Sokol Balla i dha fund karrierës së gjatë në Top Channel pak kohë pas intervistës me ish-ministrin e Brendshëm, Saimir Tahiri në shtëpinë e këtij të fundit.
Intervista pati kritika nga presidentja e TCH, Vjodhca Hoxha, pasi pyetjet nuk ishin aspak ngacmuese në një kohë kur Tahiri ishte nën hetim si i lidhuar me Habilajt.
Sot ish-Kryeministri Sali Berisha shkruan se Balla u largua nga TCH pasi ka marrë nga Tahiri një shumë prej 200 mijë euro për intervistën.
Sali Berisha:
Të dashur miq, ministri me akuzën më të rëndë këto 27 vite pluralizëm, Saimir Tahiri ka qenë këto muaj dhe shqiptari më i pranishëm në lajmet e mediave, në studiot televizive por edhe në mediat ndërkombëtare. Kjo fushatë e Saimir Trafikut pati dhe viktimat e tij, si largimin nga puna të ndonjë drejtuesi kryesor emisioni, nën pretekstin se u pagua 200 mijë euro nga Saimir Trafiku për t’i bërë atij tualetin televiziv.
Shkaku i kësaj mbipranie është plotësisht e kuptueshme dhe nuk kam asgjë me këtë çështje. Por mbiprania e tij mbrëmë në “Opinion” ishte neveri, vetëm neveri.
Unë po ndiqja debatin për të arrestuarit e fundit, drejtues të rrugëve të të dy qeverive. Duhet thënë që në fillim se skenari i debatit ishte i ekuilibruar, moderatori kishte ftuar aty, mendoj unë, siç duhet akuzën, prokurorinë, e cila kishte zgjedhur të përfaqësohej duke i dorëzuar, me urdhër të kryeprokurorit Rama, dosjen sekrete të hetimit një njeriu që paguhet nga tre grupe kriminale, dhe si hjekës është peng i vrasjes së dëshmitarit të tij.
Sqaroj këtu se vetëm një jave pasi i mori dëshminë e një të riu ai u ekzekutua, dhe ky i quajtur mender gazetar, si për të justifikuar apo bërë të parëndësishme jetën e një njeriu, përdhos për së vdekuri viktimën e tij duke thënë se edhe ai i ri ishte i malavites (dmth punë e madhe se u vra). Por me këtë rast dua ti përsëris edhe njëherë sharlatanit Artan Hoxha, që trillon së fundi se mbrohet nga CIA, se deri sa të gjejë vrasësin e të ndjerit, dëshmitarit, ai dhe vetëm ai është i dyshuari nr. 1 si hjekes, vrasjes së tij.
Pavarësisht nga kjo, ky njeri del në çdo studio televizive duke vjellë lajme të rreme për çdo gjë, dhe që të gjitha sipas urdhërit të atyre që e kanë peng ose e paguajnë, dhe moderatorët fatkeqësisht vetëm sa nuk i thonë sharlatanit, që në çdo fjalë nxjerr një gënjeshtër, se pa ty ne nuk bëjmë dot!
Nga ana tjetër, në “Opinion”-in e mbrëmshëm përfaqesohej edhe mbrojtja e të arrestuarve, direkt me Neshat Fanen, avokatin e njërit prej tyre, Andi Tomës, sikundër normal, aty kishte edhe përfaqësues të qëndrimit proqeveritar, por dhe të tjerë të mendimit ligjor apo të themi edhe opozitar, etj…
Mendova se qëllimi i këtij debati ishte transparenca e arrestimeve, e veprave penale te te arrestuarve. Mirëpo fatkeqësisht u gabova.
Debatuesit ishin vetëm gurë shahu ne fushe, por mbreti dhe njeriu qe vodhi emisionin ishte Saimir Trafiku, qe nuk ndodhej fizikisht fare ne studio. Misteri i emisionit!!?
Kështu, papritmas, sapo z. Artan Hoxha, njeri me sens dhe njohuri juridike te admirueshme deklaroi se Andi Toma është arrestuar ne kundershtim me te gjitha kushtet ligjore te arrestimit, ne “Opinion” ranë maskat, apo si te thuash mbiu aty Saimir Trafiku.
Menjëherë përfaqësuesi i prokurorisë u hodh e bërtiti Eureka! Ai lëshoi ne studio lajmin e rreme të parafabrikuar dhe për të cilin ishte aty! “Ti përdore dy standarte, dy standarte” -, i tha ai Artan Hoxhës, – “sepse e njëjta prokurore që kërkoi arrestimin e Saimir Tahirit, po e njëjta prokurore e Krimeve të Rënda ka arrestuar edhe Andi Tomën”. “Por ju atëherë ishit dakord për motive politike kurse tani po për motive politike nuk jeni” -, bërtiste ai duke prekur xhepat, duket e kishte porositur Saje të bënte atë xhest.
