presidenti Ilir Meta u ka bërë thirrje të gjithë të rinjvë shqiptare që të marrin pjesë në atë që ai e quan ‘referendum historik i 25 prillit’.

Thirrja e kreut të shtetit është bërë me rastin e Ditës Globale të Zgjedhjeve, ku presidenti shkruan se vota është fuqia e vërtetë e çdo qytetari dhe sidomos të rinjve.

Në fund të statusit të tij në mediat sociale, presidenti Meta nënvizon se do tu garantojë shqiptarëve se është i vendosur dhe i angazhuar për të mos lejuar askënd që të prekë votën.
“I garantoj të gjithë shqiptarët se jam i vendosur dhe i angazhuar për të mos lejuar askënd të prekë votën e tyre!

Me rastin e Ditës Globale të Zgjedhjeve, u bëj thirrje të gjithë të rinjve dhe shqiptarëve, të marrin pjesë në referendumin historik të 25 prillit 2021.

Vota është fuqia e vërtetë e çdo qytetari, sidomos e të rinjve, që kërkojnë dhe mezi presin ndryshimin e madh. Pjesëmarrja në zgjedhje, është një mision patriotik. Askush nuk duhet të mungojë!

I garantoj të gjithë shqiptarët se jam i vendosur dhe i angazhuar për të mos lejuar askënd të prekë votën e tyre!”- shkruan presidenti Meta.

Meta thirrje të rinjve të marrin pjesë në votime: Askush nuk do ta prekë votën Read More »

Premtimi i Bashës: Kurse falas deri në 35 vjeç për 5 gjuhë të huaja! Çdo familje do ketë laptop

Aktualitet, Opinione, Politike / /

Kryedemokrati Lulzim Basha ka deklaruar gjatë prezantimit të programit të PD për arsimin se brenda 4 viteve të qeverisjes demokrate çdo familje do të ketë të paktën një tabletë, laptop ose kompjuter në shtëpi. Basha shtoi se kjo është e ardhmja dhe ajo nuk duhet lënë në duart e atyre që janë shkëputur nga hallet e përditshme.

Kreu i PD theksoi se çdo fëmijë do të arsimohet pavarësisht statusit social, ekonomik apo aftësive të kufizuara.

“Unë angazhohem që brenda 4 viteve, çdo familje do të ketë të paktën 1 tabletë, leptop ose kompjuter në shtëpi.
Kjo është e ardhmja jonë dhe ne të ardhmen tonë s’mund ta lëmë në duart e atyre që janë shkëputur krejtësisht nga hallet e përditshme dhe hallet e njerëzve.

Ne do të sjellim arsimim cilësor për të gjithë. As edhe një nxënës nuk do të lihet pas dore apo diskriminohet. Do të arsimojmë çdo fëmijë, pavarësisht statusit të tyre social, ekonomik apo aftësive të kufizuara. E përsëris, nuk do të ketë bir dhe bijë shqiptari që të mbetet pa arsim për shkak të pamundësive ekonomike të prindërve të tyre”, u shpreh Basha.

Një tjetër pikë e programit të PD për arsimin, tha Basha, është kurse falas deri në 35-vjeç, për 5 gjuhë të huaja—anglisht, gjermanisht, spanjisht, frëngjisht dhe italisht!

“Do të ofroj për çdo të ri dhe çdo të rritur shqiptar deri në 35 vjeç kurse private pa pagesë të platformës së mirënjohur amerikane Wducation World Wide për 5 gjuhë të huaja—anglisht, gjermanisht, spanjisht, frëngjisht dhe italisht! Të rinjtë tanë në shkolla dhe ata në tregun e punës duhet dhe do të jenë gati për investimet e mëdha që do të vijnë në Shqipëri me qeverinë e re, do të jenë gati për të mbushur vendet e reja të punës në turizëm, në prodhim, IT apo shërbime”, tha Basha.

Premtimi i Bashës: Kurse falas deri në 35 vjeç për 5 gjuhë të huaja! Çdo familje do ketë laptop Read More »

Lulzim Basha prezanton programin e Partisë Demokratike për arsimin: Mësuesit do marrin 700 euro në muaj, pedagogët 900

Arsim, Politike / /

Nën moton “Shqipëria fiton”, kryedemokrati Lulzim Basha, ka prezantuar sot programin e Partisë Demokratike për arsimin.

