Opinione

Aktivistja shqiptaro-amerikane, Evi Kokalari nuk i ndahet Lulzim Bashës edhe pse ai dha dorëheqjen nga drejtimi i PD-së.
E rreshtuar në krah të Berishës, Kokalari ka ironizuar veprimin më të fundit të Bashës.

Ajo ka publikuar pamje nga zyrat e reja të Bashës.

“Çdo mëngjes zgjohem me këtë pamje – zyrat e Bashës. #TorreDrin”, shkruan Kokalari.

Në një intervistë përballë gazetares Mirela Milori në Klan News, ish-kryetarja e Parlamentit Jozefina Topalli ka kujtuar një frazë të saj të thënë më herët që “kur të ikë Lulzim Basha, do të kthehet në PD”, gjë që e ka konfirmuar dhe në “Milori Live”. Topalli po ashtu, u shpreh se nuk ka ambicie për të qenë kryetare e kësaj partie, pasi sipas saj PD-ja e ka treguar se është e ish-Kryeministrit të vendit, Sali Berishës.

Mirela Milori: Ju do t’i bashkoheshit situatës së PD-së që është tani nëse do të kishit një ftesë nga Berisha? Ju keni gjithë autoritetin tuaj dhe nuk ka forcë që ju ndal.

Jozefina Topalli: Unë kam thënë se kur të ikë Lulzim Basha, unë do të kthehem në PD. Shumica kanë ardhur tek ato kauza që unë kam ngritur gjatë viteve. Unë do të dëshiroja që të mbështesja një proces të sinqertë dhe të vërtetë me kushtin që të gjithë ata që kanë mbështetur Lulzim Bashën gjatë kësaj periudhe të tregojnë që distancohen nga politika e klientelizmit me vepra. Unë besoj në bashkime vlerash, nëse kjo do bëhet, unë do të jem e përfshirë.

Mirela Milori: Do të thotë se do të ktheheni në PD?

Jozefina Topalli: Unë nuk jam larguar kurrë nga Partia Demokratike. Unë jam aty ku kam qenë gjithmonë. Janë të tjerët që po afrohen tek unë.

Mirela Milori: Do të mbështesnit Berishën për kryetar të PD-së?

Jozefina Topalli: Unë do të mbështes mekanizimin e votës që është i vetmi instrument që të jep legjitimitet.

Mirela Milori: A keni ambicie për të qenë kryetare e Partisë Demokratike?

Jozefina Topalli: Jo, e prerë jo! Nuk kam ambicie për të qenë kryetare e PD, kjo është parti e ka treguar se është e Sali Berishës. Të thuash të kundërtën është si të gënjesh veten. Më pëlqen apo nuk më pëlqen, ky është realiteti.

Kryetarja e LSI-së, Monika kryemadhi ka komentuar dorëheqjen e Lulzim Bashës nga pozicioni i kryetarit të Partisë Demokratike.

Dorëheqja e Bashes? “Shiko ajo duhet parë në dy këndvështrime. Çdo zvarritje e Bashës në PD, nuk e unifikonte partinë, dhe e vetmja zgjidhje që të largohej me bonsensus, do ishte pas 6 marsit. Vota e lirë i jep zgjidhje përfundimtare situatës në PD.

Nëse PD nuk është e unifikuar, nuk mund të bëhet një opozitë. Nuk është ndonjë risi në jetën politike. Normal që e prisnim. Deputetët e PD-së e kanë bojkotuar dy herë Parlamentin kur fliste ai.

Në një farë mënyre, grupi përkrahës i Bashës tashmë do bëj llogari për veten e tij. Duke pasur parasysh, që militantët e partisë janë me Grupin e Rithemelimit. Ngrirje dhe shk rirje do ketë me të.

Kjo devotshmëri kaq e madhe që ka Basha për vulën dhe PD, ta kishte për lu ftën kundër Edi Ramës, opozita do ishte në pushtet. Shantazhime që mund t’i vijnë e bëjnë Bashën që të mbajë një post politik, në mënyrë që të mos ecë më tej me dosjet Muzin dhe dosjen belge”, u shpreh Monika.

Pyetje: A ndikoi Berisha dhe LSI në dorëheqjen e Bashës? “Nuk e mendoj kështu, dua të largoj zotin Meta. Meta dekretoi vendimin e Gjykatës Kushtetuese për zgjedhjet e pjesshme vendore, ja kërkoi KQZ-së, pasi PS-së nuk e donte zgjedhjen në 5 bashki. Ne si LSI ishim vëzhgues në këto zgjedhje.

Meta ishte detyruar ta bënte. Përsa i përket zotit Berisha, ai mund të flasë vetë. Berishës i duhej të hynte në zgjedhje. Janë gjithë ata deputetë që janë themelues të PD-së, për ta ishte një mënyrë për të treguar se janë shumica e PD-së”, u shpreh Monika.