Ky mashtrues ordiner mashtronte qytetaret, pavarësisht se kishte në dore dosjen që tregonte se Andi Toma ishte arrestuar nga prokuroria e Elbasanit dhe jo prokuroria e Krimeve të Rënda. Pas tij, përfaqësuesi apo papagalli i qeverisë Muç Nano, i cili të paktën nuk mund të akuzohet se ka vrarë dëshmitarë, u hodh menjëherë dhe ai kundër standardit të dyfishtë imagjinar, të shpifur e të turpshëm të z. Hoxha. Pra me çdo kusht duhet të provonin se opozita e paska sulmuar për arsye politike Edi Ramën që bllokon drejtesinë për Saimir Trafikun.
Por përsëri kjo nuk ishte kulmi pasi dihet se papagajtë e qeverisë shkojnë aty për të thënë fluturoi, fluturoi gomari.
Kulmi i ketij mashtrimi dhe manipulimi te ulet, per llogari dhe ne mbrojtje te Saje Qorrit dhe Norieges si dhe per te baltosur opoziten, arriti kur ne kroniken e pregatitur nga vet “Opinion”, ne tabele dhe me ze ishte vendosur edhe emri i Andi Tomes si njeriu i arrestuar nga Krimet e Renda, gje qe nuk kishte ndodhur kurre. Per hir te se vertetes duhet thene se te gjitha mediat, perfshi ketu televizionin Klan, lajmin e arrestimeve nga prokuroria e krimeve te renda e kishin korrekt, asnjera prej tyre nuk kishte emrin e Andi Tomes, por kronika ishte pregatitur per te nxjerre dyfytyreshe opoziten, dhe ky ishte nje operacion shume i suksesshem i Saimir Trafikut apo sugarit, qe ka pasion paruket, brenda “Opinion”-it.
Te dashur miq, shkruajta keto rradhe per nje arsye dhe vetem nje arsye. Une jam njeri qe pelqej, vleresoj shume dhe ndjek sa mundem debatet televizive dhe padiskutim vleresoj moderatoret, kontributin e tyre te vertete. Ato per mua jane nje institucion kombetar, arene tejet e rendesishme e pushtetit te katert apo atij mediatik, jane nje shkolle llogjike, mjet i fuqishem i komunikimit, qemtimit te te vertetes dhe transparences. Pra jane te pazevendesueshme.
Ne kete kontekst, çdo i ftuar ne debat eshte nje individ fort i privilegjuar sepse ai ka nje mundesi te rralle, krahasuar me bashkeqytetaret e tij, qe te perdore valen e publikut (theksoj ketu se vala eshte pasuri kombetare qe jepet me qera por ajo kur nuk privatizohet) per te treguar veten, formimin, aftesite logjike si dhe per ti transmetuar shoqerise dijet, njohurite, te dhenat, faktet, argumentet qe ai ka apo disponon. Por te gjitha keto natyrisht perbejne nje pergjegjesi te madhe per çdo njeri te pranishem ne nje studio debati.
Perdorimi i studiove per te manipuluar te vertetat dhe jo zbuluar ato, per te zene prite si primitiv dhe mbuluar krime, per mashtrime publike, per te dizinformuar qytetaret perbejne akte te shemtuara mediatike, te cilat mjerisht behen duke shfrytezuar lirine e fjales por qe demtojne rende shenjterine e saj.
Korrupsioni dhe terri shtohen me fake neës!
Une jam plotesisht i vetedijshem se moderatori ne studiot televizive sado qe te perpiqet nuk mund te arrije te parandaloje keqperdorimin e saj. Por çdo drejtues debati, qe nuk deshiron qe studio dhe ai te shfrytezohen nga interesa kriminale te grupeve te caktuara, percakton standarte. Une mendoj se çdo studio debati duhet te afishoje rubriken dhe mundesine e pergenjeshtrimit te lajmeve te rreme qe mund te prodhojne tipa sharlatane e ordinere qe shfrytezojne studion per te shpifur e trilluar ndaj tjereve ne interes te bandave dhe narkoinstitucioneve qe perfaqesojne.
Kjo eshtë nje praktike e studiove me te njohura te botes. Eshte ne detyrimin e drejtuesve te debateve te kerkojne ndjese publike ndaj te gjithe atyre qe behen objekt i sulmeve amorale pa asnje baze nga te ftuarit e tij. Perndryshe viktimat e ketyre franktiratoreve pa moral, ligje dhe standart, qe nuk jane te pranishme ne studio, jane njekohesisht viktima te tyre!