Në prani të ekspertëve të arsimit, nga selia blu, Basha tha se ky plan, është më i miri, duke e cilësuar arsimin si bazën dhe të ardhmen e shoqërisë.

Ai theksoi se programi do të ndryshojë sistemin aktual të arsimit. Pika e parë e planit të Bashës, është shpërndarja e teksteve falas për 350.000 nxënës.

Po kështu, ai shtoi se fëmijët e të gjitha familjeve në nevojë, do të përfitojnë paketë shkollore gjatë gjithë arsimit parauniversitar.

Basha premtoi se do të ofrojë për çdo të ri dhe çdo të rritur shqiptar deri në 35 vjeç, kurse private pa pagesë të platformës së mirënjohur amerikane “Education World Wide” për 5 gjuhë të huaja.

Kreu i demokratëve, u zotua se do të rrisë me 60% pagat e mësuesve dhe as edhe një mësues nuk do të marrë më pak se 700 euro në muaj rrogë.

Ai premtoi rritje të pagave me 50%, duke iu garantuar pedagogëve shqiptarë paga prej 900 eurosh në muaj dhe profesorëve, paga prej 1.300 euro.

“Përsëris sot angazhimin tim para studentëve shqiptarë, se me qeverinë e re të dalë pas zgjedhjeve të 25 prillit, ne do të paguajmë 10 mijë stazhe 12 mujore për studentët më të mirë çdo vit, – deklaroi kryedemokrati. – Brenda 4 viteve, çdo familje do të ketë të paktën 1 tablet apo kompjuter në shtëpi. Ne do të arsimojmë çdo fëmijë, pavarësisht statusit të tyre social, ekonomik apo aftësive të kufizuara”. /noa.al/

Lulzim Basha prezanton programin e Partisë Demokratike për arsimin: Mësuesit do marrin 700 euro në muaj, pedagogët 900 Read More »

Vajza e ish prokurorit të n djerë do të përfaqësojë Partinë Socialiste në zgjedhjet e 25 Prillit

Aktualitet, Politike / /

Vajza e ish prokurorit të n djerë, Xhevat Hana, do të përfaqësojë Partinë Socialiste në zgjedhjet e 25 Prillit në zonën e Rrajcës dhe të Prrenjasit.

Për të çuar përpara kontributin e të atit në shërbim të vendit, Albana Hana u bë pjesë e skuadrës së Partisë Socialiste përmes platformës “Deputeti që duam”.

Kryetari i Grupit Parlamentar Socialist Taulant Balla prezantoi Albanën në fshatin e saj në Rrajcë

Albana Hana ka studiuar Shkenca Sociale dhe Drejtësi pranë Universitetit të Tiranës dhe mban gradën Master në fushën e Demokracisë dhe të Drejtave të Njeriut në Evropën Juglindore nga Universiteti i Sarajevës dhe Bolonjës./NOA.al

Vajza e ish prokurorit të n djerë do të përfaqësojë Partinë Socialiste në zgjedhjet e 25 Prillit Read More »

Sh okon me deklaratën, politikani shqiptar: ‘Kanë dashur të më vr asin, më kanë bërë at entat’

Opinione, Politike / /

Anëtari i Kryesisë së PDK-së, Xhavit Haliti ka thënë se ndaj tij ishin bërë at entate dy-tri herë dhe kishin dashur ta vra sin.

Haliti në Pressing të T7 ka thënë se është bërë propagandë, sipas tij, për ta eli minuar politikisht.
“Kemi realizu një projekt që nuk realizohet dy herë. Nuk lejoj kurrë me man iplulu me projektin e UÇ K-së, askënd, as Vet ëvendosjen as LDK-në, as vëllaun tem.

Propaganda që është bë e di pse është bë. Është bë edhe në kohën e Se rbisë. Më kanë ba ate ntate dy tri herë, kanë dashtë edhe me më vr a. Kjo që kanë bë pr opagandë e kanë bë me më el eminu politikisht”, ka thënë Haliti.

