Opinione

Në ditët në vijim pritet që të ketë arrestime të bujshme në nivele të larta të policisë së shtetit. Kështu u shpreh mbrëmjen e sotme në emisionin “5Pyetjet nga Babaramo” gazetari Sokol Dema. Ai tha se janë mbi 70 punonjës policie në hetim dhe disa shefa komisariatesh kanë dhënë dorëheqjen.

“Në total janë zyrtarisht diku 71 punonjës policie që po hetohen nga SPAK-u. Arrestimet janë deri në nivele drejtuese dhe arrestimet do të vijë kohë pas kohe. Në vijim do të ketë surpriza. E kam të sigurt, që ka disa shefa që janë larguar, janë zëvendësuar, e kanë lënë detyrën. Ka emra shumë të rëndësishëm” tha ai.

Juristi Ylli Manjani ka shpjeguar në një intervistë për “Now me Erla Mëhillin” se si nisen mesazhet aq të sigurta nëpërmjet Sky Ecc dhe EnchroChat.

Ai tha se bëhet fjalë për programe të koduara që fizikisht janë si WhatsApp, Viber, Telegram apo Signal, programe të tjera komunikimi me mesazhe të enkriptuara.

Por ndryshe nga aplikacionet e tjera, Sky ofron dhe telefona që ndihmojnë sigurinë e përdoruesit. Mesazhet janë të koduara dhe mund ta lexojë vetëm marrësi. Pra, siç sqaroi Manjani nuk bëhet fjalë për abonentë, por për kode.

“Kodi im dhe kodi jot njihen në platformën e shërbimit me njëri-tjetrin,” – tha ai.

Ndërkohë, në Sky mesazhet që dërgohen fshihen për 90 sekonda dhe as kompania që i ka shitur telefonat nuk i ruan dot mesazhet .

Sidoqoftë, Manjani bëri të qartë se me ligj përdoruesit e Sky nuk kanë pse dënohen pa pasur prova të forta, pasi i tillë aplikacion nuk është i dënueshëm apo i ndaluar me ligj.

Gazetarja Klodiana Lala ka dhënë detaje në lidhje me Erzen Breçanin, i cili ndodhet në burg së bashku me të birin dhe disa të tjerë për përfshirje të trafikut të drogës.

Në një intervistë për Euronews Albania, Lala theksoi se Breçani në seancën gjyqësore synonte që të vinte dhe kreu i SPAK Altin Dumani.

Sipas Lalës, avokatët e Breçanit pretendojnë se Prokuroria nuk ka prova pasi asnjëherë nuk e ka pasur telefonin e Breçanit.

“Breçani insistonte që në seancë gjyqësore të vinte kreu i SPAK. Pra Prokurori ishte Vladimir Bara dhe drejtues i hetimit ishte Altin Dumani. Ai ka pretenduar se ishte në burg prej të birit. Avokatët janë duke synuar që të mos e konsiderojnë provë të dhënat e marra prej “Sky”. Prokuroria nuk e ka një provë të tillë, për shembull si marrja e celularit.

Ish-ministri Ylli Manjani i është drejtuar ish-kryeministrit Sali Berisha në emisionin “Now me Erla Mëhillin”, duke i thënë se ‘ndoshta me veprimet e tij politike po merr në qafë edhe familjen e tij’, duke iu referuar arrestimit të dhëndrit të tij, Jamarbër Malltezit.

Berisha i është përgjigjur Manjanit duke i thënë se sulmet politike ndaj familjes së tij janë motivim për të dhe ‘ushqim’ për betejë.

Ai shtoi se edhe vetë Malltezi ka qenë i përfshirë ndaj denoncimit të aferave korruptive të qeverisë së kryeministrit Edi Rama.
Pjesë nga diskutimi në studio:

Manjani: Që të gjitha këto lëvizje janë politike, kjo nuk ka diskutim. Pushteti, padiskutim që sulmi është ndaj jush dhe drejtësia brenda ligjeve ka bërë maksimumin, pasi po të ishit 69 vjeç megjithë keqardhje do të them se me këtë klimë do të kishin fut brenda. Por kanë bërë maksimumin. Të marrësh një masë shtrënguese, pa një çështje, është politike, vjen erë kjo gjë. Ajo që është edhe më anormale është se ndëshkohen familjarë të tutë. Malltezi aq ditë burg sa bëri i ka bërë për shkakun tuaj, edhe ju e pranoni. Doktor si zgjidhet kjo gjë, mos po merrni në qafë familjen? Dhe sa ndikon kjo te politika se ky është muhabeti.

Berisha: Jo ata janë njerëz që kanë jetuar me politikën. Malltezi është dhëndri im, por ju e dini se vetëm për djegësat ai ka të publikuar 293 statuse. Ka shumë statuse për pallatin e Linda Ramës, për sarajet e Surrelit. E kanë me mua s’ka diskutim, por kjo është zgjedhja jonë, i jemi përkushtuar një linje politike të caktuar. Kjo më motivon edhe më shumë mua, është ushqim për betejë.

Gazetari investigativ Artan Hoxha ndërsa ka dhënë detaje të reja nga dosja “Metamorfoza 2”, e cila pas përgjimeve të dala pas zbërthimit të SKY ECC çuan pas hekura ish-zv.Drejtorin e Policisë së Tiranës Erzen Breçanin, shefin e komisariatit numër 6 Dedan Gjonin, Besmir Muratin dhe Bujar Gërmizin, ndërsa janë shpallur në kërkim 6 persona, mes tyre Eralbi Breçani dhe Ervin mata.

Ndërsa ka folur për rolin e Erzen Breçanit në përgjime, Hoxha tha në emisionin “Të Pakespozuarit” se ai ka qenë një personazh mjaft i rëndësishëm në Tiranë, për shkak të të shkuarës së tij në forcat speciale.

Sipas Hoxhës në kohën kur të gjithë kishin frikë nga ERvis MArtinaj dhe terrorizoheshin prej tij, ky i fundit kishte frikë nga Erzen Breçani.

Ai tha se Martinaj nuk u hakmor ndaj Ervin Matës, pasi ky i fundit kishte lidhje krushqie me Erzen Breçanin.

“Ka qenë një kohë kur lokalet në Bllok tmerroheshin kur hynte Vis Martinaj. Por vetëm në lkalet që ruheshin nga breçani nuk hynte Martinaj, se pse këtë nuk e di unë. Ju e mbani mend përplasjen e viti 2018-të në Bllok. Vis Martinaj nuk ka marrë asnjë hap për të marrë hak ndaj Ervin Matës, pasi ai sapo ishtë bërë krushk i Erzen Breçanit. E gjithë kjo shistori tregon se Ervis martinaj me erzen breçanin i qendronte larg dhe ja kishte frikën, edhe pse MArtinaj kishte lidhje të ngushta me familjen Berisha”, tha Hoxha.