Sh okon me deklaratën, politikani shqiptar: ‘Kanë dashur të më vr asin, më kanë bërë at entat’ Read More »

Rama komenton programin ekonomik të PD-së: Si karakteri i liderit, pa bosht dhe shtyllë kurrizore

Aktualitet, Opinione, Politike / /

Kryeministri Edi Rama ka komentuar sërish programin ekonomik të Partisë Demokratike që ka prezantuar para nisjes së fushatës elektorale për zgjedhjet e 25 prillit. Kreu i qeverisë shqiptare e cilësoi programin e PD-së pa shtyllë kurrizore. Nga ana tjetër Rama deklaroi se jemi të vetëdijshëm për nevojën që të bëjmë një rishikim të progresivitetit për të ardhurat personale.

“Kam përshtypjen që është kohë e hu mbur të diskutojmë propozimet e PD-së pasi në tërësinë e vet programi i PD është si karakteri i liderit të PD, i dobët dhe pa shtyllë kurrizore, por sidoqoftë vlen në parim them që t’i përgjigjem pyetjes suaj sepse është një diskutim parimor që ndan qartësisht rrugët dhe alternativat tona. Taksa e sheshtë është taksë për të pasurit, taksa e sheshtë është taksë për tu dhënë edhe më shumë atyre që fitojnë më shumë dhe për tu marrë shpirtin atyre që fitojnë më pak. kjo është pak por e sigurt.
Sot jemi në kushtet kur taksa jonë që unë e quaj taksim i ndershëm dhe që konsiderohet si koncept taksë progresive është qartësisht një taksë që ka dhënë rezultat, qoftë në aspektin e moralit shoqëror qoftë në aspekti ne të ardhurave për individët dhe për shtetin. 23% të cilit iu i referoheshit është keqinterpretim.

23% nuk fillon në atë pikë ku iu referuar 1.6 dhe ky është fakt. Natyrisht që ne jemi të vetëdijshëm për nevojën që të bëjmë një rishikim të progresivitetit për të ardhurat personale me synimin që të jemi më të hapur ndaj nevojës së atyre që janë jo në pjesën e sipërme fare tek të ardhurat personale por në pjesën që ju pr ekët, por kjo do të bëhet bazuar në…e para bindjen se është koha për të bërë dhe ne e kemi këtë bindje dhe e dyta do të bëhet pa asnjë lidhje me fushatën elektorale”, deklaroi Rama.

Rama komenton programin ekonomik të PD-së: Si karakteri i liderit, pa bosht dhe shtyllë kurrizore Read More »

‘Kishim projekt me Bashën ta çonim LSI-në për skrap’, Rama: Basha më tr adhëtoi

Aktualitet, Politike / /

Kryeministri Edi Rama ka go ditur fort opozitën ditën e sotme.
Rama tha se çu arja për skrap e Lëvizjes Socialiste për Integrim ishte projekt i përbashkët me kreun e PD, Lulzim Basha, por sipas tij, ky i fundit e tr adhtoi.

Rama tha se LSI është projekt që duhet zhbërë dhe sistem që duhet çmontuar.
“Çu arja për skrap e LSI-së, ishte një projekt i përbashkët me Lulzim Bashën, por i tradhtuar nga Basha.

Se unë nuk e kam tra dhtuar projektin, Lulzim Basha e ka tradhtuar projektin sepse ishte ai që e ndau me demokratët domosdoshmërinë për ta çuar LSI-në për skrap dhe sot është thjesht një aksioner në SHPK-në e katër ortakëve ku ai është ortak minorance, se ortakët kryesorë janë Saliu dhe Ilir Meta.

LSI është projekt që duhet zhbërë, këtu nuk është çështje personash. Unë gjithmonë kam besuar se nuk janë njerëzit që korruptojnë sistemet, por sistemet korruptojnë njerëzit. Unë besoj që LSI-ja është një sistem që duhet çmontuar komplet. Kështu besoj, kam besuar dhe besoj”, deklaroi Rama.

‘Kishim projekt me Bashën ta çonim LSI-në për skrap’, Rama: Basha më tr adhëtoi Read More »